薄餅巨人

營業中

休息中

一行入舖，就已經比佢誘人嘅香氣俘虜在～👀👃 即刻叫個千島海鮮披薩外賣食下先。🍕翻到居企打開盤色彩斑斕嘅千島海鮮披薩時，我已經等唔切！披薩餅底超薄酥脆👏 滿滿嘅芝士拉絲，搭配著鮮甜嘅菠蘿塊同火腿片，每一啖都是海陸盛宴，用料豐富到令人感動！😭而且重點黎啦！價格親民到唔敢相信，咁大份美味，性價比高到飛起！大批+小食+炸雞+飲品x2💰 都係150 $左右，簡直喺學生黨、上班族午餐晚餐嘅絕佳選擇！🌟🌟🌟🌟#性價比披薩# #薄餅巨人探店# #夏威夷披薩必吃# #元朗美食探店# #美食種草機# #午餐晚餐好去處# #吃貨日記#

由元朗送到洪水橋打開仲係好熱，麻辣雞pizzas好正，夠味。香蒜意粉食夠熱夠干身，好好食。。反宜烤雞烤得唔錯但唔夠味，雖然要等時間比較耐，價$平，可直得食。。👍

日前電話提早預訂外賣，足足遲左超過一個鐘頭先送到！打去舖頭唔係話十分鐘就打比車手問，次次都無左影，然後食物送到係凍既，一啲溫度都無，垃圾之中既垃圾！真係好差，一定唔會比第二次機會

心血來潮想食pizza,屋企人上網搵到Mr.Big，見到餐單既圖好似不錯～我地揀左巨人A set$164，火辣墨西哥pizza,黑椒汁豬柳焗飯、烤雞3件同蒜蓉包～Pizza賣相還不錯，但咬一啖既時候啲料同皮成塊分開🥲塊包都有啲乾，而個味道不過不失但口質就唔討好🥲蒜蓉包比左好多塊，蒜蓉包重蒜蓉味但個包一啲都唔脆，可能運送當中已經焗到唔脆🥲有啲失望炸雞既雞皮同樣唔脆，不過雞肉都有肉汁，炸雞係眾多食物之中算係味道不錯我地叫既黑椒汁豬柳變左茄汁豬柳，而個顏色望落唔討好，我試左一啖都無再食🥲整體而言，價錢$164有咁多野食算好，但味道就真係麻麻地，或者堂食會較好？不過我都唔會有下次再食...

夜晚食完粥無幾耐好肚餓。。。呢幾日原本已經好想食千島海鮮批，頭先終於一條友都忍唔住叫左外賣🙈因為要符合最低送貨$70要求，所以叫咗一個千島海鮮迷你批($41)，一件燒雞($13)同埋炸春捲咖哩角拼盤($26)🙊可能因為已經接近九點加上我住得太近，落單嗰陣佢話要一個鐘結果20分鐘已經送到門口，快到呢😅😅😅全部野黎到都仲係熱，應該脆嘅都係脆👍千島海鮮迷你批面頭好多芝士好重手(見到我先醒起唔記得咗叫走芝士🙈)，餡料都幾足，不過個人認為芝士多到cover晒啲千島醬味😅😅 平衡返會好啲 (如果本身熱愛芝士應該會中意)批底略嫌厚實同硬左少少，唔夠P字頭果間手拉薄餅好食～燒雞似係水牛城味道，我自己麻麻地，所以點咗啲泰式醬食，不過雞件好嫰滑，$13一件超級抵！👍👏 (其實我驚炸雞既皮會淋所以冇叫到，但係如果咁夜先叫地點又咁近送到過黎都唔會淋😁)春捲咖哩角拼盤有12件先$26😅 我都唔係好知佢點“維皮”😂😂 炸皮係脆既，唔算油膩，裏面餡料唔多但味道ok，平到咁唔可以要求太多🤣佢嘅pizza選擇其實非常豐富！有18款，醬料都有7款，雖然唔可以自由組合，不過下次都係可以試下其他特色pizza兼炸雞😎

Meh...  Wasabi, salmon  and  pizza?!!Sorry they just don’t go well together... Wasabi is pungent and spicy as usual, and the salmon is smoked, which means that it’s salty. So normally, you already don’t eat smoked salmon with wasabi...Then, they’re placed on dough??? It just tastes weird at best. Maybe I’m too conservative and the idea of putting three ingredients together is just too avant-grade to me...

果次見個鄰居出黎收pizza,就問下佢訂邊間，佢話“巨人“呀～仲話佢嘅燒雞好食。跟住疫情期間無得堂食，咪訂佢外賣送貨囉，幾次都好準時，外賣員又勁禮貌，送到黎仲熱辣辣。屋企人都話以後唔再叫其他大公司了。奶奶就勁仲意佢個蜜桃批，我就like佢燒雞件。兩個大批都係176元包送貨。簡直係天水圍錦田嘅福音。惟一美中不足係電話好難打得通，weekend要打五六次，所以我都盡量自己訂果時講快d,唔好阻下個打黎。哈哈～

網上見到有朋友ＳＨＡＲＥ呢間ＰＩＺＺＡ鋪做緊大批買１送１優惠，即係等於５０％　ＯＦＦ咁抵，當然唔執輸走去試下味啦。去到已經有幾個人排緊隊落單，見個收銀都好忙，一路幫ＷＡＬＫ—ＩＮ客人落單，一路電話狂響接ＯＲＤＥＲ，非常落力，不過都建議老闆請多一個人幫手會好Ｄ。ＰＩＺＺＡ款式都唔少，左揀右揀之下揀左魚味無窮＆巨人遊世界。見到仲有Ｄ　ＳＥＴ可以揀，不過想試左個買１送１優惠先就冇揀到餐，下次都想試下佢Ｄ炸雞。等左大概２０分鐘就可以去拎ＰＩＺＺＡ啦，個盒真係大到嚇死人！番到屋企打開黎睇，Ｄ料真係好足，成個面都係肉粒，配料同醬。不過佢個批底係偏厚果隻，我自己本身比較喜歡薄少少，所以最後係食唔晒既。價錢黎講真係好抵，就算幾大食既人都應該會食唔晒，一個大批真係好多。

今日屋企人唔想煮晚餐，細佬又話元朗開咗間pizza抵食又好食，就決定今晚試下啦！最近好似做緊優惠，17x兩個大批，真係幾抵㗎，叫咗兩款，一個係千島海鮮一個係巨人遊世界。佢啲pizza係厚批款，個皮比較軟熟，冇其他地方嘅咁香口同脆，不過就冇咁熱氣可以食多兩舊😛😛 海鮮果款真係超足料，一路食一路係咁跌啲海鮮落嚟😂另外果款就係蕃茄醬為主😀正正常常不過不失另外仲order咗4件炸雞同bbq豬肋骨，豬肋骨就冇咩特別，但係炸雞真係out of my expectation ，勁脆勁好食😋外皮粉漿唔算太厚，中間雞肉好多汁，仲要件件都好大件大過手掌㗎！ 推薦呢度嘅炸雞🍗

🚩元朗- 薄餅巨人🍕⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬依家呢啲時候都好少出去食飯，都係係屋企煮下野食同叫外賣😋今次想同大家介紹一間pizza店🤓野食簡直平！靚！正！😍由我初中已經食到依家了🙈佢既送貨範圍包括元朗，錦田同天水圍，騎牛牛既朋友們可以考慮下啊🤭⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🍕巨人E2人套餐($128)👉🏻千島海鮮迷你批👉🏻小食拼盤👉🏻香燒雞 x3👉🏻香草蒜蓉包一客.呢個價錢已經包哂上面既食物，仲要免費送上門的啊😆我就最中意佢既千島醬pizza🍕好足料架🤭另外雞方面其實可以揀炸雞//香燒雞夠晒嫩滑 🍗少少甜甜地既味我就最中意喇🤤小食拼盤份量夠多，有薯角，雞翼，咖哩角同春卷👍🏻除左薯角冇咁脆之外，其他都係脆卜卜架❤️蒜蓉包黎到就有啲淋左，焗下佢就好味好多🥰🙂.其實仲有好多套餐都好抵食😝一班人食都好抵架！！有興趣既上佢地網站睇menu啦☺️.🔸評分: 7.5/10💰人均消費: $100

第一次食呢間Pizza外賣，佢個Pizza嘅style有啲似Pizza Hut 嗰款，偏厚，對比之下冇咁多油，感覺上健康啲，但係冇咁香脆，叫咗個芥茉煙三文魚薄餅大批，味道還可以，個批邊絕對係可以改進嘅地方，唔夠香脆，芥末小朋友食覺得辣外賣自取嘅價錢係一大賣點，二個大批先156元，一個大批91元，算係非常之抵食， order左之後要等半個鐘就拎得，等候時間都算合理，我應該成個鐘之後先去攞，拎到返屋企都仲熱嘅

因為本人住鄉村地區 外賣嘛送到隔離村郵局。6點3叫外賣話預7點3有得拎送外賣既司機6點9就話送到。本身立即渣車去拎，大約6時50分到。446元，我比500。外賣員表示身上無散紙，要我自己去附近士多唱錢拎外賣期間，外賣員不今講粗口鬧等左好耐。話等左成半個鐘。又要本人自行係電單車保溫箱取出4餅pizza。事後向公司投訴後，經理表示搵人返工好麻煩。叫我體諒。是次已經係第二次比外賣司機黑口黑面咁對待。請咁多位食客購買前想清楚，需唔需要用幾百蚊買多個粗口服務。

本人已多次光顧貴店,一直認為貴店食物質品優,價錢合理,但直至今天,本人對貴店嚴重失望,以後寧光顧價格貴但對客服務為先的PIZZA店,事因於6:30於PM 訂PIZZA貴店職員說需45-60分鍾才能到達，但直到7:45分，本人去電貴店詢問，但貴店職員表示食物已到但多次去電未能打通電話，過程中貴店職員完全未能聆聽我的問題，亦希望把責任轉去我身上，因為貴店職員已多次打電話，但你未有接聽，通話過程職員表示自己是東主，亦認為自己沒有問題，未能與我一同了解事件的真相。最後直到8:00才到達PIZZA，問車手是確定手機沒有打錯，但過程中貴店的處事手法實在令人難受/不愉快。最後貴店東主亦表示不會在做本人的生意。雖然貴店食品/價格真的優勝於同業的對手，但作為一個服務行業。本人表示嚴重失望，絕不再次光顧貴店。

根本就係九唔搭八架呢間野！我三點半打去叫個三人餐。。佢話外賣等個半鐘，我話ok。。到五點半未見人在打去問我個外賣呢？話黎梗。。十五分鐘度到。。到六點在打去問話司機爆左呔。。等多陣。。足足去到八點先收到外賣。。呢炸雞淋既。。焗飯啲飯生既，個pizza散既同凍既。。大佬我住元朗渣啵。。送個外賣唔洗咁耐嘛。。真係有今生無來世。。我唔會在俾你間野搵笨

一路食Pizza 都會係PHD 同 Mr. Big 之間按心情選擇今日落雨預左遲送, 我五點七個字落單話要兩個鐘都okay 丫點知到七點九都仲未有就打去催, 仲話會覆返我點知一路無覆到八點二, 再打去, 話已經出左車, 等多陣有, 又話我係第一單一定好快再等到八點五, 第三次打去, 個店長耍我話架車死火所以而家再送我已經好唔高興話Cancel 算點知過左兩分鐘, 奇蹟出現, 個車手話係大閘等我去拎咁我算啦, 一場黎到無謂唔要, 就冒雨走出大閘, 點知.... 人呢 ?!!?走左!! 佢走左 !!!我忍唔住第四次打上去嘈個車手, 我明唔關店員事, 不過都一定要"唔開心Share" !!