華

營業中

休息中

CVIEW is a newly opened Chinese restaurant located on the 16th floor of the landmark M+ in West Kowloon. The prime location offers a panoramic view of the Victoria Harbour.  It also features a stunning interior design that made use of Chinese screens, Chinese landscape features and sleek lines to echo with the skyline of HK while showcasing traditional Chinese culture.CVIEW specializes in traditional Jiangsu and Zhejiang cuisine, making use of different seasonal ingredients.  We tried the follow

兩年前同老公喺M+影Pre-wedding 好喜歡呢到充滿藝術文化氣息今次慶祝結婚兩週年 專登嚟返M+嘅餐廳慶祝☺️CVIEW 主打江浙中菜，坐擁維港海景，景色優美。餐廳展現出中國庭園景觀，更有一系列樹木代表四季嘅轉換，相當有意思！餐廳菜式選擇眾多，侍應為我地悉心推介菜式，服務既貼心👍前菜：花雕醉雞、黃瓜、鎮江肴肉醉雞鮮嫩，酒味濃香，肴肉味道清爽，味感有多種層次海參酸辣湯：係近期飲過最好飲嘅酸辣湯，酸度適中再帶微辣，口感穠稠滑順，加入海參更添矜貴。外婆紅燒肉肥瘦相間嘅五花肉，香滑軟腍，每啖都食得好滋味，配上上海菜飯減低油膩感👍干燒明蝦球蝦肉爽彈，醬汁酸甜惹味，好開胃！小籠包每隻外皮都夠薄，餡料肉鮮多汁甜品 酒釀小丸子：味道清甜帶酒香，小丸子口感軟糯

呢間江浙菜隱藏係西九文化區，夜晚嘅西九別有一番恬靜，行到入餐廳個份禪意都令人個心更加平靜🧘🏻‍♀️ 鎮江肴肉 ($98) 絕對係今餐飯嘅MVP，淨係擺盤已經好吸引😍 肴肉肥而不膩，而且食落幾香，加埋鹵凍同鎮江醋就啱晒🤙🏻 四喜烤麩 ($98)嘅調味都唔會太鹹，烤麩索晒醬油嘅精華，亦都唔會好油，仲有啲冬菇、木耳，整體都唔錯🤪砂鍋雲吞雞 ($328/半份) 無諗過半份上枱係咁大份😳 原個砂鍋上枱後，店員會幫手拆骨再分入一個個碗到，食起嚟都好方便✨ 雲吞皮好滑，咬落去餡料頗香，雞肉亦都唔會好乾柴，雞湯都好清甜，飲落暖笠笠🥰 原煲鹹肉菜飯 ($238) 熱辣辣，上枱仲係滋滋聲，聽到都流晒口水🤤 火腿鹹香十足，但整體比較油膩～總括嚟講，呢一間中菜都幾精緻，而且環境望住海景，一邊用餐一邊有種終於可以放鬆落嚟嘅感覺💆🏻‍♀️

【望海景中菜廳·飲茶食上海菜🥄🤤】/////西九龍文化區位置開揚 位於海邊嘅M+博物館16/F有間中菜廳 門口裝修高貴華麗🪟用餐時間可以望住海景食小菜 so chill!!🤩.✨沙鍋雲吞雞 (半隻) ($328)好欣賞個雞湯清甜冇味精🤭雲吞彈牙 肉味香濃 半隻雞份量都適合2-3人享用～.✨脆皮素鵝 ($98)腐皮呈金黃色 口感香脆 包住冬菇素鵝等材料 再點醬汁 酸甜有咬口😬.✨小籠包 ($98)皮薄餡靚 裏面有豬肉餡 滿滿湯汁👀.✨上海回鍋肉 ($238)回鍋肉切得薄身滑嫩 口感唔會太油膩👍🏻.✨上海津白炒年糕 ($238)年糕過於實淨 煙韌口感會更佳 配搭肉絲 小棠菜 配料都幾豐富(˶‾᷄ ⁻̫ ‾᷅˵).✨棗泥鍋餅 ($88)鍋餅煎得香口惹味 夾住微甜嘅棗泥 飯後甜品之選😌———-📍華 (尖沙咀)尖沙咀西九龍文化區博物館道38號M+16樓

M+充滿文藝氣息，原來16樓有間高質江浙菜，都好有藝術氣氛！餐廳以黑色為主，配以中式庭院，非常有格調，超級靚🥰 如果兩個人想靜靜地又想看海景，可以坐另外一邊窗邊位置🌅雞絲粉皮口感爽滑棉稠，配青瓜絲食用更清新砂鍋雲吞雞雞湯鮮甜濃郁，喝了兩碗🥹雲吞也很新鮮松子桂花魚廚師刀工和技術都好利害，將桂花魚片成小薄片片，再炸至一片片豎起，每片百合大小，每次食松子魚都會覺得醋味有點酸，而這個糖醋汁甜酸度混然天成，精緻又美味😋 沒有配白飯之下我一個人吃了半條魚鹹肉扒津白清甜津白配上鹹肉的鹹香，這個配搭很好拔絲香蕉雪山一樣的拔絲賣相吸引，脆皮焦糖包裹着香蕉，外脆內軟

今日係我第一次去M+，不過我唔係去睇展覧，而係去左位於十六樓既Cview。入面裝潢充滿中國文化氣息，氣派非凡，而且擺滿唔同大小既花草樹木。另外落地玻璃加上昏暗燈光，整體環境同格調幾適合二人燭光晚餐，中菜既燭光晚餐非常特別。餐廳另外有一列窗邊座位，容人可以一邊欣賞西九維港海景一邊享受美食🤩- 精選三小碟首先前菜有三款，包括花雕醉雞、鎭江肴肉同蜇頭青瓜。每款前菜各有特色，其中鎭江肴肉最令我印象深刻。蹄肉紅潤鮮嫩、鹹鮮有致，上湯豬皮膠晶螢剔透，口感獨特，而且可以中和蹄肉既油膩感👍🏻- 松茸燉花膠味道非常清甜，而且好足料，花膠非常大塊😍- 蜜豆河蝦仁蜜豆爽脆清甜，配上蝦仁更加突出蝦仁既鮮甜，每一啖都好滿足🥰- 蔥燒海參咁大個仔第一次食到原條海參，口感爽口。本身海參無咩味道，蔥燒醬汁同海參超夾，味道出色。- 松子雞米鍋巴賣相非常精緻，出面既鍋巴非常香脆，松子雞整到非常好似花生咁細粒，另外仲有松子，口感勁豐富，我一個人可以食曬兩件🤣- 腿片扒菜苗金華火腿鹹香十足，下面既草苗好嫩，不過賣相同味道無上面幾道菜咁驚豔🤔- 小籠包小籠包皮薄餡靚，入面非常多汁，外皮同時幾煙韌唔會一夾就爛👍🏻- 拔絲蘋果拔絲

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯今次佢嘅餐廳位於西九龍文化區，其實都係一個充滿藝術嘅地方，餐廳一入去就已經充滿藝術氣息，氣氛環境都感到讚嘆，除咗喺兩邊都有無敵海景，餐廳以一種深黑色加上園藝風格同音樂營造出獨特嘅環境，令我印象深刻，餐廳亦主打浙江、江蘇、上海菜等.腌篤鮮上海名菜之一，喺香港其實真係比較少地方有得食，主要食材有筍，醃肉，百頁等，全部嘢加埋一齊喺乳白色充滿鹹香味生煎包食落入邊多汁鮮嫩，充滿肉汁外皮煎到香脆，依家回想起亦非常回味 樟茶鴨外皮非常之香脆，肉質比較乾爽未食已經聞到好濃烈好香既煙燻味味道相當之吸引而且有唔配搭佢哋嘅饅頭食用東坡肉肥而不膩，肥肉嘅部份軟熟彈牙瘦肉嘅部份亦都腌製入味味道恰到好處拔絲香蕉造型吸睛，拔絲甜蜜可口又脆香蕉外脆內嫩，真係食完又想食個人感受:真係想俾多啲人知道呢間餐廳服務非常之好，而且環境特別舒服食物嘅價錢亦都非常之合理呀！非常值得去嘅一間餐廳！如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯華 (尖沙咀)尖沙咀西九龍文化區博物館道38號M

西九M+一向都係文青嘅聚居地，為咗更加貼近文青嘅style，我決定去吸收下文化氣息，為自己培養多啲氣質。今次就到訪M+16樓「CView」，餐廳入邊除咗夜景吸引我之外，另一個亮眼點就係有中式嘅園林設計，令人置身於中式庭園一樣。花雕醉雞 $168淡黃色又有光澤嘅雞身，連雞皮一樣都係咁嫩滑，食落仲有濃郁嘅酒香味。糖醋蝦球 $298炸皮厚度恰到好處，糖醋汁亦都唔會蓋過蝦球嘅鮮味，蝦身夠彈牙餸飯一流。雪菜毛豆百葉 $208呢個菜式我都係第一次試，原來係上海嘅家常小菜。百葉軟身又有彈性，味道有少少酒香，帶出毛豆天然嘅甜味。拔絲香蕉 $158一餐最期待嘅當然係甜品，金色嘅拔絲令到成個甜品更加立體，另外香蕉軟身又有甜味，做甜品真係一流。

經常到西九文化區逛逛，想不到M+裡頭卧虎藏龍😌這天晚上到訪這家高級中菜，氣派非凡。從門面到用餐位置，都感受到這間榮獲VOUGE「最佳餐廳室內設計」的厲害！神秘、典雅，但不壓迫。室內加入展現四季之分的樹木擺設🌳同時對望維港景色，大自然與現代化相得益彰。餐廳以蘇浙江滬菜作主，前菜不乏「花雕醉雞」，酒香味慢慢散發，雞肉嫩滑，先拔頭籌👏🏼接着來碗熱辣辣的「沙鍋雲吞雞」，半隻雞份量二人分吃剛好，雲吞飽滿入味，湯底鮮味滿溢而不油膩🍲 江滬菜名物「松子桂花魚」，外表架勢，味道也拍得上🫡外脆內嫩，酸甜開胃。最後一道「拔絲蘋果」，巧手製作，甜、脆皆奉，為精緻的晚餐劃上完美句號🥰

今晚同老婆二人去了M+博物館 16/F一間叫cview的中菜，同個名一樣，睇景景觀非要正，內在環境裝修富有藝術氣氛、燈光柔和，感覺良好☺️頭盤有蜇頭黃瓜、鎮江肴肉、花雕醉雞。海蜇夠惹味配合黃瓜夠爽👍🏻，醉雞如果再重多少少花雕就更好。松茸燉花膠：上枱好夠熱，個湯好香，最誇張係花膠極之大塊🤣，口感好豐富🫰🏻。蔥燒海參：都係大條😆，切落好淋，但咬落又有爽口的感覺，真係幾正👍🏻。松子雞米鮑粒鍋巴：夠精緻，餡料都幾豐富，而且賣相得睇，幾好。蜜豆河蝦仁：粒粒蝦仁都晶凝，咬口爽。甜品是拔絲蘋果，賣相好靚，又到相機食先😆。整體真係好滿足，食得好開心🫰🏻🫰🏻🫰🏻

華🥢 @cview.hk位於M+ 的中菜廳以傳統淮揚和江浙菜式為基準設計獨特、環境幽靜是聚餐好地方於餐廳內更可飽覽維港兩岸美景🎆菜式款款精緻～尤如藝術品一樣🎨🥢前菜跟有蝦米花生、涼菜等開胃小食🥢砂鍋雲吞雞/半隻🐓雞湯飲落清甜～配上啖啖肉雲吞～好滿足🥢大煮干絲口感層次豐富以原粒蝦仁、瑤柱絲、手切豆皮絲、小棠菜製成🥢原煲鹹肉菜飯入口帶淡淡油香菜飯煮到粒粒分明配以肥瘦均勻鹹肉🥢拔絲香蕉外層鋪滿香糖漿～入口外脆內軟絕對係一道考功夫的獨特甜品📍尖沙咀西九龍文化區博物館道38號M+16樓

坐落西九M＋Museum 16樓原來有間咁別緻嘅中餐館～坐擁維港海景位🌊主打傳統蘇浙滬菜大廳室內設計十足十去咗個園林🌳仲獲得Vogue Living Design Awards 2023 評選「最佳餐廳室內設計獎項」大大小小的綠色植物好舒服幾適合三四個朋友聚餐情侶拍拖但又唔想成日食西餐咁單調如果有啲一兩圍聚會又可以自成一角～～～♡今次order 的主要是傳統上海菜☺️.宋嫂魚羹 128/位去骨後的魚肉夠滑溜配埋冬菇絲、金華火腿、筍、木魚加入上湯煮成酸酸甜甜先開開胃.紅燒肉 $238層層分明紅燒肉滲哂醬汁.椒鹽小黃魚 $198 兩條脆炸煮法聽落容易其實做得好都幾考功夫炸到魚皮變金黃色魚肉結實鮮美～鮮而不腥.弄堂蝦肉小雲吞 $108津白肉絲疙瘩 $98兩者都係上海家常菜👍🏼 特別鍾意小雲吞！一口一粒充滿蝦肉嘅鮮味另外津白肉絲湯底濃郁清甜飲落順口舒服.泥棗鍋餅 $88呢個非常之有驚喜！有別於一般用紅豆蓉呢個食落有紅棗糕嘅感覺～養顏滋潤之餘面層窩餅酥脆超級滿足食完呢餐有格調既上海菜.茶介 $30/位可選鐵觀音、龍井、香片、壽眉、普洱、菊花我哋揀咗菊花佢哋仲有其他酒品可以襯中菜wine pairi

原來M+博物館樓上有一間精緻中菜館，一邊的雙人位正正面對維港海景，唔一定係西餐先夠氣氛，燭光中菜亦都充滿情調。餐廳另一邊則放置巨型松樹，配上水墨投影裝置。餐廳以上海菜為中心，以新㯋的方式呈上。Tasting menu dinner $880⭐️前菜三小碟（花雕醉雞、鎮江肴肉、蜇頭黃瓜）肴肉中的肉粒粒粒分明，同時入口即化，啫喱部份充滿湯汁，在口中融化，非常入味！青瓜只用了瓜肉的部份，卻格外爽脆，難得辣椒油只嘗到香而不會辣⭐️松茸燉花膠⭐️松子雞米飽粒鍋巴無諗過雞肉可以咁軟嫩，跟鮑魚口感一致，香而不鹹，米鍋巴則脆而不硬⭐️蔥燒海參⭐️蜜豆河蝦仁蜜豆粒粒爽脆清甜，河蝦仁特別鮮甜軟淋⭐️腿片扒菜苗⭐️小籠包跟其他餐廳小籠包不同，外皮特別煙靭！⭐️拔絲蘋果除咗外觀上非常給睛，蘋果外圍給焦糖包裹住，將玻璃般的冰糖外皮咬開後，蘋果暖暖清甜，可以明顯品嚐到兩種甜味

放假去咗西九文化區吸收吓藝術氣息。行到攰睇埋日落去咗M+ 16樓 Cview 食晚飯。餐廳充滿藝術設計，仲有一排海景座位，可以對住維港進餐。晚餐tasting menu one啲菜式好吸引決定叫呢個餐食。開咗壺菊花茶飲吓先。好快已經有得食前菜精選三小碟鎮江肴肉，晶瑩肉嫩花雕醉雞，雞肉好滑溜食落啖啖肉。紅蜇頭青瓜，爽口酸酸地好開胃。松茸燉花膠湯滋補燉湯夠哂火候湯味鮮，足料花膠好大塊。好正。蜜豆河蝦仁加少少醋食仲帶出河蝦既鮮味。滿滿既河蝦同蜜豆一匙匙放入口真係好滿足。蔥燒海參嘩海參好大條成隻手掌咁長。海參稔得嚟又爽口配埋啲乾蔥食好惹味。松子雞米鍋巴米鍋巴脆卜卜包住松子同雞粒。香脆美味。腿片扒菜苗咸咸地既腿片配上鮮嫩既菠菜苗。小籠包熱辣辣，肉汁滿滿，要小心進食好易爆汁。點少少醋鮮味十足。拔絲蘋果蘋果鮮甜爽脆，配上拔絲甜度適中。

「CVIEW」係一間以中國精緻美食為主題嘅餐廳，環境高雅，裝潢精美，彷彿置身於一個時尚典雅的宮殿。佢嘅菜單充滿著精心挑選嘅中國菜式，每一道菜都充滿著創意同味道豐富。我叫咗東方之珠午市套餐，每一個細節都令我驚艷！🥢🍲🍤🍖🍚🥟🍮精選三小碟，每一款都經過精心製作。菜品鮮嫩多汁，味道鮮美，每一款都令人回味無窮。海參酸辣湯，酸辣可口，湯底濃郁，入口即化的海參令湯更加豐富濃郁。湯羹的味道平衡，令人胃口大開。乾燒蝦球蝦肉鮮嫩多汁，燒得香口，每一口都帶來滿滿的蝦香。外婆紅燒肉肉質鮮嫩，滋味濃郁，紅燒得剛剛好，肥瘦相間，入口即化。鹹肉菜飯，米飯香濃，配上鹹肉的鮮美滋味，令人回味無窮。點心部分有小籠包，小籠包的皮薄餡多，湯汁鮮美，一口咬下去，鮮肉汁香氣四溢，令人回味無窮。最後，甜點部分有酒釀小圓子和豌豆黃。酒釀小圓子甜度適中，口感綿密，酒釀的香氣令人喜愛。豌豆黃軟綿滑爽口，甜度剛好，是一款完美的結尾。「CVIEW」的菜式不僅味道精緻，而且每一道菜的擺盤都美不勝收，每一口都是一種享受。如果你想品嚐精緻中國菜，「CVIEW」絕對係一個值得推薦嘅餐廳！🥢🍲🍤🍖🍚🥟🍮