萬記粥品

好耐冇食，今早突然好掛住佢啲豬膶粥！但竟然令我失望豬潤已經唔係以前嘅厚豬潤，而且仲有餲味🤢🤮咁點樣再幫襯你？希望店主睇到速速改善，否則很難令人再幫襯你食豬膶粥。…查看更多

搵到黎間粥品店，油炸鬼$12，無調味香滑白粥$13除左以上..仲叫左炒米粉$17，蝦米腸粉$20價錢都好抵食，米粉用左紅蘿蔔絲同椰菜絲一 齊粉，腸粉邊邊煎到脆卜卜非常好食😋…查看更多

晚餐叫了叉燒腸粉，外賣回家後約15分鐘才吃，也夠熱，幾滑，幾好味，而且是又是另上，幾好。皮蛋瘦肉粥，沒有太多料，幾條肉柳絲，粥底也稍稀及咸。蔥花蝦米腸粉，本人略嫌太多蔥，蔥味道蓋過腸粉的味道（個人喜好問題）。落單及收銀姐姐態度認真麻麻，應該用差來形容。站在收銀處前等她處理完手頭上工作才落單，她完成後，可以無視客人，走咗去隔了1分鐘多再返來落單，全程黑口黑面，而家仲有咁嘅服務態度，比個「like」。…查看更多

星期六晏晝時間去呢間舖頭買咗一碗粥一個牛脷酥同埋。味道冇問題，但係服務態度10分惡劣。我買外賣嗰陣已經講咗話要展剪啲牛脷酥同埋煎堆，可能個阿姐聽唔到或者唔記得，直接將牛脷酥同埋煎堆擺入膠袋，我就即刻同佢講話唔該 要剪開。個阿姐同我講，話：而家咁多人邊有時間同你剪呀，我哋堂食都好忙啦，本身啲外賣都唔想接㗎啦。 我冇出聲望一望佢，佢話：你要剪嘅話就等一陣啦。等咗唔知幾耐之後，個阿姐終於出嚟，繼續講：我哋真係好忙㗎，啲外賣客都唔係個個剪，之後就幫我喺膠袋拎咗兩舊嘢出嚟試，是但剪咗一嘢就俾返我。試問有邊個可以自己剪到嘅會唔剪？ 堂食嘅就可以剪埋外賣嘅就唔可？ 外賣餐具都係得個匙羹喺公司點樣食？ 堂食係客，外賣就唔係客？ 服務態度真係好有問題，我已經唔介意要等佢忙完 之後先幫我剪，但係換來嘅竟然係咁嘅態度同埋做法實在令人憤怒！！…查看更多

午餐時間入座，毋須等位，等咗三四分鐘侍應姐姐只叫等陣，但係又唔記得邊個客入先，我繼續等，終於等到知我存在，悔悔氣氣問我食乜，由於唔想再周圍走就叫咗碗瘦肉粥，阿姐喝我講大聲D，費事同佢勞氣，算數！食物尚可，態度欠佳，有得揀唔使再光顧。…查看更多