蘭芳園

營業中

休息中

朋友從外國返港旅遊， 帶他食完豚王拉麵後， 他好掛念香港的絲襪奶茶， 由於在K11附近， 便帶他到重慶大廈地庫的蘭芳園試試， 聽聞它是絲襪奶茶的始祖。下午二時左右，幸運地安排到卡位，較為舒適， 牆壁貼滿譚詠麟的相片， 唔知以為是他開的。另外還有貼上最低消費每位＄20。最終我們每人只點了奶茶， 男侍應提醒「最低消費每位要＄20」， 我們因為太飽吃不下亦無所謂付最低消費，只想讓朋友試試。奶茶賣相OK， 但茶味不足，奶跟茶的比例不太好；明白沖奶茶靠手勢， 沒有根據食譜量度分量， 有機會仍然會再來試的。最後出去櫃面埋單， 剛才的侍應從遠處邊跑邊向櫃面收銀員大聲說：「 他們要付最低消費啊！」我們從來沒有說不付，況且我們已將＄40交到收銀姐姐手上， 對那位哥哥真是一笑置之。好想問他有沒有看劉德華的廣告： 「今時今日咁嘅服務態度係唔得架！」

第一次來尖沙咀既蘭芳園, 相信這一次亦是最後一次.與友人叫左個奶油朱包, 喇沙雞扒通, 凍奶茶.奶油朱真係做得唔錯, 朱仔包外脆內軟綿綿加上勁多既奶油十分美味.出名既奶茶就算係凍飲都仍然好香濃既茶香反而喇沙雞扒通就只屬一般, 喇沙味道不足, 雞扒可能已浸係湯內外皮已經淋了.食物尚算唔錯, 不過服務認真麻麻, 相信都唔會再回頭.

本人貪方便咪走去試下喱間所謂蘭芳乜餐廳。裝修俱有六十年代電影中茶餐廳風味。低成本！夠簡單，仲以為入左間好野。睇下餐牌先。價錢都幾合理，19蚊杯凍飲。叫個晚餐都係$55蚊，除番都係$36蚊碟飯。成個餐落酒吧都飲唔到杯酒、低呀！不過第一次落去，同埋個招牌寫住招牌豬扒飽。都係試番的最基本野。就係餐蛋麵！再加杯凍奶茶。見的野食未到，上陣fb+whatsapp下比的friend睇下喱間野的相。一等再等，遲來的餐肉雞蛋麵加上碗邊滿佈味精粉，心知味道一定超晒水準。個湯既顏色深比老抽，正！第一口食落去的麵既味道=豉油撈麵。咪話唔超水準、成世人都未食過碗咁難食既麵。因為係遲來的麵所以入晒味，試完味道都係留番比佢recycle。等埋杯凍奶茶！追完又追，追左幾次跟住自己行過去水吧沖，阿姐都係話追近！結果又要坐番低再等。咁咪繼續望下的poster. 奶茶來到，又冇奶味，又冇茶味、仲變埋少凍少甜。絕呀！埋單幾十蚊。下次咪攪、冇野食都唔來呀！免費都唔好了！怕怕了！

冒名去蘭芳園試出名的奶油豬及熱奶茶，不過味道一般~奶油豬的包又乾又硬，咬到牙都軟LA，又話好出名好好味既，好味在那?至於熱奶茶，無咩茶味，唔係我杯茶，都係D街邊茶記仲好味~下次都係唔去遊客區的出名店，都唔係本地人應該去的，我去番本土茶記算了!

指明譚校長推介的蟹子龍蝦汁雞扒撈出前一丁, 首先龍蝦汁實屬普通, 係味覺上加左蟹子同冇加真係分別, 唯一既分別在於因蟹子而令撈丁既價格提高. 出前一丁亦懷疑係咪真出前一丁 ,不過本人幾歡喜蘭芳園既雞扒凍奶茶, 入口的確香滑, 應該落唔少奶,想提一提 MEUN上凍奶茶既冰, 粒粒都係奶茶冰, 可惜實物中既凍奶茶只有一粒奶茶冰, 其他都係普通冰不過都冇沖淡奶茶的味道, 可能本身已經夠晒濃.

因工作關係, 朝早係尖沙咀, 比人提醒我咁鍾意飲奶茶可以黎食早餐,嘆返杯丫...我就未去過中環o個間,不過"蘭芳園"咁出名,我都想黎試下佢杯奶茶係咪咁堅先...絲襪奶茶係香港最出名o既美食其中之一, 以前被一位好朋友影響之下,攪到我都有舖奶茶癮,而家好鍾意日日返工嘆一杯, 雖然知道好肥但仍然戒唔甩...十點幾黎到, 都唔算太多人, 裝修好有香港舊茶餐廳feel, 特別係個茶水位, 地磚, 台凳, 店內都貼滿Alan Tam o既相, 餐牌又有譚校長推介,老細係亞麟 super fans, 如果我有幸開一間餐記, 我會貼滿伊健o既野...wahahaaa 我第一次黎, 奶茶同奶油豬都要必試, 叫左個早餐,有 炸魚柳, 蛋 我要左炒蛋, 同奶油豬, 加杯熱奶茶個奶豬呢, 都烘得夠金黃, 個面就食落夠外脆內軟, 但個底就硬d實d, 牛油都較多, 可能個豬唔夠熱, d牛油都唔夠溶, 練奶都多左d, 我都要整走d...都好食o既, 個炒蛋就好hea喇...係打蛋煎熟就算, 唔係炒蛋黎...個炸魚柳都唔好食, 粉多過d魚,炸得太耐,又油..no good...杯奶茶...都唔係特別好味, 唔夠熱,

咁多間蘭芳園, 這間肯定最差勁.來過好幾次, 吃過撈丁, 豬仔包, 喝過奶茶同冰凍奶茶奶茶 - This HK milk tea is absolutely terrible. Every single time I drank this or the iced version, it is weak as and totally taste-less.... Out of all the 蘭芳園 outlets, this shop I have actually permanently BLACKLISTED. They cannot even toast their bread right. What an embarrassment to the HK Food Scene, especially knowing how many Mainlanders and Tourists living next door will come past here. 1/5

「你得一個人，坐去隔離啦！」這店子中一位禮貌欠佳的女侍應見有三位客人在找座位，便以理所當然的語氣對我說。「我隔離張櫈係濕嗰喎，唔係我都唔坐呢張啦！」我回應她說。「我剛剛先抹完咋，唔濕啦！」她看也沒看那櫈子便這樣對我說。「唔係啊！睇都唔睇吓就話張櫈抹咗，擺明話我亂噏啦！」我心裡有氣地想。「如果頭先我唔係見到隔離張櫈係濕嘅都唔會坐埋嚟啦！」我帶著不滿地說。在我嘀咕的時候，那侍應已在自說自話後離開，那三位顧客也已找到別的座位坐下，由始至終我的座位都沒有變過，但我的心情已由平靜變得有點氣憤。這兒的招牌食品有「蔥油雞扒撈丁」和「奶茶」。既然來到這兒吃飯，那就不要那三款午餐了吧！大不了也是沒有隨餐附奉的例湯可喝而已，不過這天想吃點飯，那就改叫「蔥油雞扒飯」和「熱奶茶」作午餐啦！這天喝的「熱奶茶」雖然水準一般，算不得醇厚幼滑，不過「蔥油雞扒飯」除了醬汁不大夠，味道稍淡外，雞扒總算煎得不錯，稱得上香口好吃，總體來說食物水準都算中規中矩啦！只是，一想到那位禮貌欠佳的女侍應的無禮服務態度，再看看這店子桌上張貼著的「蘭芳精神，服務人群，如對服務有任何意見，歡迎向本店經理反映」的字句，我便禁不住想，不知道這店

菠蘿油配奶茶，一個多麼經典的下午茶組合。我想它大概已成為香港茶餐廳嘎代表了。許多遊客來到香港都指定要吃它，可想而知它的‘地位’了。但是看似越是簡單的東西卻不是間間食肆能製造出當中的風味。就這一間而言，我信大家只要看到圖都大概知道它的水準去到哪裡了。一個簡單嘎菠蘿油連最基本嘎賣相都沒有做好，整個包呈塌的狀態，包上的脆皮又不完整。吃到的口感不是特別好，可能是牛油不香的原因。另外包本身也沒有特別鬆化！至於奶茶方面，我想用平凡二字來形容都不太過份。因為真的很普通，沒有特別的滑口。吃完這個經典下午茶，忽然有香港傳統風味逐漸消失的感嘆。

行街行到好攰，剛好來到下午茶時間當然要雙雙腳抖一抖。來過尖沙咀蘭芳園數百次，weekend光顧反而是第一次，下午兩點幾啦，雖然唔洗點等位，但餐廳內依樣好爆好多人！有卡位坐我真lucky.今天又點了我最愛的豬扒包+奶茶。新鮮即做的豬扒包，包都烘到外脆內軟的，大口咬下去都不用擔心界口。豬扒沒有油浸感覺，挺juicy的，最奇怪的是平日很怕吃豬的我，竟然喜歡吃蘭芳園的豬扒包！解釋唔到，或許是豬扒不會太太塊太膩，亦沒有豬味吧。尺寸呢，感覺上好似比以前細左啲，是錯覺嗎？還是連豬扒包都有下午茶size?天氣熱，來一杯凍奶茶。有比較下我會喜歡蘭芳園的熱奶茶。熱力迫出茶奶香味，效果香滑好多。妹妹第一次來蘭芳園，對凍奶茶內的奶茶冰很有興趣。"傻妹，就算冰溶左杯奶都唔會淡某某呀。" 果真的鬼妹仔，一塊奶茶冰就可以令佢好奇開心一個下午茶。其他天天抱著學習的新鮮感，時間真係會過得開心好多！Charge完電，繼續去shopping啦！ps. 今天的凍奶茶及豬扒包冇上幾次黎咁好食. 不過都唔叫差既, 期待下一次可以吃回以往的良好味道

日本朋友嚟香港旅行，係尖沙咀行完多人過旺角的藝術館，帶左佢嚟活方地庫嘅蘭芳園試港式奶茶. 我地叫左菠蘿油，奶油豬仔包，西多士，熱奶茶，凍奶茶同凍咖啡. 菠蘿油完全係失望之作，菠蘿又淋又散，凍冰冰，牛油夠大塊但係挽救唔到分數。西多非常之油，當然這是正常的，味道普通並不凸出。奶油豬算是較好，夠熱夠脆，奶油亦足夠。奶茶算不錯，但感覺比不上中環本店，茶味不夠總店的香濃.凍咖啡可以，但係稍為太甜.

出開尖沙咀做嘢,梗係食埋飯先返公司埋頭苦幹啦!中午人潮過後.眼內一閃......蘭芳園....回味一下佢杯奶茶先!又無咩飯癮.隨意叫左個咖哩牛脷撈丁.3分:首先,我其實滿心期待杯奶茶,但......首先入口,唔係我4年前中環嗰種口味.有苦味.唔香.好似煲燶茶..但好在,今次第一次既蘭芳園撈丁.食得出牛脷剛剛好,正丁麵撈得爽口.本應淨係奶茶都跌落喊面.不過.........創意分都算係OK之作.

人就係咁衰~就算明知佢服務差都好你都會因為D野真係好食而再去…琴晚第二次再去蘭芳園之前上過OPENRICE，眼見劣評如潮心諗：唔係衰到連野食都衰埋呀不過約左就係約左…唯有睇餸食飯啦~首先真係要幫佢平一平反先食物方面…其實同往常一樣…真係唔錯無論係出哂名既喇沙定撈丁凍奶茶，定普普通通既免治牛肉窩蛋飯都KEEP到水準不過朋友係嗜辣之人就嫌喇沙唔夠味雞扒撈丁最正就莫過於個雞扒大大件~外面既皮非常脆身但係入面既肉又唔會老哂仲係好滑不過真係要鬧一鬧佢D人除左個話得事既姐姐外…全部都禮貌咁樣既待客之道邊得架！阿哥仔~~個客有野唔清楚問你其實係俾面你你地D野難食既話MENU又唔清楚的話~香港人既性格係會即走仲會問你咁多野俾你兇咩~敷衍到咩咁~咁唔想做咪唔好做囉你咁搞法D野幾好食都無用啦不斷趕客走既做法真係差到喊都係嗰句啦大家唔想俾低D錢食飯之餘仲要受氣的真係唔好黎喇…

如果要去吃出名的食店, 第1法則是早吃早享受, 食物質素較有保證; 第2法則是盡可能去總店, 通常分店的水準都難以跟總店1模1樣。雖然小妹深明這些法則, 但有事臨急臨忙時間緊逼, 都要局住就範。 這天約了時間去做小手術, 預錯了時間地點, 唯有快快到最近的蘭芳園吃早餐。Weekday的上午10時多, 比較冷清。 明明在商場裡, 環境裝修刻意保留茶餐廳味道, 同時牆上貼滿很多”珍藏”的譚詠麟, 而卻在播張學友的舊歌。早餐餐牌都是20幾元接近30元的選擇, 每個餐有包/多士有個主食, 還不算很貴。小妹的是魚柳+炒蛋, 跟奶油脆脆豬仔包, 當然要喝杯熱奶茶試試真功夫。那個豬仔包, 是凍冰冰的, 1邊油1邊奶油, 自行分配份量, 但那冰冷的溫度真的叫人大失所望, 所謂的”脆”其實是已經變硬, 1咬要用點力扯開的那種。光看樣子, 這個魚柳+炒蛋看到就不太興奮。 炒蛋沒甚麼蛋味, 炒得像塊毛巾布的, 那塊魚柳顯然沒有魚味只有炸粉味, 那些沙律醬不是奇妙醬而是另1種味道怪怪的。阿寶的厚多士稍為比奶油豬好, 起碼是暖的, 但也是翻熱來貨麵包的質素。蕃茄薯仔湯通粉, 湯底尚有茄味, 不過也有陣薑味似的,

次次黎都係食撈丁，今次一於轉下口味試下佢ge喇沙。餐跟奶油豬豬，唔知係咪晚巿無咁忙的關係，叫佐多奶油，佢今次真係整到！多奶油ge豬豬，真係好好食呢！至於喇沙就叫佐豬軟骨加2蚊轉佐一丁。喇沙一上枱就聞到好香的椰奶味，但可能太多的椰奶食落就稍嫌無咩辣味。豬軟骨3小舊，煮得尚算軟身ge...一丁就煮得剛剛好，入口滑滑的，加2蚊轉感覺都值。奶茶一貫的好！唔... 下次還是食回他的撈丁好！xd