薩莉亞意式餐廳 (香港仔中心五期)

營業中

休息中

薩莉亞唔使多講，相信好多朋友都食過，親民嘅價錢，款式又多，飲品款式亦多，甜品又多，有時夜晚都幾旺場，通常去到薩莉亞，無論係下午茶定正餐都好，我一定會點佢嘅雞翼，個皮好脆真係好正，醃得好入味，淨係講個顏色已經好靚，只係差在食四隻定八隻，另外每次嚟到都會有一個選擇意粉困難症，鍾意食嘅意粉實在太多，個人偏愛，簡簡單單嘅肉醬意粉，呢度嘅意粉口感非常好，肉汁足夠，真係帶個白飯嚟送飯都仲得，餐湯都好飲，都落足料，整體嘅份量都對得住個價錢，如果兩三個朋友嚟食，仲可以叫好多個餸share嚟食，一個三五知己聚餐嘅好地方

呢間我同屋企人成日去嘅平民意式餐廳。環境幾大下，人流超多，所以要預先早去拿位。價格比起其他餐廳係非常低，而呢個都係佢嘅吸引之處。起16/01嘅時候走左去，除左其他舊品外，我地都叫左佢新品，包括炸魚柳，豬肋骨，蝦海鮮意粉等。食物的確唔錯，尤其是豬肋骨彈牙易脫骨。總體而言，食物起預製菜來講係唔錯，尤其是價格的確幾低下，非常吸引。推薦同親友起唔想食太貴嘅時候去食。

去到香港仔薩莉亞，平時好多學生排隊，而家暑假就少啲，入去輕食一個午餐。小食叫咗羊肉串，焗田螺，煙肉菠菜，主菜叫咗漢堡扒拼腸仔，同香辣蜆肉意粉。每人加$13非酒精飲品任飲。羊肉串：用鐵板上幾有誠意，羊肉亦醃得唔錯，每吋都係肥瘦相間，幾香口。煙肉菠菜：鹹咗少少但整體都係幾好。蒜蓉焗田螺：配埋focaccia，索曬啲蒜蓉牛油，好正！黑椒漢堡扒配意式腸：呢個就一般，薯仔好乾，黑椒汁黑椒味唔夠濃。香辣蜆肉意粉：呢個處理得好好，意粉真係al dente！整體感覺非常好，場地衛生，有闊落，食品價格合理，兩個人食咁多嘢$188~

以下係我為您撰寫嘅薩莉亞食評:**薩莉亞 - 墨魚意粉係挚愛之選，新推出Pizza同樣出色**最近我再次造訪咗我最鍾意嘅餐廳 - 薩莉亞。作為一名忠實嘅顧客,我必須講呢度嘅墨魚意粉仍然係我嘅心頭好。濃郁醇厚嘅墨汁配上彈牙嘅意粉,簡直係人間美味。唔過呢次我都想試吓佢哋新推出嘅Pizza,結果都冇令我失望。Pizza餅底薄脆,邊角微焦,散發誘人嘅奶香。芝士鋪得好厚實,入口即溶,非常滿足。最令我驚喜嘅係配料相當豐富,每一口都可以品嚐到唔同嘅食材,口感層次鮮明。此外,佢哋嘅炸雞球都好好食,外皮酥脆,入面肉質嫩滑多汁。如果唔好出去食,你都可以買佢哋嘅即食凍餐品帶返屋企加熱食用。總括嚟講,薩莉亞仍然係我嘅餐單top選擇。唔論係佢哋經典嘅拿手好菜,定係新推出嘅創新美食,都堪稱上品。強烈推薦俾大家!

「薩莉亞」,成功將傳統意大利菜品平民化,讓每一位食客都能負擔得起品嘗正宗意式風味。粟米pizza。餅皮薄脆可口,搭配香濃的番茄醬料和絲滑的芝士,整個pizza入口即化,另一個必點項目則是他們的墨魚麵。麵條Q彈有勁,配上鮮美的墨魚醬汁,可謂百吃不厭。除此之外,餐廳還提供多款意式經典菜式,如香煎小牛排、烤雞翼等,各有特色。無論是想來一份簡單的快餐,還是享受一頓豐盛的意式大餐,這裡絕對能滿足你的需求。值得一提的是,用餐環境也非常舒適。裝潢溫馨自然,配合親切周到的服務,讓每位顧客都能盡情享受悠閒愜意的用餐時光。無論是商務聚會還是朋友小聚,這裡都是不錯的選擇。

次次嚟呢度都會叫好多嘢食，因為所有嘢食都好便宜。食物不算太多，但個人認為ok。因為可以叫多啲種類嘅餸菜。今次要了煙肉🥓菠菜和芝士蘆筍。朋友次次都會揀沙律，叫大蝦沙律🥗和芝士橄欖。法國田螺充滿蒜蓉味，三重芝士薄餅唔會太大份啱啱好夠分🍕。咁啱姨姨話見到人哋隔離食啫喱，我就知道佢講緊士多啤梨蛋糕，所以亦都叫咗一份俾佢食。可惜佢嫌太凍啦，因為呢度啲蛋糕由雪櫃攞出嚟。佢食咗一啖就冇再食啦，亦都叫咗一個Tiramisu蛋糕。要咗個煮蜆同埋煎三文魚Auntie都話OK今次佢就一次試呢一間餐廳。價錢都係好平，可以叫好多嘢食☺️☺️

之前都嚟過衣間餐廳食過好多次，每次都係獨立叫餐，今日lunch就試吓食佢lunch set。我揀咗粟米湯，嚟到個湯係凍，一啲都唔熱，得個甜冇咩粟米味，仲衰過罐頭湯，飲落每啖都有粟米粒嘅外殼，我冇打錯，你冇睇錯係外殼。溫泉蛋肉醬多利亞，初時以為係意粉，點知嚟到係飯，衣樣都算，問題係勁多醬汁，肉碎就得幾粒，啲汁撈埋啲飯，食落似糊仔，🙈係咪我唔識野，衣啲先係叫多利亞？ 🤢係個沙律最正常。😮‍💨如果大家叫lunch set，係有飲品或湯選擇，奉勸大家揀飲品🥤

哈哈😆還好我們12:30 多就進去再晚一點 就已經排起人龍了 大家去時早一點點🤏要不晚了 就要和LUNCH TIME 的大家併一個周打魚湯是必喝的吧 平日不愛喝湯的小孩🧒把這秘殺完全沒有要留給我們的意思 笑死😆香草🌿焗牛油田螺這份吃起來超方便 啖啖肉又不用自己挖味道又濃郁（不過怕胖的這份可以先PASS 油滿多的 哈哈香蒜辣汁野菌西蘭花自己煮西蘭花🥦也真的挻麻煩的 這雖說有辣汁可是不吃辣的小孩🧒 也有吃～～ 而且份量也不算少想小孩🧒多吃點蔬菜🥬 可以試試這份～～香焗芝士意大利🇮🇹雲呑這汁～～～滿滿的奶油 愛吃濃厚芝士白醬的一定會喜歡💕中間還點綴了一些些蕃茄醬 微酸混合在一起 減輕了厚重的膩感明太子海鮮🦞意粉🍝來薩利亞必點一份意粉🍝吧～ 份量大 又好吃😋～每條意粉🍝都被奶油和明太子包裏著 這價格這品質 那𥚃找呀～～原味雞翼（8隻）每次來 不論幾人 都會點8隻 明明是原味 但完全不是清淡的那種真想知道他們是用什麼醬料做的 好吃😋好吃 香口又不過於濃烈刺激吃一隻雞翼 再吃一下別的 也會一直想再吃一隻 再吃一隻就好芝士薯蓉 FRICO太久沒來了 出了新品也不知道 這薯蓉肯定每個小孩🧒都愛吃味道不

每次想食平啲啲都會嚟咗薩莉亞，而每次都會例牌叫佢哋嘅蒜蓉包同埋雞翼。佢哋嘅雞翼肉質嫩口，有少少辣，同時亦都大隻，好抵食。亦都叫咗一個周打海鮮湯，當入邊嘅材料都好多，味道濃郁。

薩莉亞意式餐廳是一間多種類的平民西餐廳，總會找到你喜歡的食物。環境尚算舒適，整潔，按鈴落餐，自助飲品位置，吸引食客。今次點選了水牛芝士薄餅，夾層有濃郁茄醬令人薄餅多了一種口感。薄餅超大份，真的吃不完。配上千島醬雜菜沙律，令人都有蔬菜襯托，嗰餐都健康一點。

💥平價西餐叫幾多都得😌📍 薩莉亞意式餐廳｜香港仔📍人均消費$ 6 X#cl香港仔 #CL四圍食 #CL西餐⚪️⚪️⚪️⚪️⚪️⚪️⚪️⚪️⚪️⚪️💟 鐵板漢堡扒呢個係超抵食‼️漢堡扒雖然唔係和牛但超有肉味😋只係三十幾蚊仲有一隻窿邊蛋🍳💟大蝦沙律 L SIZE呢個菜嘅份量唔多但係就有超多蝦仔😌菜都唔係貴其實可以比多少少🫶🏻💟黑松露野菌意粉整體來講比較重白汁味，個汁底比較熹冇乜黑松露味，唔係好掛到喺意粉度😝但係啲嘢菌就超多仲好鮮甜💗💟白汁海鮮pizza呢個應該都係手工制，餅底脆有好多芝士🧀配埋大量海鮮🦞自己切都切到六舊🫶🏻💟鐵板牛冧肉呢個係冇得揀幾成熟🤔嚟到就變咗well done😅雖然有肉味，但實在太鞋🥲不負責任點評✌🏻好味道🌕🌕🌕🌖🌑性價比🌕🌕🌕🌕🌑回頭率🌕🌕🌕🌗🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

今日同同事去覓食，見到薩莉亞個午餐Menu幾吸引，於是就去試試。平時晚餐食薩莉亞就食得多，估唔到原來午餐係有lunch set嘅，而且都幾抵食。我哋叫咗兩個鐵板餐，然後加咗$16，加配前菜沙律、飲品吧任飲、同埋飯。加埋每人都只係$54買單，齋睇價錢，有鐵板餐又有任飲飲品，仲有邊度會搵到！先講份量，男生都絕對夠飽。味道方面，雞扒煎得皮脆肉嫩，漢堡扒亦非常Juice，薯角就略嫌唔夠脆，揚唐雞亦炸得剛好，不會乾柴，粟米夠甜，香腸就不過不失。美中不足嘅就係塊鐵板就真係唔係好夠熱，而且黑椒汁或照燒汁唔多，不過呢個價錢真係冇得要求咁多。整體來講，薩莉亞嘅鐵板lunch set真係算幾高性價比，對於得一個鐘頭食飯時間嘅打工仔來講，平價鐵板餐都可以係平日同同事chill一下。

成日見好多人排隊食都真係有原因，一來性價比極高，二來環境寬敞舒適。食物款式雖然簡單，但用料質素高，一家大細都啱食！1) 羅宋湯 - 酸咗少少2) 煙三文魚 - 好香好抵食3) Ham - 同外國超市買既貴價ham差唔多，仲要紅/白酒每杯$16, 入口ok4) 蝦沙律 - 正常5) 黑胡椒蜆 - 雖然蜆較細粒，但鮮甜6) 洋蔥青口 - 洋蔥粒好味，青口一般7) 法式焗田螺 - 比較油，味淡8) 鐵板羊扒 - 超好味及堅抵食，三件$699) 飲品每位$13無限添飲已經飽到食唔到甜品，下次再試！

這間日本品牌嘅意大利餐廳，近幾年喺香港開到成行成市，總有一間喺你嘅左近。喺一次偶然嘅情況下幫襯咗佢，又唔駛加一，食物又大大份，CP值真係好高！但係衛生問題確實需要改善一下，因為有次見到個杯裡面有少許污漬，所以裝水之前記得要用滾水沖幾下先。當晚我地點咗好多款食物，有水牛芝士Pizza、明太子意粉、煙三文魚意粉、溫泉蛋多利亞、煙三文魚沙律、周打魚湯、意式雜菜湯、鐵板燒魷魚、焗法式田螺。。。因為價錢真係好實惠，所以唔覺意點多咗啦！

香港仔最近新開一間薩利亞，未食過的我跟住同事去潮聖。環境光猛。枱櫈都寬落。估唔到大概50$ 一餐的lunch 都可以做到，原來有lunch set, 3x$ 一個主食，外加13$ 有沙律🥗 同咖啡汽水自己refill. 都幾係喎呢餐，叫左pizza , 基本水牛芝士pizza, 芝士有芝士味，又有小小蕃茄味，個皮唔太厚，食到個脆邊的，加晒分！另外有黑松露意粉， 意粉唔係出面茶餐廳個d吸水勁肥意粉，真係有幾舊大大舊的菇，又真係聞到好香松露味。😋 （其實一入餐廳就聞到）海鮮明太子意粉，呢個好明太子味。鐘意的人應該鐘意。不過裡面又真係有蝦同尤魚。又足料喎！忌廉雞粒扁意粉，個忌廉好creammy~ 香濃！可能芝士多左d,有d 咸。+左$9 叫左2隻雞亦。 中規中矩。整體黎講。 50$一個人。 性價比超高！