薈景

營業中

休息中

想食好耐 終於食到!!!一早book 左, 近排仲要有discount 呀! 超正呀!!6點半開始, 6點半就去到!一入去, d 人已經開動啦😝我地被安排坐2人位, 唔係最近窗果行..個景都睇到少少海! 感覺舒服~旁邊有d 圓檯, 適合一大夥人.一開始緊係去食海鮮啦!放晒係度, 大家都排隊拎~有蝦, 螺, 龍蝦, 長腳蟹!龍蝦好大隻, 又有膏! 正呀!!!!食左兩邊! 飽晒!!!!😋長腳蟹都唔錯呀!!再去近門口位置拎埋生蠔, 每人拎3隻.生蠔只屬一般, 唔算太突出,所以食左6隻就收手.龍蝦湯好咸! 😖失望冬陰功唔錯!有個area 係食日本野有燒蟹腳, 正呀!仲有燒鰻魚! 好少地方有.又有北海道蟹粥, 好味呀!最後甜品選擇都唔少!有movenpick 雪糕.有紅豆沙,cake,朱古力pizza, 水果salad, brownie 等等質素幾好!唯獨無pancake/waffle 襯雪糕...

其實我從來都未試過食聖誕大餐，所以今年就決定食自助餐嚟慶祝聖誕。本身想揀某間價錢幾抵嘅試下，但睇完comment之後，最後揀咗嚮會展嘅薈景，穩鎮之餘又算唔話太貴，始終唔想聖誕中伏咁掃興。講食物之前，講下佢嘅環境先。薈景嘅空間好闊落，枱同枱之間都會保持適當嘅距離，裝潢簡約得嚟帶點貴氣，唔會俗味，而且餐盤同架撐都幾乾淨，開放式廚房嘅衛生望落亦都唔錯，所以成間嘅環境都令人幾舒服同享受。 提早book位仲可以坐到窗口位望海景，就算唔係食聖誕餐，平時想食自助餐都不妨考慮一下過嚟會展食。薈景聖誕自助午餐嘅菜式唔算話特別多新花款，但種類都幾大路，一定夠食。 頭盤：黃麖黃油菇凍糕、鴨肝鴨肉凍糕、煙鱘魚、煙三文魚同各式火腿片等。一開場，K小姐就拎咗一大碟嘅麵包返嚟食，仲愈食愈滋味，表示第一次見人嚟自助餐食咁多麵包。而我就特別鍾意煙鱘魚同煙三文魚嘅擺盤，本身畀其他食客夾到好亂，但廚師見我影緊相，就特登幫我擺返好，抵讚！冷盤海鮮：生蠔、青口、大蝦同翡翠螺等；生蠔每次只可以拎3隻，蠔肉比較細同薄，重海水味，但就食唔出鮮蠔味，無令人想encore嘅衝動。另外多咗一款平時比較少見嘅琵琶蝦，肉厚，但唔爽嫩。熱盤海鮮

2017平安夜自助晚餐分兩個時段第一時段: 下午5時30分 - 晚上8時 第二時段: 晚上8時30分 - 晚上11時成人收費 港幣$848 另加一聖誕節前夕度度都貴到飛起不過一年一次 就食餐勁啦而且會展buffet向來出名，又有聖誕老人派禮物又有好多deco，呢啲都係心機之作！可惜的是坐不到window seat 海鮮類：失望既係無龍蝦刺身，我的最愛呀不過有長腳蟹，麵包蟹，青口，蝦，東風螺，即開生蠔等等當然排長龍啦刺身類相類地比較遜色 好薄唔太肥美但絕對係新鮮！帶子大大舊 三文魚就普通壽司種類較少，不過勝在新鮮熱食類：有即煎鴨肝好肥美好香！不過食一舊好啦～即切燒牛肉同火雞，配埋醬汁食，肉味好出我唔食生蠔, 但呢道有芝士焗蠔同龍蝦好好味意大利雲呑，都係平時少有自助餐的菜式香燒羊排，邊邊仲有脆脆的吉列仲有最愛的印度咖哩 仲有薄餅點～冷盤：其實呢道沙津款式都算多有個盤比你自製Caesar salad仲有煙三文魚同其他ham不過掛住食無影到相tim甜品：真係幾多選擇，好多都係聖誕主題！有成間聖誕屋仲有大量朱古力的甜品最想推介的即製梳乎厘水果朱古力薄餅仲有士多啤梨山cheese cake 同op

想食buffet好耐，但唔知去邊間好，記得congress plus既質素不錯，就約埋朋友去食個聖誕前大餐。六點九入座後，好似都唔使點排隊就可以拎到生蠔，蟹腳，牛扒，片皮鴨，龍蝦，鰻魚，仲有蟹粥。生蠔係法國fine de clare, 海水味重啲，對我黎講鹹左少少，但都幾新鮮。片皮鴨係最受歡迎，每次都要排隊先拎到。蟹粥都好正，鮮甜。仲有即燒既蟹腳，鰻魚。甜品區有兩個，花多眼亂，多都唔知點揀。呢間buffet款式好多，啲料又幾正，唔怪得成場都full哂，值得推介。

BOOK 6:30 同老公食生日飯, 早了10分鍾到, 可以先坐下, 但不可以攞食物.   老公出去睇吓有咩食, 但有人跟住佢.  在外國可以俾客人睇吓有咩食物先俾錢.     到 6:30 有人叫可以攞食物了.   如鍾意食海鮮, 有長腳蟹, 蟹, 龍蝦, 蝦, 生蠔,  但生蠔太瘦. (只食了3隻) .  如龍蝦有牛油會好一些.  Beef, Lamb 都OK.   甜品有太多STRAWBERRY味, 本人不太喜歡.  同時太多過甜甜品.    值得一提, Orange Juice, Red wine, White wine, Coke 係可以任飲.  比平時出面 D BUFFET係好好.卡可以有 8折. 這個價錢可接受.  如沒有DISCOUNT, 唔會食.  因食物味道一般.    

若是要吃有質素的自助餐，一般都會選擇五星級酒店，或是在香港會議展覽中心，因為只有她的人力物力才可以媲美酒店。我們被安排靠窗的座位，灣仔的夜景依舊迷人，靚景加美食，期待是一個愉快的晚上。很多人認為自助餐的好處是隨你喜歡吃甚麼便吃甚麼，但因每個人的胃納有限，偌大的自助餐食物區，我會先巡視一下，看看各種食物才決定吃些甚麼，因為要顧及食物種類的比重，數量的比重，否則會像田徑比賽，前段發力太多，末段無以為繼。知道有即開生蠔供應，還要是法國的Fine de Claire，我會取三隻嚐嚐，味道很鮮美，接著便到冷盤區，有自選沙律或廚師特別泡製的沙律，刁草醃三文魚，刺身和壽司，勿貪多，每樣取些少，喜歡吃才再拿，避免浪費，若是喜歡吃海鮮，這裡是你的世界，每邊超過半磅重的波士頓龍蝦，松葉蟹腳，大蝦，凍蟹，青口等，排得滿滿，雖然龍蝦實在美味，肉爽結實，我只取了半隻，因為還有烤蟹腳，烤鰻魚，煙肉焗蠔，菠菜焗蠔，作為一個鰻魚迷，鰻魚串的肉質，鰻魚皮和味道都使我陶醉，也許太美味了，不期然吃了五串，忘記了先前的部署。熱盤的種類也多得令人難以抉擇，大大條蒸石斑不得不吃！熱辣辣的皮片鴨不得不吃！還有煎大蝦，烤羊排，海南雞

因為壽星媽咪指定要飲酒+食生蠔，就揀左一行四人同爹哋媽咪去薈景dinner buffet～生日優惠，四人以上，壽星免費第一次黎，價錢唔算平，但係值得！冷盤：有即叫即開生蠔，一人每次可拎兩隻，ok ge，唔會太瘦削，keep住都有。。有龍蝦（新鮮）！長腳蟹！螺！刺身（三文魚、帶子、八抓魚⋯唔錯嘅）！不斷refill～唔駛搶～！熟食：選擇唔算多，但大部分款式都好食！推介：燒鰻魚、羊扒、燒雪長蟹、烤南瓜/番薯、咖喱⋯甜品（賣飛佛）：好多選擇，多款都好味有隻綠茶cake幾fresh～十一月頭食，做緊士多啤梨主題（？！）好多粉紅色之選，女仔應該都會心心眼～有movenpick ice cream⋯

食物總類多，這個月又有折扣，包紅丶白酒飲品任飲，生蠔、海鮮質素極高，美味。絶對比同等價錢既自助餐優勝。環境服務一流，當月生日的還有蛋糕送，又有我最喜歡既烤鴨，絶對值得推介。

薈景既自助晚餐聽人講話好好食今晚終於有機會去試下一去到就繞場一周睇下有咩食先有海鮮 ： 龍蝦 長腳蟹 生蠔有刺身： 三文魚 帶子 甜蝦有熟食 ： 燒牛肉 羊架 片皮鴨 咖哩 焗蠔 blah blah blah仲有中西湯 好多款式既甜品 同埋紅白酒一開始當然要食左海鮮先龍蝦同長腳蟹都好新鮮龍蝦好大隻好多肉食完都飽左一半再黎要食生蠔同刺身都幾新鮮 甜蝦就差少少不過同行2個友人話食完生蠔有少少肚瀉 但我就冇事海鮮配埋白酒簡直係一流之後到熟食 羊架好好食片皮鴨個皮有啲厚其他還算可以最後當然要食埋甜品雖然已經好飽 但食甜品係有第二個胃架Movenpick雪糕 食左朱古力同咖啡兩隻味好滿足梳乎厘剛剛焗起熱辣辣朱古力蛋糕好食 最鐘意佢個餅底馬卡龍就嫌佢甜左少少呢餐buffet 食得好開心Staff既service都好好不時幫我地收碟同加燈汁

一直以來，都很欣賞會議展覽中心內的Congress Plus，除了環境舒適，景觀開揚外，取食物時，因為每個 Station 都有 Signature 食物，所以無須排隊。 單是入門口處，已有開生蠔專區，夠衛生又整齊。 生蠔 即開生蠔幾時都受歡迎，更何況是法國Fine de Claire？ 雖然每次只可以拎三隻，但肉鮮充滿蠔味，多走幾轉又何妨？ 龍蝦 近年只要是性價比高的，都會有波士頓龍蝦出現，會展除了生蠔，另一賣點是龍蝦，原隻半開又有嫣紅的蝦膏，絕對夠吸引。 至於長腳蟹爪、花蟹、翡翠螺、凍蝦及青口，每次到訪，都會忍不住取了滿滿一大碟，不提回整3位，而是自己太過喜歡吃海鮮，加上沒雪味，食得令人安心。 Carving Station 燒皇帝蟹腳 蟹腳肉質本身已經鮮甜，經烤烘過味道更香濃，好吃得不得了。 燒鰻魚 鰻魚肉質軟腍，雖然有少許碎骨，但無損惹味感。 燒羊扒 烤得恰到好處，不會過火，而且羶味輕盈，身邊的女士都大讚。 燒牛肉 可能之前食過好幾次，水準是保持，但之前幾款烤物實在出色，似乎給比下去了。

吃自助餐，最重要係那個在毫無拘謹的環境下，吃任何自己喜歡的食先物，這幾年不知幾多酒店自助餐放題吃過，不過最深得我心的，還是只有幾間。 記得上次來薈景是半年前，再遇上的感覺當然非常好，記得剛剛出來工作時，和舊老闆在這裡吃過一餐非常精彩的team dinner，久久未能忘懷。 那次除了吃東西吃都快樂外，還記得六點多開始自助餐的時候，還看到了灣仔最美的日落。 十年人事幾番身，我們都已經轉了幾多過位，那時候的同事，大部分也沒有再見了，今晚再來到這裡晚餐，仲有些唏噓的感覺，不過，我們怎樣改變，有些東西，卻還是沒有改變。 例如這裡的自助餐，我好肯定，質素，味道，配套，什麼都沒有怎樣改變過。 就如日落巴黎中的蒙馬特，哥哥也走了十多年，這裡的東西和巴黎般，保留了所有的最好的。 海鮮依舊是這裡的勁重頭戲，每次在這裡吃龍蝦都可以吃得十分滿足，要肉有肉，要膏有膏，最重要吃幾多都得，唔會八點來已經無龍蝦供應，當晚我八點來，龍蝦還是成枱係。 其他海鮮當然也是一樣豐富，青口，東風螺，蟹腳，蝦等等應有盡有，又係海鮮迷非常高興的一環。 魚生部分也是選擇很多，北寄貝，呑拿魚，鮑片，鲷魚，全都是我至愛，當

與朋友慶生，想找一家水準較高的自助餐。看了網評，選了這家，結果失望了。我是海鮮控，對這個標榜海鮮的自助餐很有期望。但整體海鮮的質素與這個價位有點不配。即開生蠔是前所未有的嬌小，薄透得像只有海水沒有蠔肉，加上廚師完全沒有沖洗，吃下去只有鹹味沒有鮮味。平日可以吃一打的我，這次勉強試了六隻就放棄了。拿了兩隻翡翠螺，一隻有沙；原本看完專業網評有點期待的紅蟹，現實版是「蟹毛」，小得沒興趣花時間去拆。只有龍蝦和雪場蟹腳合乎水準，五項中一半合格。刺身只選了北寄貝和象拔蚌，廚師馬虎上碟，擺放雜亂，賣相不佳，味道尚可。但專業食評展示的三文魚子或海膽，沒有在任何一款壽司岀現過。刺身師傅對食客的態度也不太好。有位長者不懂拖羅與一般吞拿魚之別，誤說要「拖羅」，刺身師傅即冷冷的說「呢啲係吞拿魚嚟㗎」，語氣很硬，完全不懂待客之道，有必要再培訓。中西湯各試了一碗。龍蝦湯稍鹹，蝦味不濃，但可以接受；中湯好像是粉葛唐排（沒看菜名），湯味很濃，比較有水準。主菜是燒牛肉，肉質鮮嫩，不俗。堂煎羊排，也不錯。燒蟹腳原以為會很美味，結果只不過不失。片皮鴨一般水準，薄餅的溫度略遜。煎鱈魚柳很鹹，肉質粗糙，屬又一出乎意料之作。兩款醃

食物選擇多，質素不錯。而且座位及拿食物位置都十分寬闊，十分舒服。奇怪週末都人客不多，顯得有些冷清，不過餐廳沒有因人客少而不補充食物，服務不錯。所以人少反而少了搶食的感覺，比起一些知名自助餐廳或酒店自助餐更自在。

 最近又去了薈景，今次又有新主題：海鮮．味力環球盛薈 一次過滿足「自助餐」和「海鮮」兩大心願 既以海鮮為題，當然第一時候跑到凍海鮮櫃看看。 有大蝦、凍花蟹、翡翠螺，以及我們喜愛的鮮甜鱈場蟹腳。 最惹人注目的主角，是來自加拿大的波士頓龍蝦。冰櫃上放著一排排肥美的龍蝦，十分有氣勢。隻隻份量十足，肉質鮮美，紮實爽口，部分更有豐富的蝦膏。絕對不可錯過，食多兩隻都不過分呢。毗鄰凍海鮮的是沙律、冷盤、刺身、壽司等區域。 大家熱愛的刺身，有三文魚、吞拿魚、平政魚、象拔蚌和北寄貝五款。至於手握壽司和卷物的選擇亦蠻豐富的。另外，自助餐常見的醃三文魚，推出了海鹽醃、紅甜菜醃兩款新花款。由冷盤移師到熱食區，依然被眾多海鮮包圍。其中款比較受歡迎，容易被搶奪一空的便是焗蠔。三款口味分別有白汁芝士焗蠔、莧菜焗蠔，以及煙肉焗蠔。我比較喜歡前兩者，因他們比較多汁，較惹味。紐西蘭青口亦提供兩款口味。個人比較喜歡左邊的蕃茄沙沙青口。海鮮的咸味混入了微微酸酸的感覺，味道吸引。附近的日本美食區也是不能錯過的。看到這一盤令人垂涎的鱈魚、三文魚、龍脷，當魚是全部都要試。這些魚是即點即煎，所以襯熱食是最佳的。富油香的鱈魚無容置疑是