蕃茄仔

營業中

休息中

歡迎follow IG @eatwifme2k23 睇更多❣️今次去食𝑹𝒆𝒅 𝑶𝒃𝒋𝒆𝒄𝒕！其實已經係二刷，男朋友知道我鍾意食番茄味嘢食，所以帶我嚟食呢間麵店🍅呢間店主打番茄味湯底，其他湯底/餐點都做得唔錯，番茄愛好者經過銅鑼灣呢頭可以一試！😍✂︎-----㋖㋷㋣㋷線-----✂︎1️⃣ 炭燒風味雞排｜自家鮮茄濃湯佢叫得做濃湯係有原因的！呢個湯底好杰撻撻，好似用番茄直接打成泥咁，唔講仲以為係番茄蓉🥹好正！🍜麵就正正常常，可能因為湯太好飲，完全冇認真留意麵好唔好食🤣番茄湯萬歲！🍅🍅🍅2️⃣ 炭燒風味雞排｜麻醬惹味拌麵呢個都幾好食！感覺雞排係佢哋嘅招牌，做得真係唔錯🐣不過汁唔係好夠，拌起上嚟唔夠過癮，同埋比起拌麵，我更鍾意佢哋嘅番茄湯麵！如果第一次嚟呢間店食飯，一定要試咗番茄湯麵先！話曬都叫Red Object，唔食蕃茄湯太唔俾面了吧✂︎-----㋖㋷㋣㋷線-----✂︎呢間嘅麵係幾好食，但！係！店面太細了！落雨天/要同隔離枱膊頭貼膊頭咁坐真係好鬼煩😫希望老闆生意興隆，快快帶住佢嘅蕃茄湯底擴闊業務/搵個大啲嘅鋪面啦！❤️

鍾意食蕃茄既注意😍😍今次去左銅鑼灣小店蕃茄仔食麵🍅呢間既蕃薯湯超濃店舖位置唔多 要等一陣但好快都安排到 呢到係QR code落單同枱但唔同位置落佢識分返邊碗方便左大家😙鍾意佢既蕃茄雞扒葛絲雞扒口感夠滑嫩，有得揀少見既葛絲就試下呢款索哂蕃茄汁好正幾位朋友都覺得好食😛😛唔想食太heavy既時候可以考慮下佢地仲可以加冷泡茶添原來開左幾間分店🤤鍾意蕃茄湯必試🍅📍 蕃茄仔地址: 銅鑼灣希雲街5號地舖

今次去咗試蕃茄仔，鋪頭細細，座位唔多，繁忙時間都要等位。呢度用QR code自助落單，不經人手。🍅自家鮮茄濃湯 配 炭烤風味雞扒刀削麵湯底有好多蕃茄蓉，似打爛哂啲蕃茄而成，所以會比較杰身，唔似阿媽煲嗰啲蕃茄湯🙈🙈飲落有好濃嘅新鮮蕃茄味，酸酸甜甜。刀削麵唔會太厚，食落煙韌。另外，雞扒都好出色，雞皮烤到又脆又香，雞肉唔會嚡熠熠😋#hk #hkfood #foodie #hkfoodie #foodstagram #instafood #foodlover #hkrestaurant #travel #hktravel #hklife #eathardplayhard #hkgirl #香港 #香港美食 #香港餐廳 #銅鑼灣 #銅鑼灣美食 #causewaybay #蕃茄仔 #麵食

記得好耐之前無意中食過呢間餐廳嘅蕃茄湯底麵，就一直記住佢好好食。平時食米線/湯麵時我都好中意嗌蕃茄湯底，而呢間餐廳嘅蕃茄湯底真係好出色，完全係我杯茶，所以今次放工想食麵就即刻又嚟幫襯喇😋！🌕 碳烤風味雞扒上海麵呢個蕃茄湯底非常之香濃，可以話係杰撻撻嘅程度，所以啲麵係輕而易舉咁掛晒汁，但又唔會太酸，啖啖都好滿足！而佢個雞扒都烤到又香又juicy，肉質仲非常之嫩添🍗👍🏻📍 蕃茄仔銅鑼灣希雲街5號地舖🧧人均消費$70

朋友返夜想搵人陪食飯，結果搵埋我去試下呢間。雖然都開左唔短時間，但鋪面其實唔搶眼，由其係門口其他鋪頭排隊既人龍會遮住添。特別係呢條希雲街既夜晚。用QR掃CODE睇餐牌落單，不過我係度返工其實附近接收網路麻麻，開連結都比較慢同埋載入都唔快，希望店家會留意，會唔會考慮整個免費WIFI，睇餐牌落單就快趣啲。坐位就因為鋪頭其實唔算大，20個坐位左右，多數都係2人枱。但我都坐得埋邊靠牆既梳化位。由於試新野，唔想試單一樣野，所以選左豚三寶蕃茄湯上海麵。食物上檯用盤載住，方便乾淨，左匙右筷在食物兩旁。賣相太吸引人又餓了就一下拎匙羹試湯底，結果少少熱到自己個咀，但湯底濃厚得黎個種熱唔會燙傷個嘴，但個湯溫度亦能KEEP得好好，好在我飲開啲熱湯既食物，慣左，所以各位如果試湯真係最好匙羹吹兩下先好放入口。湯味濃郁，鹹甜適中，唔會偏向是但一面。第一下起掛湯，湯汁留得係上海麵上面，麵身夠軟。3寶先食豬扒，肉質嫩滑，豚肉片油分唔多，爽口，最後豬軟骨，入口即溶，香味特別濃郁，值得推薦。最後我清埋個湯底，但對於我呢啲巨無霸身形又係工作一整日既人黎講，只有5成飽(人人身形同狀態不同，純粹個人意見)，但如果係女仕們去絕對

自問自己都係蕃茄既fans，對於蕃茄呢樣食材真係幾鍾意。所以今日就黎左cwb呢間” 蕃茄仔”一嘗佢既蕃茄menu!食物:蕃茄湯炭燒雞扒($68)-呢個蕃茄湯底，我會比80分。湯底方面蕃茄湯的酸甜味道適中，真係濃郁，係清爽不膩口。但最驚喜既，係佢個炭燒雞扒!!!炭燒雞扒口感嫩滑多汁，烤至恰到好處，肉汁亦充分鎖住!!真係又香口又juicy!麵底方面，我揀左刀削麵，刀削麵偏向硬身，口感幾好。同蕃茄湯都係match既!不過如果下次再黎試，我都想試埋佢個湯底配其他麵，可能個效果又會唔同d?Overall，我覺得如果係cwb黎講，呢間都應該算價錢公道又有質素既shop 啦!

今次要介紹又係一間主打蕃茄湯既麵店🤤🤤依間鋪有D細，所以D位比較少🤣一坐到位，枱上面會有個QR CODE比你自己落單🤣🥢炭燒風味雞扒刀削麵 $68炭燒雞扒真係有好香既有炭燒味😍燒到雞扒外皮脆卜卜，入面肉質嫰滑🤤番茄湯底濃郁，刀削麵上掛住啲湯汁，好正🥰但麵既份量唔多，而且比較硬身。想食軟麵可以叫返上海麵或者加$8轉烏冬/葛粉🤣🤣評分：味道：⭐️⭐️⭐️⭐️環境：⭐️⭐️⭐️整體：⭐️⭐️⭐️⭐️————————————————————————

一向係蕃茄湯底嘅愛好者 鍾意香濃蕃茄湯酸酸甜甜嘅味道❤️今次去了銅鑼灣試”蕃茄仔”🍅湯底偏向杰身濃稠 似係用blender 打爛過有啲似西式嘅蕃茄濃湯質感蕃茄味道濃郁 但整個湯底味道沒有特別出眾兩個麵底都揀咗刀削麵麵底就小小失望個麵偏淋 唔係煮太耐嘅淋 就係個麵質本身嘅問題咬落個麵亦無麵香😥😥如果再食可能試下上海麵- 牛魔王兩款牛肉分別係牛肩同牛𦟌牛味好出 份量比得算多- 炭燒風味雞排 雞排好大塊💓💓 烤完之後表面夠香口 但肉質依然好嫩 推介✨✨✨蕃茄仔（銅鑼灣）📍銅鑼灣希雲街5號地鋪

個日差不多2PM去到, 過左lunch hr 不用等位! 入到去枱面掃CODE下單!我叫左個 👉自家鮮茄濃湯 炭烤風味雞扒刀削麵 $68來到見到大大碗😆湯底顏色非常🍅個湯底係好濃既蕃茄湯, 湯可見有蕃茄蓉真材實料! 味道又吾酸!岩岩好👍雞扒雞皮原來仲係脆, 有驚喜! 🤪🤭雞扒有5塊! 好夠食,肉質都十分嫩, 又吾乾柴! 🤗旁邊仲有炸蒜同蔥, 感覺用心製作!♥️ 個湯同埋D麵一齊食, 食到最後! 我都差吾多飲曬D湯😂 食剩小小麵因為已經好飽飽!! 🤰最重要係食完沒口喝!👍👍店內環境吾大, 枱與枱之間距離都比較近! 但店內環境整潔 ✨見到廚房內都好整齊, 地面很乾爽! 👍感覺良好!!♦️注意！店內付款方法只收Cash!💸😋美味指數:7.8/10💲性價比: 7.8/10🏠環境: 8/10🚶‍♀️服務:8/10🍅🍅🍅🍅🍅🍅🍅🍅🍅🍅🍅🍅🍅            

希雲街附近有好多小食店，今次食呢間蕃茄麵店，入面位置唔算多，要搭抬，不過午餐時段都係打工仔同學生黎食野，流量都好快，唔洗點等。秘製豬扒線茄濃湯麵 $68個蕃茄湯底真係好 好重了 飲曬啲湯咁細 佢有幾種面揀揀咗都想要 但係個豬扒就有啲肥有機生薑檸檬草綠茶(冷) $12杯野飲就真係有點兒那個，入面無料，feel唔到有薑同檸檬味，真係一杯茶咁。一杯咁嘅嘢收12蚊，佢隔離有清水提供，下次飲水就算。留意返，佢淨係會收現金，冇其他支付方式。

🍴蕃茄仔 (銅鑼灣)📍銅鑼灣希雲街5號地舖-🌟牛魔王刀削麵 $78 (7.5/10)本身都諗住淨係飲蕃茄濃湯 點知牛肉都有驚喜 啲牛肉都真係嫩滑 配住濃濃嘅蕃茄湯真係冇得頂✨個刀削麵都煙煙韌韌 口感唔錯-🌟芝士雞扒麵 $72 (7/10)芝士雞扒都真係幾好食 全部豬雞都黐住滿滿嘅芝士 食落去鹹鹹香香 飲埋個蕃茄湯一流 佢個蕃茄湯真係濃郁 帶着甜甜嘅味道 會話係勁靚嘅蕃茄湯顏色 一飲落去就知道唔係嗰啲味精溝出嚟嘅 -總分：7/10雖然間舖頭細細地 但係不斷都有客 因為個蕃茄湯真係好正

傍晚純粹諗住醫肚，無咩特別寄望地入左蕃茄仔叫左碗蕃茄湯炭燒雞扒，再加左8蚊轉烏冬舖頭賣點應該係蕃茄湯，所以湯底濃郁不令我意外，意外既係塊雞扒做得好出色！忍唔住要寫食評讚嘆廚師既用心！雞扒皮燒得好脆，而且雞皮脂肪位好少，肉質仲要係嫩滑juicy。睇得出廚師為了想保持雞皮脆身香口，盡量把雞扒整齊放高在烏冬上，我食到最尾一塊，雞皮仍可維持至少8成以上既脆度，實在難得！小店既用心製作，應該要多加支持！💪💪

呢次已經係第三次食蕃茄仔!餐廳位置比較偏僻，距離銅鑼灣站都要行6-8分鐘左右宜家大熱天時真係要俾多D耐力先去蕃茄仔食野呢間店舖好細 大概容納到16個人左右平時peak hour 都要排隊果日係平日放工6:15就到岩岩好唔洗排隊環境比較窄，如果想傾計就唔係一個好既option✿秘制豬扒上海麵 $68 (★4.3/5)✿湯底建議大家都係食佢招牌自家鮮茄濃湯湯底真材實料 好濃厚 有番茄粒粒唔會太酸，帶一點甜味湯比較杰身通常我都會飲曬D湯底最重要係我都唔會好口喝✿麵底麵底就有上海麵同刀削麵揀兩款都我都試過上海麵就比較掛湯每一羹我都會有湯有麵 waaa~ 真係好濃郁最出名係佢係麵上加咗少少炸蒜同蔥，配埋湯麵一齊食，有另一種風味，成碗麵更加豐富✿秘制豬扒都非常出色，比起炭燒雞扒，個人仲中意食秘制豬扒秘制豬扒滑嫩又多汁份量都有4舊左右 (比較少)但加埋成碗麵就好飽肚$68咁好食既晚餐，仲係銅鑼灣真係性價比極高!提提大家要帶Cash，佢地收cash!!!味道：4.3/5價錢💰：$50-100回顧指數：99%

今日去左銅鑼灣希雲街食好西就係想食好耐既蕃茄仔入到去可以用Apps落單同埋大家要記得帶Cash因我差少少唔夠現金俾🤣炭烤風味雞扒刀削麵 $68終於食到人人都讚既蕃茄仔啦佢地用大量新鮮蕃茄煮成湯底食落係好香好濃既蕃茄湯味少少蕃茄甜味口感似勁碎蕃茄蓉咁食到最後忍唔住飲晒個湯添而塊雞扒煎到好滑嫩仲有啲BBQ過既味道食到lamLam脷呀

呢間位於銅鑼灣嘅蕃茄湯專門店🍅，店舖細細只係得4張細嘅4人枱同4個吧枱位，好彩今日去嘅時間係下晝2-3點，唔駛排隊但係都keep住每枱有客人😆🗒️Menu上有自家鮮茄濃湯同麻香蔥味拌麵揀，麵底方面有上海麵同刀削麵揀，加錢仲可以轉葛絲、稻庭烏冬或者米通拌櫻花蝦。餸方面都好多選擇，除咗一般豬牛雞，仲會有鴨/鰻魚/鳳尾蝦呢啲少見嘅選擇👅🔸炭烤風味雞扒配自家鮮茄濃湯刀削麵💲68我今次就揀咗炭烤雞扒配鮮茄濃湯，麵底就揀咗會掛湯嘅刀削麵嚟試一飲啖湯已經覺得有好濃厚嘅新鮮蕃茄酸甜味🍅，湯係呈杰身，因為成碗湯底都係由煮爛嘅一粒粒蕃茄蓉組成，絕對唔係交行貨嘅罐頭湯🤤佢仲加咗少少炸蒜同蔥喺湯，食落好香口🐓雞扒亦都非常出色，雞皮做到微脆口感，雞肉嫩之餘真係食到炭燒香🔥刀削麵就一般刀削麵，冇咩特別，做到掛湯效果已經非常好，亦都好飽肚，性價比極高😚🔸秘製豬扒配自家鮮茄濃湯刀削麵💲68另一碗就揀咗豬扒同樣係配鮮茄濃湯底刀削麵🍅🐖豬扒就唔係炭燒喇，但係都煎得好香，豬肉咬落比我想像中軟，唔鞋口👍🏻不過同雞扒比我都會覺得雞扒更加出色🫰🏻⚠️要留意嘅係舖頭只係收現金💵想過嚟試嘅記得要袋定錢先喇💸