蘇媽.蘇媽馬來西亞茶餐室

營業中

休息中

我最近去了一家叫做蘇媽的餐廳，點了他們的招牌菜肉骨茶、沙嗲串和咖央多。首先，讓我來講講他們的肉骨茶。這個湯非常地道，有深厚的肉味和香料的味道，喝起來非常有滋味。湯裡的肉骨也非常入味，肉質鮮嫩，非常好吃。✨接著是沙嗲串，的肉質非常嫩，外表烤得焦香，內裡則是肉汁鮮美。他們的沙嗲串用上了經典的香料和醬汁，超濃厚，味道十分正宗👍🏻✨最後是咖央多，咖央多的外層非常香脆，內裡則是濃厚的咖史醬和厚厚的牛油香。總括來說，我強烈推薦蘇媽❤️

第二次食!早排叫過佢外賣老鼠粉超級好食,已經決定要堂食試下!堂食會原個砂煲上枱,熱焫焫出唒煙😍賣相比外賣吸引好多攪拌嘅時候超級香😍魚乾、蝦乾同豬油渣配埋超夾超好食!食到底仲有啲焦😍麵底偏爽,雞扒入味,但個汁就冇咩特別,似老抽撈麵😂😂同埋比較油膩,我地覺得一般椰汁味較重,尾調先有斑蘭味出黎,唔會太甜,整體都唔錯👍🏻

依間人氣馬來西亞餐廳好受街坊歡迎，分店越開越多👏🏻「蘇媽蘇媽」係馬拉文「乜都有」嘅意思，而餐牌的確有好多款馬來西亞傳統菜式，餐廳裝修亦有種令人去左南洋嘅錯覺🤩雖然食物份量唔算大，但由於多油同多香料，所以女仔可能未必食得哂一碗已經飽左🤣食物好食同性價比高，下次會再去試其他食菜式👍🏻🐮🍜 仁噹牛肉撈米通粉 $𝟞𝟞 (𝟙𝟘/𝟙𝟘)仁噹起源於印尼，係混合椰奶、香料、辣椒醬、黃姜粉等製成嘅辛辣醃肉，係馬來西亞常見。依款餐牌推薦配油麵，不過我轉左做米通粉，吸哂啲仁噹汁好好食，牛肉質地好淋，大推介🥰🥘🍜 湯咖喱米通粉 $𝟞𝟚 (𝟠.𝟝/𝟙𝟘)咖喱湯好香，雖然餐牌上只係mark一條辣椒嘅辣度，但食開譚仔四小辣嘅我唔係太handle到😂米通粉彈牙，但配料只有墨魚卷、豆卜同薯仔，我覺得唔太夠，有少少空虛感🌀🧈🍞 海南鴛鴦燒麵包 $𝟜𝟝 (𝟙𝟘/𝟙𝟘) 麵包嘅顏色燒得幾靚，配牛油同斑蘭超邪惡但好好食！🌟 Follow @gfgm.hk on Instagram for more 🌟

蘇媽有5間分店，今次帶爸爸媽媽去旺角上海街呢間食，裝修好吸精。服務態度方面:啲姐姐就好好，觀察入微。後生既真係令人卻步，遊魂咁😂食物方面:先黎個三層肉肉骨茶，好香藥材味呀正呀😍😍個肉都好食😋咖咉多士無得輸啦👍🏻多士烘得脆脆，又唔會over，個醬又好夠，每咬一啖個醬系另一邊準備要流落黎咁，正😎仲有個白咖喱椰味香濃，老鼠粉正常發揮。當然唔少得咖啡同拉茶啦，咖啡少甜都完全唔失色👍🏻👍🏻好味性價比指數:4/5人均消費$100

這間餐廳下正評挺多,今天和朋友去了試一下,悔不當初,比錢買難受。​朋友一點辣也不能吃，找服務員問了點的雞絲湯貴刁是不是一點辣都沒有，服務員呀姐隨即黑面好勞氣說小姐呀，餐牌寫唒嫁，冇辣椒咪唔辣囉。​態度差也算了，飯還剩幾口，巳經急匆匆過來收碗碟，和朋友喝著飲料，說了幾句話，服務員突然衝過來一言不發把墊枱紙和餐具收走。我們飲料都未喝完，明擺著趕我們走呀，那時外面也沒什麼客人在排隊呀。最最生氣的是，埋單時聽到服務員（灰色襯衫短頭髮小肥，像是經理的中年女人）大聲說要用絕招先走呀。​説真的不是高級餐廳，我也沒有期待有多好的服務，但每個服務員態度都差的餐廳，也不常見，真金白銀付錢吃飯還要受氣，而且老實說食物質素也不高，不好吃，這樣的店絕對是黑名單，建議不去為妙。

黎到旺角 突然諗起食過返尋味既咖哩米通粉呢間蘇媽.蘇媽裝潢好有feel呀 有兩層 好寬敞 入到去都見到望似馬拉人既食客，好似去左馬拉旅行。今次當然再encore咖哩米通粉啦,仲可以揀辣度，米通粉口感勁煙韌，咖哩濃度適中，有咖哩香，份量可以，有兩舊薯仔但大食的朋友就未必夠啦。另外因為唔係好食得辣 ，試試檳城福建蝦面，入面有腩肉，魚片，蛋，蝦，通菜，好豐富啊。因為係午餐，配馬來西亞拉茶5蚊咋。麵底可以揀滲滲，半米粉半油麵，正呀，個湯真係有香濃蝦味，感覺正宗👍有機會下次一定再試其他菜式🤓而龍眼冰就係我食馬拉野不二之選，refresh又解渴，一定係偏甜的啊。

📍蘇媽.蘇媽馬來西亞茶餐室旺角上海街618號地下G01號舖由於店舖都算大，座位充足，不用排隊。連續兩天都選擇了食呢間餐廳，皆因喜歡佢嘅多士。🤤舖頭裝修簡單得來帶有馬來西亞嘅風格。第一晚叫了杯凍嘅檸檬薏米水，略嫌甜了一點呢。淨通菜，炒得香嘅，但價錢同份量有點距離。海南鴛鴦燒麵包，香脆嘅麵包夾住牛油同咖央，好味。😋第二晚繼續馬來食品，叫咗馬來西亞拉茶，冲得好好味，唔太甜，有茶香味。讚👍🏼叫咗碗湯咖哩麵(米通粉)，材料包括有豆角、豆卜、魚蛋、魚肉卷、薄荷葉、薯仔等。味道係好香咖哩味嘅，但若然食唔到辣，就要考慮一下，或者問吓可否減辣。最後叫了一份椰香咖央多士，，香脆多士夾住牛油和咖央，好味。🤤

蘇媽蘇媽由我第一次專登去深水埗食到依家開咗幾間分店因為真係好好味😋我最愛既食物係 咖映多！！呢樣小食係必嗌嫁😍 雖然中途佢地轉左款面包 但都不影響我對佢既愛😌😌第二樣我都好中意既係佢地既蝦面！食落真係有蝦面 啲湯都好飲。不過有一樣野係真既 就係食完呢碗面 會口渴的🥲 唯一美中不足 肉骨茶都好足料，每次飲完啲湯 個身體係會出汗🤣🤣 證明有料到😆😆係餐廳啲位 都尚算接受 唔會太逼 不過如果係深水埗個間 就會窄咗啲

星期五 13:30 一個人找位，明明幾張空四人枱都唔畀坐，要迫你坐隔離左右都坐了人的位，一係就攞飛等喎！咁我咪走，唔食啦！你留返啲空位啦！做少啲！我行去Starbucks, 飲咖啡、食三文治，都有人送餐，左右都無人迫住，位置任揀！

午餐時段嚟到朗豪坊附近呢間蘇媽蘇媽午市套餐平均$62至$88 包左一杯熱嘅拉茶另外可以加錢加購小食今次叫咗最平嘅午市套餐+1個單點嘅肉骨茶檳城福建蝦麵 $62油面配蝦湯冇得頂～個湯好濃🤣 份量對我來講啱啱好但係蝦就得一隻 少佐dd熱拉茶 估唔到跟餐嘅免費飲品都幾有誠意賣相一流 入口好香茶味豬腳灣肉骨茶 $58一行4人叫佐一份肉骨茶店員另外拎咗四個碗過嚟斟肉骨茶湯飲完可以免費再添👍🏻呢間嘅肉骨茶唔係胡椒味 好辣嗰種而係偏藥材味👍🏻

呢一間星馬菜相信大家都一定好熟悉㗎喇🤪幾次經過門口都好多人排長龍🥹搞到想試嘅我又冇乜耐性去等喎！見今日咁早冇乜人嘅時候就嗱嗱聲入咗去先啦🤤🍀咖映作為麵包控嘅我🥖呢啲咁嘅特色小食又點會錯過啊！咖映幾乎係每次食呢啲星馬菜必要嘅嘢食😚上枱個擺盤都幾靚✨尋晚都唔少，同人一齊分享嘅感覺會好啲，冇咁大罪惡咁呀嘛😗大大件牛油夾咗係中間，超級香的👻🍀砂煲老鼠粉唔知嗌咩好嘅時候，就上網做咗一陣功課🤣見到個個都介紹呢一個老鼠粉係必食嘅😋而佢嘅份量比我想像中細碗🤣本身仲蝦我哋食唔食得晒。但係其實佢個份量只不過係湯碗咁上下嘅份量🥹感覺上好似唔算太過抵食！🥲而味道都係正正常常，調味比較重🍀辣死你阿媽便當 綠色嘅飯係咪好得意呢！💚呢度有得俾人揀椰漿飯或者白飯🍚平時就比較少試到呢啲咁嘅椰漿飯🤤所以我哋就揀咗呢一個啦。佢比我預期中抵食好多！份量又夠大份，配料又夠多🫶🏻味道又幾好食喎！下次會再嚟叫呢個🥹抵食:❤️❤️❤️❤️🖤好味：❤️❤️❤️🖤🖤

太耐冇幫襯，依家蘇媽蘇媽平日晚市唔使排隊排餐死，而且仲轉咗QR code落單。成日都覺得自助落單係方便咗員工，但麻煩咗客人嘅產物，同埋落錯單都冇得抵賴🤣講返食物，唔知係我變咗定蘇媽變咗，質素明顯比以往遜色，架央多太乾太脆，多士唔夠熱，架央份量好多，分分鐘係牛油5倍，但覺得只係食醬，唔係食緊多士。沙嗲夠熱，算係保持到水準，但冇乜特別，50幾蚊得3串仲要啲肉咁細粒，其實都唔平。素咖哩配薄餅，個餅仲係好食，係唔知點解個咖哩變咗豆咖哩，同埋啲汁太少了。至於白咖喱麵，基本上個湯底好似飲緊椰汁咁，啲配料係「各自為政」，又冇乜味道，如果仲有下次要記得唔好再叫🙈整體係覺得唔太抵食，好彩唔使等位。睇返原來對上一次同一間餐廳食評已經接近兩年前，應該都至少一年冇食。

蘇媽蘇媽主打馬來西亞美食，而旺角上海街分店走懷舊路線，裝修甚具舊香港特色，旺角店座位較其他分店為多，間隔相對闊落，用餐環境比較舒適，平日晚市時段依然爆滿，需要稍等一會方可入座。老鼠粉即銀針粉，因跟老鼠尾巴相似也稱作老鼠粉，招牌砂煲老鼠粉內配料豐富，銀魚仔、蝦米、豬油渣、菜莆等都十分提香，以砂煲上保持熱度之餘也可以吃到微焦的部分，不過老鼠粉的份量有點多，吃到最後會有點澱粉疲勞，建議找個伴share。飲品點了拉茶，味道合格略嫌不夠細滑，而鴛鴦燒麵包即斑蘭醬牛油多士，多士烘得香脆，微甜帶清香的斑蘭醬正好中和牛油塊的油膩感，對我來說如果牛油再厚一點點就完美了，但女仕享用的話應該剛剛好。💸招牌砂煲老鼠粉 $92💸海南鴛鴦燒麵包$45💸凍馬來西亞拉茶$29📍蘇媽.蘇媽馬來西亞茶餐室 (旺角)旺角上海街618號地下G01號舖

說了很久終於第一次吃蘇媽壁畫裝修完全係置身於星馬餐廳環境內菜式都比想像中有驚喜┈┈┈┈┈┈┈┈┈┈┈┈┈┈┈┈✺⋆* 大雜錦肉骨茶 $158細細個不懂欣賞大個到而家開始就覺得藥材的味道真係好香肉骨茶味回甘其實都濃味到 唔洗再加餐廳推薦的醬油調味大雜燴是兩人份入面有雞髀 腩肉 雞腳 枝竹 樣樣都有d 咁旁邊仲有一碟炸兩響鈴另上炸兩係卜卜脆的～ 浸埋落肉骨茶度食好正🫣🫣✺⋆* 玻璃魷魚配通菜 $58QR Code 下單可自選少豉油食落魷魚無乜味幸好唔太韌反而通常炒得爽口而不太油膩而且份量都唔算少✺⋆* 椰汁咖央多士 $35每檯必點中間的咖央餡甜甜地好好食😋包體相當酥脆 酥脆得好容易會粉碎😂✺⋆* 辣死你嗎配烤雞髀 $72 （👎🏻比較不推😶）烤雞髀食落比偏乾身🥲旁邊配左乾魚仔、花生的配料仲有蝦片添佢地都相對比較咸 同淋哂綠色既椰醬飯則吃落有椰香𓏸 加一服務費

❤️‍🔥海南鴛鴦燒麵包麵包烤得啱啱好，成個都好脆，唔會乾同硬。有好厚嘅牛油同咖咉醬，JENG🤤一定要嗌呢個！-❤️檳城福建蝦麵(油麵)一夾起啲麵就有濃濃嘅蝦味撲面而來，兩、三個人share 嘅話的確係好惹味。-❤️大雜錦肉骨茶入面有豬腩肉、豬腸、豬腳、豬骨同雞腳等等。比佢免費送嘅肉骨茶甜好多，唔會苦，果然有肉係唔同啲。如果啲肉可以煮得淋啲就好啦。-⭕️馬來西亞拉茶可以試吓嘅，但就唔係特別好飲啦。