薩莉亞意式餐廳 (荃薈)

最近我獨自一人來到荃灣的薩莉亞意式餐廳用餐，體驗非常愉快。由於我是非高峰時間到訪，餐廳的環境相對安靜，讓我能夠好好享受這頓飯。我點了玉米薄餅和番茄直通粉，還加了自助吧台的可樂。玉米薄餅的餅底輕薄酥脆，甜美的玉米粒為整道菜增添了香甜的風味，讓人吃了停不下來。番茄直通粉則鮮美可口，番茄醬的酸甜平衡恰到好處，意大利麵的熟度也掌控得非常完美。用餐結束前，我從自助吧台添了一杯可樂，冰涼的飲料頗為解渴，配合美食相得益彰。最後，我還帶走了一份蒜蓉包，這個選擇真是太棒了！蒜蓉香氣濃郁，口感鬆軟，回家後依然好吃。整體而言，薩莉亞意式餐廳提供了一個舒適的用餐環境和美味的菜品，讓我不由得感覺到放鬆。期待下次再來，試試更多的美食！…查看更多

薩利亞一向以高CP值見稱，今次和朋友一行數人來到荃灣荃薈分店，整體體驗令人滿意👏！🍗 香辣雞翼：炸得外脆內嫩，雞皮微焦香口，肉質多汁，不會過鹹。辣味剛剛好，適合喜歡微辣的朋友。性價比非常高，一盤六隻，大家分來吃非常合適！🔥🍕 芝士薄餅（Margherita Pizza）：熱辣辣上枱，芝士拉絲一流，番茄醬酸甜適中，餅底軟熟又帶點嚼勁，配埋微焦的邊位非常香口～就算係芝士控都滿意！🧀🍅🍝 忌廉海鮮意粉：醬汁濃郁但唔膩，帶點海鮮鮮味，蝦與蜆份量適中。意粉煮得剛好，不會過腍，味道平衡得好好～👌🥩 鐵板羊仔骨：雖然份量不算多，但味道香濃，醬汁滲入肉中，鐵板上枱仲有「滋滋」聲，睇見都流口水🤤。羊味濃郁，但唔會「羶」，火喉掌握得好好，推介！🪑 環境與服務：店舖光猛企理，翻枱速度快，員工有禮親切。點餐系統簡單直接，亦唔會等得耐，適合朋友聚會或者快閃食飯。💰 整體評價：性價比高，用餐愉快，食物質素穩定，值得一再回訪💯！特別推介比學生或者想輕鬆食頓飯的朋友～～…查看更多

本身食完一轉蜆，諗住好好食再嗌多轉，點知第二轉蜆廿隻入面有六隻唔開，而面頭個啲蜆有部份都係凍嘅，即刻唔敢再放入口。 雖然蜆嘅價錢算平，亦都會有蜆唔開口嘅情況，只係希望如果出餐前可以係廚房入面西走唔開口嘅會更好。 另外，其他食物保持一貫水準，尤其是雞翼，每次嚟都要嗌16隻！…查看更多

偶然久不久會去一次薩莉亞，尤其想吃平民價的西餐，而剛巧附近有分店的話，可以考慮選擇去吃它的午市套餐。曾去過大窩口和九龍灣的薩莉亞分店，空間夠大，坐得舒服，可以慢慢吃。每次去吃，會選水牛芝士薄餅／溫泉蛋肉醬多利亞／明太子海鮮意大利粉，再加田園沙律，還有飲品。就算不是午餐去，幾乎每次一定會加飲品，因為可以無限添飲，同一時間可以試飲不同味道的汽水／咖啡／朱古力。特別喜歡吃水牛芝士薄餅，個人喜歡吃芝士，吃簿身的薄餅。無論是一個人去吃，或是跟家人朋友去吃，簿簿的、尺寸份量合適，還可以多叫別的小吃。…查看更多

2024.3.20.平日星期三下晝五點左右來食，幾年前一路都食開雞肉多利亞（飯)，以前就一直都冇黑椒汁，但係可能餐廳改咗配方，上幾次食都加咗黑椒汁，勁難食，所以上次來食嗰陣落單特登要求走黑椒汁，上次個侍應又話個飯並冇黑椒汁，所以今次咪冇要求照落單，點知今次焗飯上面全部都係黑椒汁🤮🤮一時又有一時又冇都唔知想點仲有個脆脆蝦好地地配沙律醬又變咗蕃茄醬，最搞笑係嚟到俾包蕃茄醬，個沙律醬矜貴到加錢都唔俾轉，個蝦燶晒仲要淋滋滋，之前食都唔係咁😥其他都麻麻地，仲要啲侍應同經理態度勁差，俾錢買難受，唔會再食下次…查看更多

家人和我最近找了間餐廳吃飯,就是位於荃灣的「薩莉亞」。店內裝潢簡約時尚,服務輕鬆親切,讓人高興逛逛就想停留用膳。我們點了8隻原味雞翼,雞翼肥而不膩,外脆內嫩,非常惹味。另有一道野菌忌廉焗飯,飯粒彈牙飽滿,野菌鮮味濃郁,簡直讓人肚子再也塞不下了!我最喜歡就是香焗白汁菠菜,菠菜綠而不膩,配上香濃的白汁口感完美。 最後一道是蕃茄煙肉意粉,鮮美多汁的蕃茄和煙肉激發出濃郁香氣,淋於彈牙滑口的意粉上，分外美味。飲品吧的飲品任飲倒是讓我們飲飽了,下次一定再去這間「薩莉亞」!…查看更多

打風屋企附近冇乜餐廳開門，所以就同屋企人揀咗食好耐冇食過嘅薩莉亞！好多年冇食，我印象中飲品吧嘅價錢係$11，依加加到$13！算係幾有良心㗎喇！不過其實諗返都只不過係飲咗兩杯Zero Pepsi 😂😂下次如果再去食嘅話應該唔會再嗌飲品吧！不過值得一讚嘅係佢哋啲杯好似乾淨咗少少！雖然都係忍唔住自己用滾水洗咗兩次😂😂🤔👩🏼‍🍳⬆️雞肉粗管麵呢個係我每次食薩莉亞都一定會嗌嘅嘢食！無退步❤️！⬆️水牛芝士pizza 唔知係咪太耐冇食，覺得佢個Pizza批底好似搏咗少少，不過咁樣仲好唔會太飽，始終上面好多 cheese 🫕 🧀 ⬆️煙肉菠菜純粹係覺得需要少少纖維，所以嗌咗啲菜嚟食😂正常發揮冇乜特別⬆️明太子海鮮意粉🍝唔使有乜期望，係粉紅色，但係就食唔到好濃味嘅明太子！不過咁平就冇得要求咁多啦🤔️🤔️😂⬆️小食拼盤下次唔會再食，會寧願就咁嗌雞翼！因為佢嘅炸雞🍗炸蝦🍤同香腸都係好多粉！…查看更多

今日相約了友人，順道一聚兼且晚飯，去了久違的薩莉亞再回味一吓。時值七點多，已有不少食客在等，今天都要等了廿多分鐘始能入座，可能已有一段時間沒有光顧過，發現餐單都加入了一些新的改變。今天只是簡單的點了一客蒜蓉包、一個周打海鮮湯、一個肉丸意粉、原味雞中翼、黑椒漢堡扒。周打海鮮湯都保持一貫水準，味道不錯，能吃得出實在的海鮮味，只是份量仍然和以往一樣，個人感覺少了些。 蒜蓉包的祘蓉夠香濃，惹人食慾。雞翼外表賣相不俗夠金黄，亦很入味不錯。 肉丸意粉上枱了，看上去意粉焗得亁身，入口有咬口感不會太淋;反而是主角的肉丸味道就普通一些。最後再來多一個黑椒汁漢堡扒鐵板扒，看上去賣相不錯煎蛋加粟米粒作搭配，漢堡扒肉份量的比例還可以 ，不會覺得肉少粉太多，醮上惹味的黑椒汁，吃落都想多來一客。而且在薩莉亞進餐價錢是相當經濟的，今晚又是一個不錯的一頓晚飯。…查看更多

「薩莉亞不嬲都話係窮人恩物」但呢句說話已經係以前年代，依家啲嘢已經加晒價，但都無阻你自製平民西餐🍽✌🏽甜蝦沙律🥗（HKD 24):絕無欺場，超多甜蝦仔，真係食落鮮甜😆沙律🥗菜新鮮爽脆，仲有三粒蕃茄仔，加埋薩莉亞沙律醬，食落千島醬，酸酸甜甜，開胃菜一流。粟米忌廉湯（HKD 12):香甜粟米🌽入口順滑，加上適量忌廉增加濃稠度同香氣，不錯👍🏽周打海鮮湯（HKD 12):真係有粒粒蜆肉，但味道比較淡，加咗少少香草🌿調味，仲有蘿蔔粒增加口感，無HEA你。蒜香法包（HKD 10):熱辣辣呈上，法包吾會硬到打死人，反而比較焾身法包，蒜蓉牛油🧈無得輸，仲烘到焦脆邊邊。墨魚汁意大利粉（HKD 32):每次都食到好似烏嘴狗咁，黑漆漆的，但意大利粉經過調味加上橄欖油同鹹鹹地嘅墨魚汁，出奇地夾，仲有煙韌魷魚🦑，份量十足，好味😋。美國肉眼牛扒🥩（HKD 68):牛扒牛味好濃，油脂分布平均，出奇地好食，肉質焾糯，黑椒汁仲帶辣辣地，仲有香甜粟米🌽粒做配菜。總結：自製平價西餐 性價比高 味道唔錯 …查看更多

薩利亞一向都係平民美食🍕價錢抵得黎 份量又多 味道都唔錯～今次就叫左外賣都一樣咁好食😋 雞翼每次都要叫既！雞球就比較淋 無咁脆卜卜墨魚汁意粉雖然會食到黑孖孖都係一樣咁支持重點要讚下個明太子Pizza 味道夠哂濃 又足料…查看更多

装修光猛，堂食選擇不多，餐牌價錢超平，平均是$27~38,反而再加錢配甜品，小食，飯，湯，或加$13可自助拎飲品，任拎任飲，無限時，配搭非常有彈性，抵讚下午茶時段，人流不多，比港式快餐店坐得更消遙自在。飲品自助區~ (任拎任飲)選擇有熱水，茶包，奶茶，咖啡，汽水前茶沙律 ~ 生菜，蕃茄水牛芝士pizza ~ $30簡簡單單水牛芝士pizza,反而更感覺到芝士的香濃味意大利布甸 ~ $12香滑， CP值高食後感侍應服務也非常勤快，整體感覺，無論食物，價錢，服務也不錯，CP值高…查看更多

今日又去我的主場 食午餐，同埋個同事一齊食，食得好滯...我們點左兩個套餐，開開心心一齊傾計😘，咁就食左一個鐘😜，返到公司仲遲到....😟和同事吃飯係最開心的事來個餐湯，今次呢個湯真係失哂水準，麻麻地，不過我同事反而係幾鐘意飲#鐵板漢堡辣腸雞球（黑椒汁） ($38 + $13 飲品吧及田園沙律餐)呢個鐵板好多人認為的靈魂就係漢堡，但係我最愛的靈魂就係辣腸，係微微燶的辣腸，配埋薯角先係主角，而漢堡就係黑椒汁好濃好豐富，成個人都精神哂，同埋真係好 Juice肉醬多利亞 ($27 + $13 餐湯及田園沙律餐)外圍的芝士唔算特別濃，唔搶味，而中間的肉醬就唔算好咸（有次食過勁咸師傅重手），焗飯細細份就唔適合肥肥的我啦，靚女太太就好適合，佢竟然係少少食唔哂，因為太膩啦多謝各位！…查看更多

今晚因為有事，去完尖沙咀的 office 之後要返一返荃灣 office 整一整野，順手食飯影一影，兼寫食評。小詩第一次寫食評，希望各位包容一下，如果寫得差，都俾 D 意見，小詩我會好好虛心學習，希望為各位知道我對美食的睇法。呢餐一個人的晚餐食左 $78，今時今日唔算貴，好啦，請睇下我點評啦！今晚我係一個係度慢慢食，希望下次有你陪我一齊食。先來杯飛想檸檬茶（有汽） (自助飲品每位 $13)，佢係自己已調較好「汽」的份量同埋檸檬茶的份量。不過我最愛仍然係雀巢檸檬茶，唔知幾時先可以係快餐店同埋呢 D 地方飲到我好鐘意佢個 #意大利菜湯 ($12)，不過今晚大窩口的 #Saizeriya 似落鹽落得「重手」，整個湯都有 D D 咸，係令到個番茄味失色唔知點解想同 Pizza 影一張前 Selfie... 哈哈小詩好鐘意食 #Pizza ，上星期先食左 #買一送一 ，今晚又食呢個 #黑椒雞肉野菌雙享薄餅 ($34)，我無另外加 $6 加 #雙重芝士 ，過濃的芝士我反而係麻麻地，食到成個口都好重芝士味。講返個 Pizza 的雞肉部份好惹味，黑椒係同雞似同批底幾夾，而個野菌部份食到濃濃的番茄味，係唔錯的選擇我覺得 #香蒜辣汁野菌西蘭花 ($19) 半驚喜半失望啦，先利申，我對辣的食品就會好快出汗，所以唔係好經常食辣，不過呢個失望位就係完全無辣味，今晚想刺激下味雷就刺唔到啦但係個驚喜位，呢個前菜，竟然有我最愛的冬菇（無錯！係冬菇！！！）好有咬口，但係點解會放冬菇，我真係唔明白啦最後沖左杯凍咖啡飲...不過不失多謝各位！…查看更多

週末與朋友相約，一起午餐聊聊天，為了遷就工作繁忙的她，特地來到大窩口，她公司附近的荃薈商場, 商場內有很多餐廳, 我們挑選了其中一間，薩莉亞。餐廳非常大，但由於價錢優惠，合理的原因, 也經常要排隊等位置｡ 🎯 飲料～餐廳的飲品是自助形式的，可以無限添飲，15元一位，性價比高。🎯 甜蝦粗管麵～每一口意粉質感的粗管麵也被忌廉重重包圍，口感甜美動人, 甜蝦也有好幾隻，味道不錯，可是份量太少，對女生來說，也只能算是一個小點心｡🎯 水牛芝士薄餅～感覺像家裡自制的薄餅一樣，雖然味道和賣相不算太精緻，但是水牛芝士極多，豐富了口感，以30元的價錢來說，可以。☀️🎯 墨魚汁海鮮燉飯～每次食這個飯，也感覺廚師是用雞粉來調味的, 味道單調，可依然會點這個，因為我特別喜歡墨魚汁的味道，黑漆漆的外表 也增加了神祕的感覺。🎶🎯 榛子脆餅冰雪蛋糕～第一次在薩莉亞點甜品來品嚐。由於看到電視主持人的介紹，說味道極棒，所以特別要了一個來品嚐， 榛子味道濃郁，可惜過份的甜，中間層包裹著一些碎花生，口感特別，可以一試，但不用有太大期望｡簡單的一頓午餐，見到想見的朋友，聊聊生活鎖事，放鬆了緊張的心靈，開心。…查看更多

在這個非常時期， 可以不出門就不出門，但在美食面前，我還是輸了..... 外出很快的享用了一個晚餐。在平日裡， 這間要排長龍等號的平民餐廳， 現在輕而易舉就可內進用餐， 其實是挺不錯的。因為平日多數點意大利麵， 今日就來兩客意大利飯。墨魚汁意大利飯～漆黑一片的墨魚汁意大利飯， 配有幾個魷魚圈，味道比想像中易入口，有點像雞湯燴飯，食完整口都黑黑的，不太適合和情人一起進餐時享用，哈哈。野菌忌廉意大利飯～和墨魚飯相比，這款野菌忌廉意大利飯顯得失色， 沒有任何配料，只得一點蒜蓉在飯面點綴一下，味道比較普通，如果可以添加多點配菜，會更好。值得讚賞的是餐廳添加了一部專門沖調熱朱古力的飲品機， 可樂亦非常夠氣。…查看更多