薩莉亞意式餐廳 (Smithfield Walk)

中學時期最中意去就係薩莉亞，因為又平又好味，又可以同時滿足食意粉同披薩既慾望。中學畢咗業到大學就一直無機會食返薩莉亞。時隔4年終於同朋友食返一轉，感覺同以前無咩分別，無論係食物質素，價格，環境，還是衛生等。個服務係十分好，甜品2分鐘出，面8分鐘，披薩15分鐘。個52蚊甜蝦意粉一如既往唔抵，都係要叫30蚊肉醬意粉先好。個三倍水牛芝士披薩就中規中矩，同dough bros差唔多，但係38蚊有良心。個20蚊tiramisu就有d唔抵，一啖就可以食曬，味道算中下，最多值15蚊。個環境都幾好，就係座位有d細。但係我有合理原因懷疑個洗碗工比人壓榨，因為個餐具真係污糟到想嘔…查看更多

平日下午四點幾，係時候食下午茶，counter冇人，再行入啲先知唯一（二？）的侍應在裡邊，好彩沒有在外面等。第一個叫的意大利飯來得足夠快，食到一半見仲有胃口就叫咗個雞翼，結果食晒個飯，雞翼都未到，炸個雞翼要15分鐘🙄鷄翼食咗兩隻又想食甜品，呢次唔覺唔覺就等咗半粒鐘，唔搵侍應追單甜品唔來🙄🙄🙄 侍應話甜品準備時間只需5分鐘，其他食物大約15分鐘。大家唔好學我儍等，樓面唔忙就按時追單喇！總體而言，環境幾好，抵食，侍應友善，但出食物速度需要加強。…查看更多

薩利亞就大家都陌生，成日想平平地試多啲嘢就心思思去食🤪原來更新咗手機點餐，都幾好幾方便😆💬 香草牛油焗田螺依個真係每次都叫，最喜歡用佢嘅牛油同香草，配上蒜蓉包就一流！！（我私心鍾意跟菠菜食-其實少怪😂😅回頭食: ⓨⓔⓢ💬 香焗芝士意大利雲吞之前一直想試，一直都冇貨，今日終於試到了🤭 芝士餡不過不失，但外皮就有點厚，我就唔太鍾意喇🫠🫠回頭食: ⓝⓞ💬野菌忌廉粗管麵野菌份量唔少🤪都有唔同嘅菇 我喜歡！粗管麵亦軟硬合適，不過汁就可以更多，建議再多啲芝士粉食會更好味！！依個質素依個價錢都合理！！🫰回頭食: ⓨⓔⓢ❤️薩莉亞意式餐廳 (Smithfield Walk)❤️西環堅尼地城士美菲路45-51號Smithfield WalkLG樓14號舖❤️2261 0720…查看更多

同伴向我提議：不如去食薩利亞。「食物價錢相宜，打開餐牌，鍾意食乜叫乜，感覺很爽的。」好，好呀。不是放題，但有食放題那份無拘無束、甚至帶點任性。畢竟我未做到「點餐不需看價錢」的財務自由，也可在這價錢貼地的日式洋食連鎖店，一試那份滋味。時間還早，一到達位於小型商場地庫的店舖門口，就有店員安排了座位，總算避過了之後出現的人潮和等位時間。用餐區不算大，想坐到未有顧客的地方，店員婉拒了，說人手不夠，那邊不開。那可問題大了，餐廳薄利多銷的經營策略 (這樣的價位，不靠翻枱快，又可以靠甚麼？)，被人手安排打亂了；「有得睇，冇得食」，不單是店外眼巴巴看著有枱卻入不了座的顧客，還包括沒法發揮營運潛能的經營者。趕快點餐，免得人多要等上菜。打開餐牌，嘩，真係抵到呢！Pizza三十蚊有交易，外面專做外帶的Pizza店，這價錢連一片都買不到！熱蔬菜是粉麵店油菜的售價，最「貴」的羊鞍也不過是$78，而且是每客三件，天呀！而飲品吧也不用全枱叫，對顧客的信任真是舉世難求！餐點很快就開始陸續送到，冷盤上菜快完全不意外，相信熱盤也是放入焗爐等烹煮裝置，不經人手，可以減省備餐時間。眼見菜式的份量和賣相都相當「標準」，相信日式企業的SOP在此也有效執行：無意外，但亦無失望。今天的主角 - 羊鞍焗爐燒出場！單據上已把事實和盤托出：是用焗爐「燒」的，不知焗爐內有沒有明火？反正眼前的熟而不焦就是了。回想燒肉放題店「自燒自受」的那片羊架，被火燒到一整面金黃色的，鄙人甚至覺得有點焦才好吃。不過在這裡，「快」和「安全」(我是指不會被客人投訴「燒燶咗喎，換過」) 是王道，明嘅。同伴沒有點飲品吧，只有我在喝，乖乖地，一個人喝。最後一道菜，就是「菜」，姍姍來遲了。難道真的因為要落鑊炒，所以需時較久？這頓飯，我倆可謂是想食乜叫乜，而且避開澱粉質菜式 (飽肚又便宜的意粉、薄餅⋯顧慮到這些食品對血糖水平的衝擊，低於對荷包的「保護」)，「生酮」得很，每位卻才一百塊多一點。我說「閉眼」，不是說「冇眼睇」，而是有「闔埋眼」點餐的自由和豪氣。真係幾爽㗎！…查看更多

去開西環做義工就去咗附近食嘢薩莉亞出名夠平，而且都幾近義工中心就去咗食今次係第二次食薩莉亞去到即刻有位，唔駛等裝修唔錯，環境都幾闊落試咗幾款嘢食包括兩款意粉、兩個Pizza同埋一個飯另外仲有蒜蓉包分量唔算好多，如果5個人share食就未必會好飽明太子意粉有啲蝦同埋魷魚調味唔算好重，味道一般自己覺得雞肉管長通粉好食啲意粉加埋雞肉幾好食，不過就相對偏鹹Pizza感覺上係用咗彼得包做餅皮相對偏厚兩隻味比較之下鍾意粟米多啲未試過甜嘅配搭，都幾特別以呢個價錢來講算係咁意大利飯唔算好驚喜有少少蘑菇同埋芝士不過勝在唔膩整體不過不失雖然平但食物質素一般不過以佢嘅價錢來講真係幾抵平均每個人都係30幾蚊間唔中食下都OK…查看更多