華

營業中

休息中

年尾好多聚會呢晚朋友帶我嚟呢間隱世餐廳食高質京浙菜完全冇諗過M+樓上仲有餐廳未食嘢 淨係個view同設計都已經贏晒一上到去見到型格黑色、挑高嘅長走廊無敵嘅維港夜景盡在眼前每行一步都為佢獨特嘅設計讚歎📸🥰Staff好快就上前帶我哋入坐枱同枱之間都相隔一大段距離中間偶有幾棵唔同顏色嘅樹作分隔 增加咗私隱度 喺柔和嘅燈光同水墨畫嘅投射影像下大家都可以舒服地享受饗宴、暢所欲言餐枱旁亦望到海景 望住城市嘅車水馬龍 悠閑放鬆地品嚐美食 夫復何求😆前菜有鎮江肴肉、花雕醉雞同蜇頭黃瓜第一道就已經好驚艷👍🏻醉雞去咗骨 雞肉好嫩滑 花雕酒嘅份量剛剛好唔會蓋過雞肉本身嘅味道 食落又帶微微酒香肴肉晶瑩剔透 視覺大滿足😍食落去鮮香 肥而不膩 蛪頭同黃瓜 加咗芫荽同辣椒 好惹味好開胃😋松茸燉花膠湯 超級期待呢一道 燉盅有別於傳統 用上新潮嘅湖水藍色 好有質感剛燉好就上枱 一打開蓋香氣撲鼻 松茸味道好濃花膠超級大塊 加上松茸同肉片 非常足料睇得出花咗唔少時間去準備花膠厚身 食落去爽彈 好滋潤☺️湯底清甜可口 天氣凍飲到咁暖笠笠嘅湯好幸福❤️蔥燒海參 冇諗過係原條上份量咁多😂第一次用刀叉切開海參嚟食海參較粗身 食落去Q彈

聖誕節好多西餐廳都玩，我同老婆今年想試吓中菜fin dining,見到M+開咗間高級上海菜幾時去試吓。餐廳位於M+樓可以欣賞到維港景色餐廳裝修亦非常雅致，投射水墨畫影像，讓人放鬆的感覺。我同老婆叫咗佢哋嘅set menu,包含咗餐廳推薦的菜式。前菜就有海蜇頭醉雞及肴肉，配上陳醋增添香氣。湯品松茸燉花膠，松茸的香氣配上雞湯及花膠筒滋補養顏。葱燒海參非常大條配上濃郁的蔥燒汁，份外惹味。之後就上咗松子雞米鍋巴，蜜豆河蝦仁及金華火腿片菠菜，俾大家食完濃郁的海參後清新一下味蕾。主菜餐廳就選擇咗小籠包，小籠包多汁肉味香濃，皮薄餡靚。甜品方面，餐廳推薦拔絲蘋果，由於拔絲係用糖整出嚟用雙蘋果嘅酸味可以中和返焦糖嘅甜。非常推薦大家慶祝唔同節日上嚟嘗試吓上海菜fine dining,感受吓餐廳嘅氣氛。

中國人的節慶少不了新年前的冬至，俗語有話冬至大過年，之前聽朋友說M+開了一家吃上海菜的餐廳, 環境幾好,我跟屋企人提議在這兒吃冬至晚飯，最後來到了餐廳，有點隱秘難找，原來他是近戲院附近，有一部電梯可以直接上來。一上到餐廳真的有點不像餐廳，裝修挺特別，望到出面海景，裡面環境昏暗，完全不像中餐廳的格局, 我叫了些上海菜式, 小籠包就普普通通, 但是來到吃上海菜也一定吃吧, 今晚的晚餐我會推薦蘿蔔絲酥餅, 醉雞, 雪菜肉絲炒年糕, 甜品我們也叫了拔絲香蕉,也是來個冬至結尾的儀式感吧

🩵💛💙用五官體驗M+藝術🫖今年嘅聖誕節去咗唔少未去過嘅地方，今次係Hatty第一次去M+，除咗有視覺上嘅享受🤭仲順便去飲茶！不過依度就特別啲，望住個海，食東方之珠午餐真係好chill！🌅❣️東方之珠午市套餐❣️ $588/位套餐由頭盤到甜品都有，每道菜式擺盤都好靚靚，當然食物質素都好高啦！💚冷菜💚 精選三小碟有手拍青瓜🥒、鎮江肴肉、花雕醉雞，三款都係比較經典😌可以打開味蕾嘅冷菜！鎮江肴肉嘅果凍質地，真係好易令人食上癮😆🧡湯羹🧡 海參酸辣湯酸辣湯非常開胃，酸酸辣辣嘅味道拿捏得剛剛好！🥣酸辣湯內容物都好豐富，當然仲有我最愛嘅海參！😛🩷主食🩷乾燒蝦球蝦肉大大隻，啖啖肉！呢個醬汁嘅味道係酸甜好滋味🦐外婆紅燒肉佢嘅味道有啲似糖醋肉，醬汁滲入肉內，但豬肉嘅香味唔會比醬汁掩蓋住，肥瘦得宜🐽鹹肉菜飯採用幼身長形嘅白米，食嘅時候口感豐富，鹹鹹香香嘅肉粒同埋菜飯一齊食，味道更加豐富🍚🤍點心🤍小籠包小籠包真係依度食嘅點心，幾乎每一枱都會嗌小籠包，連套餐都有小籠包呢道點心就知道係有幾咁推薦啦！🥢皮薄餡靚，內餡爆汁好juicy，沾上少少醋別有風味！🤭💛甜點💛酒釀小圓子酒味唔會太強烈，入口溫和仲帶有桂花香🌼小圓子有糯

今日Boxing Day 又適逢維港放煙花，所以同媽咪去M+吃晚飯，選擇了位於16樓的中菜餐廳「華」「CVIEW」。餐廳的入口已經好靚好吸睛。餐廳內部裝修好靚好優雅，很有庭園的感覺。我們選擇了套餐，因為可以嘗試多幾款菜式。精選三小碟：蜇頭黃瓜，海蜇頭超爽口，黃瓜超入味；花雕醉雞：醉雞肉質嫩滑，散發微微的酒香；鎮江肴肉：肴肉加點鎮江醋，很惹味。松茸燉花膠：松茸的香氣，花膠的滑嫩口感，用料十足的燉湯，在這凍冰冰的天氣享用，實在令到整個人都暖笠笠。蔥燒海參：大大條的海參，口感很有彈性，醬汁很入味，配上清爽的蘆筍，令到整到菜更有層次。蜜豆河蝦仁：蜜豆很清甜，蝦仁新鮮爽口。松子雞米鮑粒鍋巴：鍋巴香口脆卜卜，配松子雞粒鮑粒，味道口感很豐富。腿片扒菜苗：綠油油的菜苗，加上一小片鹹火腿片，就已經很足夠，好味。小籠包：小籠包爆汁，有肉香味就足夠啦。拔絲蘋果：蘋果甜甜又軟腍腍，為整頓晚餐畫上完美的句號。

今晚約咗老婆去M+頂樓16樓嘅CVIEW中菜餐廳食飯呢度成個格局都好高級，兩邊座位都可以望到海景，成個維港一覽無遺，都真係好極致嘅享受我哋點咗佢哋嘅晚市套餐（$880一位（另收茶芥$30） ）茶我哋就叫咗鐵觀音，茶本身疏淡清香，加上侍應好貼心咁不停加水，喺咁寒冷嘅天氣下有啖熱茶飲十分舒服首先有「前菜三味」：花雕醉雞、鎮江肴肉、蜇頭黃瓜，醉雞肉質鮮嫩均稱，酒味唔算濃，可以食到多啲雞嘅鮮香；黃瓜幾有驚喜，本身黃瓜同海蜇都好爽脆彈牙，加上酸香嘅調味都幾好食；鎮江肉可以加上香醋，肥瘦適中，帶有陣陣鹹香跟住係湯品：「松茸燉花膠」花膠好厚，富含膠質，而成個湯都幾足料，松茸味都出，可以暖肚，又有營養接下來有四款主菜，第一款係「腿片扒菜苗」有一片鹹味極足嘅金華火腿，撈埋菠菜苗嚟食味道剛好，而菠菜苗用咗雞上湯嚟煮更有鮮味第二款係「松子雞米鍋巴」個人都幾鍾意食呢款，雞有松子香，調味都重，仲有鮑魚粒而鍋巴就十分脆口，個配搭好正第三款係「蔥燒海參」五⭐推介，佢有一大條優質海參，中式炆法，炆得好入味，加咗蔥絲更能提升香味；伴碟的蘆筍都做到外脆內軟口感，十分出色第四款係「蜜豆河蝦仁」 手捏青豆配上蜜汁，味道甘甜；

為咗慶祝重要的周年紀念日，當然要揀一間好嘅餐廳，但是日本菜食得多，今次試吓高級中菜。M+博物館的中菜餐廳環境清幽，服務又好，真的是個好選擇。餐廳樓底高，枱同枱之間又有一定的距離，私隱到十足，適合慶祝特別日子。因為我哋樣樣都想試吓，所以叫咗套餐。前菜10分精美而不肥膩，擺盤一流，很適合作為開胃的第一道菜。花膠湯熱辣辣又滋補最適合冬天， 10分足料，花膠10分大塊，又有雞肉又有松茸。原條海參10分矜貴，餐廳整得非常之入味，令到每切一舊海參都掛汁，彈牙肥厚。河蝦蜜豆，配上黑醋汁，十分之鮮甜，完美配搭。必要試這個鍋巴，脆卜卜，又不會覺得熱氣，入面肉碎仲有西芹，清新爽口。菜苗每人一小碟，配上火腿，令到菠菜昇華，而且10分熱辣辣。小籠包皮薄餡靚，又會等齊兩個人食完先上菜，所以很像法國餐一樣。有驚喜的拔絲蘋果，外面脆脆的焦糖，入面蘋果10分香甜。

最近有朋友介紹位於西九文化區M+有間新開的中菜，環境不錯，不過好似無咩人幫襯，好擔心佢好快做唔住咁話。於是乎就搵老友同我試試。餐廳中文名單字一個華字，英文名都係一個字 CVIEW。 由於餐廳位於16樓，夜晚景觀果然一流！不過呢一晚嚟幫襯就有好多人，除了面向海的單邊位，每檯都有客人。我們也隨意點了一些菜式。 醉雞食得多，今次試下花雕醉乳鴿。水準之作！味道好，肉質也很鮮嫩。 小籠包是必食吧。水準不過不失啦。 雪菜蝦仁滑豆腐好好味！豆腐很嫩滑，口感很清爽。 京蔥扒大鴨，芡汁的味道超正！鴨肉又鬆軟。 雪菜肉絲炒年糕，每種材料食味配搭得非常得宜。好食！大家呢晚都食得暢快，下次要再來試一試其他菜式。

係M+影完相見到新餐廳就上去試下頂樓個景好靚，餐廳設計都幾雅致聽講係大師設計😊😊啲嘢食幾好食，生煎包小籠包一直都係自己大愛😋拔絲香蕉係出色嘅甜豆蝦仁同油淋雞都唔錯，可以一試