薩莉亞意式餐廳 (新都城中心一期)

營業中

休息中

今晚來到這餐廳，點了幾款食物：野菌忌廉意大利粉，菠菜煙肉辣汁意大利粉，意大利粉煮得時間啱啱好，不會太冧，夠爽彈！(略嫌餸太少)脆焗香味雞球，外皮炸得鬆脆，味道唔錯 ！水牛芝士薄餅，面頭有濃濃嘅芝士香味，餅皮夠鬆化，好食 ！這間餐廳來過很多次，但衛生環境越來越差，在自助飲品區牆上見到幾隻小強😱，到差不多食完的時候，在梳化旁邊，又見到隻小強行來行去🙈，下次都不敢再去了😤

又黎新都城食飯 泊車優惠贏晒 加上呢間餐廳會俾泊車單 呢個商場又晤需要check電子消費 揸車既你明既😂😂😂😂平時想出去食飯又晤想食太貴我地通常都會食喔間 不過腸胃敏感真係晤好亂試 或者自己再洗洗啲餐具會穩陣啲 呢個價錢我可以接受到有啲晤乾淨今日肚餓 所以叫左兩個主食兩個小食平時我地係一主食兩至三個小食 不過我地係比較細食既第一個係莎拿美腸pizza pizza焗得好脆口 個又晤算好薄 火喉控制得幾好 上面既腸晤算好咸 味道份量都幾好 岩我口味溫泉蛋carbonara 晤好預係傳統做法 但溫泉蛋的確做得晤錯 非常流心👍 芝士份量都足夠我食左好多另外小食叫左八隻雞翼 同埋 香辣腸雞翼係似pizza hut既香辣味 不過未必每次好食 有時會overcooked 今次整得幾好 夠辣 雞翼又夠大隻香辣腸夠平 $19四條仲有四件薯角 不過食要小心啲 佢會爆汁兩個人只係$120晤洗 性價比的確高晚市排隊超級多人 要食建議七點前或八點後

一班知己食飯真係好難搵位，薩莉亞係最好嘅選擇，除咗位置夠多，每一份食都唔係多，而且價錢唔算貴，如果要分嚟食都可以叫多幾份！個人推薦煙肉菠菜同埋雞肉多利亞，呢個配搭除咗價錢合理，味道都正，最重要容易分！

今日喺新都城一個姊妹屋企度打麻雀，手風差得好緊要，之後就去薩莉亞意式餐廳食dinner，總之最緊要平一句講曬。總之喺香港呢個社會，又要學人扮西人，又冇錢，就一定要去薩莉亞。明太子魷魚蝦仁意大利粉$34，真真正正嘅西日料理，個忌廉sauce煮得好creamy，意大利粉都煮得好彈牙好煙韌 ，蝦仁冇雪味，魷魚都係爽口彈牙又冇雪味，加埋少少香草真係都幾好味，呢碟意粉份量都唔算細，正常女人食一碟應該都ok飽肚。我嘅貼士就係， 加少少Tabasco就會更好味

很久沒吃Saizeriya ，剛好經過就來了，打算吃一個大型下午茶Saizeriya 的食物一向以便宜出名，我們兩個人，叫了一個粟米忌廉湯，四隻辣味雞翼，一份煙肉菠菜和一份白汁雞肉菠菜，一共$71，沒有加一，價錢不錯。可惜的是今天的菠菜並不好吃，泥土味太重，印象中以前不是這樣的味道

(⁎⁍̴̛ᴗ⁍̴̛⁎)依間其實已經開咗好多間分店，不過每間分店嘅質素同埋服務態度都有所唔同，有時候有啲餐廳食物質素欠佳，不過我今日食嘅依一間又真係幾好，芝士非常足夠，薄餅又唔會太硬，我覺得烤得啱啱好，職員嘅態度都好有nice好有禮貌，會同你講唔使客氣，同埋唔該，睇得出佢哋好nice，成餐飯都食得好開心o(^_-)O，我覺得依度嘅薄餅真係做得好好，等候嘅時間又唔太耐， 上菜嘅時候薄餅都係熱辣辣，值得食！

睇完戲，有啲鋪頭都last order，所以就黎左衣間食。嗌嘅野食同平時差唔多，嗌左蛤、雞翼、pizza、湯、魷魚同飯。啲野食質素正常，都好食嘅，係啲蛤多沙，其他ok，唯一唔好嘅係食物唔夠熱，只係暖暖地。可能因為已經夜晚九點半，冇平時咁好食。因為食過好多次，其實都唔會點打食評架喇，但因為服務態度唔好先忍唔住要打。話說見到魷魚果樣咁，有啲白色既野，友人望下隔離枱發現人地冇白色嘅野喎，於是好奇想問下侍應點解會有。即使衣啲白色嘅野係原本正常會有，你都可以態度好小小，咁樣我地都接受到。我地平時叫開冇見到有，問下姐，點知侍應話咁你想點？所以就好嬲，搞到冇乜心情食，原本開開心心，希望下次唔會再遇到衣啲侍應啦。野食正常，但環境真係麻麻地，有好多小昆蟲飛飛，搞到比野咬好痕。而且餐具都洗得幾唔乾淨，要用熱水洗同大力用紙巾抹先乾淨啲

一向都好中意食薩利亞有平有好味 簡直係窮人恩物🥺😍每次嚟到必定會叫嘅係雞肉多利亞❤️😍真係好鍾意佢個cream sauce 好香好濃加埋又香又嫩滑嘅雞肉 仲有少少黑椒sauce 微微辣焗完面頭焦香 真係好正 人間美味幾肥都肯阿🤣🤣🤣男朋友就鍾情於肉醬多利亞鍾意佢超級多肉醬撈晒成個飯魷魚筒又係超級抵食不過就覺得個汁有少少太鹹沙律又有大大塊煙三文魚沙律醬又唔會太少鍾意佢啲雞翼夠辣 又夠味 煎得岩岩好上哂色😍😍😍

糧尾嘅時候會想起這間店，呢晚8:30來到，門口仍然企住好多人等位，等左大約20分鐘，終於入座。叫咗幾個菜，再加一大一小嘅任飲，大人$13 ，小童$8 ，真係好鬼抵，雖然嘢飲就選擇唔算多，但係咁平，仲想點，仲要冇加一喎。芝士蒜蓉包：好大塊，除咗芝士還有蒜蓉味，烤得香脆，味道都唔錯，但又唔算10分好味，不過不失。香辣雞翼：呢個唔錯嘅，必叫，夠辣，雞翼唔算大隻，但味道唔錯，又平。周打蜆湯：呢個失望少少，因為我唔鐘意太多配料，影響左個湯味道，我覺得有蜆有湯已經好夠。芝士pizza: 味道都唔錯，芝士夠多，呢個價錢我覺得性價比好高。雖然餅皮厚左少少，但餅皮都脆，所以都好味。

下午茶時間去，唔駛等位，上菜好快食品大同小異，都係正路啱價野唯一想講你既然唔收卡，又唔收八達通！免費泊車要「電子消費」，就係咁冇左個2小時免費泊車！今時今日街市都收八達通、支付寶，估唔到呢間餐廳如此落後！

我好中意食意大利餐廳，今日又黎Tko食了，我特別中意黎呢間食，因為佢既野食好似會比其他分店大份啲，另外服務態度都非常好。其實係意大利餐廳真係可以用平民價位食到好多野，而且味道十分之好，一直無跌過！所以我次次都忍唔住叫勁多野食，今次兩個人都食左160蚊左右。甜蝦沙律係每次每叫，呢間分店俾既甜蝦同沙律醬既份量真係非常之多！另外，當然唔少得必叫既辣味雞翼啦！呢間分店既辣粉同樣落得好似重手d咁，好正！之後仲叫左雞肉多利亞、蒜香菠菜炒意粉、腸仔、煙三文魚、布甸同炸蝦，其實都相當唔錯，只係意粉略嫌炒得唔夠乾身，但一樣好香口。想用平價食西餐，推薦大家黎意大利餐廳。

我光顧過這間餐廳很多次了，很多菜式也不錯，價格也可以接受。但是，牛扒的表現卻比較遜色。首先，牛扒表面有大量「血水」，可惜我沒有拍照，我起初以為塊牛扒很生，但當我切開後，牛扒不但沒有很生，還過熟了（圖一）。那塊牛扒很「鞋」，還很韌，很難咬，口感極差。在牛扒的味道方面，牛肉味並不重，調味亦不足。另外，侍應欠禮貌，沒有協助客人入座，結賬時也沒有說「謝謝」。整體來說，這間餐廳是不錯的，但有些方面仍需改進。

朋友推薦試食哩間薩莉亞事前我無睇相，黎到見到環境裝潢幾特別。幾意外同埋睇見餐牌真驚喜的叫了煙三文魚，地中海pizza 同加邦尼意粉⋯⋯煙三文魚有三塊，好油香，加檸汁好開胃。地中海Pizza 醬汁不錯，很喜歡它的餅底邊邊夠脆煙三魚份量多又好味不過海鮮得幾隻蝦幾條魷魚，我地cut 開四塊我朋友很不幸地食果兩塊都係無海鮮的卡邦尼意粉，白汁夠濃郁。 磨菇及煙肉夠惹味...溫泉蛋令意粉更滑..總括來說，環境和服務不錯啊！埋單兩個人都係九十二元平民價錢食到五星級水準 ，強烈推介！！！

自從南豐廣場嗰間執咗笠之後就好耐冇食過啦今日特登由坑口行過嚟寶琳買外賣返屋企食不過等左好耐先拎個外賣都等左成差唔多20分鐘唔知點解比堂食更耐返到屋企打開你食啲回憶返晒黎20幾蚊一個飯超值啊

每逢假期都訓到勁晏先起身,所以錯過了早餐和午餐時間,我的第一餐總是下午茶時段開餐!這裡經常要排隊好耐先有得食!!但今次完全唔洗等位直入就可以!!既然係我的早餐都唔會食得好多,所以打開menu睇左一陣就諗到想食咩!<辣味雞翼> 雞翼肉質嫩滑又多肉,整得好入味,辣味剛剛好,唔會好辣,非常惹味!<蒜香法包> 蒜蓉鋪滿整個包,香味撲鼻!!烤得熱辣辣,唔會好硬仲很香脆!!<煙肉菠蘿薄餅> 薄餅邊位厚身!切開的每片薄餅都有好多煙肉,菠蘿和番茄,十分足料!咬一口可以拉出長長的芝士,真係好好味!!整體來講,雖然餐廳環境普通,但食物真的不錯!完全明白點解這裡永遠都有那麼多人排隊!!