蛇王兄

營業中

休息中

上班被困「扮工室」，沒法子蛇，放工後又冷又餓，就點都要（食）蛇！對比灣仔蛇王燊，這裡的蛇羹明顯大碗，每碗平二元，但較稀，水份多一點。小弟覺得蛇肉沒問題，算足料，幾好，不過...進食時，鄰座的太太投訴蛇肉太硬，咬不下去，「早知叫蛇湯好過」...最後見她食剩成碗底蛇肉。

相對別處的蛇羹, 這裡的湯底稍稀和藥味重. 熟優熟劣難有定論, 反正賣30大元又比人家大碗一點, 沒少了吧.

今日去"蛇王兄"食係一位杭州朋友价紹我地這位杭州朋友每次到港必食.....所以我地今日去食,一試就知真才實料同好想再去食我地食兩個套餐A-細蛇羹+細蛇湯+(糯米飯&雞飯)一個餐$63,先講細蛇羹一食就淡淡蛇肉,而藥材味濃淡適中而蛇湯更為進補佳品,糯米飯味道OK,而雞飯味道一般,可能因不是主打所以必食推介

成年未食過蛇羹，路過太子，想起有間蛇店好耐之前幫襯過，心血來潮走去食蛇。嘩！冇來一年，原價$28蚊嘅細蛇羹加到變左$30蚊。見唔係幾肚餓，唔叫六十幾蚊，有蛇羹、蛇湯同糯米飯嘅貴價套餐，散叫一碗細蛇羹。蛇羹端來，都幾足料，蛇肉夠粗，羹也不稀不杰，加d薄脆同檸檬葉，味道都算唔錯！呢度地方細細，都算ok乾淨，偶然天氣凍凍地，入來幫襯吓暖吓胃都唔錯！呢度睇食評話糯米飯都幾好，下次肚餓嘅時候經過試吓先！

近來工作壓力極大 放工時已是晚上接近九時，突然好想食臘味飯，記得or食家話呢度d臘味糯米飯幾好食，所以就專誠兜來買度碗外賣，返家一邊食，一邊繼續做埋d又趕又煩既工作...放工返家繼續OT...人生幾悲哀都有......$ 20 一碗既糯米飯...真係好似細左少少 得大約 2cm 既臘腸同潤腸各兩粒......食左兩啖......好彩d糯米飯都幾好味~ 味道不至於太濃，糯米又夠軟身，唔錯唔錯但我喜歡食臘腸同潤腸多於d糯米飯 一定會再幫襯~~~~~~~

食完志記糯米飯，又試吓呢間ge糯米飯先。當然不是生炒啦，是蒸的。夾埋兩條短短的臘腸同一條短短的潤腸。臘腸同潤腸都不是超肥，幾好。糯米蒸得一粒粒，很有咬口。香味當然不及生炒咁香，但都唔錯，唔肥又夠味。

仍是遲來的春天,涼風仍然迎面而來,不應去愛,無奈卻更加可愛.路過太子砵記的蛇王兄,在門外已問到陣藥材味.胃口不大之夜,淨一碗細蛇羹.蛇羹底眼看就幾杰,其實就不杰不稀,可以叫適中.隱約也吃到點點藥味.蛇肉很多兼很粗,吃落感覺柔軟細膩,充滿鮮味.其他綠葉如荀絲,木耳絲,菇絲,例牌用來加強口感.待秋風起再來,試試其蛇湯,是否更重藥材味?

沒記錯的話，港九各地都有好幾間蛇王兄的，是日轉冷，有什麼比吃碗蛇羹更好？就來了這裡。晚上十一時許，這裡的人客仍然不少。坐在近門口的位置，要了碗細蛇羹。蛇湯底先吃杰身，吃多幾口，情況已好轉；湯底幾鮮美，見其有幾款燉湯賣的，應該是較對辦；材料幾足，有大大條蛇肉，加上雞肉、木耳等等，也用上陳皮及薑去調味的，幾認真。28蚊一碗，物有所值。除了蛇羹，糯米飯套餐及雞飯套餐看來也抵食。

10月12日，20:25吃完餃子，胃仍有少許空間，但載不下大記攦粉，又不想吃雲吞麵，最後到這裡來碗細蛇羹。店雖少但光猛整潔，在活蛇箱旁，放有12吋小型電視機，牆上貼著介紹蛇和各種食補的海報，字體工整。細蛇羹份量足，料多：鮮冬姑絲、木耳絲、肉絲和極粗身的蛇肉，羹地不會太杰，有濃郁藥材味。下次會再來，吃帶蛇湯和糯米飯的套餐。題外話：當吃了一半，有一熟客進店，蛇王向他推介四斤重大白花蛇(五步蛇)，說著說著，便關風扇，取鐵鉤；打開電視機旁蛇箱，鉤出用紗網載著的白花蛇。(當時極興奮，因廿多年未看過蛇了。)猛蛇蛇隔著紗網昂首，蛇王隨即對客人說：蛇太惡，今晚不了。好戲草草收場，空歡喜一場。

琴晚本來想食和花亭但未到六點半已經多人到一大條長龍所以放棄左突然想起呢度有間食蛇羮涼涼地食都唔錯同朋友仔由始創行黎叫左個大蛇羮set ($70)再加油鴨糯米飯($20)大蛇羮set包左大蛇羮,細蛇湯,臘腸糯米飯各一大蛇羮～一碗有湯碗咁大,同朋友仔兩個人分剛剛好,配料算多,有蛇肉,木耳,冬菇絲等等,但似湯多過似羮,而且唔多夠味,加檸檬葉同薄脆先夠味,我覺得蛇王濤好味過佢細蛇湯～好重藥材當歸味,飲完好暖身,唔錯臘腸糯米飯～雖然一碗份量好少,但真係好好味,即叫即加豉油,色水雖然較淺但好夠味,混入左少少菜甫調起個味,臘腸同潤腸亦唔太肥,overall係好好食,但以15蚊一碗散叫就貴左d油鴨糯米飯～油鴨又係靚貨,皮薄肥膏唔多,又唔會太鹹唔錯不過或者太好味食完有d意悠未盡既感覺