萬家美食(馬來豬扒專門店)

營業中

休息中

無意中發現到萬家呢間小店 家庭式經營 幫襯過好多次 終於記得寫返個食評平時都比較少叫豬扒食 因為好怕豬扒整得唔好食 會有「蘇」 味但萬家既豬扒真係好好食 甜甜地好似燒汁咁 佢既撈公仔麵好正 加埋佢地啲薑蔥 雞翼好脆好食 屋企人就食佢5寶 每樣有啲 有雞翼 豬扒 蛋 腸仔同火腿 5寶會附上埋好似西餐個啲蒜蓉好食又抵食既小店真係愈來愈少了 真係要多多支持不過店舖比較細 有時見多客都要等陣 見多數人都會叫外賣走

踩單車搵到嘅小店 睇過食評 發覺都唔錯，就試吓 真係好味嗰塊豬扒 今次食豬扒米線，下次試吓豬扒撈公仔面 不過依度比較偏僻啲唔係咁容易搵到 可能上網睇清楚先過嚟 喺東港城行過嚟需要10分鐘

而家喺香港嘅小店真係少之又少 而用心經營又品質優良嘅小店就更加少🥹🥹萬家美食(馬來豬扒專門店)座落喺富寧花園商場地下 平時好少人會專登走過嚟食 所以主要都係經營街坊生意☺️ 而經常喺呢一帶出沒嘅我 一諗唔到食咩就會嚟😝 萬家平！靚！正！絕對係飯堂之選🥰今次我就食咗馬來豬扒蛋湯米線($40)🥰而家喺出面食餐晏仔都好貴 但喺呢到$40就有成大塊豬扒 仲有蛋同菜 真係窮人恩物🥹 豬扒嘅香味同平時喺出面食開嘅醃料味好唔一樣 好特別 而且肉質鮮嫩鬆軟 又好juicy 令人齒頰留香😋 題外話 貪靚嘅我喺減肥嘅時候就會食雞湯米線 因為仲可以免費轉菜底十分正😝而且老闆同店員服務態度非常好 充滿濃濃嘅人情味☺️

支持本地小店之📍坑口 萬家美食（馬來豬扒專門店）萬家美食係坑口富寧花園地下，係本地民生小店。間鋪頭好細入面啲位都唔多，最岩外賣或者一兩人去食。🌟馬來豬扒蛋飯💰44豬扒係萬家美食既招牌菜，豬扒好似成隻碟咁大，就算食晒都唔會覺得油膩，豬扒唔會過肥同油淋淋，蔥花好香再配流心蛋，好滿足🤩🤩🤩🌟蒜香排骨煲仔飯💰54不得不讚煲仔飯既飯蕉岩岩好唔會燶但係又脆卜卜，好怕食啲燶咗嘅飯蕉。排骨肉質好滑，肉既數都多，天氣凍煲仔飯好受歡迎。坑口既村民留意啦，逢星期三萬家美食休息，呢間鋪頭無論價錢同味道都頂呱呱，可惜位置小同細。要多多支持下呢啲本地小店。總結：經常去食。10分滿分）價錢：8/10味道：7/10環境：6/10 #hkfoodie #hkigers #hkig #hkblogger#chansfoodie#hkrestaurants#hongkong🇭🇰 #hongkongfood #hongkonglocalfood #hongkongtravel #hongkongfoodblogger #hongkongcafe #explore #explorehongkong #坑口美食 #將軍澳美食

最愛幫襯小店收藏左好幾年😂由於係屋邨裡面 同地鐵都有啲距離所以遲遲未有機會到訪咁岩要去附近整野🤪咁就⋯ 機會黎啦飛雲店內大約坐到十人 人太多可以坐外面店外擺放左啲摺檯都坐得😳簡陋少少啦但感覺係家庭式作業 人情味濃濃果隻👏🏻👏🏻🤭食物選擇貴精不貴多 極速揀左兩款招牌⍥ 馬來豬扒蛋飯首先成碟飯唔係太熱不過天氣熱熱地 我接受既豬扒比我手掌大 但比我手掌薄😂醃得好入味 咖哩味好重 偏甜偏油膩肉質稔得黎都需要咬下唔會得個稔字😗我幾buy呢個口感面頭煎蛋 仲有流心 加晒分飯比較濕一舊舊咁🤣但我又幾鍾意喎已稔上適量甜豉油 旁邊仲有邪惡既蔥油😮omg撈飯不得了囉！！成碟飯比我ko左不過我覺得蔥油鹹左少少🤏🏻整體表現唔錯 行過路過歡迎一試！⍥ 招牌沙薑雞飯沙薑雞唔太入味 幸好雞肉質地幾滑幾嫩皮下脂肪唔厚 雖然係咁 但我地都無食雞皮😌沙薑汁係無既 反而同樣淋上甜豉油及有一匙羹蔥油 史生唔覺得鹹 ok fine🤣🤷🏻‍♀️

Recommended by my family that there was a hidden small restaurant famous for its pork chop near their household. I decided to try after visiting them. Restaurant was in family style with very few seats. They also provide outdoor seats if weather is acceptable. Staff was friendly and passionate. We ordered two bowls of their pork chop fried egg vermicelli. Pork chop noodle was served in a big bowl with generous vermicelli! Pork chop was juicy and moist! Soft and easy to bite. Thoughtfully half cu

呢日嚟到富寧花園附近，朋友介紹左一間將軍澳街坊豬扒專門店，舖頭細細，大約有10個位，lunch都幾full。我叫咗一個招牌豬扒蛋米線，唔使5分鐘就上枱，但豬扒都係新鮮熱辣炸起，咬落稔滑juicy, 稍為多油。調味偏甜，亦有好香咖喱同其他香料嘅味，整體都幾好食。豬扒有成個碗咁大塊，如果可以碎上就更加好啦。雞蛋熟左少少，如果係燶邊太陽蛋就更加正😆 $35我覺得算幾抵食，見到佢其他飯餐都係$42左右，價錢合理，希望下次可以試吓。

今日一早就行衛奕信徑，睇吊鐘花，又行錯路，當然係冇食晏晝啦，返到屋企都成晚上七點。見到屋企樓下有一檔萬家美食（馬來豬扒專門店，便買外賣回家。（疫情關係禁晚市）。當然係柯打了一個馬來🐷豬扒蛋飯。果然係特色豬扒飯，豬扒又大件，又鬆軟同好juicy，一啲都唔鞋。隻雞蛋係流心蛋，醬油應該是自家製嘅，因為味到同出面唔同，好嘢味。我們還叫咗個生煎鹹魚肉餅飯。其實就冇乜鹹魚味，但係煎得好香口，鬆脆，唔鹹，係好味嘅。招牌沙薑雞飯，一般嘅沙薑雞囉，冇乜特別。整體嚟講，鋪頭細細，但係啲菜式都好味嘅。

高質煲仔飯煲仔飯唔罕見不過這家煲仔飯不顯眼但有質素即叫即整十五分鐘飯底剛剛好已經加入適量豉油飯焦just right唔燶最正係個蒜香排骨份量足、醃得好靚店主話完全無味精有肉入味真無得彈Edaciousness 8/10自家豆漿都好味濃香清甜

望落係好平凡嘅豬扒米粉同撈公仔麵但個豬扒一d都唔平凡，重點係個豬扒一d都唔乾，仲要好林，輕輕地咬已經咬得開。哪怕叫左豬扒米，個湯沖淡左豬扒表面嘅味道，但都食到有少少香料味（個湯真係好似清湯咁淡，不過，加嘛個豬扒唔會覺得淡味，始終豬扒都有調味）撈公仔麵就更加唔駛講，配搭埋個炸蒜同葱油真係好正🤩🤩 個名真無無改錯，忘不了。雖然小店位置真係偏僻，但有機會都會再返兜🤣值得專登黎一試😋不過要記住佢哋逢星期三休息，唔好白行一趟。

在富寧花園 的隱蔽一角 鋪頭位置 比較入 在便利店的另一側，如果 你係鐘意食 豬扒既愛好者 不能錯過， 豬扒夠入味 夠淋，塊豬扒 仲要吾細，叫左個豬扒蛋米線外賣今時今日抗疫價 $35 仲連野飲 真心抵食

去富寧花園探完朋友，本身都唔係太肚餓，但朋友介紹就入左去試試。入到去見個個都叫馬來豬排蛋飯，咁我都叫一個試下啦。睇得出係屋企生意，好有禮貌，好有人情味既感覺。出菜十分快。大家亦會一齊討論新聞台播緊既新聞，有獅子山精神。有d薑蓉係面，蛋係荷包流心蛋，主角豬排完全唔難咬，同埋好大塊，如果一個人真絕對夠飽。 塊排都係超超超大塊，味道方面有咖哩粉味亦有少少甜味，調味好準確，超級好食。唯一缺點是多油左少少。下次一定會再去。物超所值!

在fb將軍澳谷街坊推介下，去了這家小店試試。我和老公點了豬扒蛋飯和沙薑雞飯。先說豬扒蛋飯，豬扒正常鬆軟，也香口和入味，老公話係四十幾年人食到最好味嘅豬扒。😂😂😂而沙薑雞飯都超好味，隻雞入味又唔鞋口不在話下，我最欣賞嘅係啲飯淋咗啲雞汁(唔知道係咩，不過唔油的)，超香！其實我之前都試過煲仔飯，但係唔記得影相。煲仔飯又係超掂，係有飯焦嗰隻，不過就要等15-20分鐘，但係都值得嘅！試過之後，真係唔怪得知呢間食店喺將軍澳谷入面100%好評，真係可以無限encore~

鋪頭好細，只有幾張台仔，中午時間好多人會黎食就系鋪頭岀面放多2張台仔！良心小店 ，價錢親民，40蚊連埋飲品，又大碟，豬扒葉得好岀色好入味！加上豉油加姜茸，撈飯一流。會繼續支持小店！加油💪

喺Openrice寫嘅第171篇食評，終於試到成為一間餐廳嘅第一篇喇。其實呢間小店喺將軍澳嘅群祖間唔中都會有人提，每次都係讚讚讚。呢間小店位於富寧商場門外舖，門口細細，有個Led燈招牌。雖然舖仔細細，但食物出品唔錯，以豬扒最出名，價錢亦大眾化。馬來豬扒蛋飯，豬扒一啲都唔鞋，好香又有肉味，仲有荷包蛋加豉油飯。蒜香雞翼撈公仔麵，雞翼外脆内嫩，大量炸蒜舖喺麵上面，唔太鹹，唔錯。沙薑雞飯，雖然唔係胸位，但唔鞋，沙薑更提升味道。蒜香排骨煲仔飯，煲仔飯要等二十分鐘，排骨新鮮，飯有微微焦香味。香煎芙蓉蛋飯，蛋液加蔥花，火腿，蝦仁煎成，飯都係加豉油。生煎鹹魚蓉肉餅飯，鹹魚味唔夠，肉餅口感香脆肉質新鮮。