上星期探完朋友，夜晚喺附近行過，見到有間餐廳新開張，門面光猛企理，就同朋友一齊入去試吓。我哋叫咗個晚市套餐加下餸咁，等咗一陣好快就有得食。份量比想像中多，飯同餸都裝得幾多，喺而家百物騰貴嘅時候，算係幾抵食。味道方面，係穩穩陣陣嘅家常風味，好似住家飯咁，唔會太濃味或者油膩，食落都算幾好。同區都有幾間類似嘅餐廳，相比之下，呢間嘅水準算係中上。舖頭裏面嘅裝修幾簡潔，牆身同枱凳都係新淨嘅，光線充足，環境幾乾淨。近門口位置擺咗個大魚缸，養住d海鮮，魚咁，同區餐廳黎講都幾少有。總括嚟講，呢間係一間幾穩陣、冇乜花巧嘅新餐廳囉。食物質素唔差，份量足，環境又舒服，性價比合理。如果我下次喺附近唔知食咩好，又或者想搵個地方坐得耐少少、平平哋食餐飯，呢度會係一個唔錯嘅選擇，可能會再嚟試下其他款式嘅小菜。…查看更多
