蒲公英和牛專門店

營業中

休息中

工廠大廈搵食總有意外驚喜。 位於中間位置， 行路唔留意都幾易錯過㗎。門口細細內裡環境光猛， 靠牆係貨架， 貨架前有枱櫈食餃子， 100%黑豚肉餃子， 柯打紙好簡單只係兩張紅色和綠色，分厚皮和薄皮。 餃子餡料都係兩款 白菜餃、韭菜餃、亦可雙拼，份量可選擇12隻或15隻，做法統一水煮。熱辣辣餃子送到，姨姨會教你先食原味，再按自己鍾意加醬汁， 我就喜歡混醬喇，仲要加辣椒醬。 估唔到薄皮入面都可以包住咁多肉汁， 用叉食一篤落去部分肉質流失 ，簡直係嘥咗呀！ 雖然沒有湯， 餃子皮好滑， 脹卜卜餡料沒有失望。喺雪櫃入面可以揀扒，仲有代煮服務㗎。

之前 lunch 路過 見好多人黎幫襯甚至 坐到出門口以為係好好味嘅和牛 或者 什麼特賣原來係賣 水煮 餃子最巴閉 就係 只得2款 口味 而且 只有淥 (水煮) 的今日專程來試韭菜餃size 一啖一隻咬落去 皮薄 有彈性 有肉汁韭菜 與 豬肉 比例剛剛好親眼 睇住 阿姐 即包 即淥新鮮即製白菜餃 味道相對地淡 其實 唔識分辨 鹿兒島 黑豚肉 跟一般的豬肉 有乜分別飲品嘅價錢 好公道5蚊罐汽水 可能係便利店都買唔到環境一般 明顯 係凍肉店內加摺枱膠凳變成 餃子快餐店佩服 老闆有生意頭腦喜歡 食餃子嘅朋友 可以一試如果 有埋煎餃子 就更好

很多時都會行駱駝漆大廈，多數都係行街，未試過食嘢，原來這裡都有很多食肆，今日就試咗喱間。100%鹿兒島黑豚肉全手工水餃午巿時間都幾多人嚟食，由舖頭的職員安排座位，選擇唔多，就係因為咁，個個一入到去，餐牌都唔洗睇就寫食咩，個個都好似熟客咁，我就係唯一一個坐咗一陣睇晒個餐牌先點食的客人😅有白菜、韮菜兩款，仲有厚皮和薄皮選擇我今次試白菜（薄皮）水餃12隻，配埋舖頭提供的胡麻醬（其實仲有醋、辣醬，不過無試），胡麻醬配水餃原來都幾好食，感覺清新，不錯！舖頭仲有其他試食，如西冷牛扒、梅頭扒等，下次有機會試下先😋

本來諗住去呢間駱駝漆工廠大廈買運動鞋，行吓行吓又真香香嘅肉味漂出來，咁當然要入去一探究竟啦呢間店舖內裏其實係一間賣凍肉嘅鋪頭，但佢另外多咗一種服務，就係幫你煮埋，你喺度買完，佢即刻同你煮埋佢呢款黑豚肉水餃嘅味道，唔係話非常突出，正常水餃嘅質素，同埋唔係好食得出同普通豬肉餡料嘅分別黑豚肉梅頭肉扒，第一送上嚟嘅時候唔係好夠熟，我叫佢幫我再煎熟啲，之後再上枱嘅時候，煎得好香，同埋好juice,好有肉味同香港街市買返嚟嘅豬扒係完全兩個級數

係觀塘工作左咁耐，經常都係來來去去食果幾間餐廳，食得多都真係好悶最近俾我搵觀塘美食時，發現到有呢間可以即場包既手工餃子店餃子中的豬肉係用鹿兒島黑豚肉有白菜🥬餃&韮菜餃兩款，連餃子皮都有厚皮&薄皮選擇我就揀左薄皮肉汁超豐富我個人覺得韮菜餃好味啲每隻餃子既size都好劃一，仲好大隻添最少要點12隻，我一個人食就覺得幾多下仲有急凍包裝，可以買返屋企整黎食

皮薄肉質鮮嫩多汁的餃子係觀塘的工業大廈中出現的美味餃子，一到午餐時間就好多人來排隊。餃子分白菜和韮菜2款，另外有厚皮或薄皮的選擇，有12或15只之分。通常我喜歡選15只的韮菜薄皮，就算是白酌的，都十分鮮味。另外最關鍵的就是自家製的醬料。配有芝麻醬，醋，和自家製的醬料，實在太好味了。醬料和餃子亦可以買走，回家自己煮就可以，當然，經過急凍解凍再煮一定沒有新鮮包的味道好，所以我寧願排隊吃午餐，都不要買回家煮。

終於有一次聽咗雜誌既報導而係冇中伏架啦！呢到出名係因為佢用上鹿兒島豚肉整餃子，雖然食落大家都知同大陸豬差別唔大，但心理上總係覺得日本豬好食過人🤣。.佢呢度得兩隻味揀，一係白菜一係韮菜一係就雙拼，仲有厚皮/薄皮，貪心既我梗係揀薄皮雙拼啦。上到枱真係粒粒晶瑩剔透，size適中，餡料脹卜卜，食落入面係有肉汁爆出👍🏻個人認為白菜比韮菜好食，因為韮菜可能會搶咗成粒餃子既原味，建議點埋日本醋食，味道會更佳！而且$48有成12隻都幾飽幾抵食。.整體嚟講佢係我心目中no.3，no.1會係元朗梁記而no.2係荃灣餃子屋。。

同朋友專登黎試呢到嘅黑豚肉餃子🥟睇下係咪啲人講得咁好佢款式唔多只有白菜韮菜同薄厚皮嘅分別於是我地就薄厚皮雙拼試食下不同口感肉汁我覺得一般唔係好juicy 而且白菜嘅口味都無話好特別反而韮菜嘅口味就香口好多，算唔錯嘅我同朋友都中意食厚皮多啲，比較有咬口。呢到可以睇左啊姨不停咁包餃子🥟感覺到係新鮮

店子比較隱蔽，要不是在觀塘區工作，根本不會找到上來吃餃子。通常都要跟不認識的人搭枱坐，是那種給上班族快速吃個美味餃子午餐的地方，不宜久坐談天。雖然這店名字叫和牛專門店，也有賣和試吃和牛和黑豚肉，但差不多人人上來也是吃餃子。點餐紙上可選厚皮餃子和薄皮餃子，份量統一12或15隻，可以全韭菜/白菜黑豚肉或各一半（餃子餐$48，不包飲品）。店裡的呀姨教我以1:1:1 的份量把餃子汁、胡麻醬、自家袐製辣醬混在一起沾餃子吃，這個袐製餃子醬料，真的無敵惹味，醬料還可以買回家。厚皮口感十足，極富嚼勁；薄皮的皮真的做得非常薄，但卻能完整地將餃子的肉汁包裸着，滋味滿分。喜歡到處試不同餐廳的餃子的我，真心覺得這裏的餃子是全香港最好吃的了。

爆汁鹿兒島黑豚肉餃子🤩超香超甜既豚肉餃🤤🤤🤤老人家我今次終於搵到一間可以同太子美味餃子店比併既一間餃子店！佢有白菜同韮菜兩種味，雙併定同一隻味都係同一樣價錢50蚊有15隻，一次食到咁多隻餃子好幸福呀🥰佢仲有分薄皮同厚皮，老人家我都係第一次食餃子有得咁簡🤩做得真係好專👍🏻厚皮係比較有咬口，絕對唔係一舊粉個隻😋薄皮就更顯得個餃子多汁!真係好好好好juicy 呀😍😍😍😍好想大叫呀！佢仲有埋餃子醋同自家制辣椒🌶️醬點黎食☺️唯一可以再做多啲就係唔止用清水煮，再有埋冇味精湯底就真係Prefer 💯但呢間舖其實係再賣埋食材，都唔應該要求咁多😝 我地成班人仲即刻買左包魚蛋即煮黎食！👍🏻

其實我是一個餃子控，因為我媽是個巧手的廚師，他造的餃子真的很好吃。但問題來了，因為太好吃，在街外根本吃不到合格的餃子，直至遇上這間小店。這裡裝潢很簡單毫不起眼，但到午餐時間總是人頭湧湧，甚至要等位。因為這裏的餃子用了日本豚肉，餡料很多而又juicy！個人較喜歡薄皮，每次都要叫15隻才夠喉

間店係和牛專門店，入到店可以睇到店裡面嘅人不斷包緊餃子，好似餃子先係主角喎😂餃子即叫即煮，42蚊12隻，50蚊15隻，有厚皮同薄皮，有菜白同韮菜餃或者雙拼，我地就叫左厚皮同薄皮雙拼。我個人鍾意厚皮，貪佢有啲咬口。呢度有3種醬料選擇：芝麻醬/日式餃子汁/辣醬，開頭食辣醬，我覺得有少少蓋過水餃原有味道，之後試芝麻醬，有幾match喎。但我無試餃子汁，因為已經食晒😛另外，大家都可以叫店內嘅肉，堂食9折，買走8折，我地叫左5成熟嘅美國西冷扒(原價：$110)美國牛小排($100)。個牛小扒雪花分佈平均，吸引左我地叫。食落無牛味🙄好彩佢地有鹽同黑椒。塊西冷有牛味，肉質都唔錯。但我地叫5成熟，食落有少少過熟。埋單總共$289！舖頭好家庭式小店，有人情味...阿姐仲教我地點叫會平啲😂

記得曾經睇過啲餐廳介紹，觀塘有一間好味餃子位處工廈，今日出黎觀塘又心思思想食餃子，點知搵左一陣都唔見工廈餃子，當以為自己記錯嘅時候，終於都發現到原來就係蒲公英和牛專門店!!! 就咁睇個餐廳名，真係點都估唔到會係食餃子，既然咁辛苦終於搵到佢，當然就要去試下啦!😆😆😆駱駝漆大廈三期有好多野食，只係一樓都有幾間餐廳，今次嘅目標門口係寫明賣凍肉，有牛有豬可以慢慢揀。但望入店就見到有幾個姐姐係度密密手咁包同煮餃子。原來依間和牛專門店除左俾你買凍肉同餃子拎走，仲可以揀岩靚肉即時煎黎食同食水煮即包餃子。餃子有得2款基本味道：韮菜黑豚肉 同 白菜黑豚肉，分別可以揀 12隻 ($42) 或 15隻 ($50)，單雙拼都係同樣價錢。依度有一個特別之處就係餃子有分薄皮同厚皮，姐姐介紹兩者分別在於口感，薄皮滑啲而厚皮就煙韌啲，不過第一次幫襯佢就推介食薄皮先，可以試下岩唔岩自己口味。我地今次就揀左韮菜同白菜各15隻做我地今晚嘅晚餐。餃子唔係放湯上，薄皮真係有隱約見到餡，粒粒都飽滿。姐姐建議第一次試食可以食左原味先，之後再決定要點醋/ 日式芝麻醬或者豆板醬。我自己就鍾意醋，佢依度嘅醋都唔會好濃味，點少少吊下味就岩

一間和牛專門店竟然有驚喜?係門外看仲以為只係賣和牛既小店, 入左去先知呢度可以即買即幫你煎,除此之外, 仲有即包餃子添牙, 身為餃子控既我, 緊係入去一試啦。呢度有份厚皮同薄皮, 又有白菜同韭菜兩款, 因為兩款都想試, 所以揀左雙拼。餃子既餡係用左鹿兒島黑豚肉整,雖然只係將餃子用水煮方法烚熟,不過D皮真係幾滑溜, 而且食落都幾有肉汁, 唔會好乾,白菜比較清, 冇咩白菜味,相反韭菜味好濃, 食落會香D,如果唔中意係度食, 仲可以買返屋企自己煮黎食。

晚上無飯食 想快快食完同太重味 就醒起呢間呢間店的餃子標榜係100%鹿兒島黑豚肉餃子 6時到去到 人流唔算多現場水煮試食 要了15只雙併餃(薄皮) $50 韮菜餃白菜餃 雖然話15隻好似好多咁 但餡料唔算太多 所以食完都唔會有飽的感覺 雖然話係薄皮 但其實都偏厚又可能因為白烚的關係 所以餃子無咩味道都真係無添加 配枱上面的醬料食會更好亦食唔出黑豚肉餃子係特別好食 🤷🏻‍♀️ 反而堂食即煎扒類好香 但得一丁友叫埋又好似too much總括比出面的餃子店比真係好普通 應該都無下次了