葫蘆館

營業中

休息中

喺觀塘附近諗住食個糖水見佢餐牌都好多選擇好吸引，就要咗一個椰汁芒果仙草小丸子 （$38），椰汁紫米小丸子（$38），一嚟到份量已經小到嚇親人，個碗真係唔係平時糖水店用嘅碗，成個體驗10分鐘已經食完，未試過食糖水可以食到咁快速，味道係正常，但就好似撈糖水咁，個碗咁細啲料都唔會諗到係多㗎啦，唉但係份量與價錢真係差得太恐怖，另外仲點咗一個雞翼尖（ $22）我諗份量得10隻🫠真心留個食評係想去改善吓個份量!

葫蘆館📍：觀塘宜安街2-4號地下2A號舖🚗：牛頭角地鐵A出口 步行3分鐘📞：+852 2172-7556💲：~HKD30/head for dessertFood quality✔️：椰子味薑汁撞奶👌🏼：水蜜桃薑汁撞奶總結：😋屹立於牛頭角多年嘅薑汁撞奶 之前曾經宣稱要結業 但老闆似乎見結業時期多人排隊嘅畫面所感動 定轉咗手原店重開都算係為廣大街坊繼續服務👍🏼😋嚟到就冇理由唔食馳名嘅薑汁撞奶 呢嗰嘅撞奶超薑 啱哂我呢啲愛薑之人 椰子🥥味出色過水蜜桃 水蜜桃唔太夾😨衞生麻麻地 有潔癖嘅朋友要迴避 員工服務都係麻麻地 但未到惡劣🫡

夜晚口痕痕想食糖水，於是上網睇吓有邊間好食既糖水舖啦，睇左幾間終於發現左一間自稱40年傳統既糖水舖，食開中式糖水既我心諗冇死啦，就叫左個芝麻糊試下。點知都未食落口咋，就咁用匙羹拔上黎果下，咦！咁杰撻撻既滴都唔滴下….咁都算喇！食埋落口就奶哂野！碗野好似D芡汁未攪勻咁一舊舊！真係未食過咁差既芝麻糊，求求其其落D生粉落去！ 總結：本人雖然只幫襯過芝麻糊，但睇佢既製作 態度就奉勸各位小心中伏！！！！！！！！

由中學食到佢重開再重開，個薑汁撞奶同以前一樣味，但係就細碗左。不過個芒果椰汁西米露就好伏，啲芒果得幾粒，仲要係啲邊邊角角，不特止仲要有兩粒係爛嘅，其餘係酸嘅，一碗盛惠你$36。真係唔會再有下次。

諗住葫蘆館重開就幫襯下啦嗌咗外賣，椰汁紫米小丸子同埋芒果椰汁西米（無露🌚 唔小心講錯咗西米露仲要畀個呀伯職員串：我哋無露㗎，稠啲㗎）好啦 咁就期待下啦點知收到個外賣，水汪汪嘅！食就正常嘅，但啲料真係好少呀芒果得4-5小粒，仲有一粒係硬到咬唔到紫米就少到好似畢咗一羹咁多真正「飲」糖水呀。原本唔諗住留食評 所以食前無影。但見到個個都係膳稿咁一味讚，都係留返個誠實食評畀大家參考下真係無下次。

@woolokoon.hk 係觀塘區知名老字號甜品店🤩今次我哋試咗幾款經典甜品🍱薑汁撞奶 ⭐️⭐️⭐️⭐️⭐️- 薑汁香濃不嗆喉，新鮮現製- 牛奶滑順，份量充足🍱黑白脆脆芝麻湯圓⭐️⭐️⭐️-外皮包裹華田粉同埋粟米片，芝麻餡香濃- 口感層次豐富🍱古法石磨芝麻糊 ⭐️⭐️- 有黑芝麻香氣，不會過甜- 溫度適中，保持最佳風味🍱焦糖雪糕配料爆珠西米椰果仙草小丸子⭐️⭐️- 焦糖雪糕甜度適中- 爆珠口感特別，咬下去汁水四溢- 西米、椰果保持彈牙- 仙草清香，解膩- 小丸子Q彈有嚼勁📍@woolokoon.hk 觀塘宜安街2-4號地下2A號舖#探店 #吃喝玩樂 #觀塘美食 #觀塘甜品 #老字號 #香港媽媽 #blogger

葫蘆館再一次重開啦！ 以前舊舖我從來都冇去過，今次翻新完變就去食吓啦～ 除咗傳統中式糖水，仲有好多創意口味甜品～ 店舖裝潢變懷舊玩味文青風，好舒服乾淨～ 黑白脆脆芝麻湯圓⭐️⭐️⭐️⭐️先嚟食創意甜品，黑白脆脆芝麻湯圓～ 黑係阿華田粉，白係煉奶～ 黑白雙殺，再加粟米脆片，無論味道抑或質感都係雙重體驗～ 煉奶甜得嚟有華田香，軟糯但又有脆脆，非常趣，巧食呀 🤤原味薑汁撞奶⭐️⭐️⭐️⭐️薑汁撞奶唔好以為淨係得原味，仲有好多其他新口味可以配搭，例如抹茶、伯爵茶、椰子、黑糖等～ 真係好有創意～ 鍾意試新嘢嘅朋友，可以嚟食吓～ 我就食返傳統嘅～ 薑汁味香而不辛，好易入口又暖胃～ 撞奶唔黏稠，係輕盈嫩滑，滑捋捋，食飽飯再食都唔驚過飽～ 好適合細胃嘅女士，飯後甜品都滋陰養顏補蛋白～ 零罪惡感～

觀塘老字號糖水店葫蘆館有40多年歷史，最近原址重新開業，作為觀塘街坊嘅我，當然要去支持下！💪❤️桑寄生蛋茶的口感十分特別，湯底清甜且帶有淡淡的草本🌿香氣，令人感到舒適。🍵🥚✨ 加入的蛋香濃郁，讓整碗茶變得更加豐富。🥄❤️ 不過，缺少了蓮子讓我稍感遺憾，少了一點口感上的層次。😕焦糖雪糕配爆珠西米椰果仙草小丸子，適合喜歡嘗試新口味的人，雖然名字有些奇特，但整體風味令人驚喜！🍦✨ 焦糖雪糕的口感綿密，搭配上爆珠西米和椰果，增添了豐富的層次感。仙草的清涼與甜味平衡得恰到好處，整體不會過於甜膩，非常適合在飯後享用！🍽️😋總體來說，這兩款甜品都展現了餐廳在創新和健康方面的用心，值得一試！👍🌟#葫蘆館 #觀塘美食 #糖水 #桑寄生蛋茶 #焦糖雪糕 #甜品 #老字號 #香港美食 #草本香氣 #健康飲食 #新口味 #美味分享 #支持本地 #甜品控 #美食探險 #糖水店 #觀塘街坊 #美食推薦

冬天想食啲野暖吓肚，所以入咗去叫咗一碗薑汁(伯爵茶味)撞奶🤣🤣大概等咗五至10分鐘就上，熱辣辣~份量一個人食好夠，薑味好重，食到落肚暖笠笠，好舒服。佢應該加咗啲伯爵茶嘅渣，所以會有少少咬口，不過我嫌佢撈得唔係好均勻，自己手多都喺度攪搞，個狀態即刻變咗水狀🥲🥲🥲大家記得食撞奶唔好攪，唔係就會好似我咁㗎啦，完全係錯誤示範😆總結呢個撞奶唔係好甜，我都幾鍾意，價錢又唔貴，係好親民嘅小店。夜晚過嚟食糖水宵夜，都keep住有人坐低。

觀塘老字號糖水舖葫蘆館係觀塘一間開咗好多年的糖水鋪，相信有好多觀塘嘅老街坊都已經食過佢，依家竟然重新開返，係第三任接手呢間糖水舖！薑汁撞奶($32)係呢度嘅招牌，入口好嫩滑，叫咗多薑，所以薑味重好多，奶香味都重冰花燉蛋($28)入口好滑溜，重蛋味椰香喳咋($30)好足料！地址：葫蘆館 觀塘宜安街2-4號地下2A號舖

上個星期，我同朋友喺牛頭角站附近見面，順道探下這間頗具特色嘅甜品店——胡蘆舘。地點雖然係觀塘區，但唔會太擠迫，環境輕鬆自在，非常適合同朋友坐低慢慢傾計。首先呢個「芒果紫米小丸子」 ($38)，一口咬落，芒果非常甜，果肉鮮美多汁，搭配嘅紫米同小丸子比例啱啱好，唔會食得太飽，反而覺得輕盈又開胃，味道相當和諧。第二款「紅豆沙拼芝麻糊（熱）」($32) 都係令人驚喜。呢碗甜品，紅豆沙口感滑溜，冇過份甜，紅豆味好新鮮，而芝麻糊嘅香濃正好平衡，特別係凍天食落真係好舒服，暖胃又開心。整體而言，胡蘆舘既環境舒適，甜品味道一流，對於同朋友輕鬆聚一聚，係個唔錯嘅選擇。整體評分：★★★★☆ (4/5)

呢間觀塘小區既葫蘆館，四十年前由一對夫婦開起做薑撞奶，我由細個同爸媽一齊黎食，食到畢業做野，每隔幾個月就幫襯一次，由細個食唔到辣要叫少辣到依加「多薑少辣」，呢份情意結咁多年都無變，隔唔中就好想過黎食。上年見葫蘆館話關門大吉，到中間曾經轉手比一個中年媽媽繼續做，再到近排再次重開，見到昔日殘舊既藍白簡單裝修已經變身成另一個光鮮新景象，當然要黎試下我既「多薑少甜」有無變到。呢款經典宵夜甜品，一試之下，仍然保留當年既美味，奶香濃郁，唔會太過膩，加上手工磨嘅生薑，味道非常香辣，正好中和咗牛奶嘅甜味。每一口都帶有薑的微微辛辣，唔會覺得單調。🍶🌿薑撞奶嘅口感滑溜，像絲綢般細膩，係我咁多年鍾情既口感😋雖然舊時兩夫婦已唔再出現係鋪，但就憑呢碗薑撞奶，我既兒時回憶又番哂黎🍵💖

觀塘老字號糖水店葫蘆館有40多年歷史，現在強勢回歸了，堅持用真材實料製作糖水、甜品等…現在強勢回歸，點可以錯過呀！店內全新裝修得更加光猛舒服，配合牆上嘅壁畫就更加有童年回憶的感覺。椰香咋喳咋喳非常足料，豐滿醇厚，再有椰汁花奶，軟綿口感，豆香甜味之餘，又滲出淡淡椰香，口感滿滿。原味薑汁撞奶來到當然必食薑汁撞奶，當中他們更添加了不少口味：杏仁、椰子、抹茶、伯爵茶、黑糖等…薑汁撞奶即叫即整，非常滑溜香醇，薑味濃厚適中，近來天氣轉涼，暖胃就最好不過！

呢間薑汁撞奶專門店真係顛覆我對薑汁撞奶嘅認知呀😍除咗有原味薑汁撞奶之外仲提供多款特色口味例如阿華田、朱古力水蜜桃等等好有新鮮感呀！-🔸原味薑汁撞奶($32）平時食薑汁撞奶質地會較為凝硬呢碗就相對較為稀有入口即化之感！而且薑味好重👍🏻🔸芒果仙草配三色芋圓（$38）配料豐富兼足料仙草滑嘟嘟三色芋圓口感煙靭而且食到原材料嘅味道味道同口感都非常出色呀！配搭埋新鮮嘅芒果香甜又多汁😋🔸茶葉蛋（$5）除咗甜品之外呢度仲有少少小食選擇！好耐冇食過茶葉蛋 試咗一隻都幾夠味唔錯呀❣️

上年2月尾宣布結業嘅葫蘆館，經過有人接手終於開返啦，可以再食返細個食開嘅薑汁撞奶😍🥛薑汁撞奶超鐘意佢哋嘅薑汁撞奶，勁辣超正，食完暖晒，啱晒我勁鐘意食薑嘅人🫚🫚🫚同埋䲪來可以叫多薑，咁就會辣啲，仲正😋🫘紅豆沙真材實料，煲到好沙，不太甜都好好食👍🏻 🚩葫蘆館 (觀塘) @woolokoon.hk📍觀塘宜安街2-4號地下2A號舖