蘭姐滋味屋

營業中

休息中

唔知係咪頂咗手比人做, 以前服務都唔係咁, 今日整麵同落單都唔同咗人. 落單嗰個高高哋既中年男人態度串過馬鼻, 我無得罪佢, 只係嚟買麵, 佢就懶係高上咁, 又眼望望, 又要叫人唔好落醬嗰時隊過去, 我都未筆起啲醬, 懶高貴咁, 有潔癖就唔好做企堂啦, 以為自己個頭梳得好型, 咁有型就做明星啦. 佢對另一個客都係串串咁, 就算你係老闆都係咁話啦, 客人有得選擇架, 一定要食你呢間.呢頭仲有咁多食肆, 呢間嘢, 算吧啦, 永遠唔會再幫襯, 食自己啦. 

今日因為整車所以黎到呢邊又想食蒸飯 又想食車仔麵咁岩見到呢間餐廳岩哂心水車仔麵叫左3樣餸 沙嗲牛肉 豬紅 冬菇加左沙嗲 腩汁 最讚係沙嗲牛肉👍好小車仔麵有得揀 有驚喜蒸鯇魚飯配大例湯凍飲即叫即蒸👍

今晚店內比平時凌晨12点後無咁多人，等咗十分鐘都冇員工同我哋落單，見佢又唔係要招呼其他客人，我哋係客人消費，莫非要睇佢面色食到一肚氣？！！ 值得一讚係呢度食物新鮮好味，價錢合理， 24小時營業

小弟難得到鳳凰村返工，食足3餐最後一餐就係呢碗車仔麵無特別原因，只係因為呢間舖開足24小時小弟凌晨1點去到，叫左個3餸車仔麵牛腩 蘿蔔 豆卜 3餸 蕃茄湯底 加 幼麵，總數34蚊但拎到返公司約1分鐘路程，打開後發現比左好多菜...小弟本身唔多鍾意食菜，菜本身又少少硬，又冇乜湯既情況下食得好辛苦！食完所有菜之後，先食豆卜豆卜質感好硬，又索唔到湯應該係本身煮好左d豆卜然後擺埋一邊！即叫先即加落個麵度，敗筆之作！其次就係蘿蔔，冇渣唔甜，大約7舊左右！牛腩 我諗係成碗最好食既，牛腩煲到好淋好入味但係就比左好多碎濕濕既牛腩我幼麵就普通貨仔，不值一題！成碗最慘就係個湯底，店舖堅稱係自己煲出黎，我就好奇怪呢個蕃茄湯底係死甜，完全冇酸味!其次就係蕃茄肉 居然會自成一角煲好左既蕃茄湯底，湯入面應該有好多湯渣，類似薯仔蓉，蕃茄片或核，等等....點解個湯可以清如水，又做到死甜呢？大家應該估到原因同埋個湯底出奇地小...基本上食到底先見到有少少湯不過咁都岩都唔會有人飲試一次便足夠，下次小弟去隔離7仔買杯麵算

昨日路過這食店， 見好耐無食過車仔麵，便一試。原本想食牛筋，姐姐話，唔夠稔，如果鍾意爽口就可以。後點了豬腸 冬菇及牛腩配油麵，沒有叫菜，車仔麵一到，居然有多塊菜。大大碗，餸都有好多配埋汽水都係$37姐姐見我第一次來，還送上自家製辣菜甫，話好好食，一試，果然唔錯。

打開openrice網頁,無想到居然未有食評。可能基於內街嘅車仔面小店,所以裝修當然一般一般喇。睇返配餸都幾豐富,有啲都幾有新意兩個人點咗兩份三餸面+一杯餐熱飲$4豬紅+豬腸+沙嗲鮮牛面$28~豬紅保持一般水準。豬腸內壁唔會帶有肥羔,清洗好乾淨炆得夠香焾鮮牛好香滑,有牛肉鮮味。有菜送。豬皮+牛腩+豬手面$28~豬皮比一般大塊好多,約有四塊(2吋x4吋)嘅長方形。焾得嚟有少少爽口牛腩都有四五舊(1.5吋x1.5吋),肉身偏瘦所以有少少黐牙(個人比較喜歡牛筋腩)。至於豬手做得頗唔錯,完全軟焾。入口即離骨,味道亦調較合宜。好食特別推介每檯擺放嘅辣椒蘿蔔粒,超大辣架小小細店,多數做相熟街坊生意。坐得都舒服