華記士多

營業中

休息中

🍳蛋包飯與咖啡愛好者必試☕️✨一次滿足你兩個願望✨之前都食過西灣河嘅華記士多 主打超抵食咖喱蛋包飯🤭見網上有人介紹華記士多嘅分店 雖然係隔涉咗少少 喺香港仔網球及壁球中心一樓嘅餐廳🥹 但絕對冇令人失望‼️呢度蛋包飯嘅款式同西灣河嗰間有啲唔同西灣河得雞肉炒飯，可選擇加芝士，但係冇其他款式🫣呢度嘅炒飯係豉油炒飯同埋會配唔同嘅肉類例如封門柳、雞扒、漢堡扒等等我同男友都試咗封門柳蛋包飯（$65）😋😋真係食得出好用心製作🥹雞蛋夠晒滑🥚 入邊包住封門柳肉味好濃冇渣🥩同埋甜豉油炒飯亦都炒得好香咖喱亦係比較淡味嘅咖喱唔會好鹹好濃味🍛另外佢哋仲同 @under_coff 有合作嘅Pop up Store今次男友試咗barista recommendation 既哥倫比亞白山莊園酵母水洗 哈密瓜味道嘅手沖咖啡 （Cataloupe｜Juicy｜Vanilla flavour)佢有極高度嘅評價🫣 話係係香港飲過數一數二好飲嘅手沖咖啡我平時少飲手沖都試咗幾啖 呢種係唔係好重咖啡烘焙味既手沖 反而超重果香同埋飲得出好香嘅哈密瓜味🍈 個人比較鍾意fruity口味嘅咖啡 所以好啱我哋口味😋🥳買蛋包飯加多$45有呢杯咁嘅

好耐之前去過，之後成日都唔見佢開，聽聞佢又再開返，所以尋日行過去諗住食個蛋包飯，睇過餐牌，一啲都唔貴，最平$45嘅蛋包飯，仲有嘢飲包埋。點知除咗蛋包飯嘅滿足感之外，還有手沖咖啡的驚喜，只需要加錢，最貴都係加多$45，相比出邊平好多，一於試吓啦！原來咖啡師好專業，初時叫一杯Premium，點知咖啡師親自過嚟講解，依家用乜嘢咖啡豆，我順便問吓有冇洪都拉斯嘅咖啡豆，超爽的回應，以下省卻3000字……最後，咖啡師按着客人口味選擇合適的咖啡杯，因為我要熱咖啡，佢仲預先用熱水暖杯……好細心！勁！真係無話可說😋

其實想試呢間餐廳好耐了，今日做完運動諗住去望下咩環境，點知我見到佢一個蛋包飯只係$48 仲要有三塊漢堡扒，好想食 。但係諗諗吓無理由做完運動食咁多野架，咁做黎仲咩 ？ 但係市儈嘅我就諗$48一個飯 無理由唔食 ，所以最後屈服左， 個飯唔係白雲黎個蛋仲要超滑， 不過就唔係好夠咖哩汁，不過老闆好Nice 我估到時有需要想多汁應該可以掛 。食完後，我同老闆講不如你加價啦，真心咁高質素 $70我都覺得抵食 。同埋見到老闆好高大但係好Nice 我見到仲有手沖咖啡飲，不過我太晏去了 飲完實訓唔著 不過下次有機會希望可以試吓 😂😂

因為MM有推介過 所以嚟試下個位置比較偏僻 真係估唔到有野食當日同屋企人嚟食撞正lunch time 所以都會要等位入座本身想試雞排+牛柳 點知當日賣淨牛柳就叫咗兩個$55 包埋紙包/罐裝飲品 好抵但就等得有啲耐 因為得三個員工（不過佢哋而家請到人手）點咗餐後要around 45分鐘先有菜牛冇特別調味 但本身比較高質貨源 所以好有牛味蛋似茶餐廳炒滑蛋（少油version)飯係豉油汁（食落有啲似瑞士汁）撈冷飯 啱我胃口！咖哩唔係日本甜口嗰隻 會偏香口同時都唔辣

有一日同朋友嗰度做運動，突然間路過發現咗呢一間舖頭！佢哋有好多款式嘅蛋包飯，最後揀咗封門柳加蝦蛋包飯，真係好好食，而且好有心！啖啖肉 加多$20左右多一款餸，加埋都係$70左右，包嘢飲.眼見仲有好多選擇，例如牛肋肉，雞扒（下次想試吓），漢堡扒⋯食完飯同佢哋閑聊咗一陣，可能係大概下晝嘅時間過咗忙嘅時間，人流唔算好多.傾偈過程知道佢哋各自有正職，支持起呢間舖頭，對食物有執着，香港地真係越嚟越少有人情味同埋有心同執着嘅小店，會繼續支持！

人手開業到依家都係完全唔夠，基本上都係冇服務，地下好似倒瀉可樂咁黐𥹉𥹉。開門時間又唔定，寫咗11:30結果12點先開門 。碰過三次門釘，之後先知原來老細係睇心情開門，去之前要特登WhatsApp問佢 。然而，佢WhatsApp係唔會覆，都係要睇心情 。開飲食餐廳開到咁都唔知可以俾咩反應佢 。蛋包飯質素高，同西灣河華記有分別，西灣河係個飯底本身已經有用肉粒炒底，香港仔就係會再額外多啲配料，例如雞扒、牛、漢堡可以選擇 。今日去又碰多次門釘，應該以後唔會再食佢 。

🇭🇰華記士多 ·呢間我自己食過好幾次㗎啦 佢依家由後巷搬左入舖頭 乾淨光猛好多😍😍·咖哩蛋包飯$47 l 魯肉蛋飯$43佢個咖哩飯一樣咁好食 個咖哩汁食落好濃 好有層次🍛之後個蛋都整到超滑 勁正🍳魯肉飯都唔錯既 不過我略嫌佢太多汁 食落會有啲鹹 咖哩蛋包飯正啲🤤🤤·#rbyeat#rby港式#rby西灣河 #rby香港仔·📍西灣河太寧街3號百利居地下B號舖📍香港仔香港仔海傍道1號香港仔網球及壁球中心1樓

喺香港仔壁球館打完波之後發現原來一樓有間嘢食打完波好肚餓所以就入咗去食一行上樓梯一樓右邊就係打完波食飯都好方便環境都算幾衛生下而且個冷氣都好涼嗌咗個豬柳漢堡蛋包飯（有咖喱） 同老闆落完單之後過咗冇幾耐就送咗啲嘢食過嚟啲蛋呢好滑好好味個豬柳漢堡有三塊都幾抵食特別係個咖喱係超級好味好香而且價錢都係$43好抵下學生好似仲有九折囉做完運動食呢啲個人都好開心下次會再嚟幫襯～老闆都好好人呀我見人哋食嘅手打漢堡扒咖喱蛋包飯都好好味咁

呢到個咖哩飯超級對得住價錢 大概50幾蚊就可以食到！選擇都算幾多 唔係只得招牌蛋包飯✨味道就正常 如果係附近做開運動不妨可以試試🏃🏻‍♂️～我去個陣應該係剛剛開張 人手有少少短缺 等得少少耐👀招牌蛋包飯 配手打漢堡排💛 ($48) 漢堡排既油脂感超級豐富😍 肥瘦均一 飯應該係豉油麻油底 唔係咖哩底咖哩偏稀 但都食得出日本咖哩味🍛蛋好creamy 蛋味都幾出🥚📍 華記士多 (香港仔)地址：香港仔香港仔海傍道1號香港仔網球及壁球中心1樓

這家以咖哩蛋包飯聞名的小店,以這一道選料巧妙、做工精緻的招牌美食,吸引了我一試之魂🤤。只要$40一碗,就能飽睞這頓為人稱道的佳餚了!一開始,豐富濃郁的咖哩飯香訊傳來,再覆上一層金黃Q彈的蛋皮,簡直撲鼻而來的誘人光景😋。下口時,咖哩的香辛帶點辣,蛋的滑嫩則是最佳小食,兩者交織融合,回味無窮👌。而飯的份量也非常足,讓我一人吃得飽飽的,完全就像在家一樣👪最讓我驚喜的是,以這樣實惠的價位,食材和做工水準衡均不減。以後每逢路過,我都一定會特地過來一伙👭。相信更多食客一試,也會被它的美味俘虜的啦😋真心推薦給你!

以前在西灣河的巷弄裡賣蛋包飯的 華記士多 很好吃，但可惜之後就聽到說是結業。沒想到朋友告知在香港仔重開了！位於網球及壁球中心內，午市時間過來吃超多人，不用一會兒就滿座。點好餐後便可以自己找個位置坐下等餐，不過應該是一下子人太多的關係? 最後等了半小時才有得吃。🍛招牌咖喱蛋包飯配封門柳 (HKD 52)超滑嫩的蛋完全覆蓋在飯上，咖喱汁也很多的喔。是帶點甜味的日式咖喱，質地偏稀身，不會很濃稠。炒過的飯頗深色，味道幾香。封門柳則普通，或者下次選雞絲就好。最後還包一杯飲品。除了蛋包飯還有炒飯可以選擇，都見幾多人吃的。