蛇王龐

營業中

休息中

刚刚經過宜安街，見到前面好多人排隊，原來間舖頭名叫蛇王龐，唔知係咪好耐冇食过 蛇羹，覺得特別好味、舖頭出名嘅蛇羮有四個套餐選擇，我揀左A餐、都係七十五元、有蛇羮、蛇湯、糯米飯。蛇羹好足料、蛇湯都好味、糯米飯就一般、下次都係食蛇羮、飲蛇湯算了。

天氣開始凍了，梗係要食蛇羹補下身啦，觀塘宜安街有多間蛇舖，但我每年都係去蛇王龐蛇王龐都係一般蛇鋪嘅環境，都係冇裝修比較簡陋，呢度當然都一樣啦，我叫了一個大蛇羹餐，餐當然有一碗大蛇羹啦，份量應該有三個飯碗八分滿嘅份量，另外還有一碗糯米飯， 糯米飯會有少量臘味， 本身臘味飯夠味道 ，飯上面再加上花生同蔥，好正 ，當享用完蛇羹後還會有蛇湯贈送，點解每年都係幫襯佢，因佢味道好不會太多味精，蛇料足夠，每一匙每一匙都有好多蛇肉，不像其他的蛇檔，雞肉多過蛇肉，真材實料

今日同老婆及兩位長輩趁天氣凍諗住近近地去食蛇暖下身暖下胃觀塘選擇唔多,去到見到蛇王娟好多人排緊隊而對面既呢間蛇王龐門外仲有位於是就擇了蛇王龐,諗住天氣凍唔想老人家企太耐不過,不幸既事就發生,亦終於知道點解人地排晒隊而呢間仲有位首先,落單果時,我跟餐牌叫的蒸飯,而當中有唔少佢話沒有了跟住蛇羹黎到,完全沒有俾我地脆片及草仲有,我地諗住拎碗仔將二大碗既蛇羹分開四人食,我地係擇大碗的但負責人態度極差又俾晒說話我地聽而且,平時係深水步食開蛇羹蛇湯都會一齊上,我見我地蛇羹都食到差唔多就問一問佢,已經好氣好氣,點知一問,佢仲串,"你要既而家俾你囉"不特止,黎到仲要再串Ｄ話本身諗住用"蛇羹"果大湯碗黎俾蛇湯我地嘩嘩嘩,真係串到佢,我係街食咁多次由深水步食到去大埔再去埋北角等等,由細食到大都未試過有鋪頭咁做而兩老五六十歲食左幾十年蛇羹亦都未試過他的態度之差,仲要咁樣俾說話我地聽,我不得不詳述詳寫最後,當然講番蛇羹,都只是一般般,蛇肉也不多,不過這已不是重點了

天氣大概只有十度多一點點，最好不過就係食蛇羹再加個糯米飯暖暖身啦，最近屋企的宜安街就係最好選擇，一群蛇王集中地。我今天便選了蛇王龐，不要問我點解揀呢間，大概只是個人口味，覺得比對面好一點。order了一個蛇羹餐，有蛇羹，糯米飯，蛇湯都只是7x - 8x蚊，非常親民。重特登叫老闆糯米飯多花生，蛇羹很足料，老闆態度也很好，要求一概全收，用膳中老闆還跟我們傾計，有講有笑。店內還有很多蛇浸的酒，檯則的一排排蛇櫃雖則是空空如也，但也最好不要打開了

呢排轉凍，最岩去食蛇羹。宜安街有幾間蛇羹舖，一直食開蛇王娟，今次試左對面街既蛇王龐，覺得更好食呢。點左套餐A (蛇羹、糯米飯同蛇湯) 蛇羹內既蛇肉粗壯，肉質帶彈性，配料有木耳絲，荀絲同煲到已經唔辣既薑絲，口感豐富，非常鮮甜😋比起蛇王娟加埋雞肉絲既蛇羹，呢到只有蛇肉，明顯足料好多。糯米飯同蛇湯都係蛇王龐完勝👍雖然兩間既糯米都偏硬身，但蛇王龐足料好多，尤其係臘腸，臘腸切得太簿，但味道卻好香濃! 而且豉油拌勻每一粒飯，反之蛇王娟既糯米飯得面層有豉油，醬汁亦不足沾滿每粒米飯。蛇王龐既蛇湯比較熱同有中藥味，滲出當歸味，亦帶微微胡椒辣，好暖胃

天氣開始涼涼地便想食碗蛇羹暖暖身， 結果來返蛇王龐， 水準依舊好好味， 用料足，夠風味. 之前試過同一條街食蛇既地方， 唯獨這裡相對正宗及風味！下次天氣再凍少少我都會叫埋其他朋友來哩到試一試

我到蛇王龐專門品嚐蛇羮，為了確保肚子留有足夠空間，因此沒有點糯米飯和盅飯之類。蛇王龐的蛇羮用酒及藥材不俗，蛇肉軟林林的，容易入口，當中有些木耳、薑絲，微辣而不嗆喉，如喜歡更辣的，可加添枱面的胡椒粉。雖然卜卜脆不是自取，而是另上一小碟，但是如想添加，即點即到。點蛇羮會另送一碗蛇湯，香港不是每間蛇店都送湯，很視乎店鋪老闆的營銷策略。

住左係官塘呢區真係有好多年了.. 因為唔係住係呢頭附近, 黎得宜安街只有一個目的! 就係食『蛇羹』由爸爸介紹之下, 自始就好似有一套模式咁, 係深水涉就要食邊一間, 黎得官塘就係食蛇王龐爸爸講過蛇王龐係呢條街打等已經有好多年, 而且家族生意, 宜家見到連佢個仔都繼承父業, 係舖頭幫手❤️黎得呢度當然只有一個目的! 當然就係食蛇!! 蛇不是個個都好, 而愛好者就好似被佢地一股魔力吸引著😍多數黎呢度都係叫套餐, 蛇羹(細) + 蛇湯 + 糯米飯 $71糯米飯係製作時已經加入適量既豉油調味, 製作完成後加入大量立腸撈勻, 食落啖啖都有立腸而上面放上蔥花同香脆既花生, 增加原有既糯米飯層次! 👏🏻👏🏻👏🏻因為原先已加入適量豉油, 味道恰到好處已經唔使再加上其他調味了!簡簡單單既一碗糯米飯其實放左滿滿心機!❤️蛇羹(細)滿滿既一碗蛇羹, 內裡充滿著無窮無盡既蛇肉, 非常足料! 😍😍😍👍🏻蛇肉當然係蛇羹既靈魂, 老闆絕不會因貨就價, 蛇肉並唔係蛇肉絲而係蛇肉條, 食落唔會hi口但富有咀嚼感, 蛇羹不會過份杰身, 濃杰適中, 加上檸檬草提升蛇羹既清香感覺除左檸檬草外仲有不可缺少既薄脆, 呢2樣都係蛇羹不

今年自入冬以來, 雖然天氣不算很冷, 但好像仍未吃過一次蛇羮. 前陣子老爸說有間位於觀塘的蛇店, 聽說很不錯, 又在附近, 於是去了一試. 這間位於食街 - 宜安街的蛇店, 舖面較不起眼, 一不留神走過了也不知! 店內面積的確很細, 只可容納三張小摺枱.一坐下就見到蛇店必備的...毒蛇櫃!近天花位置, 店主掛了一張很有趣的橙色卡紙, 上面羅列了十大食蛇益處.這間蛇店有四種套餐, 我們選了A餐（$60）, 包括蛇羮, 糯米飯和蛇湯. 店子除了以上三種蛇的產品外, 還售賣蛇皮, 蛇胆, 蛇酒, 蛤蚧, 山瑞等等.蛇羮是落單後, 從一個大鐵鍋中取出, 所以上枱時仍然是熱的. 蛇羮看起來很不錯, 滿滿的一碗, 似乎很足料.枱面上放了檸檬葉絲, 可以按需要自行加進蛇羮內. 不過最愛的薄脆, 卻是有限量供應的, 一人只有一小碟.蛇羹的確很足料, 內有頗多蛇肉, 而且切粗條, 蛇肉有點嚼勁. 配料方面, 還有木耳絲、冬菇絲等, 用料也豐富; 湯底的味道清甜, 稀杰也適中. 蛇羹放了檸檬葉絲, 因為味道清香, 能辟去蛇肉的腥味, 吃起來也好吃一點! 不過薄脆不夠薄和不夠脆, 只是一般而已.蛇羹吃得七七

Apm睇完戲，想食糯米飯就行過嚟食宵夜。一坐低，食物都未點，店員就放低兩碗蛇湯。唔係好肚餓，我哋就叫咗個大蛇羮＋糯米飯餐（$60）share食。蛇羮真係好足料，蛇肉亦切得好粗，而且一碗份量都有酒樓湯碗大約3-4碗左右咁多，再加埋放喺枱面任加嘅檸㩚草&脆脆，真係好滿足。糯米飯唔係好大亦唔算細，有臘腸，花生，經典配搭，份量剛剛好。

相信觀塘係全香港最平吃蛇羹地區之一，可能因為呢到仲係平租+競爭大，對主面就另有2間蛇舖...言歸正傳，天氣開始凍，近年阿媽比較虛，所以就想起吃蛇補補，上openrice查下，呢間蛇王龐一個差評到無，首去就呢間，去到舖面比較細，相對對面2間應該係最細，不過就貼滿報紙，當然係老闆捉蛇d新聞+仲不聽播放TxB訪問錄影......叫左A餐+個細蛇羹，吃蛇羹送蛇湯...眼見呢道幾僅都係，其他區唔知係咪啦，鋪面得2個人，見佢地做得有d踢腳，其實連埋門口都係4張枱，不過又唔趕時間，無咩所謂；先上2碗蛇羹+蛇湯，真係幾足料，幾多蛇肉，肉味好濃...連我唔吃醋都要落少少醋中和下d肉味，但味道總體不錯，蛇湯係藥材湯，幾鮮甜...不過唔知係咪dry叫同套餐分別，個湯係一大一細......；吃到一半個糯米飯上來，well~~坦白講，認真普通，唔夠香而且幾硬，求求其其一餐係可以，不過相信下次再來唔會再叫，寧可去裕民坊小巴站個道間小販舖買...埋單HKD$7x，其實真係幾抵吃，細蛇羹HKD$26送蛇湯，上網望下周圍都係HKD$3x/碗，唔知有無湯送；出門口聽到老闆係道評論緊對面嘅友店，令我有D興趣去試下是否如老闆

八月中旬‧晴秋風一起，又是吃蛇羹的時候了。觀塘又是密集地多蛇羹店的地方，這裡也是多人來的一間。要了個A餐，蛇羹夠熱而蛇湯也清醇，可惜糯米飯又乾又硬身，臘腸很薄也沒有什麼油份貢獻在內，吃不完一碗。不過幾十元也算經濟，是吃得飽足的。

十一月下旬‧晴天寒地凍，沒有什麼比吃一碗熱辣辣的蛇羹更好。在這區都有不少蛇店，這裡的蛇羹不比其他的好（查實我覺得間間差不多），來這裡，就只因為剛好經過。要了碗細蛇羹，蛇湯幾甜，蛇肉夠多。當然不會如蛇王芬及桃花源的做得仔細，但價錢也差一大截。吃蛇羹送蛇湯，幾清鮮，喝過全身暖。再吃一碗糯米飯，飽足。

又係秋風起嘅季節, 進補開始~由於同一條街裡面有兩間食蛇鋪, 公平起見都係食完兩間先比較到, 而家我就為心中嘅冠軍寫食評~一碗非常之足料嘅蛇羹, 呢個亦係我喜歡佢嘅原因, 當我第一次食呢間嘅時候, ok, 蛇羹味道就係咁, 好味, 好飽, that's it, 之後再去對面食, 問題就發生左~總係覺得差左d野, 我講唔出係咩, 但食完只係飽左, 冇左好味同滿足. 心裡充滿疑問嘅我再食多次呢間, 我仔細究竟碗蛇羹同蛇湯有咩問題~我先發現蛇羹不只多蛇肉, 原來裡面仲有果皮同薑絲, 而我係一個好討厭食薑絲嘅人, 我又食唔出有薑味喎另外碗蛇湯當中應該仲有加其他野, 藥材之類&胡椒不過呢, 佢嘅糯米飯相比就弱d, 如果再加d冬菇落去就更加好啦~

秋天來臨是食蛇的好日子試過幾間蛇店.最好都係呢一間蛇羹 + 蛇湯 + 糯米飯 = $42蛇羹 + 蛇湯 = $231. 蛇羹 : 足料! 夠味!2. 蛇湯 : ok . 但無咩特別3. 糯米飯 : 算足料 , 飯香 , 呢度既老細係成日捉蛇既專家估唔到煮蛇羹都有一手!價錢大眾化有興趣可以一試