蛇王兄

營業中

休息中

是日立春，亦即蛇年的開始。先祝各位蛇年進步，來年別做大懶蛇！（好囉終於不用等到年初一才向大家拜年！）要消滅懶蛇，最好當然係食咗佢。早前往花墟一遊，先天導航系統間歇性失靈的我又迷路了，拐了一大個彎終於出了來太子。雖說之後還有餐勁的要吃，但距離吃飯還有一段時間，不禁想找些東西打打底。一街都是好吃的，最後決定來吃蛇王兄，怕且吃蛇羹不會飽了吧？這晚氣溫其實不太冷，卻無阻一眾愛蛇老饕的熱情，全店滿座之餘還一度要坐到出街邊。門口已有個「百子」蛇櫃，每格上書「毒蛇」二字，我當然不敢看裡面是否真的有蛇爬出來了。那些蛇湯雞飯什麼的這晚暫且與我無緣，只吃個細蛇羹就好了。蛇羹有多條粗大的蛇肉，當然質感也是有番咁上下的，好像還有下些不知是豬肉還是雞肉絲的補充一下。羹略鹹，藥材味也頗濃，然而本人吃蛇羹都不為這些，甚至不是為薄脆，有檸檬葉我就開心了。吃完全身發燙，真的不是說笑。（難怪店開在砵蘭街！）

今天凍死人，和女友去完太子行街後隨便在附近揾食，見到間老子号蛇店入去試下。 裡頭有套餐A、B可選，有蛇羹、蛇湯及糯米飯，分别只是蛇羹大小，價錢合理$86或$110，我們叫了A。 五花蛇羹雖是細size，但蛇肉用料不算多但較粗身，還有很多冬菇絲及木耳絲! 枱上有薄脆任落，不錯。 蛇湯很濃並滿是葯材，有龍眼肉及其他不知什麼的，葯味都幾重，成身暖晒哈。。 叫豉油撈糯米飯時，呀姐服務周到，會問你是否加蔥和花生，飯軟硬適中不太粘，還有兩條半節的腊腸及膶腸，不太减。 整體食物不錯，但怕太保及躁，間中食下啦。

今年成日心思思都想去食蛇羹今晚同友人經過蛇店又見自己未試過此店更係有藉口入來食個蛇羹當晚餐.點左個蛇羹同糯米飯, 蛇羹用料不足, 單單一碗蛇羹已經半飽, 蛇羹有冬姑, 雲耳配料多外, 連蛇肉都好多肉質結實鮮甜再來既糯米飯, 糯米煮得岩岩好, 飯粒亦粒粒分明帶點煙韌, 臘腸肉香有油甘香而唔算太肥, 加上大量花生更令糯米飯香口, 非常好味同飽暖.

由細食到大。 今日天氣轉涼即刻突登去太子食七點到見到full 哂。不過行個轉番黎已經有位！依然係好足料. 同埋脆脆檸檬葉任加真係正！$66 一碗大蛇羹。雖然已經加左價不過依然覺得抵食！

是吃完旁邊那間不好吃的腸粉之後過來"溝貨", 點了一碗小的蛇羹兩個人分足料美味, 中藥味道蠻重的, 但非常順口, 又找到一家好吃的蛇羹店了那天不是很冷, 但期間也有很多人特地來買蛇羹蛇湯外帶, 這家店的出品應該是很不錯

有次係太子行黎行去覓食時，發現左蛇王兄。今日同朋友講起食蛇，反正去太子唸唔到食咩，就呢度啦。鋪頭細細但生意好好。D阿姐真係密密做無停手。叫左個細蛇餐($7X)：細蛇羹+細蛇湯+糯米飯蛇羹好足料，有冬茹、雲耳同主角蛇...台面可以自己落檸檬絲，醋...食到一半發現原來仲有薄脆，一路食一路落(貪小便宜麻)，雖然係細蛇羹但都已經飽一半。蛇湯有D似阿娘煲的藥材湯，但都有幾多料，飲左一啖，老火湯味，OK仲有個無出鏡的糯米飯，臘腸係切到細細LOOK咁四條，雖然臘腸數量應該多左，但係個飯入面無送，所以有D似夾送食飯。但糯米飯係整得幾好，又唔似酒樓咁出曬油，女士們：食完你唔會有罪惡感

每年去到寒冷的冬天，都極有衝動食蛇補補身，可惜所有的蛇店也不在我經常出沒的範圍，於是拖下拖下懶懶閒閒，冬天都過了成個多月，直到今天難得出街去太子睇戲，終於可以下定決心去砵蘭街食蛇啦！因為遲收工，去到蛇王兄都已八點幾好肚餓，店內的人多到呢…門口亦不斷有條小人龍在排隊買外賣，好彩大家都很合作，迫迫下搭下檯便立刻有位。我們坐下研究了那五款套餐一會後，決定點大蛇羹餐和雞飯餐，這樣就可以一次過試哂店內所有的‘經典’菜式。點好菜等了幾分鐘，眨下眼全部的湯羹飯餸已滿滿地放在桌上，上菜的效率確實驚人。先講今晚的主角大蛇羹，份量龐大得絕對滿足到我許久沒食過蛇羹的慾望，而且蛇肉大條條很足料，加上脆脆爽口的木耳絲，以及任加的薄脆和清香檸檬菜，非常美味；唯一我覺得差少少的是湯底不夠‘杰’，少了些‘羹’的感覺。食完蛇羹再飲蛇湯，我最喜歡便是飲老火湯了，湯底十分鮮甜濃郁，帶少量的藥材味，很容易令人接受。不過人人讚好的龜苓湯味道卻很古怪，從它黑漆漆的外觀，已令人感受到一定藥效強勁，而飲落更像在飲一碗又甜又苦的涼茶，我實在不太喜歡。飲完所有湯類後都已飽了五成，也是時候開飯啦！臘味糯米飯非常出色，飯粒粒粒分明，軟糯適中

暫時應該是踏進2012年後, 最冷的日子...放工覺得好凍, 走去食蛇保暖!! 知道蛇店一定越凍越多人, 不過估唔到一個人去都找不到位子坐下!! 晚上近七時, 放工後時間: 全店滿座 + 店外買外賣的客人絡繹不絕!! 店員都做唔切!!等了五分鐘, 終於有個位...叫了個蛇餐A: 細蛇羹 - 蛇肉多, 唔鬆散, 酒味少, ... 最喜歡加香草及脆脆; 細糯米飯 (走花生) - 好黏, 好熱, 米唔硬, 蝦米算多; 細蛇湯 - 好熱, 好多杞子, 好辣- 夠薑, 非常暖身!! 越食越熱, 要除羽絨... 吃掉這三碗都唔算飽, 不過好溫暖, 荷苞就乾D... 下次買埋外賣返家給家人吃先~

今個冬天都食左好多次蛇^^呢間又收得夜又足料,又好味糯米飯又整得唔會太硬唔會太軟剛剛好~而且仲有得加油鴨添不過就要加多十幾蚊~個蛇湯ok~不過龜湯仲ok~!!細蛇餐+油鴨+轉龜湯

晚上天氣特別冷 特別大風吃一碗蛇羹暖暖身最愛加入那『脆脆』和香草攪和了 吃起來更加有咬口和對味不消10分鐘就給我消滅掉了蛇羹補身又暖身每個冬天我都要來十年來的味道還是不變我愛她

又係o係雜誌得知,蛇王兄,有蛇肉粗的蛇羹,而且除左蛇,仲有雞食!同老公食左豌細蛇羹(其實份量都唔少架!),很多木耳絲、冬菇絲,蛇肉唔算十分多,但的確幾粗吓!可能太耐無食蛇喇,所以覺得好好食!不過老公覺得,都係蛇王協蛇羹好食D。蛇汁雞,有好多薑蔥蓉,雞件好滑!雖然蛇汁撈在飯中,唔係好出,但此豌飯,出色過好多燒腊店出品呢!糯米飯,店員會問,要唔要蔥、花生。我唔要,賣相係會失色D。飯係,齋豉油撈糯米飯,但飯面上,有兩節腊腸,和兩節潤腸,都幾多架喇!整體,腊腸餸糯米飯,感覺好滿足!

今日天氣轉冷，來個蛇羹補下先見有雜誌介紹應該食得人啦！馬上試試蛇羹 x 2 細碗 $60糯米飯 $20 + 潤腸、臘腸 $8雞飯 $20蛇羹的蛇肉又粗又多，雖然我們是吃細碗但份量都不少。當中還有木耳絲、冬菇絲、瘦肉絲等等。唯湯底偏淡，否則味道必定更好。糯米飯好吃，飯質軟硬適中帶有臘味甘香味道，花生脆香脆。再伴上蔥花，凍天暖胃之選。臘腸和潤腸味道都不錯，油甘又不至於太肥。雞飯的雞是比較普通，但特別在於蛇汁的味道伴於飯上吃，食落別有一番味道。

上星期天氣極凍，所以同阿媽兩個去咗食蛇羹。因為已於大家樂打邊爐，所以兩個人叫咗一個a餐share 食。蛇湯加錢改了龜苓湯，有一個蛇羹同一碗臘味糯米飯。龜苓湯超濃郁，味道強烈，但唔會好大藥材味，清毒素一流。由於我唔食蛇嘅，所以只係試咗一啖無蛇肉嘅蛇羹。味道唔錯，又有好多木耳絲。個糯米飯雖然唔係生炒，但蒸都一樣好味。糯米飯米粒粒粒分明，軟硬度適中。味道偏淡，食慣咸嘅人可能要加豉油先夠味。臘味味道ok嘅，不過好肥，好多肥肉。天氣一凍，呢間野就大排長龍。生意好到不得了。

北風起，氣溫降，最好就係食冬日四寶----羊腩煲、蛇羹、煲仔飯同打邊爐。1）打邊爐----前一排試左。2）煲仔飯----前幾日剛剛試完。3）羊腩煲----搵日試下。4）蛇羹----無食成年，好，一於今日近近地去蛇王兄幫襯下。嘩，乜天氣一凍，真係咁多人呀！爭d無位，好彩有人剛剛食完走啫。老婆大人唔係幾肚餓，就叫一個大套餐（包括大蛇羹一碗、細蛇湯一碗同細臘味糯米飯一碗），加$5轉大碗糯米飯啦！呢度d蛇羹仍是老味道，藥材味較濃，蛇肉都幾多，不過比較稀，蛇味比較淡。蛇湯就ok啦。至於個糯米飯，老婆話好食喎，雖然係蒸的，唔係生炒，但佢話無新志記咁油，d飯夠乾身，係d料唔夠多，得臘腸+膶腸共三舊同一小舊臘肉啫，不過都算好食。埋單$88，兩個人晚餐，食到成身「暖笠笠」，都算唔錯！

都未試過大熱天時走入去食蛇羹,突然間心血來潮走入去食,叫咗個蛇羹同糯米飯.蛇羹都幾多蛇肉,蛇肉亦幾大塊,不過略嫌比較稀,食到最後好似飲蛇湯咁.至於個糯米飯,要讚的是有半條臘腸同半條膶腸,不過要彈的是碗底比較多油,糯米飯亦比較肥.