蕃茄仔

營業中

休息中

一間以蕃茄做主題的餐廳，每次經過都大排長龍，而家夜晚冇堂食，生意一定有影響，買外賣支持下，外賣盒將湯底、麵、牛肉分開，唔會浸到麵漲哂，貼心值得一讚，攞到返屋企食，仲熱辣辣。特級安格斯牛肩胛 $70同外面嘅蕃茄湯底唔同，好杰身，用好多蕃茄打成蓉，超級濃郁，好甜唔會酸，幾開胃，飲得出係用新鮮蕃茄，有四片牛肩胛，有輕輕燒過，牛味好香濃，刀削麵粗身偏闊，麵質煮得軟硬適中，不過掛湯一般，最後飲哂成碗湯，太好味啦！鐘意蕃茄嘅朋友，唔可以錯過。

Came for their tomato soup base and it didn’t disappoint!蕃茄湯底好杰 微酸很開胃應該blend過所以超多蕃茄蓉麵選了葛絲 以為會像粉絲 但其實更煙韌有口感 雞扒烤到皮脆卜卜 牛肉也很不錯

街外identical嘅手推車好jeng, 好鐘意將相嘅構圖🤣,呢間餐廳 scan QR code可以用電話📲落單, e.g. 雞扒&牛腩&牛魔王&鰻魚&豬扒&豬手&豚肉&鴨...主食可以揀上海麵&刀削麵&米粉&烏冬...好多選擇😌🥰✨牛魔王 (牛腱&牛肩) 自家鮮茄濃湯底刀削麵 💰78💫評分: 9/10📝牛味好濃, 成個湯飲哂, 好多茄蓉, 刀削麵都幾彈牙😍✨秘製金黃蕃茄清湯配稻庭麵 💰89💫評分: 8.6/10📝賣相吸引有好多小碟仔, 加埋帶啲酸甜味嘅冷麵汁超開胃, 雞絲仲好嫩滑ℝ𝕖𝕕 𝕠𝕓𝕛𝕖𝕔𝕥 蕃茄仔📍銅鑼灣登龍街39號地下(銅鑼灣🚇B 出口行3分鐘就到)💫評分: 8.9/10💬地方唔大, 食物質素值得等, 一定會再黎食蕃茄湯底嘅麵😌😍🥰

👉🏻特級安格斯牛肩胛 $70 + 稻庭烏冬$8+味噌蛋花 $10🍽: 7.5/10湯底有好濃嘅蕃茄味🍅 係濃稠度啱啱好 唔會好稀好淡味 裏面仲有茄蓉~ 而牛肩胛都非常岀色 雖然係薄片 但完全無因為薄而影響味道 因為輕微燒過令牛味更加岀同香~蛋花加強咗湯底嘅稠度 配搭煙韌嘅稻庭烏冬完全做到掛湯效果 令每一啖都有好濃嘅蕃茄味!🥰👉🏻煙燻芝士雞柳 $75+ 稻庭烏冬$8+味噌蛋花 $10+嫩肉雞胸 (3片) $18🍽:7/10雞柳同樣都係微微燒過 好嫩滑 配搭芝士嘅鹹香啱啱好 而嫩肉雞胸就好有驚喜 真係做到嫩嘅口感 唔會因為係雞胸就好鞋~🔬: 近排好岀名嘅蕃茄仔我哋又點會錯過 我哋當日去到等左45分鐘先入到去 店內位置比較少 如果大家想去試下嘅要預早少少啦~🤣 總括嚟講 覺得佢嘅配料係幾出色 湯底亦都真係好濃郁 但係係expect到嘅味道 如果要等45分鐘的話我哋就未必會再去🥺 如果大家經過見到好少人等位嘅話都幾推介大家去嘅~Instagram: hk.foodlab

其實想食呢間好耐 但奈何距離公司遠左小小所以拖到宜家我係星期日去既 去到差唔多12點3我地都等左一個鐘先入到去食因為入面太細了我諗大概得5至6張枱所以去既話都預左要等位我叫左個蕃茄濃湯牛肩葛絲黎到既分量都真係唔少野然後啲蕃茄蓉係多到你唔信 又濃喎真係以為自己食緊100個蕃茄仲有個牛肩佢整得都好食葛絲就有啲似韓國粉絲係好吸啲蕃茄湯 我一路食 成碗湯都無哂係好正！不過排隊就耐左啲 下次可能試下叫外賣佢地仲有拌麵簡同埋刀削麵好似都不錯

蕃茄仔, 銅鑼灣🍅好多人問點解無啦啦學人寫食評。其實主要係覺得疫情影響下，成個2020年各行各業都捱得好辛苦，尤其對餐飲業，所以我覺得應該要記錄低自己鍾意又推介既餐廳比大家。依架夜晚仲要都無得堂食，希望大家買下TAKEAWAY又好，食個LUNCH又好，支持下佢地。提提大家，有時有D好傳統既小店其實無用FOODPANDA或者DELIVEROO，大家經過開不防都幫襯下當試下新野，你既一餐半餐對每間餐廳黎講都好重要。好！講返蕃茄仔。超級鐘意蕃茄既我非常推介呢間。湯底好濃郁好好味，好足料既口感。我自己就比較大食既，但都覺得呢間食物既份量都好足夠。我睇番我影相既時間，我只係用左10分鐘時間連湯都飲哂就證明我有幾鐘意食呢間既蕃茄烏冬！.秘製豬扒🐖加手工雲吞稻庭烏冬配自家鮮茄濃湯 $80牛魔🥩(牛腱、牛肩)稻庭烏冬配自家鮮茄濃湯 $78.📍銅鑼灣希雲街5號地舖 🌟Rating: 8/10💰Price: $80-100 pp #黃店推介

嗰日經過銅鑼灣見到依間餐廳排晒隊，估計佢應該好好味，所以喺等朋友之際就決定排隊等吓，一排就排咗個幾鐘，而我後面仍然有一條長長嘅龍。雖然我唔明白點解佢唔用派籌形式，以致所有人都要企喺條街到等佢慢慢入，最搞笑係餐廳一共只係得8個位，而且係熱食，加上入到去仲要等佢出嘢食都算耐，所以個流動率真係好低。至於個湯，係真係好濃郁，但對於食開唔太重口味嘅我嚟講，我覺得有啲chur。當然，佢係有好濃郁嘅番茄味，啲肉亦都係靚同煎得好嘅。但講真，唔係話真係咁爆，食到返尋味嗰種。要排咁耐，真係可一不可再。

7月開張，又係蕃茄濃湯店，好快變排隊店不過自問係蕃茄濃湯迷，覺得湯底有一點係美中不足蕃茄湯紅噹噹又有益配合豬、牛或雞等材料之餘有熱食，亦有冷食嘅日式冷麵秘製金黃蕃茄清湯冷麵 $88 以日式冷麵為藍本，擺盤賣相一流有細細碗蕃茄冷湯，加大量慢煮雞胸絲每款配料e.g.昆布+胡麻+柚子胡椒+紫蘇+梅子金茄都係好迷你麵底有蕎麥麵/和風白麵/葛絲將梅子金茄以外嘅材料同蕃茄冷湯撈勻份量可隨個人喜好調製再搭上麵底、雞胸絲，以日式沾麵方式食用梅子金茄雖然的骰，但好開胃蕎麥麵偏幼身，有咬口，容易掛湯沾湯酸甜味十足，略有黏稠感，蕃茄味唔太濃，入口非常清爽原味雞胸絲肉質唔嚡口，算係健康無負擔配搭蕃茄冷湯相當透心涼主打嘅自家鮮茄濃湯底相對比冷麵略為不足湯底附有乾蔥+炸蒜+蔥，既可配上海麵/刀削麵/米粉/和風白麵/葛絲/烏冬有多款材料，包括秘製豬扒 $62蕃茄味的確係幾濃郁，酸甜味重，但蕃茄酸味唔會過多，夠開胃醒神湯底濃稠感亦重，基本容易掛湯食得出以打磨方式將蕃茄打成蓉，再加入茄膏嘅質感所以湯底充滿蕃茄蓉，偏杰身，好鮮甜蕃茄湯既有蕃茄香，同時亦帶有幾分香料味不過正正係呢幾分香料味，令蕃茄湯底大打折扣湯底有種類似香

見平時好多人排隊, 今次前面有2個人排,即管帶媽媽試試佢❤️用電話掃QR code 落單 都方便的😄叫左一碗雞/ 一碗牛雞扒的較為出色 雞皮都煎得很香脆, 好味! 加上啖啖蕃茄濃湯👍🏻👍🏻👍🏻排隊都值得試!!;)

今日去希雲街取件，打算試吓人龍店🍅🍅蕃茄仔💛💛但人龍真係幾長，咁就唯有買外賣返office食。今次叫左秘制豬扒刀削麵值得一讚個外賣盒嘅設計，外賣盒將湯底、豬扒和麵條分隔開，咁就算外賣拎到返office先食都唔會稔啦，非常貼心抵讚👍🍅番茄湯底果然名不虛傳，湯底非常濃郁有啖啖茄肉，酸酸甜甜咁，既開胃得來又不會太酸秘制豬扒好入味，刀削麵份量好多，麵質彈牙滑口，同蕃茄汁非常夾，難怪開業以來都大排長龍，值得捧場！

======================📍濃郁足料番茄湯麵 -- 蕃茄仔🍅💛話說bookmark咗番茄仔好耐，平時行過附近都會見到好長嘅人龍🙊上星期約咗@breadismyboyfriend去食lunch😚店舖位置唔算多，加上peak hour，我哋1:15去到都排咗45分鐘左右，如果趕時間食lunch嘅朋友仔就未必適合啦🙊舖頭係用QR code自助落單，幾方便👍------------------------------⭐️特級安格斯牛肩胛葛絲（$75）蕃茄湯底超級濃郁‼️食落仲有番茄蓉，味道酸酸甜甜，好開胃🤤加埋炸蒜好惹味～牛肩胛有五大片，份量十足～食落肉質軟腍，肉味好濃🤤葛絲係比粉絲粗身少少，口感滑溜🤩而且掛湯力十足，啖啖都食到蕃茄湯嘅精華～------------------------------⭐️煙燻芝士雞柳刀削麵（$72）呢個係主廚精選口味，regular menu無show出嚟㗎🤫雞柳肉質嫩滑，加埋煙燻芝士鹹香十足🤩刀削麵口感煙韌，掛湯力都唔錯，但相比起嚟就無葛絲咁高🙊但整體嚟講已經好出色🤤------------------------------整體嚟講小編同朋友都

一直都好想試呢間小店, 但係每次經過都大排長龍, 今次一於外賣唔使等☺️ 叫咗慢煮牛展刀削麵🐮🍜 ($72)+ 秋葵 ($10)+ 新鮮淮山 ($10)+ $2外賣盒total: $94雖然一碗麵$94都唔算平, 但係佢啲料真係好足, 同埋個湯底真係超級濃郁🤤🍅🍅🍅 - 有足足四塊牛展🥰 炆得勁淋勁厚肉🤤🤤🤤 - 佢嘅新鮮淮山好爽脆, 不過個人比較鍾意食淋嘅淮山 - 秋葵都有三條, 好新鮮💓- 刀削麵口感尚算可以, 唔會好淋, 但係唔算彈牙會再去食🥰💓

最中意食蕃茄既我，講左咁耐終於黎到銅鑼灣呢個蕃茄仔，我地係平日晏就12:20pm 到左，因為間鋪頭比較細加上係放lunch 既時間關係，所以都等左大概半個鐘頭位先入到去 ！ 每枱都有QR code ，可以直接落餐，非常方便佢既蕃茄湯非常濃郁，感覺到係用新鮮既蕃茄熬出黎，唔會有食罐頭蕃茄湯嗰隻假嘅蕃茄味👍🏻👍🏻👍🏻可以自己選擇麵類同埋追唔同配菜，而且份量十足，下次一定會再encore 😋😋1️⃣ 豚三寶 （豬扒、豬手粒、豚肉片）🍜. $78 想食豬🐖，但又有啲貪心咩都想試下，所以就叫佢呢個豚三寶，佢有唔同麵底可以簡既，咁今次就簡左刀削麵😜 值得一讚嘅係佢豬扒腌得恰到好處，唔會話太鹹，同埋佢嘅肉汁都比較淋，不會太韌，加上佢煎香左，但成個感覺唔會太油膩👍🏻 2️⃣ 牛魔王 （牛腱，牛肩） $78咁呢個麵我地就+$8 轉稻庭烏冬同埋追加左一份媽媽手工雲吞 😜. 牛腱都有四大塊，而且又厚切，而且夠牛味，非常足料👍🏻👍🏻👍🏻 湯底十分杰身，但非常好飲，我地都差唔多飲哂咁滯，而且飲完都冇口渴嘅感覺，所以推薦大家去食🍅🍅

上次就去咗Shari Shari對面嘅蕃茄仔Red object ，一試從此愛上🤣🤣🤣🤣🤣🤣好特別好好食！有自家製蕃茄湯底，好濃稠！食完Red Object ,因為繼續想同朋友傾偈就過咗Shari Shari 排隊，消化完就差唔多排到我哋可以食甜品！ 🥳🥳🥳🥳🥳🥳🥳完全滿足吃貨的慾望😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍😍

//黃店·紅蕃茄Red Object🍅❤️//係銅鑼灣唔想食咁heavy，想食粉麵，最後搵咗呢間黃店試下佢個蕃茄湯底，酸酸地應該幾開胃冇咁漏😝星期五晚都幾多人排，我地都排咗起碼大半個鐘🙈餐廳座位唔多，用QR code點餐的😉·💛慢火澳洲和牛腱🥩 $72配蕃茄濃湯刀削麵🍅🍅牛腱有四大塊，厚切又夠腍，好有牛味🐮蕃茄湯好杰，比想像中杰，好似原隻蕃茄打蓉但感覺落咗好多香料，所以蕃茄味冇咁出，不過係好好飲嘅，見到好多客飲哂湯咁濟😛😋我地都飲咗不少🤤刀削麵略嫌唔夠咬口，較為普通，冇出面個啲專賣山西刀削麵咁帶點煙韌有咬口·💛特級安格斯牛肩胛🥩 $70配蕃茄濃湯刀削麵🍅🍅佢嘅牛肩胛份量都唔少，係燒過嘅，食落好香，又夠大塊，薄身，夠腍夠嫩，唔會太老😋個人比較鍾意牛肩胛，因為燒過嘅牛更加香🤤·🌟呢間黃店唔錯嘅，佢嘅蕃茄湯杰杰地帶啲沙沙地嘅口感，鍾意食蕃茄湯一定要試下，想支持好食嘅黃店呢間你都唔會失望🌝🍅