萬豚屋

營業中

休息中

今日休息放假～約了朋友尖沙咀交收順便食lunch，好⋯⋯先去OpenRice 看下有咩好介紹再問朋友意見～看到赫德道有間萬豚屋食評唔錯的，朋友都話想試下。就咁～先打电話訂位先，但無人接电話無所謂咁就早小小出門啦～地鐵行過去都好快，幾好～去到都有位坐底一面看餐牌一面等人，看到大家推介係上湯厚切豚肉，三人分別點了香菌濃湯，香辣麵豉同自家制豬軟骨。三個麵分別送上賣相當吸引，而且盛載的器皿保温的質素有保證。小弟食到尾湯底都係熱的。我點了小辣的麵豉好香而不會太辣，麵又煮得剛剛好，而且餐包了飲品的茶同咖啡。整體環境，服務，午餐都好滿意期待再試晚餐菜式

朋友推介食万豚屋，佢話之前食過一次，但好想再食，佢話D蜆好大隻同好好味㗎！坐底見左邊兩枱客都有食蜆，加上比佢講一講，唔洗諗咁多一定要食蜆啦！（我係蜆精嚟㗎！可以一次過食三斤豉椒炒蜆㗎）我揀咗海鮮稻庭烏冬（蜆、帶子、蝦同蟹柳)揀咗小辣飲啖湯先，唔太辣幾鮮甜，即時試吓隻蜆先，煮得啱啱好值得一讚，因為粒柱貝可以用筷子鏟到嚟食，我本人覺得成隻蜆最好食係嗰粒柱貝，如果食唔到真係好嘥囉，蝦同帶子就普通，湯底隻蛋好得吸咗湯味好正朋友要咗海鮮稻庭烏冬轉黑椒豚骨湯（+$10）另外叫咗個小食~青芥末螺肉呢個好好味！好爽口！一定要試

Love to eat here before, but nowadays the food quality has dropped, especially the taste of bone soup. .So we ordered the spicy soup this time, covered the lower quality of normal bone soup. The soup still tasty. The noodle still good..Chicken still tasty.

上星期六，一家人去完科學館，玩到身水身汗諗住喺附近搵嘢食， 因為有小朋友嘅關係所以想搵啲地方比較舒服又可以坐得耐嘅地方用膳， 因為之前都係赫德道返學所以知道嗰頭附近都有啲食市， 行到入去發現有間唔太顯眼的萬豚屋， 見冇乜人等位所以就走咗入去食。Menu 2頁紙睇晒點咗個蕃茄濃湯鰻魚手打烏冬 烏冬同鰻魚係分開上的， 賣相已經好吸引呀， 第一啖梗係試咗個湯先啦，果然係蕃茄濃湯好重嘅番茄味酸酸甜甜好開胃， 但係個烏冬就爭緊啲因為唔得煙韌， 鰻魚方面個質感夠軟滑而且個醬汁夠濃， 整體嚟講呢個蕃茄濃湯烏冬可以再encore 醬油豬手炆得好林令我諗起食上海菜嗰個元蹄有入口即溶既感覺， 但個醬汁比較鹹而且份量比較少再來一客香煎豚肉餃子， 食落同普通餃子一樣冇咩特別滑蛋上級牛肉飯， 這個飯用嘅係珍珠米所以比較煙靭， 牛肉味濃， 兩者配合再加埋滑蛋簡直絕配雖然係唔使點等位，但係原來入面已坐滿，只剩下幾張枱，真係好彩。值得欣賞的係殷勤的服務， 不用叫巳幫你倒水，食物速度快又唔會趕你走，一家大細都啱。

老公成日話萬豚屋D豬手好食，烏冬也不錯，六點我便企係外面等，好彩當時無咩人排隊，好快便入座，第一次來萬豚屋，見到佢既點菜紙，揀左吉烈豬扒蕃茄湯底烏冬，我老公揀左黑蒜豬骨湯底既豬手烏冬，等左十分鐘便有得食😋😋吉烈豬扒蕃茄湯底烏冬 - 吉豬普通，湯底好正，愛好茄湯的朋友真的會成碗飲曬都似👍👍，至於烏冬呢，我覺得只是剛好接受，可能手打會好D掛（好似加$8）豬手黑蒜豬骨湯底烏冬 - 個豬手估唔到都幾有水準，湯底都驚喜架，不過以個人來說都係茄湯開胃d😋總括都驚喜架，豬手好食，湯底都幾認真下，係烏冬有點失望而已！

幾日連假所以就出去尖沙咀行街兼食飯，因為小弟好鐘意食烏冬，所以就提議食萬豚屋啦～入到黎小弟就叫左香菌濃湯吉列豬扒手打烏冬，男朋友叫左厚燒十勝豚肉飯，再叫多個黑松露金箔冷豆腐。值得一讚係個湯真係好香菇味，吉列豬扒唔會太厚粉同一啲都唔油。但萬豚屋主打烏冬架嘛，個烏冬得個淋字，冇煙煙unun嘅感覺，好一般。講真，呢個唔建議叫啦....黑松露嘅味同豆腐嘅味唔係好夾，兩樣野襯埋一齊有啲牽強。冷豆腐冇咩豆腐味根據男朋友講，呢個豚肉味道可以，啲肉都唔會太老，但食完好口渴...咁姐係好重味精啦...呢樣就唔多buy啦我估我短期內都唔會再黎食，味道普通，材料普通，唔值得特登排隊囉...

朋友想吃烏冬，我淨係諗起香港果邊嘅魚湯烏冬，但朋友又唔想去咁遠食，於是我search左好耐搵到呢間萬豚屋。我地每人都點左個石鍋烏冬，湯底味道係幾好啦，我幾鐘意，熱辣辣石鍋，冬天食就perfect la. 但烏冬就唔得啦，手打烏冬店，點知烏冬太林冇彈性，如果改善到呢點就好了我就叫左豚肉嘅豬骨湯烏冬，其實舊豚肉都麻麻，好多肥膏，我不喜歡食太肥的豬肉，朋友點的豬軟骨就說ok .不過烏冬份量都得大，食到我地兩個都好飽啦，價錢又唔貴，只係烏冬店應該有更好質素的烏冬吧，真叫人失望。

牛肉嫩滑，烏冬彈牙，湯底有豐富濃厚豬骨湯味👍🏻👍🏻👍🏻食湯麵類最緊要夠熱，呢度就做到啦👍🏻👍🏻👍🏻食完呢個烏冬會出汗的，可能是餐廳的冷氣不足😂😂不過此烏冬上的蘿蔔苗個人唔係咁鍾意😅😅因為有少少草青味！🌿🌿👎🏻👎🏻

吃過萬豚屋三次，感覺真的一次比一次差。前兩次不贅述了，單說第三次的感覺好了。這次即使應是繁忙的午飯時段，但已經不用像從前般排隊，直接可進。進去後，不知為何燈光異常昏暗，沒有夜盲症的我也只能勉強看到餐牌上的字侍應全程🌚面，更別說有什麼服務可言，連請她倒杯水也不情不願的樣子，憑什麼收加一服務費？！點了個辣的麵豉湯底配海鮮稻庭烏冬。在等待和用餐的過程中，不斷聽到廚房傳來粗言穢語，聲浪還不少。對於主打日式食品的餐廳，這實在無禮也令人無奈，那刻我還以為自己置身於粗獷豪邁的大排檔中😒很想馬上離開，只是下了單不想浪費只好忍了。食物上桌後，湯，不錯是熱的，但從前那顆浮在上面兩成熟的蛋，如今已不見蹤影，吃著吃著才發現它原來已經全熟並被壓在海鮮下。海鮮份量少不在說，質素也不如從前。家人點的那個雜菌豚肉烏冬，冬菇還是壞的😱她們直說湯太油，吃得很不舒服。我聽著感到很抱歉，因為是我提議到這裡吃的，沒想到給她們如此一頓，真的是貼錢買難受。一行六人埋單四百幾接近五百，價錢與食物、服務質素完全不對等。如果該店仍抱持這種我行我素的態度，不去改善的話，相信在這個網頁中很快便顯示（已結業）。而那些行行企企，要人叫到才去做還

啲嘢真係好好食，但零service可言... 1）打電話訂位時，個男仔竟然叫我第二日先再打去，因為訂位的同事唔係度... 我多番要求下先肯留底我的聯絡電話2）第二日我按要求打去訂位時，有個女仔又態度極差咁話：「幫你book咗啦！」，然後極快收線3）去到攞位時，佢哋竟然要求我哋八個人分開前後兩張卡位坐...4）我哋成班人食咗大概一個鐘，佢突然攞張單嚟叫我哋埋單，話出面好多人等位，但之前由訂位到入坐都無人提過交枱時間！我哋話想加單佢都唔俾... 我哋真係無諗到晚餐竟然食一個鐘就會被趕...5）我哋其中一位朋友仔遲咗差不多一個鐘先到，佢係門口問入面係咪有八位，啲職員竟然答：「我哋無咁多人嘅枱架喎！」.......嘢食幾好都無用，一定一定一定無下次！

今天相約和友人在尖沙咀食午餐，我地去左赫德道的萬豚屋，我地大約2點左右，店內8成的位置已滿。 無論是店內或是店外，都是充滿日本感覺的設計，有日本風味的。 我地分別叫了野菌豚肉烏冬和番茄豚肉烏冬，另外亦叫了凍檸茶。 大約等了5分鐘，野菌豚肉烏冬首先送上，他們的烏冬都是放在一個石頭鍋肉的，保持住高溫同發滾的狀態送上比客人。它的湯底很重野菌的鮮味，亦有少許肉的甜品，很豐富的味道。烏冬亦很爽口彈牙，是手打的烏冬，和野菌味很夾。最後是豚肉，每一碗有3大塊豚肉，每一塊都是厚切的，這種豚肉肉質比較實，較重肉味。 再等多大約5分鐘，番茄豚肉烏冬亦送上，這個番茄湯底是很濃很紅的(如圖所見)肉有很重的番茄鮮甜味，湯底的味亦浸入左烏冬入面，烏冬亦很有番茄味，配料亦有很多，湯內亦有一熟蛋。

萬豚屋鐵人主理，千秋傳頌永得利，寵壞街坊一餐起，愛麵愛飯愛石窩。與靚太和小親親到尖沙咀文化中心，欣賞手風琴演奏會。它是一類不熱門的樂器，如果對鋼琴有深入認識才學習它就更好啦。今天也選來一家在横街內打出名堂的食店，來停止肚皮下的演奏。<<萬豚屋>>晚飯時段在六點鐘才開始，如果早咗到達也不能進入，但開門後二十分鐘就未必有座位，要等待頭先的顧客離開才可飽餐了。一進内便發現地上留下了大豬的腳印，相信牠走得唔遠，可能已被鐵人老闆煮了，再掛到牆上作為紀念品。它有着日、韓小店風格的座位，窈窕人士至為合適。❛泡菜豚肉石鍋飯❜ 的配合非常完美，有百分韓食味道，所使用的豬肉，並不是韓劇中經常提及的五花肉，但也算是淋滑，與泡菜一起放咀裏就韻味十足，加上米飯至可口。❛吉列豬排手打烏冬❜ 有着差不多一吋厚的身軀，面皮凸凸，但並無特别脆之口感，内部也未送出肉汁。職員話‘手打烏冬’較為煙靭，‘稻庭烏冬’就滑身口的。而此碗烏冬未帶到驚喜給我。❛厚切豚肉手打烏冬 (中辣) ❜ 的辣可供大部分人接受，程度只帶來頭頂出汗，連續飲下多匙湯水，口舌也未有着火之感覺，可以慢慢 享受它的熱情。❛醬

要數熱辣辣既石頭鍋烏冬， 除了大門橫丁， 尖沙咀仲有間萬豚屋。萬豚屋雖然位於小巷赫德道， 但每次午市都滿場。 晚上更加係要隊等食。之前試過一次唔小心叫左個大辣烏冬， 我同侍應講唔好意思我其實想叫小辣, 畫錯左，同佢講完, 個侍應就9秒9拎返我張點菜紙用力擺係檯面， 跟住就走左。最後我將d烏冬夾起曬落碟豬扒度，一啖湯都唔飲 ， 先食得落碗面。雖然我知係我畫錯， 店方冇負任做任何野， 但d service態度都太一流囉。所以我誓神劈願唔會再叫個辣烏冬。最近天氣凍同事話想食烏冬， 今次我叫左豚骨湯豬軟骨烏冬。 豬軟骨只有一小塊. 之後就是一另上一碗淨烏冬. 上檯既時候湯仲係咁滾下滾下. 唔可以否認係好香既, 烏冬係高溫下仲係好彈呀唔會淋, 係萬豚屋一貫的水準. 但以$8x黎講, 烏冬同豬軟骨都嫌略少. 

今次同大家分享下一間位於尖沙咀，日日排長龍嘅日本烏冬舖-万豚屋!有次經過呢邊,難得唔駛排隊，就即刻跳入去試下,坐低就即刻叫左碗豬手蕃茄湯手打烏冬！一上枱，嘩!正!熱辣辣，出哂煙，唔好講嘢,拿拿臨整啖先。兩個字--失望！味道好俗！口裡面感覺好似湯同麺只係—堆好混沌嘅嘢咁，食一啖就想放棄，但本住唔好浪費食物為大前題，即刻就做左忍者小靈精，忍忍忍忍忍！再加埋碟淋過米粉嘅豬手，嘩，即刻做埋金麥基。講真!之前咁多人排隊，今次可以walk in 入一定有原因！

My boyfriend lived in Tsim Sha Tsui so we always have lunch or dinner in this area. This time I ordered pork chop with bone soup noodle. The pork chop was with deep fired, the outer part was very crispy, inside not juicy enough but still ok. The soup was nice, super hot and tasty.