蒲仙味滷麵

營業中

休息中

🐯尖沙咀特色扁食湯 想試扁食要黎睇下🐭 ⭐️按「更多」睇詳細食評😋懶惰二人組今日同大家去食呢間位於尖沙咀既餐廳去食扁食。其實扁食即係小雲吞。而我地主要係想食扁食，所以今之就叫左兩款。《原味鮮肉扁食湯》 15隻 $39 20隻$47《韭菜鮮肉扁食湯》 15隻 $43 20隻$49唔好睇佢一碗有十幾廿隻，但係其實每隻都細細粒，一口粒咁食就啱啱好。皮都幾滑，不過可惜個湯唔夠濃，飲落覺得冇咩味咁。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道中規中矩，未見得十分出色。不過價錢又唔算好貴。而且雲吞水餃店就見得多，但有做扁食既又唔係成有咁。如果想食扁食嘅話都可以嚟試一試。💚環境方面，木製嘅枱凳同埋有少少中國古風嘅裝修。同嗰啲名嘅vibe都幾襯。💛服務方面，員工服務正常。Rating： 懶惰鼠😻😻+0.5懶惰虎 🤩🤩📍蒲仙味滷麵💰人均消費：$50⏰營業時間：11:00-22:15 #懶惰在香港 #lazifooday #香港美食  #扁食 #尖沙咀餐廳 #尖沙咀美食 #hkfoodie #hkfood #食在尖沙咀  #tsimshatsuirestaurant #hongkongtravel

睇新聞成日都話香港冇乜旅客，但今日去尖沙咀行街，發現遊客仲係好多好多，商場入邊嘅餐廳都好多人，Zaza唔想等位，走咗去K11 art商場附近搵食，最終去咗座位闊落嘅蒲仙味滷麵Zaza叫咗兩份下午茶，漁民紫菜炆飯個口感好特別，而且味道好豐富，好有層次感；炸醬麵賣相吸引，但炸醬好唔夠，令到啲麵冇乜味；涼拌皮蛋中規中矩；炸扁食即係炸雲吞，雖然細細粒，但係炸得好脆，而且冇多餘嘅油分加上價錢唔貴，係性價比幾高嘅一餐，大家去尖沙咀嘅時候，都可以幫襯吓呢間小店

星期五下午約3點叫餐，職員俾張QR code我落單，確認訂單要輸入電話號碼，要輸入驗證碼，我都覺得好奇怪，點解落單要入電話號碼，好！我都重複做咗兩次，但輸入咗兩次驗證碼後，亦都落唔到單，最後唯有搵職員。職員叫我用微信，但我話我冇，佢就話幫我落餐。正值下午茶時間，我就嗌下午茶餐入邊嘅原味扁食20隻加飲品包括豆漿，所以我揀咗原味扁食20隻及一杯豆漿。當我食完，買單之際，發現賬單上是單點扁食+豆漿正價，並不是我要的下午茶，下午茶是$48 ，而家要$56。我問職員，佢覆我話係扁食20隻加豆漿，但我話下午茶餐都係20隻扁食+豆漿，食嘅食物係一模一樣，但佢話落咗單改唔到，最後我唯有比多20%。詐騙！詐騙！以後唔會再幫襯

喺尖沙咀嘅鬧市中，有各式各樣嘅食品，呢間湯餃麵店就喺鬧市之中嘅一旁。第一道了店家推介嘅家鄉炒米粉，呢碟炒米粉唔同平時喺出邊酒樓或者其他餐廳食咗嘅米粉，因為米粉比較幼身。而且呢家鄉炒米粉嘅配菜亦都非常之多，味道唔會過濃，食得出係店家嘅手工菜。第二道菜點了湯餃20粒，餃子一粒一口，size剛剛好。而且餃子嘅餡比想像中多，雖然體積細小，但都令人10分滿足。湯底係可以飲用嘅湯底，唔會味精過重，飲起上嚟很順口。

一個人想坐低正正經經又食平d嘅晚餐，呢間幾好。叫咗8隻大白菜鮮肉餃子$52，一碟紫菜炸蠔$53，一個人食，好丰富啦。食物夠熱，炸蠔不咸，香口，唔油膩，只係如果放得太耐外皮會腍咗，宜即食。叫大白菜鮮肉餃，但係嚟咗9菜餃，我無叫換。侍應不夠細心，四人座位，隔離枱撘枱嘅人叫嘢，侍應擺低本菜牌喺我嗰邊枱面時，擺咗個角喺我碟炸蠔嘅碟角落上面，個碟都郁一郁，差d掂到我嘅食物，隔離枱食客都留意到。縱使如此，$105，尖沙咀，坐得基本ok，食物又基本上不差，中上，ok啦。

收工搵好西食，行過比佢的餐牌吸引左,什麼叫扁食？原來即係雲吞，係福建的美食，我都係第一次食。我當時係肚餓，但又唔會食到太多，所以叫左個’原味鮮肉扁食湯’。好像小雲吞，啖啖肉，一口好方便。而且雲吞皮好特別,有煙韌,有口感,又滑,覺得好有驚喜。本來吃不完的扁食湯，我也地它全吃了。好飽，大滿足。另外點左個蒲香秘制炸雞翼,外脆內嫩，好味。後來我問同事，原來佢好鐘意食呢間的麵，好出名好好味的，我同事好挑食，佢都話好味的，咁我下次一定要去試個麵先得。

平時喺尖沙咀上堂前必定會食呢間，成日encore ，因為呢間啲嘢食好健康，而且非常扺食，環境同座位舒適。蒲仙漁民紫菜燜飯配蟲草花燉烏雞盅湯 ＄82蒲仙漁民紫菜燜飯份量十足，蒲仙漁民紫菜燜飯將豬肉、蠔豉、紫菜、蘿蔔同飯擺埋一齊燜煮，個飯濕濕地，加埋上面有啲花生食口感十足。個湯真係好好飲，我本身都鍾意飲湯，湯入面好足料，有烏雞肉同蟲草花，清甜得嚟好好飲。全家福扁食湯＄35全家福扁食湯有幾款唔同嘅扁食，扁食皮薄，內餡以豬肉為主，咬落去滿滿肉汁📍蒲仙味滷麵尖沙咀堪富利士道5號地舖

基本上在香港要吃到不同類型的中菜並不困難, 因為這裏大陸各省份的朋友, 選擇甚至被不少國內大城市還要多, 例如是福建菜, 從前只會想起北角及炮台山一帶的餐廳及小食店, 例如是真真美, 但現在不單選擇更多, 而且地區更廣, 例如是莆田的港九新界分店, 也例如今次介紹的蒲仙味, 發跡於深水埗, 到現在搬到尖沙咀的位置, 主打福建的滷麵, 用料除了有傳統的蠔仔外, 也可以配搭龍蝦等矜貴食材, 但並不太肚餓的情況下, 選擇了相當地道的扁食.扁食其實就是餃子的分類, 是閩南地區的做法, 比一般的餃子皮薄而更彈牙, 肉餡被敲打所以會更扁, 也就是其名字的由來. 通常配以高湯, 一啖湯, 一啖扁食, 簡單而且便宜, 但相當飽. 這裏的清湯清甜, 不會死鹹也沒有味精. 內餡以豬肉為主, 口感軟滑但經過敲打, 比一般雲吞內餡密度較高, 所以肉汁也不少. 在這遊客區域, 40多元就能結帳, 這樣的風味和水神我也覺得不錯.

第二次光顧這間福建菜食店。要了一客招牌菜 – 鮮肉扁食麵。扁食類似豬肉小雲吞, 一碗有十粒, 皮薄, 份量十足, 湯底配上紫菜和蔥花, 湯好味道, 食完不會口乾。鮮肉扁食湯麵是熱呼呼上菜的, 食材新鮮, 有家的味道, 十分美味。 食店環境十分清潔, 座位舒適, 員工友善。食物的份量質素和價錢都十分合理。有員工現場包扁食餃子。強烈推薦。

正係尖沙咀無目的咁搵間餐廳食Lunch, 又唔想食連鎖餐廳, 行行下就見到呢間福建菜剛開門🤩入面仲未有客人, 所以就入左去試下。見左一個Lunch set同一碗麵試下味道。🍤蒲仙漁民紫菜燜飯配扁食湯蒲仙漁民紫菜燜飯，係將米同豬肉、海蠣乾、紫菜一齊燜煮，口感鮮香，食到紫菜同海蠣乾的鮮味, 簡單既食材味道一流😋套餐仲有碗扁食, 扁食就係類似小雲吞, 份量十足, 湯底配上紫菜和蔥花, 有少少似味精湯, 但食完唔會口乾, 而扁食皮薄, 浸係湯到太耐會破皮😣🍤蒲仙傳統紅菇海鮮滷麵滷麵既湯底同由紅菇、紅蘿蔔、冬菇、肉片同大白菜熬製而成, 再加上有蠔仔同蟶子提鮮, 湯底特別鮮甜👏🏻呢個滷麵既主角係紅菇, 紅菇獨特既鮮甜味不太出, 而係碗內都只係搵到一朵。而麵都算可以掛到D湯汁, 所以食完麵, 湯都已經飲左一大半👍🏼

下午2點，我一個人來到了一家香港少見的福建菜餐廳，這裡是我返工放午餐的理想之地。我來這裡的原因是因為這家餐廳有特色，我不想吃西餐或茶餐廳。我發現這裡的環境有著傳統中式風格，服務員態度良好，餐廳選擇性也非常多，有麵食、餃子、小炒等等。我最後點了原味鮮肉扁食麵，這道菜味道好吃，份量多，大大粒有肉感，雖然賣相中規中矩，但味道真的很好。我強烈推薦這道菜，中午麵一流，價錢也不會貴，是我以後放午餐的不二之選。

同朋友係尖沙咀做完運動，想搵D平野食，經過蒲仙味滷麵，覺得店名幾特別，餐牌上的食物幾好味咁，然後發現蒲仙原來係福建話，於是決定入黎一試D福建菜。我地叫左蒲仙海礪煎、蒲仙炸扁食、蒲仙漁民紫菜燘飯、大白菜鲜肉餃、蒲仙花生醬拌麵配粟米紅蘿蔔燉排骨湯。海礪煎原來係福建十大名菜之一，廚師將蛋圍在周圍，不蓋過蠣的原始鮮味， 比起台式蚵仔煎，粉漿好似較少，唔會咁油膩，而D蠣亦都好吃。而蒲仙漁民紫菜燘飯，就將D珍珠米、海蠣乾和紫菜一齊燜煮， 口感鮮香，味道一流。而佢個粟米紅蘿蔔燉排骨湯都好清甜，呢餐都食得幾滿足。

蒲仙味真是驚喜十足初次光顧就吃個扁食就一口蚵殼（蠔仔貝殼碎）食物普通價格正常我份人最懶得爭吵或者叫免單咩只會如實記錄我食到蚵仔殼時我招手叫職員來睇下之後佢就叫老闆娘來睇再叫多另一個職員來3個女職員圍觀我手上的殼下一秒我又在口中的扁食里又咬出一碎殼佢地又問我係炒麵定邊樣食物我張開口俾佢睇係扁食果個老闆娘都無咩道歉我話換碗少d扁食俾我就可以結果第2碗都係甘多份量第2碗味道係好過第一碗鮮度都係講真當認黑仔食碗扁食都可以食到碎殼都幾無語炒麵扁食涼拌青瓜

I thought it was an inexpensive noodle house, but the item price is actually higher than I expected, glad that the taste was not bad.We had the signature noodle soup, deep fried oyster with seaweed and sour and spicy seaweed.The noodle soup was a bit ordinary, but the two side dishes were nice.

係尖沙咀見到唔知係咪新開，蒲仙都唔知係邊到🤣但好似幾吸引就入咗去！下午茶$48一主食一小食一飲品！揀咁花生撈麵好香濃花生醬好黏口，啲醬掛晒上麵！拍青瓜正常發揮，豆漿都係正常甜豆漿。另外仲叫咗糖不甩，一碟好多粒！細細粒又勁軟糯！！仲有扁食就係小雲吞咁！整體都係唔錯，有回頭機會！！！