蓮花健康素食

營業中

休息中

成場都唔係爆晒場或有人等位！我都未食完，又唔問人，就收人野！收完一個話唔好收，未食完！又走黎下一個阿姐走黎收！佢地見唔到人仲食緊野架！都唔識問下人仲要唔要架！係咁差隻手黎執呢樣果樣！都見到人仲食緊吧！有冇趕成咁？？比錢時問佢下次係咪可以唔要碟酸菜，因為仲要收錢，一來我冇想食果碟野！仲要收錢！d姐姐又冇講！咁我後尾望到牌有寫12蚊碟！所以我只係問，咁下次係咪可以唔要！個阿姐答我：你唔要關我咩事，你自己唔出聲！！ 呢d職員服務態度好成咁！可能你地公司都覺得冇咩所謂啦！比錢簽卡出單出得一張！張單寫無需簽署！一來我冇講唔要單，咁你唔識用部卡機又唔識印多張出黎！唔該學下先啦大姐！我建議你地舖頭，需要再培訓下d員工！D食物就ok la,純粹附近好似冇晒素食先會間唔中幫襯下架咋！但麻煩請d會答人野既職員lo！唔知冇問題咪學lo,唔會同個客講，關我咩事呀？我黎食野仲要比你凶架？不如你張貼，唔好問野係舖頭！或者要唔要酸菜都比人地有選擇！唔係個個人都想食！

我阿嫲喺加拿大返嚟，因為佢係食齋，所以我哋去咗食呢一間素食佢嘅食物質素非常之好店員亦都非常之親切因為我哋有話過啲嘢食可能係想得太快店員幫我哋控制咗個速度，然後我哋食得非常之開心所以建議如果食素嘅人非常之要去試一試非色素嘅人亦都可以去食，因為佢嘅食物質素非常之高

平時都有去大埔蓮花食齋，雖然價錢比較貴，食物質素偶有失手，大致上還算可以。今日佛誕去食，失望嘅係只能叫佢哋指定菜款，平時喜歡食嘅就欠奉。雖然有送齋湯，但就同平時差天共地，齋湯無味之餘仲要好鹹，可能係湯底唔夠送師傅只有加水同鹽。叫咗一碟排骨炒河粉同炒蓮藕百合黑木耳，今次就無落鹽或者落咗好少鹽，淡而無味，水準比平時真係差得太遠，失望。最終三個人去食上面兩樣嘢，埋單要三百幾，真係唔值。所以決定以後誔期唔會去食。

放工口痕見到買咗幾舊糕點返去屋企食。點知一咬落去就中伏。個紅豆卷塊糯米皮係硬嘅，同之前買過嘅完全唔同，唔知擺咗幾耐打電話去問。聽電話個嬸嬸堅持話啲貨係今日新鮮返，只係擺咗喺雪櫃整硬咗，話睇埋其他紅豆卷都係硬身，仲話攤返喺室溫就會正常返可以食嘗試合理化成件事，但完全唔make sense。自己都整過糯米糍，新鮮嘅糯米皮就算擺咗入雪櫃，用保鮮紙包好唔會硬到咁。完全唔夠膽再食！希望店家可以睇到呢個留言改善下，賺錢都要有良心，唔好俾啲劣質食物客人。

門口 "收銀亞姐" 好嘈吵，吧吧閉閉，由門口 嗌到廚房咁遠，就連講電話都要大聲到要迫D客去聽佢講嘢咁。一係就要係鋪頭去 show off 一下佢點去 "指點" D員工做嘢 (佢睇嚟係唔識得 餐飲管理，只係得大聲叫)，總之個環境好嘈吵，嘈到我感到頭暈，好似隻烏蠅咁圍住你飛咁，令人食嘢食得好唔舒服。D餸雖然做得係唔錯，而且原來佢地仲有播D佛歌，但除咗你聽到 "收銀亞姐" D 呱呱叫噪音之外，根本令人無食慾，因為仲慘過係馬路邊食，希望 "收銀亞姐" 能有機會見到我喱個 comment, 痛改前非，立即收 "嗲"，放大家一馬！否則都好難再去幫襯。

Food Review: Lotus Healthy Vegetarian - Tai PoTitle: A Wholesome Delight for the Taste BudsDishesld Cucumber Vegetarian Soup:The old cucumber vegetarian soup at Lotus Healthy Vegetarian is a delightful bowl of nourishment. The soup is made with tender chunks of old cucumber, simmered to perfection in a flavorful broth. The cucumber pieces are soft and melt in your mouth, releasing a refreshing taste with each spoonful. The broth is light yet rich in flavor, infused with aromatic herbs and spices

1. 服務極差門口收銀阿姐串串貢：堂食一坐低就比碟前菜，老人家唔食得酸甜野，想唔要前菜，阿姐即刻表演變臉—黑面，仲好惡話：「得啦得啦，幫你取消啦，唉！」2. 逢初一十五當善信水魚咁劏平日午市$65包飯、糖水及湯，再加一服務費。初一、十五及公眾假期加價至$85，沒有飯和糖水，白飯另加$12及另計加一。3. 收費貴但份量極少收費比出面齋鋪貴很多都無所謂，但份量真係好少，好似想焗人點多啲野，食完都唔知落左去邊？

大埔，不算是一個素食的荒地，但向來，素食店的出現，都是以茶餐廳、小食店，或社企飯堂的形式出現。而且，有好多都只做了兩、三年就結業了。屹立不倒的，是茶餐廳形式的，而且老早就食到厭了。而在前一陣子，在廣福道出現了一個新名字《蓮花健康素食》。這是一間由九龍開過來，環境相對地舒適，有返壺茶俾你噗下既齋舖。那天在大埔同太太買餸，就決定來食個中午飯了。中午時間，有一個老黃瓜素湯。我們來的時間，算是大埔店的新張期內，所以人人都有一碗靚既素老火湯。這湯連素肉都沒有落，入口全是黃瓜，蘿蔔同豆的味道，味道濃郁但口感很清。例湯外，我們也點了一個酸辣湯。這是一個異常地材料十足的酸辣湯。有足夠的辣勁，有可口的酸味道，也夠多蔬菜料，令到這湯好飲又好食。湯內仲附有粉絲，是一個既豐富又好味道的餐前開胃湯品及小食。兩個人來，都係主打炒粉麵算。我們點了一個素食版的生炒牛肉飯。素食的牛肉碎，自已買過黎煮餸，所以大家都知道這是一個味道豐富的東西。就這樣用素牛肉醉同菜來炒飯，同樣有可愛的濃香味。雖然，這素牛肉的味道大概都會同味精扯上關係，但因為這其實是豆製品，所以，隱隱中都吃得出有豆香。當我們看見餐牌有錦鹵雲吞之後。我同太太都

由九龍城食到大埔,水準穩定可口,一家四口專誠試食,原來上年九月已開,見到老闆坐陣,員工親切,上菜快速。當日叫了三小菜一炒飯,全部吃清,二小孩大讚,就這點令我們一家必定再次光顧!飯後仲送上免費糖水,完整的一餐。介紹下菜式,有我仔喜歡梅菜豆腐,爸爸喜歡可口四李豆,南瓜素雞,仲有忘記影腰果素鮑魚炒飯。

中午唔使等位。真好。叫咗個麵，麵本身係好食嘅，但係個湯好咸另外叫咗碟炒小菜，90蚊,細細碟，唔好食，有d黑色一粒粒似係「鑊焦」的東西，證明真係用鑊炒的。張看似布其實係膠的枱布痴粒粒。茶錢每位9元，仲有酸菜9元。還未講完：仲有加一.

路過見到5點前都有午市特價餐，每款$36好似好抵吃喔。地方唔大，檯凳都放到好滿，如果人多就會好迫啦！坐低一陣就放低一個大碗俾我地自己洗，開茶，仲有一碟小食酸蘿蔔。先來一碗例湯，應該係粉葛煲赤小豆，味道麻麻。馬來炒貴刁，比較淡口，少少咖喱味，幾粒齋蟹柳，口感好奇怪，淡懋懋同超級彈牙😒芙蓉煎蛋飯，蛋都煎得幾香，不過又係齋蟹柳，齋叉燒有兩條咁多😂整個飯都比乾，如果多返少少料應該會好d。最後仲有紫米糖水送，淡淡哋，味道都OK。總結，以為吃過特價午餐$36好抵吃，點知茶位要$18，酸菜小食要$9，仲有加1，埋單$109，加加埋埋貴過一個餐，真係無下次了！

今日媽媽👩🏻買左幾件中式懷舊糕點番嚟比小妹食, 有芝麻糕, 芝麻卷同白糖糕😊 全部都係小妹中意食嘅😍😆📍芝麻糕芝麻味幾香而且味道濃郁, 食落去幾煙韌, 不過比較甜📍芝麻卷芝麻卷口感較爽, 食落口幾有層次感, 佢嘅芝麻味無咁濃郁, 相比起芝麻糕亦無咁甜😀📍白糖糕平時食嘅白糖糕會有d甜得嚟帶有少少酸酸地嘅味, 不過E件無酸味, 幾好味👍🏻總結:三件糕點份量都ok, 而且味道唔錯, 不過個人認為芝麻糕比較好味😊😋

座位好迫，要搭枱，有俾大碗你自己洗杯碗。茶錢$9位，但茶香欠奉，午餐看似很實惠但其實有額外費用，如前菜及加一。前菜忘了是$15還是$20但只有一件豆卜加醬油碟大小的芽菜，原味般絕對不值，寧願它明碼實價提高午餐價格好過左加右加。跟餐湯，有紅蘿蔔，有陣好似猴頭茹味，不知道是什麼湯，但味道麻麻。味菜肉絲炒麵$33炒麵係炸麵脆脆那種，味道很淡，有色但無味，但那些味菜超咸，同食開那種酸甜味菜不同。有冬菇絲及素肉絲。咕嚕肉小菜配白飯$42菠蘿用鮮菠蘿但素咕嚕肉無論酸、甜及咸味也不足。細齋滷味$30除素鵝千層外其他也味淡。左加右加，最後$160埋單，試過就算。

Great news for those loving in the Tai Po and nearby district - there is another vegetarian restaurant.This restaurant serves a decent range of vegetarian dishes. Although mainly Chinese style dishes, on the oily side but still a good alternative for a vegetarian dine in place in Tai Po.

喺廣福道落咗車，見到開左間新嘅餐廳，原來係有兩間分店嘅蓮花健康素食。佢嘅位置喺麥當勞隔離三個舖位。門口有外賣齋同埋甜嘅糕點。最鍾意食芝麻產品嘅我，雖然冇帶到環保食物袋，但都受唔住芝麻嘅誘惑，係唔會放過買黎試下啦！😋😋所有甜點鹹點一律$6件。芝麻卷同芝麻糕都係買$6 ，貪食嘅我梗係兩樣都買來試吓啦！😍嘩，件芝麻糕係厚切嚟㗎，目測有四厘米咁厚🤩🤩。食落去芝麻糕明顯係濃味一啲，但甜度都相對較高。芝麻卷充滿光澤，味道係淡一啲，但係就啱我依啲唔係咁鍾意食太甜嘅人喇！👍🏻👍🏻雖然只係外賣咗甜點，但眼見下午茶時間店內都充滿咗食客，幾乎係滿咗喎！下次搵埋朋友一齊去試食店內嘅食物，同佢嘅齋先！