蒸廬

營業中

休息中

第一次到啟德零售館吃東西，光顧的是在香港現已有三間店舖的「蒸廬」。兩夫妻吃的是晚飯，點了一個「二人套餐」（$258）和一份「蒸廬拼美點」（$68），無論點心、燉湯還是蒸飯，都相當不錯。店子新開不久，環境光鮮明亮，這晚我們坐在卡位，感覺就更舒服了。這裡的「二人套餐」包括一款主食和兩款燉湯，另外點心A可三選一，點心B可六選一，點心C可五選一，再加上兩客是日甜品，才兩百元多些，可算相當抵食。在六款主食中，我點了「蟲草花砂砂雞粒陳村粉」。大部分點心店都沒有得吃的陳村粉，其實我都很久沒有吃過了，這裡的做得不錯，淋上醬油後的陳村粉，與醃得入味的雞粒，加上少許蟲草花和大量薑粒、蔥花，已是一道令人回味的美食。兩款燉湯，兩夫妻分別點了「花膠蟲草花栗子燉土雞湯」和「黨參天麻川芎燉魚頭湯」。兩款湯的共通點是真材實料，湯料極之豐富，不同之處則是我的「花膠蟲草花栗子燉土雞湯」下了大量元肉和栗子，湯味十分清甜，滋補健康，太太的「黨參天麻川芎燉魚頭湯」則藥味濃重，味道帶苦，祛風散寒、補腦暖胃的功效。原來這裡的各款燉湯都有自家出品的湯包可以售賣，如果喝過覺得好飲的話，大可買回家中喝呢！三道點心，我們就揀了「晶瑩蝦餃皇

貪新鮮，走去啟德體育園逛吓，原來有三個商場名為零售館，館內食肆林立，感覺上西餐比較多，正規一點的中餐似乎就是「蒸廬」，唔係一般細細間嘅點心專門店，面積都算大，卡位坐得很舒服，窗邊可以望到體育場。“蒸”品既美味又比較健康，非常適合我們三位女士，今日我哋就食吓點心燉湯，再來的話必嚐陳村粉及蒸飯。精裝佛跳牆 $98 (新張優惠，原價$118）真心推薦佛跳牆，湯頭非常甜，相信是紅棗、蜜棗及很多龍眼肉之功勞。真材實料，每盅皆有鮑魚、海參、花膠、鵪鶉蛋各一件、瑤柱、素翅、蟲草花及瘦肉等，全部材料煮至軟身，十分滋味。晶瑩蝦餃皇 $37 (下午茶)一客四粒．這個價錢抵食，而且蝦餃皮做得很好，煙靭夠薄，而大大粒的蝦、爽得來有蝦味。蟹籽燒賣皇 $34(下午茶)又係一盒四粒，大大粒，味道好。五香滷水鵪鶉蛋燒賣 $37(下午茶)鵪鶉蛋比一般香滑，可能是因為經過五香滷水汁處理，吃起來滷水味並不強但更好。士多啤梨蝦多士 $37(下午茶)蝦多士酥脆不油，脆軟交替，口感鮮美；添上士多啤梨醬原來很合拍，甜甜的，有助平衡膩感。大滿足班蘭咖央蝦盞 $45(下午茶)綠悠悠的醬非常豐富，看似牛油果醬，其實是班蘭咖央的組合，內藏

住喺附近，所以經常去啟德體育園搵食，好多間都試過，絕大部份都中規中矩，但呢間食過兩次，都係相同結果。見有食評話佢啲食物手工製好有心，但其實都係好普通貨式，不過今次再差咗，最基本嘅燒賣同肉餅飯，唔知係因為未蒸熟定係用咗劣質豬肉整，中間完全咬唔開，唯有吐返出嚟，咁樣嘅食物完全稱不上合格。服務都係呢間餐廳嘅highlight，其他食評都睇到嘅死唔加水都係等閑事，唔俾人坐想坐嘅位先搞笑，平日8pm屋邨商場食肆仲會有幾多人入座，我哋2個人見到有卡位想坐，佢話繁忙時間卡位最少三人，但我哋話後面兩張全部都係兩個人食緊，佢居然可以話佢哋6pm就入座，未算繁忙時間。卡座嘅人喺呢間點心小店坐咗兩個鐘？費事同佢再拗，嗱嗱聲捱完咬唔開嘅點心就算。埋單嘅時候話下次俾返卡位我哋，我心諗仲有下次？

1. 食物質素不過不失，但舖面太小，等位需時。2. 侍應見到茶壺打開蓋，直行直過，之後係要叫咗好耐先拿去加水。3. 侍應未問過就想將未食完的蒸籠拿走，當你叫佢未食完不要拿走時又多多聲氣。4. 整體服務態度不滿意。

野食幾好食都好。職員趕客走趕得好嚴重，未食完枱面既野就開大冷氣趕人走，開頭都唔覺，仲有兩碗糖水未食，開始收枱面我地d碗碟（雖然有問過，唔通唔比你咩收咩），之後連我地2壺茶都收走埋，我地2碗糖水仲食緊。。。。難怪大家都唔願留港消費，咁既服務態度。。咁既環境下食野真係唔多舒服。。。

星期六 六點幾入內，唔需要等位， 我哋坐四人枱，我見牆邊有啲卡位，但已經有人坐咗。座位唔算多，如果想嚟嘅話，可能要早少少，唔好peak hour。最欣賞呢間啲燉湯冇味精，真材實料，係細碗咗啲， 一人份量，但平時喺屋企好少自己花功夫燉湯，嚟呢度飲，就值得。我哋嗌咗黨參川弓天麻燉魚頭湯(68蚊) ，仲嗌咗個佛跳牆，但係唔記得咗幾錢，啲料都好足。如果加大份量，就更加好。另外蛋散超級大件，配備芝麻煉奶同埋花生醬，特別好食。 其他點心都一般發揮，不過不失，埋單三個人二百零蚊，算cp值中上。有機會下次會再嚟。

放復活節長假期，終於第一次親身遊覽「啟德體育園」，看看展覽，也順道到「零售館」逛逛及吃午飯。到了2017年開業，有三間分店的點心蒸飯燉湯專門店「蒸廬」，門口是人頭湧湧，看來有不少粉絲。吃過之後，出品的確全部做到新鮮熱辣，功夫也見紮實，是水準以上的點心。加上流量快，點心蒸飯全是新鮮蒸起不斷出爐，這也是蒸物美味的重點之一：先來「蒸廬拼美點 (9件)」HK$68一網打盡晶瑩蝦餃皇、蟹籽燒賣皇、鮮蝦菜苗餃、潮州大粉果、抹茶流汁叉燒包、養生薑汁糕、桂花蔗糖馬蹄糕等：鮮蝦菜苗餃皮晶瑩剔透，餡料的豆苗軟嫩，餃內汁豐盈，小點心見真章：蝦餃的蝦新鮮爽口，大小一口一隻剛好，不會失去吃蝦餃的神髓：燒賣的蝦與鮮剁豬肉比例剛好，軟熟充滿肉汁，蝦爽豬肉滑，點些辣椒油伴吃更好提味：原盅上「精裝佛跳牆」HK$98以花膠、海參、鮑魚、素翅、金華火腿、螺頭、瑤柱、冬菇、鵪鶉蛋等燉成，相當足料：湯清和燙極，能感受到背後燉的火候：除了沒味精感抵讚，此湯在營養及食療方面有很高的價值，海參含豐富膠原蛋白及胺基酸能滋補養顏；滋補花膠可增強免疫力，口感也好；金華火腿也為湯帶來鹹香及鮮美：另一盅「花膠蟲草花栗子燉土雞湯」HK$68也是

啟德體育園我已經去過好多次！呢日就同老婆大人約埋朋友去咗零售館3入面新開嘅點心店食晚飯。呢間點心專門店叫做蒸廬！聽聞佢哋嘅點心係店入面師傅做唔係預製㗎，而且仲有唔錯嘅燉湯添今日就嚟試一試佢。好耐冇見點心車舊式嘅茶檔就係咁樣擺茶客就自己過去攞，不過呢度唔係咁玩法係畫紙仔嘅。點咗嘢食整壺靚茶飲住等，呢個茶壺大家都覺得好得意。人多就可以任性啲嗌到一枱都係點心正呀喂！首先整兩個燉湯嘆吓！老婆大人叫咗呢個猴頭菇茶樹菇燉上肉湯，我試咗一啖菇味好香濃而且唔會好油味道幾清甜。我就叫咗好勁嘅精裝佛跳牆！燉湯鬼咁大盅入面有好多矜貴嘅食材，鮑參翅肚樣樣有齊個湯又點會唔甜吖仲好鬼滋補添。蝦餃大大隻爽口彈牙又夠鮮味質素好唔錯喎。不過呢個蟹籽燒賣王仲吸引！咬落去好有質感入面嘅半肥瘦豬肉好香滑，呢個燒賣真係好好食。魚湯蟲草花鮮竹卷好大條！滑嘟嘟嘅腐皮入面包住好香嘅豬肉餡，配埋個清甜魚湯同有咬口嘅蟲草花，呢個口感同埋味道我好鍾意喎。XO秘醬蒸鳳爪係老婆大人嘅飛佛！呢度個味都較得幾好唔會太濃又入味，鳳爪整得夠腍唔會散晒合格呀。我就最鍾意食鹹水角呢個啤梨三兄弟我覺得係必食嘅！造型夠晒可愛個皮好香脆中間就夠煙靭，入面嘅餡仲

我真係好喜歡飲茶！除了酒樓之外點心店也是吃點心時的好選擇，這次選了一間比較新的店子來嘆夜茶，品嚐不少很富有新鮮感的精緻點心呢。這夜跟好友齊齊去到近來火紅的啟德體育園，餐廳是坐落於啟德體育園零售館3內的蒸廬。甫坐下先點來茗茶那精緻的茶壺好吸睛耶。除了中國茶之外還有特色飲品供應！我選了斑蘭香茅茶$15，幽香的斑蘭配襯獨特香茅味飲落不會過甜味道不錯。先嘆盅猴頭菇茶樹菇燉上肉湯$60！湯色深邃充斥濃郁的菌香味道清甜好喝。最懂享受的車爸爸選了精裝佛跳牆$98！非常豐盛的材料包括有花膠、海參、鮑魚、素翅、螺頭、瑤柱、蟲草花、大花菇、栗子及鵪鶉蛋，湯頭入口鮮美而且份量十足不錯飲啊。接下來跟好友一起品嚐豐富的點心！先來香口炸點大滿足斑蘭咖央蝦盞$45，蝦盞說穿了其實是炸雲吞面頭鋪上特色的斑蘭咖央醬，香脆口感中帶出一份非常有新鮮感的味道。啤梨三兄弟$39造型的鹹水角味道很讚！外層香脆不油膩內裏味道鹹香非常喜歡這三兄弟。晶瑩蝦餃皇$39！大大隻的蝦餃澄皮好爽滑，內裏蝦肉餡料夠新鮮，一粒吃下叫嘴巴非常滿足。蟹籽燒賣王$35！啖啖肉的燒賣餡肥瘦均勻吃到滿滿的肉香，加上蟹籽的加持確是粒有質素的燒賣皇。薑蔥牛柏葉

作為老饕，首次踏足啟德新場地，也是為了吃。三個購物館遍佈餐廳，若非有大型表演，大部份食肆生意都唔見得好旺，除左呢間蒸廬。是的，你可能在別的地方也見過或吃過這品牌的點心專家，因這是個小型連鎖店，我就曾經幫襯過黃埔 (已結束) 及荃灣。除左各式茶葉，呢度仲有其他飲品，有些甚至充滿星馬風情，如馬來白咖啡，以及斑蘭龍眼/ 香茅茶等，有趣。總覺得必定要有蝦餃及燒賣，才是食點心。這裡的蝦餃和燒賣個子好大好足料，味道唔錯，兩粒落肚已飽左一截。牛柏葉份量又是誇張，端上桌時好有氣勢，同埋佢勝在唔會太韌。幾喜歡呢度既包點，不論是紫金麻糬流沙包，抑或係雲可芝麻包，均香濃好吃，幾緊要趁熱食，才看到流心效果。煎炸嘢較新派款式，如啤梨三兄弟就是啤梨造型的咸水角，外層煙韌帶脆，餡料夠香，不會為創新而犧牲味道。另外，又有斑蘭咖央蝦盞，看來點心師傅好鍾情星馬文化。呢度有唔少湯水選擇，唔知係咪為附近既工人而設。佛跳牆十分足料，鮑魚、花膠、海參、鵪鶉蛋及素翅等，仲有蜜棗及桂圓，香噴噴，湯頭也肯定清甜。生怕吃不飽，再多一籠蟲草砂砂雞粒陳村粉，感謝有幾分像在吃葡國雞。臨尾食埋軟熟既馬拉糕當甜品，食點心都可以非常滿足。

裝修簡約，環境寧靜，坐得舒適的環境，對住無遮擋的球場亨受即叫即蒸的美味點心員工服務友善親切蝦餃大大隻，爽口彈牙蝦多士鬆化，令人有驚喜，比國金軒還出色雞肉燒賣，不油不膩，又有豬肉燒賣的味道，不失為健康之選抹茶义燒飽，义燒豐富

啟德分店 ，在啟德零售館三的2樓 ，樓面面積不算太大 ，大概有十多張枱， 约有四，五張卡位， 服務員都很殷勤，很快安排客人入座 ，茶芥每位五元， 今次點選了二人套餐和一個九件點心拼盤。 環境方面尚坐得舒服，唯獨冷氣實在太大，令很多點心很快變冷卻了， 而茶味也很淡，因每壺的茶葉數量很少，這些都是要改善的地方。 他們出名的燉湯，繼續維持水準，其他 點心蒸飯即叫即蒸， 點心也不過不失，冇特別驚喜之處，正常。 但因一次過出晒點心 ，客人就会食唔切，冷氣又大，食物很快便涼了，這便影響了口感和味道。店家值得注意。

今日行過想試下 但安排極差 我一個人等位 等左十分鐘左右 有張枱空出黎 但佢俾左2 人入先 問都冇問過我 亦冇諗過安排搭枱 明白想做多啲生意 但一人同兩人位安排應該一樣吧 最後試都冇試就走左 感受超差