蒲羅

營業中

休息中

今日到新都城下午茶，無咩目標，想起新嚟開咗間東南亞餐廳就去試試。嚟到3：00,已經無咩人平日下午茶2：30開始，星期六，日假期就3：00開始。坐在架位舒適，員工亦很有禮貌。下午茶選擇不多只有三款，和四款茶配搭。但都正常不錯的。我揀了蝦湯雞絲麵。我叫員工給我一杯水，他還問我凍水還是熱水，我要熱的，我心想真貼心。但等了又等都無水給我，我再叫同一位員工，佢就隨便給我一杯凍水麵到了我叫一位女員工給我一些辣醬，她好認真我答，好我攞俾你，又等等等。。。又無攞嚟又要再叫，這間店是不錯的，但招呼有些特別

朋友呢日帶左我去佢屋企附近既餐廳食野~佢話呢度既茶餐唔錯，仲要去到6點，所以我哋呢日5點幾去到都仲有得食我哋每人要左款茶餐，之後再加左單點既小食一齊share我地要左一份斑蘭雞翼同黃金炸魚皮兩款小食都香口惹味！！！特別係個雞翼大大隻，外脆內嫩，食落仲好juice朋友所點既蝦麵賣相唔錯，望落既份量都唔少而我就要左一份咖哩燒雞串飯份量一啲都唔似係茶餐，非常豐富～既有三大串烤雞串，仲有脆魚花生同大大塊蝦片！！！配埋香濃既咖喱一齊食真係無得輸最後我地仲要左一份咖吔多士配半熟蛋～咖吔多士有淡淡既椰香，食落甜度剛好仲可以邊食邊嘆返啖茶餐所配既濃滑拉茶，正呀！！！！

無骨海南雞飯,無雞味,雞油飯有生米,原來隔水蒸,魚丸紫菜湯的半粒丸太寒酸,汁醬無驚喜,樓面服務無服務,一杯水要開口叫,坐卡位撞枱角！............….........！！！！！！！！！！！！！！!☹️

同將軍澳區嘅友人相約去寶琳食飯，好耐有去新都城廣場，翻新過後有好多新食肆。今日就去咗食星菜蒲羅雙拼雞配雞油飯（$78）朋友想食海南雞又想試燒雞，所以就雙拼唔好爭😌無骨雞件一口size,肉質嫩滑😋燒雞外皮脆香、海南雞滑嫩Q彈。雞油飯輕盈唔太膩，配蘇東魚丸雞湯更消濟仁當牛肉斑蘭椰漿飯（$68）仁當牛肉份量足，有腩有筋，同巴東牛肉有幾分相似，夠晒重口味，遮蓋咗斑蘭嘅清香。建議先食一啖斑蘭飯或者夾花生粒、青瓜片同魚乾配菜食。蟹粉蟹肉酥盒（$62）每個酥盒上邊都有幾粒蟹粉😙蟹肉餡調味到似越南春卷嘅味道😂酥盒鬆脆一口size晚市套餐配餐飲，叫咗一熱一凍班蘭薏米水。估顏色綠得好鮮艷💚熱嘅班蘭味比凍嘅更突出，仲有好多薏米粒。好飲🫶🏻總結而言，份量慷慨，味道適合港人口味，價錢大眾化冇加一，經過值得一試😋

去新都城揾朋友見到呢間新開嘅新加坡菜，見到全日都不設加一服務費，環境舒服，上菜速度快。娘惹生魚皮好耐無食過生魚皮，一見到就一定要叫，魚皮爽口彈牙，處理到好乾淨，無魚鱗，無腥味，加上薑葱芫茜辣椒香味十足。海南雞半隻海南雞肉質嫩滑，好juicy，雞皮爽口，一點都唔油膩。海南雞絲湯米粉湯底濃郁雞味，加左口感滑的米粉一流，有半住溏心蛋，蛋香味濃，豆卜吸收湯汁，juicy。凍手工拉茶下午茶餐會跟左飲品，我揀左凍手工拉茶，拉茶香滑味道好，加左冰都唔會淡。

經過見到呢間新開嘅新加坡餐廳見佢環境裝修得幾靚 食物都好吸引😍完全冇失望 下次可以encore‼️🥣海南雞飯配白胡椒肉骨茶$88超級豐富 呢個價錢好抵食個飯好香油雞味 雞件好嫩滑 啖啖肉份量好多 配埋傳統嘅三色醬 無得頂💕肉骨茶裏面有冬菇、腐皮、蒜頭、排骨好香胡椒粉味 辣辣地 🍜雞絲大蝦撈喇沙摻摻 $68麵有粗幼夾雜 口感幾特別仲有芽菜、青瓜、雞蛋等等嘅配料 十分豐富食食下有啲辣 飲埋椰汁冰就perfect🙌🏻雖然係撈麵 但個麵好掛汁 完全唔會覺得乾🥚鹹蛋黃單骨雞翼38勁好食‼️‼️‼️皮薄 充滿肉汁 好香口 每啖都食到淡淡的鹹香唔會覺得重口味🍵斑蘭薏米水(包餐飲） 成杯綠綠地色都幾得意 暖暖地幾易入口 好多薏米😍🍍菠蘿椰汁冰跟餐加$8極度推介 椰汁味香濃又唔會咁蓋過菠蘿嘅而且啲冰打得好smooth 💯平靚正之選🤤有興趣可以試試樂富、中環都有分店㗎

💡抵食新加坡菜雖然地點隱蔽，但價錢就好抵食，而且裝修好吸引，充滿特色，味道都好正宗。🍽海南雞飯拼喇沙米線雞肉已經去咗骨，雞肉結實有肉感，雞皮滑溜得黎非常嫩滑，唔會有鞋口的感覺。油飯粒粒分明，淡淡香茅味，配埋喇沙米線，有蛋、蝦、魚片等，好滿足😋🍽蒲羅喇沙摻摻材料好充足，蝦鮮甜又大隻，仲有魚片、豆卜、雞蛋等食材，另外仲有傳统既螄蚶，湯底香料味濃郁，辣辣地夠惹味，配埋糖心蛋，超滿足！🍽雞肉串食得出有青咖喱加少少青檸味，唔會好鹹，整體串燒質素都幾好🍽馬來拉茶甜度剛好，好幼滑好飲🍽凍美綠哥斯拉口感夠曬豐富，有好多美綠係面，好香濃

同朋友行街見到新都城中心新開左間星加坡餐廳，一於去試吓先得！海南雞 配 雞香油飯 及 紫魚肉丸湯海南雞嘅份量都幾多，啲雞已經起骨而且好滑，就算唔點醬汁都好夠味，再配上雞香油飯及紫魚肉丸湯，真係好滋味！蟹粉蟹肉酥盒賣相好靚，食落啖啖蟹肉，酥盒整得好鬆脆！咖吔多士配溫泉蛋多士充滿東南亞風味，入面夾住咖吔及牛油，多士烘得十分香脆！仲有唔同嘅特色飲品，我哋點左熱班蘭薏米水熱香紅茅茶，賣相都幾靚，味道幾特別～下次要試吓佢哋個喇沙先得！

《抵食星洲風味🌟》———————————————#蒲羅 🌴-作為將軍澳友，街坊推介食呢間東南亞菜，成間舖頭都好有星洲馬來風情，夠哂正宗，而且性價比高，幾抵食😚-🐔 雙拼雞配雞油飯有選擇困難症嘅人一定要食，小朋友先做選擇我兩樣都要～ 雙拼雞有海南雞同燒雞，無骨雞件肉質嫩滑，尤其中意燒雞有啲脆香嘅外皮😍 配埋油飯咁食，好滿足😆-🦀 蟹粉海鮮喇沙泡飯呢款泡飯好特別，加入喇沙湯充滿南洋風味，撈埋裡面滿滿嘅蟹粉，鮮味十足，非常豐富😌-🧡 鹹蛋黃單骨雞翼估唔到連骨骨雞翼都咁大隻，炸得超級香脆可口，外表沾滿哂咸蛋黃醬，食落啖啖咸香🤤 食落脆卜卜，肉質嫩滑，食到停唔到口😘-⭐價錢參考：蟹粉海鮮喇沙泡飯：$78雙拼雞配雞油飯：$78鹹蛋黃單骨雞翼：$38🍌 抵deal 指數：7/10💰 人均消費：$100

因為呢2日都同老公過將軍澳做嘢，所以琴日食完先經過見到，就決定到今日嘅飯堂😋😋😋食物古法豬手撈油面呢個堅正首先佢個豬手超冧，好入味，有種入口即化嘅感覺佢個醬汁掛係油面到少少辣，好惹味！超濃汁！所以佢有個青瓜絲，撈埋一齊2種口感，又可以解膩喇沙蟹粉泡飯食喇沙滲滲就食得多，泡飯我第一次見😋仲有蟹粉🥹設計呢個菜式嘅廚師真係好聰明啲飯一搞散就一匙羹湯加飯，勁入味。食完個肚好夠飽，但個口好似未食夠😋😂魚角超彈牙！有魚旦味好食啲湯我都飲晒🤤鹹蛋炸魚皮Menu有呢個我就必嗌嘅😤因為我食過2間蒲羅啲炸魚皮都好正！所以我都要試下呢到！係質素嘅保證一定要趁熱食！勁脆，同好多蛋黃沙，又好夠味，啲蛋黃油係低，食一次半次唔過份啦🥺$38超抵食薄荷斑斕冰🧊玫瑰荔枝冰原本我想嗌斑斕薏米水，但好貼心嘅老公話驚我食麵辣，嗌凍飲解辣玫瑰🌹荔枝冰有好甜嘅荔枝味❤️啱哂我呢啲鐘意果汁嘅人斑斕汁都唔弱，超香斑斕味，好香滑嘅感覺😌呢杯冇咁冰，飲落好舒服

啦 逼我寫80字 冇計真係太難食 要特登開account 評佢間野差唔多 80蚊 雞油飯又乾又冇味 燒春雞唔講我以為係外賣換上黎既 魚蛋湯酸既 金記好佢一百倍 價錢又平過佢Avoid At ALL COST, overly priced, nearly $80 for food that are blend and dry, tasted like microwaved, rice werent cooked evenly. Better choices are at metro II.

今日去將軍澳寶琳探朋友，她請我去新都城廣場一期蒲羅吃下午茶。朋友介紹，話蒲羅提供啱港人口味的星加坡美食，食物質素佳，價錢大眾化，不用加一。海南雞飯拼白胡椒肉骨茶大大份，抵食好食。海南雞有水準，雞肉嫩滑有雞味，油飯入味。肉骨茶有風味，白胡椒味濃，一字排骨好食。咖哩烤雞肉串配米飯也是性價比高，除了白飯，有三大串烤雞肉，花生，小魚干和青瓜。雞肉調味得宜，不用沾咖喱醬都美味。怡寶芽菜鮮嫩無渣，美味。咖央多士配溫泉蛋好味道，趁熱吃最香脆滋味。手工拉茶冷熱都好飲。人均消費$100，抵食。

蒲羅將軍澳貿業路8號新都城中心1期地下G13-15號舖見新都城開左間新野 一於同老公去試吓😼之前經過見到都好多人 今日特登早少少過去😽環境舒適 今日早去冇乜人我地叫個小食加兩碗麵☺️涼拌魚皮昌瑩半透明狀 口感超爽脆加埋麻油與醬油🙉拌埋薑葱紅椒爽滑脆香都有齊 好有嚼勁其實我都幾鐘意食喇沙 而家未有得去旅行只可以周圍食好野 老公食到咀都刁埋😹佢地喇沙湯底濃郁 一個被面一個喇沙喇沙魅力在於惹味芳香既香料椰香+咖哩香十足滲出陣陣椰醬香甜及辣勁配料有蝦、魚片、豆卜、雞蛋等食材最最最重要‼️係有傳统既螄蚶螄蚶唔係度度都有得食 居然係度食到🥲真係感動❤️#hkfoodie #hongkong #將軍澳 #蒲羅 #將軍澳美食 #美食 #食好西 #威威為食仔 #威威要還債

遲到其實係一種藝術，因為要識得點樣去拿捏分寸，同埋掌握對方嘅底線⋯我曾經以為等一個人個半鐘已經係我嘅極限，點知今次就等咗我兩個鐘⋯⋯😅😅😅·遲到好過冇到，我係咁樣諗嘅～ 至少有好嘢食，咁我就可以心平氣和返⋯ 平時好少食南洋嘅嘢，今日就一於食返吓⋯⋯·蒲羅蝦麵🦐佢係用咗好傳統嘅南洋濃湯帶出咗蝦嘅鮮味，加埋啲豆卜，仲有蛋同比較粗身彈牙嘅麵，再加埋少少辣味，就更加開胃添～😌·海南雞飯拼喇沙🐔食得南洋嘢點可以冇海南雞飯，無骨油雞配上雞皮，嫩滑有雞味，再加埋特製嘅酸汁就一流。跟住仲有一碗細細嘅喇沙，適合我呢啲想食好多款嘢，但又唔食得多嘅人。雖然係細細碗，但係都好足料，椰奶味亦都好出、辣辣哋係夾嘅～·“Sambal”雞肉串燒🐔🔥其實就係沙嗲雞串燒，不過就有少少唔同嘅⋯在於佢個沙嗲醬，會多少少有質感嘅果仁粒，同埋做得濃啲、稠糊身啲同加多咗少少辣油。成件事甜甜辣辣又有燒雞肉嘅香，又真係幾好味㗎啵～🤪·傳統烏打😙唔好話你，我食之前都唔知係咩嚟⋯嚟到就發現⋯原來係一塊香葉包住一嚿好似蝦餅咁嘅餡⋯嘅一種嘢嚟⋯⋯食落有幾特別同埋有鮮味，我嘅形容係一種幾唔錯嘅食物⋯😬連埋香葉嘅香味滲咗落去嚿肉度，我覺得效果又唔

我好鍾意食喇沙，覺得味道好特別！少少椰汁香味加上辣勁，都幾刺激👍！今日食呢個蒲羅喇沙摻摻 $72裡面除左喇沙一定有既蝦，魚片，竟然仲有螄蚶😶。第一次食螄蚶，原來都幾有鮮味，唔錯。摻摻米粉比例多啲，油麵得好少，感覺似食米粉多啲。仲有海南雞飯 $72不過海南雞就一般，雞肉不夠嫩滑，無咩特別，主要係個醬味道唔夠，油飯有啲硬，所以整體覺得一般😶。飲品試左桔仔話梅水，都幾濃，咸咸酸酸好開胃！午餐$150兩個人，份量唔多，都唔算好平😅！