萬利小食店

營業中

休息中

其實不嬲我都有幫襯佢地, 因為佢地D腸粉真係好味道, 魚旦牛丸都好正, 兩個人食又飲埋野都唔駛50蚊. 但係講真一句, 其實佢地真係幾污糟架, 好似今日咁, 我地叫左兩碗車仔面, 我老公0個碗插住0個支匙羮, 有條好大0既菜蟲, 仲要係郁架, 嚇到我死.. 咁佢地即刻換過隻羮比我地啦, 但食食吓, 又到我0個碗發現有條頭髮, 可能因為條菜蟲, 我食0既時侯好小心, 咁就比我發現到條頭髮嘞, 雖然佢地都有換過一碗比我, 但我都己經冇心機食...其實佢地D食物0既味道真係唔錯架, 不過就真係應該乾淨D, 話哂都係食落肚嘛...

看了介紹去了試食, 味道不錯, 蘿蔔的確很甜又沒渣, 但除了蘿蔔有3件大大件, 其他$3.5一款餸只得2-3件細細件, 似乎太少不夠低食.

之前睇開大家都好評，又近近地咪幫襯過幾次，都幾好味，腸粉棉，墨魚丸份量足。最近兩次食真係差左...墨魚丸縮晒水，d腸粉同其他店既一樣。墨魚丸仲有d酸味...係咪多人食既野就會變質？都無下次lu！

d牛腩整得好夠味,d羅白好林,仲有值得一提既就係佢地果d沙嗲醬,真係好正,我平時會買幾蚊燒賣,之後就叫佢地+沙嗲醬.....超正ga....^^~

7.12(三)放工之後,拖住疲勞既身驅番屋企,一早已吩咐左屋企人幫我買外賣,一番到屋企就有得食呢碗美味既車仔面除左羅白,豆卜,豬腸,豬紅係必食item之前呢到既鳳爪都好好味~食完極度滿足!!!!!!開心曬~

今日夜晚突然好想食萬利既車仔面,就同細佬2個搭接駁巴去食我自己叫左牛腩,蘿蔔,魚肉豆卜,豬腸,生菜,米粉牛腩炆得好淋又入味不得不提呢到d蘿蔔真係勁甜,完全無渣,正得很魚肉豆卜係最match既組合豬腸清理得好乾淨,但剪得粹得仔,如果剪大舊d好咬口d加埋d沙嗲醬真係最強既車仔面組合食完一大碗面重想encore,不過已經好飽5送面+1罐雪梨茶都係$27

牛腩好味腸粉好正...但不明白下低個人兄會說好難吃...你影的相片是有心唱衰人家的店...有心把他撈亂.撈到一舊才影...我看你這樣手法來影影什麼食物都是難食難看..嘔心...天呀會有這樣的人...支持萬利的食客字!!!

5蚊4條腸粉剪到一岩一忽加埋好鞋的花生漿和瘀紅色的甜醬賣相和味道都中下食第一粒燒賣好似幾好味繼續食就好似有些坑渠味~我細佬呢間野好污糟ga wor~

今晚一個人食飯，轉個身，又去左萬利買車仔麵返屋企。食左咁多年，都係咁正。我成日同人講係坑渠水車仔面，因為佢個湯真係好濃，好鬼好味。要左鳳爪，豆卜，魚蛋同埋蘿蔔。豆卜唔係一個豆卜，入面會塞左D好似魚蛋的野，好鬼好味。蘿蔔就一向都清甜無渣，正！環境就一般，拎走就fit晒

萬利既車仔面真係非常之咁好味最愛佢既:翼尖:入味之餘又好淋,"算算"下咁,超滋味豬腸:冇怪味又軟硬適中豬紅:係真豬紅唔係雞紅來咖,又入味辣魚旦:呢度既細魚旦同第度唔同,勁好趙又有少少果皮味,而辣旦就有呢度既沙嗲醬味,正仲有鳳爪,牛腩,蘿白(當做就勁甜冇喳,不過唔當做都係少少喳啫),西生菜,白菜仔都好好味呢度食車仔面佢會問你要唔要辣,唔食得都記得要問佢落少少呀,因為真係好香,加上個湯有少少腩汁,簡直正~成日都會心絲絲想食,所以就算唔係住係大埔中心,都會同d friend突登行去食ps雖然果度地方都麻麻地乾淨,不過我就未試過食都小強同埋未試過肚痛囉.加埋野飲都唔洗25蚊

我覺得萬利既車仔麵係全大埔最好味既,唔知點形容出黎.. 真係真係好正..我成日都會去食lunch..3樣"食送"都係$14.5..仲有佢一串串果d牛丸都好正..d汁好好味

去完海濱公園綵燈會走回來時已經十分疲倦,途中看見此店,馬上來試一下這兒的朋友一致好評的腸粉.五元有四條腸粉,剪完之後份量居然不小,也許他們的腸粉是特長的緣故吧.拿上手感覺十分燙手,吃下去也是一樣.不過味道十分一般,有一股不太討好的味道.不過五元有這麼多的份量,還是挺划算的.

其實花果山d 燒賣同粉果真係好好味! 其他地方食唔到!

每次都會叫車仔麵食，因為真係好好味，特別係魚旦，試過好多間的車仔麵都係覺得呢間最好味。不過最唔好就係有人食煙。=.=

我介紹給我GF萬利D腸粉後、她次次行過都要買、仲次次都食＄10、我同她都好鐘意食、試過2個人食＄20添。加多Ｄ甜醬就最好、