影片
電話號碼
23838221
營業時間
今日營業
11:00 - 20:00
星期一至五
11:00 - 20:00
星期六
11:00 - 17:00
星期日
11:30 - 05:00
以上資料只供參考, 請與餐廳確認詳情
話說觀塘其實好多餐廳選擇，但今日想搵間坐得舒服啲，又想行吓海濱長廊，所以我哋就行咗過嚟呢邊，見到餐廳嘅下午茶menu都有唔少選擇，就一於試試啦！點知就中伏喇！服務態度: 佢哋成班店員就企喺廚房窗口不斷傾計，未落單又傾，落完又傾，總之全部人都會用背脊對住食客，盡情同廚房同事傾計啦！你就睇吓我之後好多張相都會見到佢哋傾計嘅背影架！越式生牛肉牛腩湯河: 呢個係下午茶size，份量唔多，生牛肉同牛腩都係各有兩件，生牛肉都算合格，不過牛腩就非常硬。但重點係個湯一啲都唔熱，都唔洗再談論有無牛肉味，就知成碗粉係唔合格。炸蝦餅: 呢個唔係下午茶，只有4小塊，蝦餅好薄，感覺唔到蝦嘅彈牙或鮮蝦味。極其量，只可以話炸得非常香脆。鹹檸七:成餐飯最滿足就係呢杯鹹檸七，非常解喝。
繼續閱讀
越南牛肉Pho 是我的3大至🩷麵食之一，上月快閃河內旅遊數天，當然離不開吃Pho大比併了。除了酒店早餐天天吃Pho, 也光顧過河內大型商場內food court 的Pho店, 最後還慕名排長長人龍吃有河内 Best Pho稱號的店。可惜名大於實，牛肉有些韌和嚡口，湯底牛骨味不濃比較單薄；質素強差人意😕早幾天在港Pho癮大發便相約友人去葫越解饞，發覺半年沒來，這裏的Pho又更進一步了😋原來尋尋覓覓，好吃的Pho就在附近，再不用飄洋過海去找! 這兒的Pho牛肉嫩滑，湯底濃郁，連配料的青辣椒也是由越南進貨，它有别於一般紅色的指天椒，除了辣還帶有一股獨特的香氣，和Pho超配👍 其他食物也很有水準，牛油果沙律米纸卷，是好味又健康之選，而且份量十足夠飽肚😀期待下次來再試其他美食吧。
繼續閱讀
海濱滙寫字樓有幾層食肆，選擇良多，週四去試了丸龜旁邊的葫越，午餐可食到三點，這家座位稍窄，檯細，幸好有四人卡位。同事叫了生牛肉拼牛腩河粉$69、手撕雞河粉$69、牛魔王河粉$89，午餐不包飲品，雖然跟餐點可半價，也沒有特色想試的。牛骨湯底很濃，美味，喝清光！河粉滑嘟嘟😋😋，牛腩夠淋，稍有腥味，搶了生牛肉的清甜！牛魔王足料，大大碗足夠壯男飽肚！三碗粉$227，偏貴，下次試吓$42的法包！（2023年2月）
繼續閱讀
話說今日約左朋友去海濱匯食lunch,本來想食附近意大利餐廳，但實在有啲貴，所以兜個圈睇下有咩啱食d其實食越南野都ok,睇個餐牌都係$80-90@左右，見佢既環境都不錯，有得坐外面/入面，我地就算坐入面，位係有些少窄。我地叫左「生牛肉湯檬粉」&「燴牛脷飯」，檬粉配左辣椒粒（可落可唔落），非常夠辣，落左2粒都已經好辣！生牛肉都夠大塊，加埋個粉都夠男仔飽既，湯夠味，唔太咸燴牛脷都夠林，汁都入味，但飯比較硬左少少
繼續閱讀
星期日想找個較易搵位的地方午餐，想起觀塘海旁商廈的西餐廳，以為不用上班的日子會比較清靜，卻原來餐廳做兒童餐推廣，有大批家庭光顧，非常熱鬧，於是走到走廊盡頭的越南餐廳。餐廳有一列大窗光烈舒適，客人不多，只有一位侍應生，她快手快腳，服務不錯。叫了二人套餐，有兩碗粉和兩份小食，$208，套餐和散叫價差不多但可以用優惠價加飲品。河粉滑，配料份量足，質素也不錯，湯很濃，個人比較喜歡清淡一些較好。生牛肉片並非肥牛，讚，上枱時還帶些粉紅色，夠淋；牛筋淋得過份和切得比較細粉，吃第一份時我還以為是肥肉。牛腩和牛肋條正常。
繼續閱讀