華記潮州滷水車仔麵

營業中

休息中

過開黎西環，朋友話不如去華記，華記個名之前上網睇短視頻時，有阿bob同明星推介過，但西環呢間都係第１次食。店內坐滿人，我響門外企左一陣，店員好快安排我地入座。店內乾淨企理，店員食客響條長形走廊來來往往，好熱鬧。經過手機落單後，車仔麵好快就送到，真的好大一碗呀。三餸車仔麵 HKD 52牛筋同豬手夠腍又入味，入口即化，好似食緊骨膠原咁。豬潤灼得剛剛好，好爽，老火蘿蔔大大件咬落口都好多汁，好有口感。太陽餅（HKD$43）係華記必食推介，見到好多檯都有點，佢用新鮮蝦膠，即叫即整，上到檯熱辣辣，外表金黃酥脆，咬入有墨魚粒，同睇到原隻蝦仁，配埋佢泰式辣醬，好惹味。另一款小食推介，就係佢地既新鮮魷魚鬚(HKD$50)喇，平時已經好鍾意食魷魚鬚，不過食炸居多，今次呢個滷水汁整嘅，加少少辣汁，另有一番風味。華記嘅份量好足，性價比高，抵食。華記潮州滷水車仔麵📍西環西營盤正街40號地舖

住喺附近，成日見到好多人排隊，今日終於都可以試到滷水車仔麵，又真係幾特別，仲有滷水牛雜麵同埋滷水豬雜麵，有辣有唔辣，好多選擇呀！滷水豬雜麵好特別啊，一上枱好大碗啊，上面鋪滿芫荽，好少見車仔麵有豬仔麵食，好多餸啊，有豬膶豬耳等等，我嗌咗小辣，夠晒嘢味，啲湯又幾好飲喎，，如果鍾意食豬嘅朋友一定唔好錯過！三餸車仔麵叫佐，冬菇豬皮鮮魷魚，豬皮入晒味又夠腍，最窩心嘅就係啲面可以揀淋麵或者硬面，又可以走蔥仲有辣汁腩汁等等好多選擇！煎釀三寶最鍾意街頭小食，可以坐低慢慢舒舒服服食！太陽餅煎太陽餅，個名咁特別原來係炸蝦餅，好食呀，炸到外面脆卜卜入面又有蝦肉😆

my吃貨梓幸👧🏻 去左學野就系麻Mi我安靜時間😂其實系被驅趕💨難得系西環梗係食最好味既潮州車仔麵啦😋芫茜控的我表示很高興🌟🌟成座山的芫茜3️⃣餸車仔麵🍲豬粉腸🐖蘿蔔🥕牛筋油麵底～再配上潮式辣椒油🌶🌶🌶香濃好味🌟新鮮魷魚🦑加上獨特香辣醬汁～魷魚即叫即灼～爽口彈牙👍🏻🌟招牌太陽餅☀️煎得勁金黃超香脆既蝦餅🦐咬開啖啖蝦肉～仲夾雜住原粒蝦蝦🦐🦐點埋泰式酸甜醬👍🏻夠野味

星期天與家人去了西環，走進華記潮州滷水車仔麵食晚餐，我覺得好好味，而且份量大，捧住個肚離開！無論您喜歡牛雜的濃郁滋味，還是喜歡多樣選擇的車仔麵，這裡絕對能滿足您。 這裡的牛雜麵淋上特製的鮮美滷水汁，配上我的至愛，嫩滑的牛肚和牛蒡，味道濃郁鮮美，讓人回味無窮。太太則選擇了三餸車仔麵，豬紅、蘿蔔和雞中翼搭配在一起。特別推薦他們的重口味推薦汁湯底，濃郁的湯汁讓整碗麵更加美味可口，讓您一口接一口停不下來。 此外，新鮮的魷魚鬚和太陽餅也是必吃之選，帶來獨特的口感和風味。 無論是一個人前來享用，還是和家人朋友一起來品嚐，華記潮州滷水車仔麵都能滿足您的胃口！ #華記潮州滷水車仔麵#西環西營盤正街40號地舖

西區車仔麵店越來越少，華記潮式車仔麵算近來比較好食的。店鋪乾淨，手機落單，咁想諗咁多要了兩碗最簡單的。✨🥢牛雜河粉：樣樣都有啲，而且大大件唔係斬到碎濕濕👍🏻，牛肺軟糯，係大腸比較肥，其他唔錯入味。✨🥢豬什粗麵：湯底我要滷水汁加腩汁咁有滷水味&腩汁味，正👍🏻！豬什洗得乾淨沒味道，乜都有一兩件，唔錯，唔使諗咁多，樣樣試齊😋

前幾日公司同事喺外賣平台見到先知原來之前「香港車仔麵關注組」都有力推過嘅太子長龍華記潮州滷水車仔麵依家係西環都開咗分店啦！即刻要去朝聖一下~我哋今次揀咗比較少見嘅豬雜麵，入面勁多料包括有豬大腸，豬粉腸，豬脷、豬橫脷，豬耳，豬肚，豬心，豬皮，豬腩肉，豬頭肉。各種嘅豬各有唔同滋味，真真正正嘅大堆頭！豬全部都係豬~🐖🐽🐷豬雜處理得夠乾淨無異味記得要加一蚊加埋佢座芫荽山~視覺效果十分震撼！😳😳😳 （好辛苦撥開曬先睇得到各款唔同嘅雜🤣）濃郁嘅滷水湯底甘香而唔會死鹹，滿滿嘅花椒八角、草果味啖啖鹹鮮同芫茜蔥嘅青味好夾，令整碗麵嘅香味更加突出。想更加濃嘅可以揀佢哋嘅重口味湯底，一款有齊滷水汁、腩汁及咖哩汁，十分惹味另外三餸車仔麪，佢哋啲餸都好特別，我哋就主要叫咗啲豬雜麵無嘅配料。好驚喜竟然有黑柏葉，爽脆彈牙！蘿蔔清甜無渣，雞翼尖夠入味係鍾意吮骨嘅首選~ 整體餸菜料都好豐富又有質素。個人覺得車仔麪配油麪係最正，但都特別要讚嘅係佢哋除咗一般嘅麵底之外仲可以轉菜底同蘿蔔底，滿足唔同人嘅需要，特別啱曬飯量細或者減carb 嘅時候嚟食~太陽餅唔係台灣個隻甜嘅酥餅🌞係用雲吞皮包住鮮蝦同蝦膠炸成嘅蝦餅，爽甜嘅蝦肉再

話說朝早同隻豬去咗文武廟還神🙌🏻🌟過去一年大家嘅生活都非常順利👍🏻❤️之後去咗附近一間車仔麵食午餐🤤🍜雖然環境細但吸引咗好多人嚟食😜👌🏻想講入面座無虛席同員工好熱鬧😂💧配料種類多可以配搭自己嘅最愛😚🫶🏻食物嘅份量比想像中多性價比高🤩✌🏻咁啱仲見到有藝員入嚟呢度食添🤫💡-❤️三餸車仔麵 ($49)首先揀麵底 再揀三款餸菜類 最後就揀個湯底✅單睇賣相已經呆晒 成個碗滿到一個點 超讚哇💯我就揀最愛嘅河粉 配牛腩 豆腐串同巨型魚蛋🐼我隻豬揀咗油麵 配五香牛腩 豆卜同咖喱魚蛋🐷河粉夾起唔會碎濕濕 牛腩炆得好腍身 易入口😳巨型魚蛋唔係浪得虛名 大粒到您 真係估唔到😱同樣地揀咗腩汁 湯底嘅味道濃郁 好多精華呀😚豆腐串索晒啲汁 食落零捨入味 真係好滿足唷🥰-🧡太陽餅($40)原來係魚肉蝦餅嚟 炸得好香口😝蝦肉好彈牙 而且食落好鮮味添🦐配埋甜辣醬一齊食 特別惹味呢😋真係食到停唔口啊 強烈推介啊🔥-💛煎釀三寶 ($28)有紅腸🌭 青椒🫑 茄子🍆 每款都各有兩個🤓起初仲驚唔夠食 點知每件都大大件到不得了🤣-💚津路烏龍茶 ($10)食炸物配茶解膩一流喔❣️💙大和豆漿 ($10)車仔麵配豆漿係最佳配搭啊❣️

咁啱喺西環做開嘢，喺附近搵食，突然見到大排長龍嘅車仔麵店😎餐廳主打潮洲滷水，好似幾有特色咁樣，即刻引起我注意🤪豬雜麵聞說係餐廳招牌菜之一，具有潮州風味嘅豬雜麵！配料俾得絕不手軟，食到豬潤、豬肚、豬頭肉、豬腸，各個豬嘅部位經過潮式滷水處理真係好入味😄湯底揀咗重口味推介(小辣)，食落口係非常惹味😋三餸車仔麵 (豬紅、牛腩、春卷)最愛豬紅，呢樣嘢真係配車仔麵特別好食🥳牛腩炆到好腍、好入味🤩魚肉春卷亦都係我至愛😜鋪喺面頭仲有啲芫荽，真係啱晒我喇😍太陽餅太陽餅其實就係魚肉蝦餅，每片魚肉中附帶鮮蝦，炸得非常香口🤤食呢個記得要配上甜辣醬食，份外惹味😁種類繁多，大部分常見配料都有提供~有幾種醬汁可以挑選👍滷水汁、咖哩汁、腩汁，仲有個重口味推薦😝餐廳仲有做學生優惠添~

大家有冇覺得近年車仔麵越來越少🥹好多地方都冇晒🤷🏼‍♀️要搵檔車仔麵真係唔容易🙆‍♀️西營盤正街有間車仔麵唔錯，今日同老公去咗食😋牛雜麵 🍜 $48一碗有齊牛腸，牛肺，牛肚、牛潤配油麵咖哩汁，刺激味蕾三餸車仔麵 🍜 $52車仔麵餸我揀左春卷、牛筋、五香牛腩米粉，湯底腩汁，湯底清甜，入味!新鮮魷魚鬚🦑 $50如果說每間車仔麵總有一款「靈魂配菜」，個個來都必嗌，咁「華記潮州滷水麵」既靈魂配菜非招牌魷魚鬚莫屬！太陽餅(蝦餅)🥠 $43Q彈又鮮味的蝦餅煎到兩面金黃脆口，再搭配甜辣醬一起吃，讓人完全無法抗拒！只要我吃得夠快💃體重就追不上我🏃🏼‍♀️華記潮州鹵水車仔麵📍西環正街40號地下📱6563 3939#西環美食 #香港美食 #車仔麵 #滷水 #香港好去處 #華記 #foodie #hkfood #yummy #hkig

未食過｛華記🍲｝，但見Openrice好評指數幾高，所以就try try~店舖內7成嘅客人都係講普通話，睇嚟好受遊客/ HKU 內地生歡迎🤔✴️月亮蝦餅✴️依個小食唔錯，脆皮下包住飽滿嘅蝦膠，仲幾夠熱，值得試試👍🏻✴️四餸車仔麵✴️一上枱有俾佢嘅份量震懾到😮啲餸多到就快爆出嚟咁濟，每款餸都至少有3-5嚿，而且全部都係大大件，真係食餸都飽！佢哋嘅牛內臟選擇非常齊全，連牛腩都可以揀正常/瘦肉～當日雖然揀咗瘦牛腩，但仍然有好多肥膏跟住，麻麻地🫣女仔應該唔會食得哂，食完好滯好膩，下次都係唔好叫咁多個餸😓

華記潮州滷水車仔麵 • 西環西環呢間車仔麵除左一般車仔麵，另外仲有比較有香港特色嘅牛雜麵同豬雜麵，另外有各款小色，今次一於點左牛雜麵同車仔麵試下。用餐個時都見鋪頭好多街坊幫襯。😋😋..✅ 牛雜麵 🐮 $45車仔麵館入面賣牛雜麵比較少見，因為牛雜本身要另外處理，而且功序繁複。呢碗麵嘅份量驚豔到我，每樣部位都有2-3件。牛肺無異味，厚件咬落口感好好；金錢肚夠爽；牛膀厚實；草肚好滑；牛大腸油脂滿佈夠香，整體非常出色，處理得好好，賣相亦吸引😙..✅ 三餸車仔麵 🍜 $49餸菜選擇左牛丸、牛筋、春卷。牛丸貨色幾好，爽彈帶汁；牛筋淋滑，滷汁入味；春卷帶少少煙軔，麵嘅湯汁揀左腩汁，整體餸菜質素高，味道同份量都好好😙..✅ 新鮮魷魚鬚 🦑 $45份量足有一碟晚市小炒咁多，魷魚鬚非常彈牙爽口，加上些微酸甜嘅辣醬爆炒，非常惹味👍🏼..✅ 太陽餅(蝦餅) 🦐 $40蝦餅唔些用蝦肉剁製而成，入面仲有原粒蝦仁，口感彈牙，外面炸得好香，大大件，外貌酷似太陽，份量亦多，推薦😍

冇錢買車，但都仲有閒錢買車⋯仔麵，唔使考牌㗎，識揸筷子就得㗎喇上次食太子呢間車仔麵太正喇，今次介紹俾過海嘅胃民知，西環都有一間㗎上次食豬雜麵，今次食牛雜麵，一碗有齊牛肚、牛肺、牛腸、牛膶等等，內臟洗得好乾淨，同時保留鮮香嫩口，入晒腩汁精華連河粉都好足料，夾起嚟唔會散颼颼加$1就可以加大量芫荽，啖啖都有香味，完全滿足到芫荽控嘅素求另一碗三餸麵，試吓腩汁加滷水汁嘅湯底米粉，mix埋好香甜但唔會鹹三樣餸分別係滷水豆腐、雞中翼同五香牛腩全部材料都好大份，入晒味好好食上次喺太子食過佢地嘅小食，食過返鬆尋味，介紹畀胃民再食。太陽餅即係蝦餅，勁脆又香口，有成五大塊，點醬食大滿足另一份就係魷魚鬚，一碟好多條，條條沾滿咗辣醬，微辣又惹味，兩個人食咗好耐先食得晒夜晚最好飲豆漿，呢度都有得嗌一支胃民就飲王老吉，怕熱氣想下火

西環華記車仔麵是水準保証。還可以加2蚊有個蔥/芫茜山出現...勁正。豬腩肉軟嫩又有肥，真系食完先減肥吧！湯底叫中辣我已經用了3張紙巾，想食中辣的你要小心。其實第一次食, 是在太子店的，除配料同小食選擇多外, 湯底真是無...得...輸。每人消費約$50-70. 不想排隊，選擇下午2時後，或晚上6時後。後記: 靓仔哥哥會提你, 小心咖啡汁會彈上衫架XDXDXD....特然覺得D羅白系米加左糖, 太Sweet 掛. 更值得點讚是有免費飯派給有需要的人。謝謝

#mkeats_saiyingpun #mkeats_chacaanteng 環境舒適 佢哋出名嘅有牛雜豬什 （不過好可惜我唔食🤧） 除咗車仔麵仲有好多唔同嘅小食 論食物選擇 食物質素 性價比都幾高😙另外都欣賞呢度用qr code 落單 方便同快好多～______________________________☆ 三餸車仔麵 $49油麵，五香牛腩，豬腩肉，通菜，滷水汁整體份量頗大 比較推介豬腩肉 肥瘦比例平均 湯底都算濃郁 好入味 🤍☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 8/10☆ 新鮮魷魚鬚 $45魷魚鮮甜有咬口 蘸上滿滿嘅甜酸醬同芫荽 惹味十足✨☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 8/10☆ 太陽餅（蝦餅）$40果然是招牌呢 外皮用左春卷嗰隻 又薄又脆 啲蝦都好足料 配上甜酸醬 幾有層次感～ 🫶☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 9/10______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ❌𝘀𝗲𝗿𝘃𝗶𝗰𝗲: 8/10𝗲𝗻𝘃𝗶𝗿𝗼𝗻𝗺𝗲𝗻𝘁: 9/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 8/10🖇西環西營盤正街40號地舖

尼間店根本就唔係香港人做嘅車仔麵，味道完全係佢覺得佢個鹵水好好味攪到成碗嘢係鹵水味！唔啱年輕人食，攪到碗麵不文不類，不是我杯茶！個太陽餅完全我都買到返屋企煮，真心一次夠曬！平？又唔覺佢平囉！門口有個男人仲好冇禮貌，話個老人家比錢慢！食一次不用回頭了！其實留返我阿爸佢哋食就或者啱嘅！見到門口排隊班人就知道個個過咗四五十歲，好可能同年輕人嘅口味已經有代溝！佢個鹵水汁係濃到濁囉！真係好唔啱我嘅口味！貪平嘅可能啱囉！