萬豚屋

營業中

休息中

外賣活花甲烏冬，盛惠$103，但打開其實係沙白。花甲喺街市買約$50/斤，大沙白頂盡$25/斤。湯底味道、烏冬麵質ok 的，但份量少，唔值成舊水。我就當商戶真心唔識分花甲同沙白，所以冇打算去海關舉報。希望店方有人睇到呢個comment，請睇睇呢條教學片：https://fb.watch/1GhPU7H5Qz/

最近天氣開始轉涼，想食啲暖胃嘅嘢～去到尖沙咀就會諗起呢間熱鍋烏冬🍲已經好耐無嚟，一入去餐廳已經聞到陣陣香氣必點嘅當然有原切豚肉手打烏冬！湯底方面有魚介豚骨、黑蒜濃豚骨同香菌濃湯我哋揀咗黑蒜油豚骨等咗15分鐘終於有得食啦！熱辣辣嘅鐵鍋裝住滿滿嘅烏冬同豚肉仲有黑蒜油嘅陣陣飄香，未食都已經流晒口水豚肉都有四塊，雖然有啲肥豬肉，有少少油膩，但加埋個湯食好配，烏冬又彈牙！可以話係必點之後試咗個新推介嘅炸雞咖喱烏冬，呢個反而咖喱咸咗啲，烏冬都彈牙，但炸雞唔太熱，差左少少🤏我諗下次都係叫返熱鍋烏冬穩陣啲😛

今晚發生嘅事令到我以後唔會再幫襯😡😡😡😡話說我老公叫咗個牛肉手打烏冬, 我嗌左個豬軟骨稻庭烏冬, 我老公嗰個嚟咗先我見到係稻庭烏冬, 就問佢係咪落錯單, 個夥計就答我話我嗰個豬軟骨落錯咗變咗做手打烏冬,問我使唔使幫我改返, 咁我就叫佢轉啦轉返做稻庭烏冬佢期間係完全冇提過收返老公嗰個稻庭烏冬, 改返做手打烏冬, 而我哋都唔知道兩個烏冬有差價 (稻庭比手打烏冬貴$10 , 即係$101同$91嘅分別) 咁我老公話唔使轉來轉去啦佢食稻庭或者手打烏冬都冇乜所謂, 咁咪繼續食囉...埋單嗰陣時, 佢就兩個都計咗貴嗰個價錢(稻庭烏冬), 咁我咪同佢講話其實我哋一開始落單係一個係稻庭烏冬一個係手打烏冬,依家係佢哋落錯單點解要我哋比多$10?而且佢事前亦都冇同我哋講聲佢會收返我哋個差價, 跟住我再同佢講而家係佢哋落錯單叫佢改返, 佢就一下收咗老公張信用卡, 我哋以為佢入去改單點知佢冇不單止, 仲碌咗佢張卡 (貴啲嗰個) !!! 之後我見到佢錄完張卡就返出嚟就當冇事放低喺張枱度就走咗去喎?!! 😡😡跟住我再問佢你唔係去改單咩,個經理就走出黎話”你依家係真係食咗貴嗰個呀嘛??咁我唔知你邊個同事處理啦?!!

一入到餐廳就超香！係濃湯既香味！石鍋烏冬製作需時，食住玉子燒先！蛋入面包住好多料：椰菜、芝士、蟹柳 、栗米、少許豬肉，加埋沙律醬，好好食！推介！如題：餸係其次，湯底先係「萬豚屋」既重點！香菌濃湯唔止有一大羹黑松露，入面既菇茹味好重！好好食！豚肉真係好厚切，足料！石鍋烏冬上菜既時候真係超級熱，起曬泡咁！所以花甲放入湯入面，有D overcooked,好韌。不過手打烏冬好彈牙，好好食！

今次第一次嚟食呢間日本餐廳，係因為見到menu有凍烏冬就嚟尖沙咀試下，估唔到有驚喜喎！ 😏係香港有凍烏冬嘅餐廳實在太少🤢今次係夜晚嚟食，兩個人叫左三樣嘢、兩杯飲品，分別係胡麻冷菠菜、上級薄切豚肉稻庭烏冬（黑蒜）、墨魚炸彈凍稻庭烏冬🥰胡麻冷菠菜相當推介，胡麻醬相當夠，食落去好開胃，成件事個味好夾👍🏻講下個墨魚炸彈凍烏冬，好有驚喜，個墨魚炸彈炸得啱啱好，裡面仲係呈現流心狀態，點埋個醬簡直perfect池！凍烏冬配豉油加wasabi簡直爽，夏天食真心一流，又唔會覺得滯，成件事好fresh😘真係好推介大家黎試下佢地既烏冬菜式，熱既、凍既都一樣好好味😆價錢方面，有收服務費，埋單274，有點小貴，不過味道係真心唔錯嘅！

星期六兩點左右嚟到，唔使等位，餐廳入邊坐滿大約一半客人🙈其實之前已經嚟過幾次，但佢最近新出咗好多新嘅烏冬！所以今日想試吓新野☺️特登加咗$10試吓佢新嘅呢個柚子湯底，飲落去甜甜地，都幾清新嘅，但男朋友話好怪😵可能下次都係嗌返香濃菌湯算😂佢啲烏冬就不嬲都好好食㗎啦，啲花甲份量都算正常，仲要隻隻都超大隻！呢個牛肉烏冬係嗌咗香辣麵豉湯底，佢啲牛肉偏厚，唔係好似肥牛咁薄，所以識落會有少少鞋！但個湯底同啲烏冬超夾😋下次可以試吓佢個吉列芝士豬扒🤤

近嚟嘅排隊熱店，晚飯時間大約等20至30分鐘。柚子湯底係新口味，真係食過會好回味香辣醬煮活花甲 $92花甲新鮮得嚟洗得好乾淨，完全冇沙！辣醬好惹味，味道夠濃帶微甜。.厚切豚肉手打烏冬 (柚子湯底) $92豚肉真係好厚身，手打烏冬好煙韌。湯底嘅柚子味非常濃郁，微酸好開胃識落感覺都更加清爽！.芝士年糕 $30年糕煙韌較軟身，流心芝士。食落唔油，但如果燶啲會更香口雖然係細細嘅一間小舖，感覺有啲似日式拉麵/居酒屋。價會唔係好貴，但食物嘅味道同品質都好唔錯排一陣隊值得嘅

星期六晚上滿心期待去食，本來都好地地。食嘢時我地有啲人食得快少少，二十分鐘就食晒，但有啲仲食緊，個女侍應就已經趕住執晒啲野，拋低張單要我地埋。我地一睇，完來落左單半個鐘都未有，就已經趕住幫我地埋單叫我地走。 我地有人仲食緊，個侍應已經行過幾次，監視住我地食完未，趕住收晒啲嘢。我地都算叫左好多嘢，食左成八百幾蚊！茶餐廳都唔會咁比人趕啦！實在太離譜，不能接受！首先，我地食得快就要比你趕？我地差幾個人食完自然就會埋單架啦！第二，我地亦唔係坐住賴死唔走，只係半個鐘既時間就要趕客走？唔通呢間係麥記快餐？第三，隔離有幾枱早過我地來已食完傾緊偈，又唔見佢地比人趕？雖然我地唔係訂枱姐，但入得來都叫係客吖，洗唔洗趕成咁？埋左單等緊簽卡時，啲位已經夠窄，佢仲要夾硬攝入來收碗，整到我地啲嘢跌晒。我地埋埋單都就嚟走㗎啦，等多陣都唔得？上次來啲野食已經準備得好慢，今次係就係快咗，但估唔到原來係趕客嘅，食物亦唔係特別好味，食完好口渴！咁差嘅服務加咁嘅食物質素真係令人失望兼咋舌，劣店！

今日同屋企人食飯，諗住食吓日本嘢所以就揀咗萬豚屋食晚飯。見到openrice 甘多好評就覺得好似幾好，唔驚係伏啦。我地8:00埋位等咗7~8分鐘就上菜，都算快手，而d烏冬都ok，不過就偏咸。過咗十分鐘，我有兩個屋企人食得快，差唔多食完，諗住停一停。點知一停手就有嗰女侍應問都無問就收走咗嗰烏冬，跟住轉頭就扔底張單話可以埋單，想催我地走，但其實仲有五個未食完，出面又無人等，催咩啫。到全部差唔多食哂嘅時候佢又衝過嚟收嘢，跟住撞到我又撞跌嗰袋，但又唔講對唔住，跟住差啲成嗰鍋跌落我度。其實我地都走啦，駛唔駛甘心急，走咗想點執都得啦。到最後我地8:37就走咗，坐得半嗰鐘，有兩嗰侍應成日望住我地，想催我地走。後面有枱早過我地入又催佢地。服務態度差，失望。價錢貴，但係啲嘢又細又唔好食，失望。俾錢就係去受氣，失望。強烈建議不要光顧！！

同屋企人夜晚去食，入座半個鐘，野食啱啱到就已經擺低單叫我地埋單催我地走，我地一路食d侍應一路係隔離行黎行去監視我地食完未，見我一擺低筷子就即刻衝過黎話要收野，重要好粗魯，就咁走埋黎撥開我個袋落地下，我話佢仲要當我冇到，完全冇道歉，真係好冇禮貌！明明一碗面都起碼一百蚊，但係宜家搞到好似食快餐咁，用咁既價錢得到咁既服務態度真係完全不值得！有咩理由入座半小時已經擺低單叫人走，用餐體驗極差，就算系大快活都唔會咁樣趕客人走啦，真係好嬲，食到一肚氣，貼錢買難受😡😡😡😡😡以後唔會再幫襯！！！！

呢間餐廳食過幾次 味道唔錯😋 價錢又唔算貴 内裏裝修以豬為主題 烏冬用石鍋裝住 滾住上 熱辣辣 食既時候都要小心d😝.上級薄切豚肉手打烏冬(柚子湯底)~$102🐖第一次試呢度既柚子湯底 湯底偏甜 都幾好飲 豚肉份量唔算少 唔鞋口 同柚子湯底都幾夾 仲有粟米同sprouts 等配菜 烏冬都幾彈牙😋照燒雞扒手打烏冬(香濃菌湯)$90🐥香濃菌湯係次次黎都會叫既湯底🤣 有唔少菇同一pat黑松露 菇味極濃 好香 好好飲😋 照燒雞扒好出色 外皮煎得好香脆😋 肉質嫩滑👍🏻

最近天氣真係攞人命🥵🥵🥵熱到出去等陣車都中暑咁款，完全冇晒胃口...特登搵左邊到有冷麵個d但尖沙咀冇，所以就黎尼度食冷烏冬la🤤餐廳專門食石鍋烏冬，基本上得我叫冷烏冬，好彩冷氣夠大，如果唔係一路食一路標汗😂尼度嘅冷烏冬款式唔多唔少，掙扎左輪揀左牛肉冷烏冬(揀嘅款完全同呢間出名嘅野完全背道而馳😂）冷烏冬夠冷同彈牙，唔會漿住，而且用讚岐烏冬容易掛汁👍🏻加左$10轉柚子汁，甜甜地更清爽開胃。牛肉用左椰菜同洋蔥一齊炒好香口，但好細碟，得4 5塊牛，$100來講性價比偏低☹️另外加左個麻醬菠菜，夠凍同爽口，不錯

黎過呢到幾次，熱辣辣既石鍋烏冬真係好好食🤓————————🔸活花甲手打烏冬 (魚介豚骨) $99一送到黎成個鍋都好滾動，入面有隻蛋，鍾意整蛋花就可以即刻搞下個湯先。花甲份量都幾多，烏冬彈牙，湯底濃郁，好味🥰評分：🌕🌕🌕🌕🌑-🔸自家製吉列芝士豬扒手打烏冬 (黑蒜油豚骨) $100豬扒一切開d芝士就流哂出黎🤤不過要快d食，唔係d芝士就好快凍哂。我覺得黑蒜油湯底好鹹😂叫返魚介應該好味d!評分：🌕🌕🌕🌖🌑

友人表示曾經去過這間餐廳，但我都忘記了，於是就來一遍。🤔看到相片，這兒的石鍋烏冬較為吸引，有兩種烏冬，一款比較粗條扁平，一款就比較彈牙。可能由於比較早來到，都沒有什麼客人，與以往大排長龍的相片大相逕庭，因此點餐之後很快便端來。我那個石鍋烏冬，煮到非常之沸騰，湯汁就顯得滾熱，烏冬有點兒彈牙，嚼勁十足。我點的是吉列豬扒，其實午間亦都吃了味道不錯的黑毛豬，但由於看到相片這兒的吉列豬扒也不錯，因此我再次點了。吉列豬扒的外皮還好，即使不算太薄，但由於炸得夠鬆脆，因此都不會感覺太油膩。中間的豬扒，肉質鬆軟，還保留少許肉汁，不炸得太乾。另外有款小食，味道更加特別，他叫做泡菜大腸，泡菜味道還是有點兒辣。大腸亦都混入了少許泡菜的味道，質地煙煙韌韌，瘦到質地都不覺得像在吃豬大腸一般。忌廉蟹餅，小型的體積，但內含忌廉，還有點膩，但質感鬆軟，也難以抵抗友人的那個，湯底都相當沸騰，由於內裏混入了蜆肉，因此湯底比較清甜旁邊亦都有點蒜油，在清甜之中再加了輕微蒜香。

尖沙咀赫德道內有間小店「萬豚屋」，専食手打烏冬。每次飯市時間都大排長龍，今日非常好彩，不用等一入去就有位。今日點選咗推介之一「香菌濃湯海鮮手打烏冬」，烏冬用石燒鍋盛放，所以能保持湯的溫度。湯底香菌味濃郁，烏冬口感爽滑，海鮮配料份量足料新鮮。真係食過返尋味。