【📍佐敦｜簡單創出高質素】成日經過佐敦都冇留意到原來逸東酒店底層，就有一個food court仲要雲集咗唔同地方嘅美食！！！上網一search就發現有一間金牌燒雞好多網民都熱烈推介，小編就梗係唔會放過食美食嘅機會啦😋✋🏻食完之後覺得每一個菜式做拍都可能好簡單，但係餐廳就追求而高質素現人，唔怪得知可以逆市開咁多間分店啦～.🐨金牌脆皮燒雞 $78推薦度：⭐️⭐️⭐️⭐⭐每份燒雞都有完整半隻雞，一撕開就見到極多油標出，一定係好出名嘅黃油雞！！雖然咁大隻雞用燒嘅方法好容易會出現過熟嘅情況，但至少小編食嘅呢一隻就冇呢個問題，保持到肉嫩多汁～最緊要係雞本身已經醃好咗香料，所以食落係非常惹味，影相擺咗一陣都仲保持到外皮勁脆💥如果本身食好濃味嘅朋友，餐廳仲額外提供咗鹽同泰式辣醬，確保你可以一隻雞食到三個口味！另外每隻雞都會附送一次性膠手套同消毒濕紙巾，細心真係加晒分💕💕.🐨一口西多士 $38推薦度：⭐️⭐️⭐️⭐⭐一口西多士份量比想像中多，一共有六舊西多但每嚿都唔係一口嘅大細，粒粒都超級大粒，細食嘅朋友就記得搵人share啦🐒但係小編就覺得西多士係一定要叫，佢炸到六面都香脆，而且唔會好油膩，上面係鋪滿咗滿滿嘅牛油同煉奶，入邊亦都唔馬虎夾咗份量適中嘅花生醬🥜每一啖咬落去都有一個幸福滿滿嘅感覺，直程覺得係只有喺屋企先會出現嘅味道～.🐨凍爆打檸檬茶$28 跟餐$14推薦度：⭐️⭐️⭐️⭐️⭐️小編真係好少何會比五星一杯檸檬茶嘅飲品，但係呢一杯檸檬茶勁有驚喜～～一路點餐已經見到店員一路打緊檸檬，佢係混合咗香水檸檬同普通檸檬兩款混合而成嘅檸檬茶，所以飲落唔會剩係得單純嘅酸味，而係飲到層次分明～整體配搭得啱啱好！絕對高質過好多坊間爆打檸檬茶🍋…查看更多
