華星冰室 (西洋菜南街)

營業中

休息中

去親華星冰室都係食常餐同多士，今次發現左佢地新出嘅晚餐，菜式同價錢都ok，所以決定試下！我試左當中嘅滑蛋叉燒飯同葱油雞脾紅腸飯。.滑蛋叉燒飯係我去茶餐廳成日叫嘅菜式之一，所以我都有番咁上下要求🤣有好多茶餐廳嘅滑蛋叉燒飯其實係炒蛋叉燒飯，但最正宗嘅滑蛋叉燒飯其實係好似華星呢個咁，個滑蛋係好似有蛋絲嘅芡汁咁，撈飯食一流！另外，華星嘅叉燒瘦得黎唔會好柴，咬落去都有肉汁，調味又唔會太甜我平時好少叫葱油系列，因為好多時啲葱油會搞到個飯同麵濕哂，啲油浸到成碟好肥膩，食一兩啖就會唔想食。但華星嘅呢個葱油飯唔同，個葱油係擺係白飯上面，撈幾多落個飯到悉隨尊便，幾貼心。我試食左少少葱油覺得好香口而且唔係好膩，所以我好大膽咁撈哂，我食到一半覺得個葱油可以再多啲啲就好個炸雞脾好正🍗size已經取勝，仲要外皮炸到好脆但入面保持到肉嫩多汁，好食到我平時唔係好食雞皮嘅人都食哂，哈哈.題外話，侍應好友善，係客人走嘅時候會提醒客人拎齊物品。總括而言，正價比高，味道一流，值得一試！

一開始入到去感覺連睇餐牌嘅時間都冇，就已經不停問你食咩，語氣好差，問多幾句，就好唔耐煩.....嘢食質素一般，唔會有第二次帮襯.....食餐飯都食得唔舒服,很失望

平時經過見呢間華星冰室大排長龍，好多係遊客，今朝黎咗呢度食早餐！睇餐牌基本上冇得選擇！得火腿通粉，炒蛋厚多士，加杯奶茶($40), 火腿通麻麻！冇咩味！多士又唔熱！係得個炒蛋炒得夠滑夠香杯奶茶都好飲！整體黎講一般！未至於值得去排隊黎食！

黎到旺角下午茶時段食乜好？呢間冰室次次都好多人排隊阿.............排佐一陣.....因為入面既人都係快閃......地方窄.......都吾會食好耐......快閃之選👍🏻👍🏻👍🏻餐牌一眼睇哂.......最出名的應該係校長多士.......同推薦的黑松露炒蛋多士.........校長多士來了.........有芝士焗.....味道不錯👍🏻👍🏻👍🏻黑松露炒蛋多士.....好多炒蛋....但黑松露......黑松露碎？ 冇黑松露味....差.........

今日經過見到唔使排隊，又係下午茶☕️時間就試下校長多士喜愛黑松露同芝士🧀嘅我覺得很好吃🤣多士好新鮮咁烘好上碟，有大量🧀值得encore🙈涼粉冰就普通，不過不失意粉湯底好濃，炒蛋都幾滑，多士有烘底👍🏼

今日嚟到旺角食lunch 朋友就話西洋菜南街好多餐廳 於是就去左呢度覓食🤤 經過見到華星好多人排隊，朋友又話想食常餐 於是就陪佢等🤔 條隊雖然好長 但郁得好快 等左一陣就入得！ 我地就叫左最出名的常餐 入面有火腿通粉 個湯咸咸地 味道好普通 通粉軟硬適中 最有驚喜係多士厚切仲有烘底 炒蛋都幾滑 但就無咩蛋香😗奶茶都幾香滑 口感幾濃郁👍🏼因為係繁忙時段所以我地都坐得好迫 總體食物質素一般 值得一提呢度d侍應友善過澳牛😂 推薦:⭐️⭐️

好耐冇去過華星冰室，特然好掛住佢地嘅湯通粉，便揾間最就腳嘅開餐。一入到餐廳伙計便會安排你座位，剛剛有個二人卡位空出來，伙計便示意我坐過去，真好!可以坐得舒服點。為了個湯通粉而來，又想食叉燒，叫常餐最適合，因為原本餐牌上的叉燒意粉係可以轉湯通粉嘅，另外唔鍾意食煎荷包蛋亦可以轉炒蛋/太陽蛋，十分有彈性。落完單唔使幾分鐘，食物已經陸陸續續送到煎荷包蛋+牛油多士牛油多士烘得有少少燶，厚身，食落面脆中間鬆軟。 荷包蛋煎得好靚，茶餐廳最常見嘅款式，入面蛋黃仲係生嘅，切開會有蛋黃流出。叉燒唔算好特出, 勝在有餸可咀嚼下。最喜歡傳統茶餐廳果款冇坑紋嘅通粉，有咬口，連同濃味湯底一齊吃，簡宜絶配。係茶餐廳其實係應該飲奶茶，不過算啦，已經口快快叫左，冇謂叫人改單，而且茶餐廳嘅咖啡其實都有佢嘅風味，味濃遍酸，口感順滑。想快快了結一餐 ，我多數會選擇茶餐廳 ，因為快靚正係香港茶餐廳獨有!

很久沒吃華星冰室，在旺角買完野便順道到訪。點了豬扒意粉和常餐。炒多份量十足，沒有偷工減料，也炒得很嫩滑，多士也夠脆。值嫌紅豆冰的奶味比較種，紅豆冰也不夠多。來華星，主要是想吃炒蛋多士。

晚上在旺角想吃一頓比較划算又不太熱氣的晚飯～於是到了華星冰室，心想可以吃常餐呢！旺角分店的位置其實比較靠近太子。店內不算寬敞，一坐下就發現冷氣非常大風，直吹著頭頂，沒過多久已經開始覺得太冷。這天大約27-30度，穿了短袖覺得很冷，即使穿上外套仍然覺得太涼。雖然想過換位，但是仔細看看四周，每個位都是當風位，桌上的紙都吹得一直在飄飄飄～餐牌選擇其實不算多，茶餐廳來說屬於偏少。不一會，友人的常餐到了，因為冷氣太強力的關係，不敢等菜式齊了才開始吃。友人大讚多士好吃，夠鬆脆又不會太油或太焦～可惜吃完多士，炒蛋和火腿已經吹到涼了。常餐的叉燒通粉，沒看錯，的確是疑似沒有叉燒的。正想問店員叉燒是不是另上後補之際，發現都藏在通粉底下。出來吧！傳說中的鬼崇叉燒通！可能叉燒都比較薄切，可以完美藏在通粉下面。我點了老外套餐，光是名字已經覺得很有趣。因為友人大讚多士好吃，所以我也第一時間吃多士，怕腍了會不好吃。不得不同意多士真的鬆脆好吃！其中粟米、茄汁豆都屬正常水平，煙肉略油，薯餅有薯味但外皮稍嫌有點硬和薯肉太單薄。最令我意想不到的是，只過了吃一塊多士5分鐘不到的時間，已經覺得自己像在吃沙律一樣，粟米、茄汁豆、

同同事落去下午茶見咁出名就試下啦！環境一般茶記咁 叫左個黑松露炒蛋多士$37 （之前聽講幾出名）而且我又一直幾中意黑松露浸味😋😋10分鐘到就有得食啦，個包夠晒鬆脆😛滿滿的黑松露好香 炒蛋唔鹹啱啱好！

坐低唔夠廿秒，店員就會走過你落單。 不過都唔係第一次食華星，都好清楚自己要食乜。叉燒意粉可以揀配意粉或者通粉，火腿煎蛋可以揀配煎蛋或者炒蛋。多士夠厚，而且烘得有少少燶，食落好脆口又好鬆軟。 煎蛋係太陽蛋，切開中會有蛋黃流出嚟。 唔揀煎蛋可以揀炒蛋，炒蛋加入咗牛奶同一齊炒，食落特別香滑。

中午小怪就最愛自已搵食今次就去好多人排隊既華星冰室雖然多人排，但唔洗等好耐，去到不用多考慮，直接一個常餐終於明白唔洗等咁耐既原因其一就係上菜真係好快（完全乎合香港快準飲食原則）味道方面，意粉有口感，唔會好淋，叉燒大約四至五塊，味道好但較為薄身。多士烘得乾身，香口。而依度既滑蛋真心覺得值得排隊。因為滑蛋好滑，有蛋同奶香。上菜快，令蛋仲熱，熱滑蛋，加曬分。最後配上一杯熱奶茶，茶底好，拉茶有技巧，又香又濃。47蚊加野飲，經典常餐，喜愛

每次行完花園街都必食嘅華星，有時好多人排隊，有時就可即入，真係好睇彩數。 呢到啲速食文化大家都應該知道「速下單，速食，速飲，速走」 次次都係照舊茶餐，叉燒意粉配火腿炒蛋，當然唔小得3.6牛乳奶茶，埋單50$。 快靚正，叉燒薄切好易入口，意粉好有咬口，重點當然會係3.6牛乳嘅奶茶同埋炒蛋。 炒蛋係半熟已經好滑，因為上餐速度都好快，熱辣鄗咁，絕對新鮮。 奶茶充滿奶香同埋茶濃，順住喉嚨夏天飲真係爽爆！每次都係必飲！ ***次次半個小時內一定食完，而且收碟速度都好快，所以都唔好意思坐咁耐***

呢間餐廳經常都見人排隊，可能係明星店舖掛，座位其實都幾窄，即管入去試吓。常餐通常都較穩陣，滑蛋奄列普普通通，厚多士唔錯，幾軟熟，义燒通粉就夠晒大碟，通粉腍度啱啱好，义燒都ok，瘦左啲，奶茶都幾香滑。

聽人介紹華星冰室都幾有名，咁今次同朋友行過旺角就去試下啦。咁去到餐廳後，見到餐牌其實選擇就唔算非常多，咁我就叫左個比較岀名既常餐黎食。常餐有一個叉燒通粉，多士同火腿炒蛋。叉燒通粉略嫌叉燒份量較少，但整體都好食既。多士就非常大件，而且已經搽好醬👍🏻炒蛋方面就最驚喜，因為真係好滑，好好食，值得推介。