薈聚軒

營業中

休息中

經外買平台幫襯匯聚軒，諗住叫兩個餸做晚餐，本身大約一個鐘頭就話可以預備好並送到，結果等咗一個鐘頭零15分鐘，先收到電話通知餐廳兩個餸都賣晒，cut埋單。咩都冇得食，仲要一肚氣

一個月至少去四次，由接待員，經理以及收銀員態度奇差，打電話booking，通常到了都係要你等，全部人係門口等，叫個男經理加水，攞外賣盒永遠唔啋你，到收銀處希望用$500換$100用作給夥計貼士都覺得你麻煩，反而樓面的夥計會留客，難怪香港人北上飲食，收費還不是相宜的那種！另外食物是一般、大時大節全部都是大茶飯，即是套餐，一式一樣，一個味道，容忍真的有限，冇其他理由會再去，真的沒有下次了！還有上次點的豉油雞也是凍的！

等了一小時的蒸魚普通家庭晚飯，選擇就近的酒樓。是第二次幫襯，不幸地發生不愉快事件。我們7時入座，點了四人晚餐，當中包括一條蒸魚以及一煲湯和其他三個菜。其實上其他菜和湯的速度都正常的，到餸菜食完一半時，我們第一次向侍應提蒸魚還未到，侍應答「睇睇」後沒有跟進。餸菜食完8成時，我們第2次催，侍應答「唔係好耐姐」後沒有跟進。到其他餸菜都差不多食完時，我們第3次催，問侍應確實幾時才到？侍應先入廚房問，回覆要等12分鐘，問「咁你等唔等吖？」，另一位似高級一點的過來說句「我哋蒸魚新鮮劏嘅」，沒有道歉。其實當晚客人唔多，大概7成滿，侍應同經理都時常傾偈或企埋一邊。跟單有錯漏都不是大事，但在不忙碌時無視客人，浪費客人時間亦不道歉，實在令人不吐不快。

其實今次已經係我第二次嚟食呢一間酒樓 適逢家人生日 我喺今朝book咗位 夜晚7:30去食 留咗冬瓜盅同埋片皮鴨7:30到 侍應10分有禮貌 服務超級周到 我哋叫咗$498套餐 個湯幾好飲 足料夠味道 冬瓜盅食落好清新 都係足料 一斤龍躉 蒸出嚟唔會過熟 啱啱好 最好食係佢個薯仔牛柳粒 同埋黑豚肉咕嚕肉 我覺得佢環境好舒適 啲位又唔會好迫 $168片皮鴨 食落有驚喜 可以話係我食過top three 利申 無論香港定深圳定北京嘅片皮鴨我都有食過 所以呢間酒樓會比五星好評 性價比高 下次會再嚟

同朋友踩單車到科學園，已經夜晚了，不如就在附近食餐晚飯，醫好肚就返出沙田。鮮果咕嚕黑豚肉黑豚肉（即係咕嚕肉）非常肥嫩多汁，加上水果調製的醬汁，口感清新爽口。咕嚕肉吃起來脆香彈牙，另外仲有菠蘿、藍梅、青椒配料，交織出酸甜滋味，非常開胃。蜜汁桂花山藥淮山平時就食得多，但用蜜糖和桂花甜製就真係第一次食。廚師將淮山和清香的桂花和蜜汁完美地結合在一起 ，頗有創意。淮山經過烹調後，質地做得軟軟的，唔似平時食到的口感，獨特的甜蜜滋味，好似一道新型中式甜品。薑汁千層糕通常食完中餐，都會想看看有什麼甜品作尾。我們揀了這個薑汁千層糕，想不到薑汁千層糕非常有薑辣味，薑味的嗆感非常強，喜歡薑味的人一定非常喜歡。估唔到科學園都有間咁高質酒樓，下次可以帶屋企人過來一齊食～

朋友住在白石角，去完朋友家晚上食飯時，她就帶我們過對面的科學園食飯，說這裡有一間酒樓質素不錯。一入到去薈聚軒，幸好我們時間尚早，酒樓裡已經幾乎坐滿，座無虛席。證明薈聚軒的質素都有返咁上下。以酒樓來說，薈聚軒環境絕對是格局高雅，始終附近都有科學園的上班一族過來用膳。而且大堂有個大LED 電視，邊食飯邊看電視實在一流。晚飯來說，薈聚軒的菜式選擇絕對稱得上十分豐富。想得出的菜式都應有盡有，花多眼亂，一時不知食什麼好。✑ 1. 上湯蝦球伊麵第一道必食的是上湯蝦球伊麵。首先，蝦球做得飽滿彈牙，而伊麵亦Q彈有勁。沾上湯汁後，伊麵吸收了湯汁的鮮甜，再連同蝦球一齊擺進口中，就是最享受的食法。✑ 2. 鹽燒大連鮮鮑魚幾個朋友一齊，我們搞笑地說，不如叫碟鮑魚吧。好彩我們有點到，鮑魚十分新鮮，而且肉質肥厚彈牙，咬口十足。鹽燒的做法更加強了鮑魚的香味，變得十分惹味香口，比一般的煮鮑魚更加好食。✑ 3. 海鮮上湯雜菜煲雜茶煲匯聚了不同海鮮和時蔬，在濃郁的上湯中煨煮而成，一定滿足到各人口味。煲內有各種配料如蝦肉、蝦米、貝類、菇、菜、粉絲等，可以先輕嚐一口湯，鮮味十足。✑ 4. 椰香棗皇糕椰香棗皇糕非常香甜，椰汁和

話說有個朋友喺科學園返工，佢話佢公司樓下有間中式酒樓晚市有個四人餐幾抵，今日 Happy Friday 放工就約多兩個朋友加埋 4 位去試下佢個 4 人優惠套餐。我哋叫咗 4 人餐個名好搞笑，叫「 求其一餐」🤣 面價 $498，另加茶芥 ($19/位)、加一；雖然佢個名叫「求其」，但其實絕不求其馬虎！個餐包咗上湯大蝦球伊麵、是日老火湯、一斤重嘅清蒸沙巴龍躉，再加兩個自選小菜；我哋驚食唔曬，兩個小菜就揀咗西蘭花炒帶子 & 燒汁薯仔牛柳粒啱啱咪講話驚食唔曬，真係唔使驚！因為真係食唔曬 😎全部份量都大大碟， 連個是日老火湯我哋每人都飲咗兩碗！本身仲諗使唔使叫白飯甚至加其他餸，係完全唔使嘅 🤪上湯大蝦球伊麵，蝦係大大隻，好彈牙！清蒸沙巴龍躉蒸到岩岩好，唔會過熟，夠滑西蘭花炒帶子既帶子大大粒又夠鮮甜，燒汁薯仔牛柳粒亦都好香甜，牛柳夠淋總括黎講幾唔錯，係科學園黎講亦都好抵食，推薦大家！#薈聚軒 #中菜 #科學園美食 #香港科學園 #沙田科學園 #香港美食 #香港探店

科學園一日遊之前成日去吐露港踩單車呢幾年工作忙好少去今日再去發現變化好大好多商場連埋一齊又多停車場可以充電好值得假日去chill下❤️游水巴沙龍𧄌$98龍𧄌好抵食條魚啖啖肉無咩骨D肉好滑好諗條魚都好大條認真抵食👍❤️足隻片皮鴨片皮鴨一隻都好多皮脆肉多有哈密瓜 、京蔥同青瓜夾住黎食好正而且每日有限量黎食要預先訂👍❤️火爆安格斯牛柳條好香椒香味食落又唔太辣牛柳條好juicy而且有厚度好好食💁‍♀️薈聚軒 (沙田)👣沙田白石角香港科學園科技大道西19號19W大樓1樓106-107號舖

週末和家人一起去大埔科學園的薈聚軒食點心，真是太滿足了！每道菜都色香味俱全，讓人回味無窮。-個人最喜歡的是鮑汁鮑魚雞粒炒飯。粒粒鮑魚鮮嫩彈牙，雞肉香滑，淋上濃郁的鮑汁米飯，讓人忍不住一口接一口。豉汁涼瓜斑腩炒河也是很不錯的選擇。涼瓜清脆爽口，斑腩魚肉鮮甜，河粉滑嫩,炒得香口。點心方面，各款都新鮮即製,煎釀青椒外酥裡面魚肉彈牙，蝦餃皮薄餡飽滿，鮮蝦燒賣鮮味十足，雪山叉燒包軟綿香甜，流沙包金黃，內餡流沙奶香四溢。-柚子蜜脆蛋散和蜜汁叉燒腸。柚子蜜脆蛋散香氣撲鼻，口感酥脆，蜜汁叉燒腸都好好食。。 #大埔科學園 #薈聚軒 #點心 #鮑魚雞粒炒飯 #豉汁涼瓜斑腩炒河 #煎釀青椒 #蝦餃 #鮮蝦燒賣 #雪山叉燒包 #流沙煎堆球 #柚子蜜脆蛋散 #蜜汁叉燒腸 #推薦 #美食 #香港

# 週末好去處：大埔科學園薈聚軒父親節前終於有機會帶家人去位於大埔科學園的薈聚軒飲茶！餐廳點心款式繁多，環境寬敞舒適，而且坐擁園景，景色怡人。我們一行四人點了以下多款點心：-薈聚軒特色蝦餃蝦餃皮薄餡靚，蝦肉爽口彈牙。蟹子鮮蝦燒賣皇蟹子超鮮甜, 燒賣內餡鮮甜多汁。-薈聚軒亦加入新創菜式如紫醉金迷流沙包流沙包外皮鬆軟，內餡金黃流沙，超好吃的!滿天星雲流沙煎堆球煎堆球外層酥脆，內餡流沙香甜-避風塘魷魚鬚魷魚鬚炸至金黃香脆，配上惹味的避風塘椒鹽，十分惹味。雪山脆皮叉燒包叉燒包外層酥脆，內餡軟嫩多汁。-鮑汁鮑魚雞粒炒飯：暫時是我吃過最好吃的炒飯 !!鮑魚鮮甜彈牙，雞粒香嫩，炒飯粒粒分明鮑汁吸得滿滿的鮑汁，鑊氣十足-香煎臘味蘿蔔糕蘿蔔糕煎至金黃香脆，臘味咸香惹味。煎釀青椒青椒釀滿了鯪魚肉，外層煎至金黃香脆，口感軟嫩。柚子蜜脆蛋散蛋散香脆可口，柚子蜜味道清新。豉汁涼瓜斑腩炒河：嘗過一次後不暪你, 會一直都很掛念這河粉! 涼瓜清脆，斑腩鮮嫩，河粉炒得爽滑，豉汁味道惹味。-蜜汁叉燒腸甜而不膩, 。對於甜品有燉桃膠這點個人表示開心!餐廳無論是食材還是味道都非常出色。期待下次再來吃吃新菜單!#薈聚軒 #大埔

踩單車入咗去科學園，估唔到有茶樓喎！就飲下茶先。 估唔到又唔錯喎👍🏻 地方寬敞，大堂好光，裝修新淨，有氣氛卡邦尼大蝦球伊麵個大蝦夠彈牙，有口感幾好食。 個汁都幾creamy，但係如果個汁可以再杰啲就好啦。 伊麵入曬啲味，大口大口食，幸福滿滿。咖哩汁蒸土魷好有街頭風味嘅，個咖哩汁唔會太辣， 但係十分惹味。土魷新鮮， 新鮮就係最好食。原隻鲍魚燒賣皇/特呢個真心推介，鮑魚勁大隻。 食返回本。佛跳牆灌湯餃/ 超餡料豐富 ，個湯汁好夠鮮夠甜。 仲有大大隻鮑魚同埋冬菇好入味。1 隻/ 脆皮皇子鸽超級脆皮，裏面啲肉多汁夠嫩， 想再叫多隻。椰香棗皇糕 /中重棗香，小朋友至愛。柚子蜜脆蛋散/中估唔到踩單車去到科學園都有得飲茶，真係好幸福呀，下次再 encore。#薈聚軒 #中菜 #科學園美食 #香港科學園 #沙田科學園 #香港美食 #香港探店

提早慶祝父親節，順道做節吃中菜吃出品好一點的，就來薈聚軒地點方便駕車人士（近我家啦，其實）裝潢華麗，樓底高，感覺是坐得舒適可以談談天南地北，喝茶吃點心最理想的環境非這裡莫屬之前和科學園同事在這邊喝茶已吃過午市粤式點心非常美味，飽滿精緻蝦餃燒賣菜苗餃是必吃之選蝦膠塞爆，彈牙皮薄，晶瑩剔透鮮蝦腸粉，腸粉皮滑溜蝦肉也是漲卜卜的雪影叉燒包我是推薦的皮脆，微甜，有點像菠蘿包大人小朋友也喜歡這個鮮蝦春卷香脆柚子蜂巢酥（蘿蔔絲卷）椰汁桃膠燉雪蓮這個想試很久了～和同事吃沒點因為怕有點「自私吃」今天和家人點這個可以分享但我覺得最好是一人一碗啦因為實在是太好吃了微甜的椰汁香濃奶滑桃膠份量不少女士養顏吃這個一定錯不了！附近中式酒樓好像只有這家假日人比較多，訂座會安心一點

科學園有種神奇嘅魔力。係會想令人一放假就想過去chill下。可能少人啲個氣場會舒服啲。今日放假過來薈聚軒輕鬆坐低飲下茶。我哋係大胃王，兩個人叫咗六樣嘢食。避風塘茄子賣相好靚，茄子大大件，炸得非常重鬆脆。裏面多汁柔軟。通常出邊食既煎釀茄子口感好唔同。食落都幾特別值得一試。香煎蘿蔔糕蘿蔔糕好足料，有好香濃嘅臘味配料。煎到岩岩好金黃色脆卜卜。食落去係好足蘿蔔絲唔係好多粉嗰隻。讚！鮮竹牛肉球牛肉球超級大粒。一籠有三粒。牛肉底下仲有一塊塊腐竹。一咬落去好多汁冇腥味，牛肉亦都好香滑。好好味！蟹籽鮮蝦燒賣王我自己本身好鍾意食燒賣，每次都會叫。豬肉同埋肥肉嘅比例啱啱好，好多肉汁。我拎咗少少辣油點泥食。佢哋個辣椒油都好香，超級正！佛跳牆灌湯餃佛跳牆入邊除咗有粒巨型餃子，入邊有大粒冬菇，好軟林嘅海參，鮑魚，仲有一大塊魚肚。女仔食岩哂，啲湯好夠味，成個感覺好鮮味。原隻鮮蝦腸粉腸粉好軟滑，米香好濃。有種入口即溶嘅感覺。加埋原粒大大隻既鮮蝦，點一點佢地既甜醬油，成啖擺入口。隻蝦既厚實彈牙同埋腸粉既軟綿一入口有好強烈既對比，好鬼好味！最後讚一讚佢個茶，我哋叫咗香片，茶香好濃又一啲都唔苦澀。岩哂食點心解油膩。

薈聚軒呢間酒店級數嘅茶樓真係太出色了!我試咗佢哋嘅頭抽乾炒牛河、咕嚕蝦球雙面黃同埋雪山包,每一樣都好正呀!頭抽乾炒牛河真係一絕! 師傅手勢一流，唔會油膩, 但佢個鑊氣又好夠! 炒得夠香夠入味,牛肉又鮮嫩可口,一口接一口實在停唔到口!咕嚕蝦球雙面黃真係好驚喜! 個麵炸得好金黃酥脆,入口即化,配埋香濃酸甜嘅醬汁,簡直係滿足味蕾!最後嘅雪山包亦都好正! 外層酥脆,裡面包住濃濃叉燒餡, 超級好食! 一啖咬落去, 啲叉燒多到流出嚟, 真係太誘人喇!總括嚟講,薈聚軒係一間真係好值得一試嘅餐廳! 唔單止餐飲出色,環境同服務亦都非常出色! 如果你想食到酒店級數嘅茶樓美食,薈聚軒絕對係你嘅首選!

📍薈聚軒近近地黎科學園呢到行下順便飲餐茶餐廳光猛 闊落 坐得舒服點心仲有兩人前嘅 岩曬啲咩都中意試小小嘅人🤣✨三式燒賣見佢咁特別叫咗黎試吓 有黑松露鯪魚燒賣、蟹子豬肉燒賣、果皮牛肉燒賣 ✨瑤柱福建炒飯真材實料有瑤柱 蝦仁等材料 入口豐富 炒飯底乾身配上面頭嘅醬汁好正 ✨蝦餃 兩人前蝦餃好飽滿 漲卜卜 而且皮薄✨牛肉球 兩人前大大粒食落好滿足✨流沙包 兩人前淺紫色嘅流沙包 唔止賞心悅目仲好好味✨菜苗餃 兩人前皮薄餡靚 ✨醬皇蒸鳳爪蒸鳳爪真係好好味🤤醬汁調得岩岩好又入味✨黑椒金錢肚金錢肚彈牙有口感