萬發海鮮菜館

營業中

休息中

一班人聚舊香港人都會諗起大排檔深水埗最出名都有幾間 萬發都算係其中一間會經常去一行六人叫左5個送黎到一定會食招牌既薯仔牛柳粒我地仲叫左拼盤 蒸鱔 豆苗 同埋炸九肚魚全部送都大大碟 即叫即整薯仔牛柳粒就好香 重點係d 薯仔 上面有層蜜糖包住 又香又甜蒸鱔出去食飯有得order 都會想叫因為屋企整要處理太煩 出黎食唔洗煩咁多九肚魚就送啤酒之選 熱辣辣既野食送埋啤酒就perfect 池大家幾個送 聚下舊 吹下水 好快就過左兩個鐘大排檔最開心就係可以大大聲傾計唔洗就住就住

突然好想食大排檔 約埋朋友去左呢間都幾出名既萬發。估唔到真係有驚喜，每樣菜式都好有水準😍黑椒薯仔牛柳粒我諗呢樣菜式應該每枱都必叫，薯仔外脆內軟，牛柳粒每一粒都好鬆軟，完全唔會有咬唔開嘅問題，薯仔同牛柳粒都沾滿甜甜嘅蜜糖，而家諗起都想再食🍯沙嗲金菇肥牛煲見呢排轉涼即刻叫返個煲撈飯食，呢個煲又係好出色，沙嗲香濃但係唔會過分咸，重點係有巨量粉絲，仲要係勁索汁，岩晒我呢啲粉絲愛好者！但金菇分量相對小啲。生炒骨生炒骨甜酸酸酸好開胃，外皮脆脆的，啲甜酸汁撈飯都不錯！菠蘿都好大粒🍍椒鹽鮮魷鮮魷新鮮，食落有彈性，又係好快清盤嘅一樣餸，配埋啤酒啱晒🍻

Intro: 深水埗嘅萬發算係好出名嘅大牌檔（有室內），就算係平日夜晚都坐無虛席，六點半黎到係最好嘅時間，每個餸雖然要百幾蚊，但每碟都大大碟，仲唔洗加一，加埋啤酒同埋一班朋友聚聚都唔錯～___________________🍽 黑椒薯仔牛柳粒💰 138 ⭐️8.5/10✍🏻 薯仔同牛柳粒都大大粒，份量各一半，整體份量都幾多；✍🏻 每粒薯仔同牛柳粒嘅表面都搽滿蜜糖，甜甜地都幾夾；✍🏻 牛柳粒嘅肉質比較實，硬左少少，但總算冇鬆肉粉嘅味；✍🏻 而炸薯仔係呢道菜嘅精髓，外皮脆得黎，內心幾軟仲好有薯味，蓋滿蜜糖甜甜地仲好食；🍽 栗子炆雞煲💰 118 ⭐️7.5/10✍🏻 每件雞件都好大舊，肉嘅比例極高，不過要小心食嘅時候會有骨；✍🏻 仲有好多半粒栗子，但整體上栗子味唔算突出，反而呢款煲嘅油膩度幾高；🍽 薑蔥魚腩煲💰 118 ⭐️8/10✍🏻 有幾大塊魚腩，每件魚腩/魚尾都有爆香嘅薑蔥味，炸完仲幾脆；✍🏻 每件魚腩都好厚肉，但夾起嘅時候會比突容易散左出黎，仲幾多骨；🍽 椒鹽鮮魷💰 118⭐️7.5/10✍🏻 份量都算多，每人都分享到幾條；✍🏻 每條鮮魷嘅表面都有少少炸粉，但椒鹽味唔重，不過魷魚唔大雪味。_

星期六7:30 去到門口有一行人。老闆娘話如果可以搭枱就直接入。 排隊嘅都係要獨立一張枱。我唔介意搭枱所以可以直接入餐廳。4個人 叫咗7個餸😂😂😂 黑椒薯仔牛柳粒呢個餸應該叫做黑椒蜜糖脆薯仔粒 加少少牛柳。 最欣賞係薯仔 食到最後 都仲係熱。唔似其他餸，擺一陣就凍哂。另外，海蜇雞絲 都好好食。 好香麻油味 好爽 好凍😍。不過雞絲得幾條， 起初我以為係叫咗麻油海蜇😂😂😂。最後，我覺得環境幾乾淨 無異味 唔焗 好光猛。 在場有好大部分都係後生仔😂

九江街嘅萬發有兩邊 正鋪對面馬路有鋪位隔離又有個鋪位都做到爆場不過安排入座都幾混亂員工安排錯咗坐位 又搭枱又唔搭咁老闆娘俾後面啲客追老闆娘係門口係咁對空氣爆粗插員工出口成文嘅程度聽到大男人都怕怕就係咁邊排隊邊聽佢插人插咗十分鐘滷水墨魚 無乜味道 一般料 不建議蜜餞㰖香一字骨薯仔炒牛柳粒 萬發名物 必點嘅一款薯仔輕輕炸過再炒薑蔥魚皮 又係必食 爽脆椒鹽九肚魚 一般 冷靜過後收錢時老闆娘又好好態度嘅…埋單人均食飽飽130走人係抵食

好耐冇食過大排檔，一直都好想食到呢到最出名嘅黑椒薯仔牛柳粒，今次終於有機會同朋友一嘗呢到嘅地道大排檔風味～風沙雞(半隻)💰HK$138雞皮炸到好脆好薄，肉質好鮮嫩，上面充滿椒鹽～薑蔥撈鮮魚皮💰HK$78第一次食鮮魚皮，本身以為個口感會滑潺潺，點知食落去個魚皮係出乎意料嘅爽脆，幾特，點埋辣椒豉油啲魚皮就更惹味～黑椒薯仔牛柳粒💰HK$138呢到必叫嘅名菜之一，牛柳粒煮到好淋，薯仔比牛柳粒更好食，外層炸到好脆之餘，又比啲滿滿嘅蜜糖包圍住，美中不足嘅係略嫌薯仔嘅中間煮到唔夠淋，不過整體嚟講，成碟餸好夠鑊氣嘅～

今次約左一班朋友聚餐，大排檔實屬一個好選擇，呢間萬發雖然有分店，但我都係覺得九江街呢間先最好食🤓我地一共叫左6個餸，必食既一定係佢地最出名既黑椒薯仔牛柳粒（$138），呢個餸最好食既地方我覺得係薯仔，佢炒到好脆，外面又有層蜜糖咁樣，真係整得超好食，當然佢既牛柳都係好味既，唔會好韌同炒得幾香😋😋第2個就係鹵水拼盆（$168），呢個就一般大排檔都會有，佢地都整得唔錯同埋份量都多，係一個幾好既選擇🤓第3樣就係魚香茄子煲（$98），黎食飯，梗係要嗌個撈飯既餸啦，佢整得好夠火喉，個煲滾住咁出，好味呀😍第4樣就係魚腐浸豆苗（$128），呢個係我地叫親都係熱氣野，梗係要叫番個菜扮下健康😂 我覺得都好食既，好少有魚腐+菜黎煮，幾特別👍🏻第5樣就係椒鹽鮮魷（$128），呢d鑊氣小炒一定叫架啦，不過我覺得呢個份量比較細左d，味道黎講就好食既👌🏻最後就係鹹菜炒什燴（$118），呢個真係幾有驚喜，鹹酸菜加埋豬雜又幾好食，大排檔真係你講得出既餸都煮到🤣呢間大排檔真係正，d餸好大碟，仲要整得好食，聚餐之選真係唔錯既選擇，唯一係要等位，不過早book或者6點就黎食就冇乜問題😛

萬發是一間深水埗老牌大牌檔，薯仔牛柳粒享負盛名。環境簡陋，有要求者就不要來這裡吃飯。最近一次食晚飯，每一道菜都很一般，有點失望。鹵水併盤，上枱時擺盤凌亂，一點也不吸引，吃下去也沒有甚麼味道。金沙海中蝦，外面一層香脆可口，但肉質不肥美。芝士西蘭花，芝士很淡，偷工減料嗎，使西蘭花也淡而無味。豉椒炒蜆，比較正常味道的一款餸。沙拉骨，個醬質地煮得很奇怪，太多太厚，可惜。瑤柱扒豆苗，這個料多又足，發揮得最好的一道菜。薯仔牛柳粒，薯仔很好味，牛柳粒也不錯。我相信萬發就算菜式失準，都依舊有一班忠實粉絲長期支持，但我會選擇去性價比高的大牌檔。

家陣真係得返唔係好多大排檔，呢幾次食既都係響深水埗。由於無一間就小一間，食到就食喇。朋友走得一個又一個。約埋食飯既時間又真係唔太多。今日七個人結果叫左13個餸，真係搓晒肚走。中菜真係無咩色水，唔係黃就係啡咁樣。顏色唔靚唔代表唔好食。仲食左好多屋企唔會整，出街又未必食得到既野。薑蔥霸王雞，d 肉好滑，好似啱啱浸熟咁樣。而且唔見有血水響骨度。薯仔牛柳粒，d 薯仔好甜呀！牛柳亦都好焾。唔洗叫飯可以凈食。不嬲唔係好食魚既我，見d 人咁鍾意食魚皮就去試下！好爽口，無腥味，唔講係魚都唔知係魚，點下豉油就已經好好味喇！豉油皇鵝腸，爽口，豉油味夠，加上有勁多既芽菜。爽加爽！薑蔥生蠔，筒蠔黎既，所以一人唔夠一隻！但就大大隻咁樣。再多d 蔥會好d 囉。煲類都係配菜最好食。豉油王煎蝦，脆就好脆喇。但就無味。無豉油味無咸味啫啫雞煲，呢個真係叫錯左，唔記得叫左成隻雞，應該凈叫啫啫豬膶，成煲得四塊豬膶，個個都想食，係自己失策。又浪費晒d 雞。北菇鵝掌，鵝掌爽呀，北菇夠厚。椒鹽鮮魷，可以再椒鹽d. 唔太油膩，好多肉，反而感覺唔夠魷魚鬚。鬼馬油條，估就估到係油炸鬼，但唔知佢夾咩野做餡。開估喇，係墨魚滑。配炸汁，甜甜酸

打電話book位已經食左成肚氣，打左5-6次，每次嘅對話都一樣🌚Me👧🏻:「唔該想book 位架，我地6位，下星⋯⋯」門面好惡個姐姐💀：「好忙呀！轉頭打黎啦！」之後第二日再打過去👧🏻：「下星期二6位7⋯」💀：「好忙呀！轉頭打黎啦！」 之後再打過去👧🏻：「下星⋯」💀：「等陣等陣！」 然後等左一分鐘，然後又比人cut線⋯⋯⋯我已經將句野精簡到一句，至少都比我講完先cut我線呀。少少尊重都冇⋯🌚 我從來唔講粗口嘅，但真係比呢位大姐激到講曬粗口🌚最後book左時間到去食，我早左去，終於見識到點解佢咁忙⋯門口圍住20個人，未齊人所以就唔入得，要企係門口等。啲人同佢講聲到左但未齊人，佢勁唔耐煩🌚未聽完就另咩面。 跟住又過對面馬路個舖位巡視下（但又唔係落單）又行番黎。有時電話響就係人地講到一半個陣cut人線😂😂😂😂跟住又逐個問企係門口嘅我地到齊未😂有人答多過一句佢就另轉身問第二個，再唔係就走去對面馬路巡視😂其實好似係佢自己扮到自己咁忙⋯⋯ 最後朋友遲大到，見佢咁狂燥我都廢事再麻煩佢😂自己搵過第二間食算數😂😂 無謂貼錢買難受😂

第一次留言，估唔到係差評叫左第一次菜，因為唔夠食想加菜，個個職員直接話下，又加菜，唔好加啦，你地食完走啦！真心第一次食飯會咁，重點現在實時1924分。下次不了，幾好食都無用

與家住青衣的朋友相約食飯，為了迎合各人的交通，小的從網路搜尋，專㨂西九龍一帶之地道美食。可是小的精挑細選，要過老伴之關卡卻是甚艱難：不熟識的地方不願去；沒有停車場的地方不想去，偏遠的區域更不會去⋯⋯還有就是小的所列的餐廳幾乎全部都不入流，特色小店沒有信心保證，還是連鎖集團靠得住。結果，當小的千辛萬苦地揀選了食店，老伴總會有他的另一主張，無奈地再次回歸大商場。經歷千百遍的勞而無功，這回終見突破，皇上居然應允微臣的懇求，來到深水埗長沙灣一帶品嚐大排檔的港式風味。深水埗有家名曰「小菜王」的大排檔頗具盛名，在朋友圈中有一位就好喜歡光顧。每逢聚會都會提出「小菜王」。然而吃完一趟又一趟，發現餐廳的出品愈來愈差，兼之性價比又不突出，於是小的決定發掘別家更出色的大排檔。「萬發海鮮菜館」在開飯的平台中有挺不錯的評分，但為何這個橫街窄巷的偏遠地部會不被剔除？皆因老伴的好同學好同事原來曾經推介過這家餐館，旁人說一聲立即如雷貫耳，小的真要非常多謝這位「好朋友」。拜五晚上來到「萬發海鮮菜館」，雖然餐廳位處一隅，門外卻仍堆著約干的人潮。幸好小的預先訂檯，沒有等多久便給率先安排入座。碩大的廳堂高朋滿座，三個人坐到靠

預先book位 但要人齊先入得用餐過程成間店員態度極差 無耐性大排檔明明比人坐低吹水慢慢食 竟然叫人食完讓張枱出黎🌚 招牌嘅薯仔牛柳粒好鹹 重味精已經冇當初咁好食 食完感覺勁熱氣 不過薯仔依然保持到水準 外脆內軟牛肉略嫌太大舊 椒鹽九肚魚👍仍然好有鑊氣 炸粉好透薄豉椒炒蜆👍 份量足夠 金銀蛋莧菜👍 食返啲蔬菜中和下魚香茄子煲👍 份量可以多小小已經唔會再有下次 都唔知係咪做爛市 態度真係差到扣晒分 ‼️🔸🔸🔸🔸🔸🔸🔸🔸🔸

中學同學相聚，諗唔到食咩好，最後近近地選擇左食屋企附近大排擋。七點左右去到，門口都是人龍，超過二十人。好彩朋友早到，等到差不多人齊丫姐先會俾枱入座。無話限時交枱。五個人共order 左六碟，先上鹵水拼盤。($好似一百六十左右)好睇唔好食，不推薦。果然大排檔唔好叫小炒以外👿另外仲叫左😼黑椒薯仔牛柳粒招牌的黑椒薯仔牛柳粒，切得大大粒，薯仔外皮焦脆，帶蜜糖香甜，比牛柳好吃。😼 椒鹽九肚金黃香脆，但有幼骨。怕嘅都係叫番鮮尤😼風沙雞半隻今晚最出色，外皮脆，雞肉都可以，唔柴😼時菜炒鮮尤鮮尤出色，鮮味。😼最後朋友嫌唔夠菜，再加左個時菜煲無咩特別，相都無影🤡另外叫左四支大啤。最後埋單一千，人頭二百蚊

今日同朋友約左黎ssp行西九龍同黃金 行完黃金之後已經七點幾諗住行過嚟食 都估到應該會有人排隊但我哋一心嚟食諗住就算有人都照排啦 點知排左20幾人係到🥲好啦 咁唯有晏啲再嚟 我哋去左西九龍行咗個轉 行完九點左右 過番黎已經唔使再排隊啦 yeahh 可以直入 但入邊依然有八成滿🥹嚟得呢度當然要嗌萬發嘅招牌菜黑椒薯仔牛柳粒🤪薯仔外面超脆內軟 每粒薯仔包滿晒醬汁 真係超肥但超好食😂😂啲牛柳粒都好食嘅有好重牛味既 😙但食呢個個主角一定係薯仔🥔去到最後其實已經好飽但都會食吓食吓又一粒🤭之後仲嗌咗個啫啫雞煲 啲雞肉同之前一樣勁滑勁嫩😆個醬又係勁啱送飯 不過今次對呢個就有啲失望啦 上次食呢個豬膶起碼有七至八塊 今次得兩塊 嚟到真係sad因為佢啲豬膶都好食㗎嘛🥲本身諗住嗌多個菜 但我哋驚食唔晒所以冇嗌 淨係叫多咗兩碗白飯 已經飽到飛起