蘇哥清湯腩

菜心，淋埋啲蠔油，夠晒惹味，菜葉翠綠爽脆，簡直係食肉獸嘅清新解膩好幫手😋。清湯牛三寶幼麵加咗紫菜，個湯底清甜，牛三寶炆得夠腍，幼麵索晒啲湯汁，紫菜又帶點鹹香，一口面一口肉，正到痹🤤。熱奶茶走咗茶，加多啲煉奶，甜到入心，滑捋捋咁落喉，飲完成個人都暖笠笠☕。最後個蔥油雞飯，轉咗雞髀，雞皮金黃香脆，肉質嫩滑，蔥油香味勁突出，拌埋飯食，根本停唔到口🍗。呢餐真係食到飽，簡簡單單又一餐，蘇哥嘅魅力真係冇得頂！…查看更多

探朋友仔玩貓貓，近近地係佢屋企附近搵食食，係novoland商場見到有蘇哥清湯腩喎，好野黎，就食呢度啦！好，坐低睇下有咩好食先。崩沙腩飯，加左紫菜，個崩沙腩有埋湯，超正！崩沙腩又腍又半肥瘦，果然係稀有部位，仲滿滿一大碗。南乳豬手拼墨丸麵，豬手大隻有皮又有肉，食落啖啖肉又入味。。墨魚大大粒彈彈口感。麵條有光澤，冇鹼水味，讚！跟餐有菜仲有飲品，抵到喊！炸魚皮，塊塊都大大片，要黎浸湯，又脆卜卜，好味味！…查看更多

今日晏晝，我同朋友去咗屯門Novoland嘅「蘇哥清湯腩」醫肚。呢間舖頭細細間，但人氣爆棚，好彩我哋嚟得早，唔使排長龍！我哋叫咗幾樣招牌嘢食：淨紫菜三寶丸彈牙得嚟又鮮味，清湯牛三寶幼麵嘅湯底清甜，牛筋、牛腩同牛肚都炆到淋淋哋，正！最驚喜係個凍檸茶走甜，茶底夠濃又唔會澀口。另外再加碟芥蘭同菜心配蠔油，菜夠嫩又爽脆，蠔油份量啱啱好，唔會太鹹。整體嚟講，呢餐下午茶抵食又滿足，下次經過屯門一定會再嚟幫襯！(而家諗起都流口水呀～) P.S. 樓面姐姐服務態度好好，仲主動同我哋講咩嘢係招牌菜，夠晒貼心！…查看更多

牛筋麵拼崩沙腩酸辣粉牛筋麵拼崩沙腩酸辣粉，搭配薯粉的獨特風味讓人驚喜。牛筋麵的口感滑順，牛筋的嚼勁更是令人回味。而崩沙腩的肉質鮮嫩，酸辣的湯底恰到好處，讓人一口接一口，特別適合喜歡刺激味蕾的朋友。芥蘭清新口感平衡了整體的濃郁，讓整道菜更加豐富。凍檸檬茶的清爽感，為整個用餐過程增添了舒適感，酸酸甜甜的滋味非常解渴。鮮蝦雲吞麵拼牛丸酸辣粉這道菜同樣使用薯粉，口感柔韌。雲吞包裹著新鮮的蝦仁，鮮美無比，搭配牛丸的彈牙，讓人享受每一口。酸辣粉的湯底稍微酸辣，剛好符合我的口味，讓人感到開胃。熱奶茶濃郁香氣，為整個用餐體驗增添了一絲暖意。酥炸雞翼外脆內嫩，香氣四溢，讓我忍不住多點了幾隻，完美的搭配了整個餐點。…查看更多

今次黎到Novoland附近，見到有出名由天后過黎屯門既牛腩面，引唔住走入去一試究竟！崩沙腩入口爽脆，牛味在口腔中蔓延，絕對值得推薦比鍾意食牛嘅朋友。牛腩相比肉質結實，牛味卻更濃厚，口感上又有其不同之處，值得一試！面底有唔同選擇，今次就試左幼面同擔擔面底。幼面軟硬適中，吸收埋清湯底同牛味，更加吸引！而擔擔面既麻醬花生味就令成個味道更加惹味，牛味同麻醬味既交織令成個味道更顯層次，大愛喔！炸魚皮爽口，份量足，大大舊，好脆口，炸魚皮迷表示難得！套餐仲包咗菜，我同友人各簡咗菜芯及芥蘭，有蠔油或腩汁選擇，各有千秋，健康之選！仲送熱飲，凍飲加$3，飲品是港式茶記水準，出色！總括而言，食物水準高，價錢十分實惠，而且職員有禮，熱心幫忙，值得支持小店喔！…查看更多

之前聽聞呢間蘇哥清湯腩幾好味，今日lunch叫左個外賣試試。我叫左一個清湯牛腩河粉。牛腩唔太肥亦唔太瘦，唔會柴，少少林，岩岩好。牛腩味道無太多醬汁，比較清，但都好有牛味，我覺得唔錯。不過份量就唔算多。湯分開上，味道清清地都唔錯。湯亦俾得夠多。另一個叫左清湯金錢肚紫菜河粉。金錢肚正常發揮，都夠入味，夠林。紫菜都ok。湯同樣係分開上，都俾得夠。仲有配左菜心，加左18蚊。菜心都正常ok, 不過覺得18蚊黎講有啲少。整體黎講，味道都算唔錯。…查看更多

【紫菜牛丸面】手打牛丸超 Q 彈，一口飆汁，牛筋、牛肉粒超搭。紫菜吸飽牛骨湯鮮味，配著爽滑麵條，嗦到停不下來。【清湯牛三寶面】牛肚脆、牛腸糯、牛肉片嫩，滿滿一碗精華。清湯看似簡單，實則牛香濃郁，吃面先喝湯，暖心又暖胃。🥬還有【蠔油芥蘭】也絕，芥蘭翠綠清甜，特製蠔油一淋，咸香爽口，和麵條絕配，超解膩。店沒花俏裝修，全靠好味鎖客。📍 蘇哥清湯腩 (屯門)屯門欣寶路8號NOVO WALK地下7號舖。…查看更多

我哋就住喺樓上，搬入嚟到而家都買過無數次，加上附近真係冇嘢好食估唔到堅決以後唔想再幫襯啦！事緣係照舊買外賣自取啦，返到屋企倒完湯之後，發覺成屋地下全部都係湯，外賣嗰啲紙兜係爛嘅，搞到成屋都係肥油，因為啲牛腩真係好肥，拖咗10幾次都係肥油，仲要嘥咗一個鐘時間仲未食得，淨係拖地打返落去了解啦，又話冇店長，話倒瀉咗嘅話自己落嚟攞返個湯囉跟住個女人喺電話不停話麻煩我想問而家係邊個麻煩啲？拖咗成一個鐘全部肥油，食都冇得食。服務態度差，根本冇人會處理事件！仲浪費咗我個地拖同埋洗潔液！…查看更多

食過返尋味的清湯腩📍地點：屯門💰人均消費：午餐 HK$60~70🔖服務費/ 茶芥：❎ / ❎🧻餐巾/ 濕紙巾：✅ / ❎🪑座位類型：方枱/ 卡位 / 圓枱📝落單方式：侍應生落單【清湯牛腩飯】💰HK$61清湯腩來說，這家的湯的清晰一定數一數二，牛腩味一樣夠，非常不錯。牛腩份量夠又不柴，下飯一流。【油菜-菜心】💰HK$1515元可是非常大份，菜心又清甜。【鮮蝦雲吞幼麵加紫菜】💰HK$52五大顆雲吞，粒粒有大隻鮮蝦在裡面，皮蠻滑嫩的。紫要加8元，但喜歡的就會覺得加的值。#foodcourt #foodxcourtx #foodxcourtxTM#屯門搵食地圖 #屯門美食 #屯門 #中菜.蘇哥清湯腩🏷️屯門欣寶路8號NOVO WALK地下7號舖…查看更多

叫左醉雞飯 蒸熱唔緊要 肉質鞋過樹皮 個味重要苦既！ 點食得落？ 成碟雞得5件 3件雞胸 1件骨 1件雞翼 咁就收$61？！重要個飯上既時候有頭髮！叫多個酥炸排骨麵 份排骨又薄又油重係亂砍 每啖一係有碎骨一係成啖肥膏 個皮一啲都唔穌，重有黃色油同燶邊，油益味！成碟又係得5件！3件肉 2件骨！好既係河粉一大碗 窒飽你！收$49！其實少份量唔緊要 ，最緊要係乾淨 ，好味 ，最基本食肆要求都達唔到 ，點解重有咁多人比好評？！食完一肚氣！！…查看更多

一頓豐富的午餐剛轉工來到屯門，午膳時我發現了這家我最愛的牛腩麵店——蘇哥清湯腩，位於屯門欣寶路8號NOVO WALK地下7號鋪。這裡的環境光潔且時尚，讓人感到放鬆，適合用餐。我是大胃皇，點了 **牛丸幼麵** 和 **清湯崩沙腩幼麵**。牛丸的彈牙口感讓人驚喜，肉味十足，令人回味無窮。崩沙腩的質地腍滑，牛味濃郁，搭配彈牙的麵條，簡直是完美的組合。我還點了油菜和菜心，兩者都選擇了走油和蠔油的做法，清新又不失風味。為了消暑，我選擇了凍檸檬茶。這裡的凍檸檬茶甜度適中，配牛丸、牛腩是絕配這餐的美味讓我非常滿意，牛丸與牛腩的搭配，加上清新的蔬菜，讓我對這家店的印象深刻。無論是午餐還是聚會，蘇哥清湯腩都是個不錯的選擇！…查看更多

蘇哥清湯腩 (屯門)屯門欣寶路8號NOVO WALK地下7號舖八號風球中為我帶來暖笠笠的飽肚感！NOVOLAND有你真好🎉紫菜三寶丸幼麵，一碗充滿咸香味嘅麵，紫菜味道好重，三寶丸軟綿綿，食落去好有口感。清湯牛三寶幼麵，清湯好純，牛肉嫩滑，三寶又係一如既往咁好食，湯底入面仲有少少香料味，令整碗麵更加有層次，真係舒服。油菜菜心清炒得好剛好，唔油膩，啖啖脆口，配合蠔油，簡直係絕配！檸檬可樂啖啖都有檸檬香味，飲落去清新又解渴，仲有啲微酸，真係幾好。🥢✨…查看更多

Novoland入伙後還未逛過這裡，今日特地去看看環境，見到蘇哥清湯腩很有人氣，吃個午餐才走吧。職員介紹說今天有牛爽腩，平時很少供應的，那就點了牛爽腩河粉$57，配餐凍飲加$8，郊外油菜一份加$15。估不到上菜速度超快，爽腩河粉已聞到牛腩香，爽腩份量算多，每片厚肉，還連著一層筋，炆得軟滑，滿滿的骨膠原啊！腩肉肉味香濃而不咸，河粉吸收清湯超好味，湯味有點像潮汕牛骨湯，原來真的是每天用牛骨淆製而成！喝下很鮮甜！最後連湯也喝清光。郊外油菜選了菜心，還可以選擇放蠔油還是腩汁，我當然要腩汁啦，這是精華所在，菜心也很鮮嫩無渣，要特地把菜心浸滿湯汁才吃。天氣炎熱，喝杯凍西洋菜蜜，消暑一下兼潤喉，要讚味道是比其他茶餐廳濃一點，甜得來有微微西洋菜香！埋單$80沒有加一，吃得超豐富！牛骨清湯真的清甜美味，配任何粉麵都好吃uhh，怪不得午餐這麼多人，有機會還要再試其他分店呢！…查看更多

屯門又有分店啦坑腩擔擔麵 $61呢間竟然有擔擔面可以揀，咁就梗係試試。上到嚟湯底冇想像中咁濃郁，但花生味都好重，另外帶小小甜味！同埋麵底都掛到汁，所以整體感覺同上海鋪食唔差太多，另外坑腩好多舖頭都手快有手慢冇，難得仲有得叫小編即刻試試佢：坑腩肥瘦分明，肥嘅地方好似食緊豬手皮咁，煙韌之餘好似食緊骨膠原咁！酥炸排骨拼鮮蝦雲吞酸辣粉 $65呢個酥炸排骨真係超大份，薄脆得黎唔乾身，仲可以加雲吞，雲吞超大粒，鮮蝦味好香肉嘅比例都剛剛好，酸辣味道非常惹味鍾意食酸辣粉嘅朋友仔一定要食呢個…查看更多

第一次食依間，真心好食叫左三寶河+牛爽腩：牛筋又滑又諗，牛腩好食諗到適中牛腩皮滑滑一撕就luck又易咬口，牛肚都好食，個湯好清味道唔錯，蔥花爽脆，正。菜芯：都好食，連灼菜嘅湯汁都不錯辣椒油：有點出色，味道唔錯。浙醋：食得出係鎮江紅醋，唔係啲垃圾醋🤣忌廉芬達橙汁：汽水一罐囉😅佢哋嘅價錢佢哋嘅品質，我覺得值得再嚟食嘅值嘅下次要試下佢嘅擔擔麵先😌…查看更多