華星冰室 (凱譽)

營業中

休息中

【油尖旺區】【華星冰室】喺尖沙咀搵嘢食，都係自己一個人，方便又會揀嘅好似都食到七七八八，唯有去啲我路途上冇咁方便嘅地方。特登過棉登徑嗰邊睇吓有冇啱食，因為嗰頭出名多餐廳，不過唔知啱唔啱我一個人食。又真係冇乜嘢啱我，最後都係食返茶餐廳，就入咗華星冰室。呢間分店我都未食過，就食個 $64 嘅「常餐」，我揀咗「沙嗲牛肉出前一丁」，要「爽麵」，即係唔好煮咁腍。食落就一般啦啲沙嗲牛，有一丁麻油同味粉搭救就好啲咁。而個「雙腸炒蛋多士」就即係有三樣嘢，雙腸就係兩條煎香腸，冇乜特別嘅茶記嘢。個炒蛋都唔錯，全晚亮點，夠嫩滑。多士好厚，幾好嘅。加 $3 飲「凍奶茶」正正常常，可以入口嘅。食完一個常餐，再用 $34 叫埋「咖央西多」嚟食吓。佢都係用嗰款厚身少少嘅方包，所以份量係夠嘅。不過咖央味唔算出，花生醬好啲。埋單 $101，係咁上下。。。（地址：尖沙咀棉登徑8號凱譽地下G7&G8號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：灣仔區分店：1am1163#1amfoodie #foodie #hkfoodie #thatfoodiething

叫了一個常餐沙嗲牛麵，當日不是滿座，亦唔多客。由落單等咗半個鐘都仲未上雙腸炒蛋，我連碗麵都食完，都還未有，中途提醒過店員仲未上，睇都唔睇話整緊，到最後等到埋單走人都仲未上

尖沙咀店新開冇耐唔洗點等位。鮮茄牛肉飯真係食返兒時嘅味道。杯奶茶都掂👍🏻 上次食過佢啲多士都好食！依家冇乜邊間可以做到。連銀龍杯奶茶都差咗好多，德島號稱奶茶皇都不外如是！

聽說是華星唱片的工作人員開的店，也有說是澳的員工開的，所以必須吃炒蛋多士～💛老外套餐茶記的all day breakfast，炒蛋必選，滑滑嫩嫩的，薯餸餅稍稍多油，但勁脆。最愛厚多士，第一次可手機點單選多烘少油🥰

第一次食$28菠蘿油…..味道同普通菠蘿油差唔多，但價錢貴很多。華嫂冰室菠蘿油只係$18，招牌菠蘿飽$24，但人哋加埋雞蛋番茄，味道絕對對得住個價錢。紅茶冰室，菠蘿油$14，平靚正，而我本身諗住去紅茶買，但醒起有華星冰室，所以咪試吓，佢哋普通菠蘿飽賣$14，加塊牛油，要俾多$14😤。我真心覺得個價錢真係要調整一下，人流唔夠，地點唔係一個問題，食物質素同價錢先係重點問題🫣尖沙咀茶餐廳同冰室有好多間，要做得到做得好，Marketing 係要俾啲心機。

Hey GuysJust want to inform you that not dine or take out from. They considered to be cheaters. I placed the order thru delivery platform Friday and went to pickup order and they lied to me the order was cancelled. And I was going out for the night later and didn’t notice the bank charged me for Friday meal (which was cancelled I was told ) until Monday morning. I confronted both companies but they set the order was already given out. Even asking them to check the WebCam of the restauran

午餐行過發現新開張，如當年去太子一樣，同樣的懷舊感覺，光猛好多，今次叫個童年味道 - 蕃茄燴意粉，略微多汁，一般茶餐的質素，無驚喜。不過服務質素不錯及環境乾淨！下次會試下茶餐，先知真章！