葉公館

營業中

休息中

好耐冇上過傳統舊式街坊中菜酒樓晚飯，葉公館係個唔錯選擇，好抵食晚市孖寶($218)豉椒炒大蜆 - 蜆好大粒，洗得好乾淨，完全冇沙，豉椒味濃郁菠蘿咕嚕肉 - 重鑊氣，甜酸度剛剛好，外皮好脆，口感好好絲曲白飯($12/碗) - 好大碗，粒粒分明燒汁牛仔骨煲($88) - 煲仔上熱辣辣，牛味香，肉質鬆軟，洋蔥好甜前菜雲耳($12) - 蒜辣味好開胃另外開咗壺鐵觀音($10/位)，好香濃傳統中菜酒家格局，好有風味，乾乾淨淨，闊落好坐選擇多，抵食夾大件，值得推介

今日喺長沙灣同屋企人行緊街，就同屋企人黎左葉公館食飯，依間餐廳有川粵菜海鮮，加上上光線充足，座位夠寬落，坐低都好舒服。半隻片皮鴨 $98烤至金黃酥脆，內部肉質鮮嫩多汁，蘸上醬料、蔥花和青瓜配料，不會過於油膩，口感清新爽口。價錢$98非常抵食，性價比極高。份量大概有10片，兩至三個人食剛剛好！蒜茸粉絲開邊蝦 $118食蝦最驚就係要用手剝殼，好多人都覺得好煩，所以我最鍾意就係嗌開邊蝦，可以避開用手掂到。啲蝦非常新鮮，肉質彈牙，配上好多蒜蓉，味道足夠非常濃味，最後配埋粉絲，粉絲吸晒所有蒜蓉同蝦嘅精華，非常入味。清蒸沙巴仔 $138蒸魚最驚蒸過時間，不過呢條真係啱啱好，肉質好鮮甜魚肉嫩滑，不老不韌，蔥花豉油配合條魚，非常好食！

近排出席很多節日派對和生日party，都係食西餐，突然好想食番餐中菜平行下。朋友就推薦長沙灣「葉公館」，大讚佢嘅小菜大碟夾抵食最重要係夠鑊氣。 今晚6點幾到左葉公館，樓下係雙餸飯外賣，堂食要上一樓。地方寬敝光猛乾淨，有舊式酒樓風格，大大小小都有拾幾張枱，我哋仲以為時間尚早，原來已經有幾枱食客。 Memu款式很多有涼拌、小炒、海鮮同煲仔菜等等，我哋叫咗一個晚市孖寶和幾個小菜，之後侍應哥哥好快就送上一碟前菜一涼拌雲耳，麻辣味勁香，但唔係死辣個種，反而越食越開胃。 晚市孖寶有五個選擇，我哋揀（E）蒜蓉粉絲開邊蝦十雙喜小炒皇$218蝦肉彈牙加上滿滿蒜蓉，食到停唔到口，另外粉絲墊底，吸收所有精華，太好味啦！雙喜小炒皇，份量不但足，材料除咗韭菜花更用上帶子，大隻蝦干、蝦仁，魷魚和腰果，味道足見鑊氣。 菠蘿咕嚕肉$118咕嚕肉即叫即炸，所以皮脆肉嫩，加埋菠蘿，彩色椒一齊炒，酸酸甜甜好開胃👍 紅燒乳鴿$58/只乳鴿都係即叫即炸，外皮香脆，肉唔鞋仲食到陣陣鹵水香味，味道剛剛好。 海味什菜煲$98什菜煲係清湯底，蔬菜和海味嘅種類幾多，海味有蝦米、魷魚、瑤柱絲、蝦仁和冬菇等，仲有粉絲，所以份

最近好想食下d中式小炒長沙灣呢間好似唔錯咁發覺都好多款式可以揀涼拌，海鮮，煲仔類，小炒，燒味等等都有晚市仲有唔同配搭套餐，啱食一齊叫可以平d添配菜涼拌麻辣雲耳四季豆，唔會好辣，幾開胃蒜蓉粉絲開邊蝦新鮮熱辣辣好香，即使睇落好似好多豉油但一d都唔鹹！而且蝦都好新鮮彈牙開好曬邊食落都好方便👍🏻蜜椒薯仔牛柳粒大大碟，超有鑊氣啊！粒粒分明，牛柳粒好淋又唔會有筋，薯仔炸過有有少少甜甜地，有黑椒一齊食少少辣，調味調得啱啱好呀😋魚香茄子煲睇得出一整好就即刻上台，黎到嘅時候見到好大煙d油彈得好大聲，望落真係好好食😍茄子唔會熟到爛曬，仲係一條條好容易夾，有埋肉碎更加香口，超好食！最後仲有埋糖水送，有綠豆紅豆同薏米等一齊煲，微微嘅果皮味，甜度適中，豆全部食落去都好淋好棉唔會鞋口，作為晚餐嘅結束真係圓滿👍🏻

難得朋友特登嚟深水埗搵我食飯，我就緊係帶佢哋食街坊好東西，葉公館依然keep到水準，日日滿座！19:15上到去都已經高朋滿座，等咗一陣，咁啱有人離座，就可以坐。真係遲少少都要排隊！必嗌就係孖寶，平平哋食到2個餸，今次嗌咗叉燒拼蒸魚。叉燒係熱上，所以蜜汁同蜜糖唔會漿住，入口仲好甜，好香蜜味，攤多陣先食仲有拉絲玩😂😂蒸魚啱啱好，唔會蒸過龍，所以肉都好滑好香，魚嘅size夠3-4人食，配埋個靚仔，好飽肚！另外仲嗌咗半隻片皮鴨賀一賀收爐！個皮勁脆脆脆脆脆！唔連包食都得！仲食到鴨肉香，脆片鴨油！見食得咁hyper, 所以就嗌咗個炸豆腐健康下😂😂即叫即炸，上枱出晒煙，咬落仲辣口，配埋炸蒜食好香，又唔會太咸！

餐廳有2層，地下賣外賣雙餸飯，行上樓梯就到食飯既地方 見到餐牌有晚市孖寶，我地叫左個孖寶-- 豉油王鮮海蝦 + 紅燒乳鴿 $218 *豉油王鮮海蝦蝦吾係比d細蝦仔你，算大隻，食得出好新鮮，肉質彈牙，一共有9隻，食食下有d咸，配飯食岩岩好 *紅燒乳鴿皮脆肉嫩, 上枱時仲熱辣辣，一共有2隻，剪開左四舊方便進食 *魚香茄子煲茄子好入味，顏色吸引煮熟仲keep到紫色，吾係煮到淋曬一pat pat, 餸飯一流 *黑椒牛仔骨煲牛仔骨煎到脆邊，好少地方整到甘好食，黑椒味岩岩好，吾會好辣 飯後送一人一碗糖水綠豆沙

一家人為方便飯聚，選址長沙灣中菜館-葉公館。入口在青山道，但同名恒輝閣住宅在永隆街，有點易混淆。可能此為川菜館關係，基本上很多菜式調味也頗為重手，偏咸，偏辣。1. 片皮鴨一食片數還好，不過分兩碟上，有點稀疏感，皮連肉，肉質偏un，燒鴨醬頗咸。2.嘟嘟芥蘭煲芥蘭鮮嫩，咸魚，肉碎多，偏咸。3.脆皮燒腩仔份量多，皮脆肉嫩，一流。4.瑤柱蛋白炒飯水準不過不失。5.蒜蓉粉絲開邊蝦賣相精美，份量也可，略嫌蝦比較細隻。

閒日晚市嚟到都好多街坊幫襯，氣氛幾熱鬧～本身想叫set A嘅晚市超值孖寶，但咁啱餐廳今日冇曬叉燒，所以畀我哋免費轉豉椒炒大蜆，真係超值😆職員好快就送上醒胃嘅涼菜👍🏻🥢豉椒炒大蜆一上檯已經聞到香噴噴，蜆肉份量均真，啲肉都幾大粒；用豉椒炒，夠曬鑊氣。🥢清蒸沙巴斑條沙巴好大條，啖啖肉，冇咩細骨，新鮮肥美，簡單清蒸已經好好食。🥢蒜蓉豆苗勁大碟，豆苗新鮮，用蒜蓉炒，鹹香惹味。🥢紅豆沙送嘅紅豆沙都好正，真係起曬沙，足料😋

今日去試呢間屋企附近嘅餐廳，餐牌款式多不勝數！晚市超值孖寶好抵食😍前菜：涼拌四季豆，少少辣多多脆，好開胃🤤老公一見到menu既燒腩仔就話一定要嗌，果然冇令佢失望，首先夠熱，平時最怕上台係凍冰冰，而且外皮夠脆，肥瘦適中 ，入口肥膏仲有少少融，正啊！雜菜粉絲煲超足料，勁多蝦米魷魚，湯底好鮮甜！最後一定要試下佢既海鮮，叫左蒜蓉粉絲蒸扇貝，爆多蒜，扇貝蒸得剛剛好！4隻都唔夠食😝原來呢間餐廳仲可以帶海鮮黎加工，下次一定要試下啦！

平日放工想食中菜呢間地埋位置幾近長沙灣地鐵站舊式酒樓裝修餐牌選擇多：撚手小菜、海鮮、燒味、晚市超值孖寶套餐等等餐廳仲提供免費wifi坐低會有店員問你要咩茶同埋遞上前菜有別於其他酒樓以花生作為前菜呢到係涼伴開胃小食麻辣雲耳雲耳清甜爽脆 唔太麻唔太辣 小朋友都岩食黃金大鮮蝦 (8隻) $138外層香脆 蝦肉彈牙充滿鹹蛋黃油香味雖然鹹蛋好邪惡 但係食唔停蝦有大有細鮮鮑魚奇味雞煲 $1586隻鮮鮑魚 半隻雞一上枱就聞到好有鑊氣雞件量多 雞肉唔鞋 可接受既燶邊鮮鮑魚口感脆爽彈牙雖然搵唔齊6隻完整既鮮鮑魚 濃稠醬汁 好惹味 送左成碗白飯奇味辣度可以自行同店員要求白飯 軟硬適中 恰到好處附送糖水綠豆沙同行人士全清下次有機會要試埋火焰棟企雞同片皮鴨

平日晚上7:00一去到已經滿座🤣之前見到海鮮研習社推介過，又見到咁旺場都覺得應該幾好食 。 原來唔止好食，仲好抵食今晚市有啲海鮮孖寶 218兩個餸其中一個係海鮮。豉椒抄大蜆 推介❤️個蜆好新鮮每一隻都係打開嘅，冇沙亦冇腥味。 個調味仲要啱啱好，爆炒豉椒非常香 而且少少辣 所以淨係好惹味。食到停唔到口🤣菠蘿咕嚕肉好大碟，而且醬汁唔會話過分多 裏面亦有三色椒同菠蘿整體都係甜甜酸酸 炸粉亦不會太厚 啫啫芥蘭煲見到隔離嗌都忍唔住嗌 ，一上菜炸炸聲 仲要啲鹹香味漂晒出嚟 食落都好惹味 芥蘭整得啱啱好唔會太林 仲有啲爽脆 裏面有啲爆炒大蝦乾同埋肉碎 撈飯好正前菜 麻辣雲耳 特色👍🏻平時前菜多數都係花生酸菜 麻辣雲耳真係第一次食 佢嘅麻辣拍得住出邊整麻辣米線嗰啲味 高水準 💯飯後甜點 紅豆沙 紅豆咬落重有d 軟林林嘅口感 重好重陳皮味 一定唔係個d 溝開水嘅貨仔 重要係送架 ❤️🤤

一上到嚟已經見到差唔多滿座，睇嚟呢度係好出名嘅街坊食堂！呢度嘅小菜真係平靚正，好大份之餘好多選擇，今次試咗火焰棟企雞($98)呢道菜都唔係好多地方有得食！雞嘅尺寸一啲都唔細，加上就一點火，非常之吸睛👀而且味道都唔差完全係炸子雞棟喺度嘅版本，皮非常之脆！油都滴落去底嘅座盤，肉好嫩滑👍👍呢度有好多唔同嘅晚市孖寶選擇，今次試咗小炒王+ 蒜蓉粉絲開邊蝦($218)小炒王好香口亦都好足料，有唔少蝦同埋帶子肉，腰果好香😋蝦嘅肉質都唔錯，蒜蓉粉絲更加係重點！兩個人食三樣嘢都食唔晒，仲有好多其他菜式想試添，下次可以再encore！

Chinese restaurants are best known for wok hay dishes and big portions for sharing. Visited Yip's Cuisine with my family for the first time, that features a wide range of cuisine from fresh seafood, stir-fried dishes to siu mei. Munched on some Mala Green Beans & Black Fungus before the dishes were ready. Flavorful and appetizing.Braised Eggplant w/ Salted Fish & Minced PorkServed sizzling hot in a clay pot. Finely seasoned. Soft eggplant with chopped salted fish and lots of minced pork mixed wi

一間麻甩佬中菜館，呢度孖寶大概$200左右，非常抵食，性價比高！孖寶有以下選擇：Ａ 清蒸沙巴班配密汁叉燒Ｂ 果皮蒸鮑魚配脆皮燒腩仔Ｃ 菠蘿咕嚕肉配豉椒炒大蜆Ｄ 豉油皇虎蝦配紅燒脆皮乳鴿Ｅ 蒜蓉粉絲開邊蝦配雙喜小炒皇呢日試左孖寶B，Ｃ同E。燒腩仔一定要叫，脆皮肉嫩香；小炒皇驚艷有帶子同蝦仁仲要用大蝦乾菜莆不過咸；粉絲開邊蝦同豉椒炒大蜆更係食材新鮮，喜出望外！以為小炒唔錯，發覺海鮮更有驚喜，人均$2xx，員工親切有禮貌，不過留意如果星期五六會比較爆埸，會嘈Ｄ同某些位置會坐得較親密。

葉公館長沙灣青山道255號恆輝閣1樓鑊氣十足 深水埗地道中菜館樓下有兩餸飯買 樓上可以享受鑊氣小炒價錢合理 質素唔錯 最後送咗兩碗綠豆沙😍椒鹽大鮮蝦（8隻） $128蝦殼脆到好似食薯片咁 蝦殼同蝦肉明顯分離呈現出金黃色的外表，外皮酥脆 蝦肉質地口感彈嫩，咬勁十足椒鹽味道襯托出蝦肉鮮美欖菜肉鬆四季豆$108翠綠色四季豆，搭配上深綠色欖菜 肉鬆欖菜咸鮮味和四季豆的清甜味又幾match形成一種獨特風味 欖菜咸度和肉鬆的甜度相互平衡瑤柱蛋白炒飯$88第一個感覺係好大份 米粒飽滿且分散均勻，瑤柱和蛋白均勻地分布在飯粒之間簡簡單單炒得夠香