蕃滿門

營業中

休息中

一向很喜歡蕃茄湯麵這間專門店最有名的就是蕃茄了蕃茄湯一向最襯就係蛋同芝士今日貪心少少兩樣都要曬😍🍴脆皮鹹豬手拼雙重芝士公仔麵加滑蛋脆皮豬手有兩大塊豬皮Q彈 豬手鹹香肉爽嫩蕃茄湯底酸酸甜甜 十分濃郁加上兩種芝士 熱食時有拉絲效果加配的滑蛋份量頗多而蛋味香濃公仔麵軟硬適中蕃茄湯底、芝士、滑蛋和公仔麵四者的組合令人忍不住一口接一口加配了滑蛋後免費送了飲品 意外之喜朋友的鴛鴦雞排普通 肉質較乾也沒甚麼調味已來過數次 挺喜歡這家店 喜歡蕃茄的可以來吃一下喔

蕃茄對於小編可以話係一般般，但係蕃滿門既蕃茄味道幾鮮，味道吾會假，好似用左大量蕃茄煮成，好濃郁😆面頭仲有炒蛋，炒蛋又幾滑架👍湯底除左係蕃茄之外，仲有大中小微辣揀，任君選擇😋配料有🐖手同雞軟骨餃子揀，豬手口感有啲似焗而吾係炸既，個人認為吾錯既，餃子方面皮較厚，有待改善吧🤔

自從搬咗入嚟大埔之後，呢間餐廳一直都係我經常去幫襯嘅其中一間。今日有朋友嚟大埔，當然要介紹佢嚟食啦。我哋兩個人分別嗌咗一個番茄湯螺絲粉同埋一個芝士湯螺絲粉，配豬手同埋吉列豬扒加雞翼。我嘅番茄湯螺絲粉keep到水準，湯底酸酸甜甜，有好多蕃茄粒，加上少少辣味，好惹味好好食，唔覺意會飲咗好多湯。配菜嘅豬手一如以往好食，燒豬手嘅肉質正質，唔算好淋，加上又口又煙銀嘅豬皮，好邪惡但係超好食。吉列豬扒上枱嗰陣熱辣辣，炸得金黃酥脆，點埋餐廳附上嘅千島醬，呢個都好食。

以「蕃茄濃湯」作為主打🍅嘅餐室，招牌蕃茄濃湯粉可以選經典原味配炒蛋丶雙重芝士🧀或是川味麻辣，另外還可以配一款餸。◾️雙重芝士蕃茄濃湯配螺絲粉+脆皮鹹豬手＄58我揀咗雙重芝士，嘩！芝士超級多～趁熱食有拉絲嘅效果湯底蕃茄味💗真係好濃郁😊一啖又一啖一大碗最後居然飲晒。而配餸脆皮鹹豬手有2大件，最鍾意厚厚豬皮好Q彈👍🏼配以蜜糖芥茉醬，好有風味。◾️小食：香酥雞扒＄23/1件即叫即炸😋雞扒炸得非常酥脆，肉質好嫰，有埋甜酸醬～好香口👍🏼◾️下午茶餐：鮮茄蓉芝士豬扒焗薑飯 $49份量好驚人😱完全冇諗到下午茶餐會咁大碟，鮮茄醬汁好濃郁🍅 豬扒質地軟腍，醫肚之選👍🏼

很久沒見了！大家好嗎？ 認識小M的都知道，小M現在開始專注於自己的興趣發展~~就是成為一個作家！ 第二年有幸入圍知名的推理小說比賽最後十強，除了是對自己的鼓勵，也算是對自己的鞭策！ 現在我都不定期於IG更新故事，歡迎大家去follow一下！參與一下喔！早排難得有一個小休時間，去了大埔的蕃滿門。以前都光顧了好幾次，最欣賞是美味的蕃茄湯底，還有份量夠大！哈哈！我尤其喜愛這個咸豬手，肉骨易分離，而且皮脆肉嫩。以性價比來說，這個咸豬手是超班。加上滿滿的蕃茄湯。我每一次都會叫螺絲粉，很易入口。這是朋友叫的大滿足~~多到一個點！哈哈！好了~講少少不太好的地方，也是我想餐廳改善的，放了在題外話。總結是不錯的，推介！

呢間小編bookmark左好耐😍因為係出名食蕃茄濃湯🍅仲可以配芝士或者係加炒蛋更加可以根據個人口味加辣🌶真係試過返尋味📍脆皮鹹豬手配蕃茄濃湯螺絲粉 呢個豬手係餐廳嘅王牌👑差唔多有一半人都會叫呢個餸～豬手份量有兩大隻 另配蜜糖芥茉醬個醬真係超級好食！！！！見到豬手皮脆肉嫩 真係有滿滿嘅骨膠原🤣唔算好油膩 但如果食埋啲粉嘅話就食唔晒真係會好飽好飽😖📍吉列魚柳拼薯蝦配蕃茄濃湯長通粉 呢個係一個dinner set～會配一個小食小編就揀咗花枝丸😍花枝丸份量就比較少 兩粒切開一半變四舊🤣吉列魚柳亦都比較薄 但炸得香脆而且魚都係滑身 冇腥味！薯蝦都幾特別 個樣有少少似芋絲😏呢個湯底我就加咗芝士發現原來都幾好食 因為係半溶狀態蕃茄控同芝士控必試❤️📍吉列豬扒自家蕃茄焗薑飯簡單啲來講呢個飯同焗豬扒飯係冇分別🤣🤣純粹係豬扒變咗做吉列豬扒😆不過豬扒肉質都唔算乾 皮脆肉嫩而最特別嘅位係用薑飯～小編開頭以為啲飯會係偏黃色點知原來都係米飯色純粹係有薑味🤫味道上都幾特別值得一試！—————————————————————味道😋：8/10抵食🥳：8/10環境🥂：7/10

見冇乜胃口，去左食蕃茄濃湯！酸酸甜甜果然可以令小妹變得開胃🤩呢間舖係大埔都開左好耐，隔左咁耐食返啲回憶返晒黎。Menu有好多種粉麵同餸既配搭可以自由揀，辣度由唔辣到巴辣都有👍🏻印象中以前淨係得經典滑蛋蕃茄，而家有芝士同麻辣蕃茄揀。鐘意試新野既小妹揀左芝士蕃茄湯🤗雙重芝士蕃茄濃湯（微辣/螺絲粉）餃子雙拼第一啖湯，酸甜蕃茄味濃郁，但冇乜辣味🙈不過就愈食愈辣，建議大家如果叫左辣就記得撈勻啲湯先，微辣加酸甜真係好開胃，又多蕃茄肉🍅🍅🍅芝士醬加芝士碎溶晒係個面度！可以拉絲架！！！一路食一路拉！似係mozzarella cheese🧀所以唔係好濃芝士味，但微芝士味加拉絲真係好正！加上餐廳提供既湯匙比一般鐵匙大，芝士，蕃茄湯同粉一次放入口好滿足😍雞軟骨餃子入面有啲肉碎/雞軟骨/粉絲碎/蔥👍🏻個雞軟骨令餃子texture好好咬😃泡菜餃子有濃既泡菜同豬肉味HKD55經典滑蛋蕃茄濃湯（微辣/螺絲粉）鴛鴦雞扒蕃茄湯底一樣濃郁，芝士轉左做滑蛋，滑蛋都滑不過偏碎，小妹鐘意芝士多啲😋炸雞扒香脆，煎雞扒有黑椒味，雞扒唔算厚，但有2塊份量絕對足夠HKD56七味炸花枝丸叫左個花枝丸小食，花枝丸炸得香口帶微辣，仲有花枝粒

如果你好鍾意食蕃茄炒蛋或者係蕃茄迷，咁今次呢間以番茄爲主題既餐廳可能好岩你。呢間蕃滿門係香港自家品牌連鎖店，大埔係總店，呢家大角咀、九龍灣同尖沙咀都有分店，主打極濃鮮甜蕃茄滑蛋粉，秘製蕃茄湯汁用上四種番茄同雜菜熬製而成，將肉厚既本地茄、鮮甜既車厘茄、清香既串茄同比較酸既意大利長茄集合係一碗湯，抵食之餘感覺又健康。-1️⃣⃣ 招牌蕃茄濃湯粉 💰49（👅: 8/10）如果淨食通粉就會係呢個價錢，如果係跟小食就會係A-J餐嗰個價錢。蕃茄湯可以加辣度，本身食得辣所以覺得小辣中辣都唔算辣，唔食得辣嘅人可能唔覺得小辣會有少少辣，種辣有啲似tabasco既味。湯底隨左原味蕃茄之外，仲有雙重芝士同川味麻辣，我就叫左招牌既蕃茄，朋友叫左川味麻辣，食落川味麻辣唔辣，原味蕃茄會好食D。蕃茄湯食落係好濃郁嘅蕃茄味，味道會偏甜帶酸，食落唔似味精既味，係鮮既甜，湯底會有唔少蕃茄蓉，食落都開胃。炒蛋係用日本雞蛋，加上香濃牛乳，炒到半生熟咁，質素我覺得可以，口感算綿滑，夠大塊同厚身，有牛油香。將炒蛋加落湯上面，會令到每次飲湯都會有番茄同蛋嘅香味。螺絲粉比較煙韌，份量幾多下，食完螺絲粉未食小食已經飽飽地。-2️⃣⃣ 秘制黑椒牛扒

男朋友之前係大埔返工，佢同啲同事成日都叫蕃滿門外賣，佢成日都同我講超食，叫我一定要試。今日終於有機會啦！我本身係個芝士控，見到有蕃茄芝士湯米線就梗係試試佢啦，我就叫咗餃子做餸。佢餃子份量都算多，但味就普通啦。之後戲肉就嚟啦，最期待嘅蕃茄湯，再加芝士係上面！！！極邪惡，蕃茄味其實唔係話好出，但係加埋芝士冇得輸一啖蕃茄一啖芝士，令到個湯唔係好稀，不錯。不過唔知係味溝埋咗芝士，茄湯陣味唔夠重，但整體而言都可接受。不過到埋單時先見到要加一，承惠$61，都唔平。

行完山輕食快食之選來到已經係下午茶時段，由於肚餓只想簡單快食，又想要啲酸酸甜甜嘅野，所以就入咗呢間。招牌炒蛋蕃茄通粉，加午餐肉和雞軟骨餃子。午餐肉非常厚身，可惜肉味略為淡，亦沒有煎香，稍為遜色。雞軟骨餃子就正常發揮，湯底都幾濃郁，通粉不會太過淋。飲品係凍泡檸檬茶，好似杯啤酒咁樣。朋友叫咗焗豬扒飯，味道正常，可惜不是炒飯底，只是普通白飯，不夠惹味。雖然係下午茶份量但係滿意佢哋份量都比得幾多，性價比OK!

突然好想吃酸甜微辣的蕃茄湯底，專程坐車來吃招牌番茄濃湯配4餸 $69包括炸雞翼、油揚、牛腩、腸仔我選了公仔麵，因為與蕃茄湯最合拍湯底已包括炒滑蛋，辣度可自行選擇，我選了微辣先吃一口公仔麵，吸飽酸辣濃郁的蕃茄湯汁，非常好吃，因為我加了牛腩，所以也有牛的味道，一次滿足我幾個願望炸雞翼另上不會浸淋，很是貼心，不過是煎雞翼多過炸雞翼H 鴛鴦雞扒螺絲粉 $56分別是鹽酥雞扒和香煎雞扒，鹽酥更好吃，下次會選2塊螺絲粉非常掛湯，份量很足，味道同樣出色朱古力粒粒包 $19貪吃的我們再點了一個小食，這款相對失色，朱古力醬不算香濃且偏甜，麵包淋身並非外脆內軟，還是吃蕃茄產品吧餐牌

尋晚同朋友去呢度食嘢，我食咗個豬手蕃茄泡飯。蕃茄湯味道濃郁，而且又真蕃茄肉係入面，湯底落足料。豬手係每次來必叫，就咁食會覺得鹹鹹地，但連埋番茄湯一齊就好好食！除咗豬手之外炸雞都推薦！侍應服務又好環境又乾淨，10分推薦大家嚟。

難得同朋友踩單車來到我地頭，帶他們在太和一帶繞了一圈，看看他們想食什麼類型的食品～～其中一位朋友很愛吃蕃茄，所以就揀中了蕃滿門啊！其實自從蕃滿門搬舖後，我就一直沒再光顧過，因為大埔太和都好多食肆選擇啊！但論蕃茄湯而言，一時又想不起有哪一家一樣出名！我就必點特式蕃茄滑蛋濃湯餐香酥雞扒螺絲粉！一位朋友揀秘制黑椒牛扒，另一位朋友就揀鮮茄芝士焗肉醬意粉，老公就選什錦蕃茄滑蛋濃湯粉。香酥雞扒螺絲粉，湯底辣度選微辣都足夠。雞扒醃得入味，炸得香酥可口，肉質又不會太乾！滑蛋夠嫩滑，湯底有濃郁蕃茄味！！將雞扒浸入蕃茄湯中，吸滿了蕃茄湯味，更為惹味啊，是我個人最喜歡的食法！不喜歡浸湯吃，也可蘸泰式辣醬吃，同樣滋味！螺絲粉的優勝之處是相對沒那麼易浸湯浸到過稔啊！秘制黑椒牛扒，第一次試，黑椒味醃得夠濃夠入味而又不會過辣～～牛扒雖不是靚牛扒，但質感都軟稔易咬，不會韌！什錦蕃茄滑蛋濃湯粉，好大碗足夠二人食！配料有炒蛋﹑冬菇﹑豆卜﹑牛腩﹑貢丸﹑蟹柳﹑煙鴨胸及西蘭花，餐牌上所列的配料，都有齊！配料的質素普普通通，老公最欣賞是原味湯底的蕃茄香甜味～～～鮮茄芝士焗肉醬意粉，是今餐晚飯中蕃茄味最弱的食品！反而芝士味好香，還

佢嘅蕃茄湯底好好味啊😋有好多款配菜可以揀，我揀咗牛腩同西蘭花，分量足夠，唔會好少～仲可以揀要咩面，最鍾意食螺絲粉。我唔食得辣，但啲friend話辣味蕃茄湯底都好食😂

每個星期日工人放假都要苦惱晚餐食啲乜，好在大埔勝在選擇多，其中一間經常幫趁既就係呢間番滿門食物整體質素有保證，蕃茄要整得難食都好難今日選擇左蕃茄芝士焗豬扒飯，都係外賣自取，由餐廳到拎返屋企食大約二十分鐘，所以預左質素都會打折扣。一打開，厚厚濃郁既番茄芝士舖喺面，香味都不錯炒飯底，唔會太過濕，飯比較硬，但我鐘意食硬飯，所以非常like豬扒就唔算太厚，而且始終都有一陣雪藏味，就有待改善了但係食食下，發現左咬唔到既野，我估計係一啲包裝紙雖然整體唔錯，可惜發現異物就扣晒分，如果堂食就已經出左聲了，廚房唔該小心啲留意下！