蕉積妹

🍌 法式焦糖香蕉煎餅呢個絕對係全場嘅焦點！塊煎餅係即叫即煎，拎到手熱辣辣。面頭嘅焦糖用火槍燒到脆卜卜，帶少少焦香，正好平衡咗香蕉同煉奶嘅甜味，食落一啲都唔膩。煎餅本身外層夠脆，裏面又軟熟，仲要每件都包住香蕉，真係好足料。記得攤凍少少先食，如果唔係好容易俾啲熱香蕉「焫親個嘴」啊！🥟 炸Shake Shake燒賣燒賣即叫即炸，誠意十足。咬落去個口感好過癮，外皮炸到金黃香脆，裏面嘅豬肉餡仲好嫩滑，仲可以食到一粒粒香菇，菇味幾香。跟袋附送嘅Shake Shake辣粉係精髓所在，鹹鹹辣辣，有啲似「熱浪」薯片嘅味道，搖勻之後真係令人食到停唔到口！$15有7粒，作為掃街小食幾抵食。🧋 泰式奶茶另外，餐廳有時會有套餐優惠，加$9或$10就可以配支泰式奶茶，咁樣會抵飲啲。· 地址：深水埗西九龍中心6樓大廚美食廣場C39-41號舖今次試嘅三樣嘢都冇踩雷！法式焦糖香蕉煎餅係高質心機之作，誠意推薦；炸燒賣就係邪惡又惹味嘅掃街之選。以美食廣場嘅標準嚟講，呢間「招積妹」絕對交足功課，值得回頭再試佢其他口味嘅煎餅。…查看更多

蕉積妹 深水埗欽州街37號西九龍中心6樓美食廣場6FC39-41號舖其實我食完正餐😛但天氣冷身體要人儲脂肪，我又忍唔住行個圈想食下甜野，食埋甜品先返屋企香蕉煎餅係源自起泰國街頭小食，基本上我年年去泰國行市集夜市都會買來食，即製熱熱的真係睇到就流口水勁多味，款款都好食，由煉奶，朱古力，花生醬，hazelnut , 華田味到新出開心果醬，我就要了開心果啦！ 抹醬表層好多，切開中間就包了香蕉😍so sweet teeth ！切開一細格方便叉起來食想食些鹹野平衡一下個舌頭，點了份炸燒賣加杯lime soda 😜…查看更多

今日闖入西九龍中心美食廣場，被「蕉積妹」——朱古力香蕉煎餅+炸鮮奶的組合，簡直天衣無縫！▫️朱古力香蕉煎餅：煎餅煎到邊緣微脆、中間軟糯，香蕉被烘出焦糖香，裹住流心朱古力醬——一啖落去，完全唔會過甜，反而越食越想舔盤！▫️炸鮮奶：外層脆殼薄到透光，咬開係熱騰騰的奶黃流心，奶味超濃，溫熱時入口，脆軟對撞的口感，未試過嘅感覺呢間鋪頭藏在美食廣場裡，有獨立位，但出餐快到驚人，性價比直接殺穿深水埗！從未令人失望——蕉積妹呢個set，完全係「唔想食正餐時的救星」，甜而不膩、價平味靚，返工日食呢個，苦中一點甜🍬📍蕉積妹｜深水埗西九龍中心6樓美食廣場6FC39-41必食指數：🥞🥞🥞🥞🥞（滿分！）#hkfoodie #深水埗甜品 #朱古力香蕉煎餅 #炸鮮奶 #西九龍中心美食 #午餐甜set #平靚正甜點 #香港美食廣場 #甜控必衝 #蕉積妹…查看更多

今日就同朋友去左蕉積妹小店主打香蕉煎餅，有多款口味選擇，仲有幾款小食選擇開心果醬香蕉煎餅香蕉煎餅即叫即整，外層煎到金黃酥脆, 夠唒熱辣辣，再切成一口既份量，內裡軟糯清甜，再淋上開心果醬同灑上開心果粒，帶有豐富既堅果油脂香，甜而不膩，層次感十足Shake shake 炸燒賣燒賣炸到微焦酥脆，外皮香口，內餡保持彈性，搖勻後調味料均勻分怖，鹹香惹味泰式奶茶泰奶味道醇厚，茶底香濃，與奶味平衡得恰到好處，甜度適中…查看更多

其實一份甜品係冇咁多考究。最緊要係唔好太甜🤌🏻🤌🏻🤌🏻呢個係我第一次食香蕉煎餅🤣勁熱，好彩有幫我切到細細粒！雖然咁樣講好似好搞笑，但可唔可以出一個香蕉煎餅走香蕉？我都真係幾唔鍾意香蕉味😂😂…查看更多