華嫂冰室 (加威中心)

呢排去開附近做野，每次朝早行過都見到被遊客大排長龍，心諗咪又係茶記一間？洗唔洗呀～～今日下午路過見間野唔洗排隊，橫掂都要醫肚，就試試有咩唔同。其實都唔知佢出名啲咩食物，見自己要補下血，又有我最愛嘅芫茜湯底，就嗌碗豬潤牛肉皮蛋芫茜米 跟 熱奶茶。餐飲先到，有港式奶茶香，色澤都似嘅，但飲落口就偏淡，中規中矩；碗米大概等咗8分鐘，上枱時都有被驚艷到一下，估唔到佢都幾足料！芫茜都唔菇寒（你哋知啦 有啲餐廳真係得一少攝仔就算嫁嘛⋯）整體味道都唔錯。$69足料粉麵 連 飲品，尖沙咀地段算係咁啦！…查看更多

香港馳名人氣冰室，必試招牌冰火菠蘿油，新鮮出爐麵包外皮酥香，夾著冰涼濃厚牛油，一口咬下冷熱交融！秘製番茄湯底每日用新鮮番茄熬製，濃郁鮮甜，搭配一咬脫骨的瑞士雞翼或香煎豬扒，令人回味無窮。經典港式奶茶堅持傳統絲襪沖泡技術，茶香醇厚回甘，奶滑順喉。懷舊綠色瓷磚、鐵製卡座與霓虹招牌，瞬間穿越老香港黃金年代。長期大排長龍仍堅持即叫即製，親民價格享受頂級港味，絕對是體驗香港飲食文化的首選地！每日都大排長龍，要食要早d去😋…查看更多

每次經過TST華嫂門口總有長長嘅人龍，令我打退堂鼓，今次見條龍算短，就拎飛等食，等左十零分鐘就有位。店員好主動同客人講普通話：兩位嗎？裡面兩個坐一邊。我地點左：雞翼煎蛋肉眼筋冬陰功湯米線，豬扒雞翼蕃茄湯米粉，熱話梅柑桔同埋熱柚子蜜。冬陰功湯香濃微辣，略鹹，米線較腍，非常掛湯。 雞蛋燶邊，煎得很香，咬一口後，蛋黃汁流落米線上，又讓隨後吃到的米線別有一番滋味。 雞翼煮得非常入味，香甜而不膩。豬扒同雞翼都係穩陣之選，豬扒成隻手掌咁大塊，又香又鬆軟，十分惹味。雞翼好入味，正常發揮。蕃茄湯底一定冇揀錯，好香濃茄味仲有蕃茄肉，湯底都飲左大半碗。熱話梅柑桔入面有一粒話梅同一片柑桔，微酸，飲落幾舒服幾解滯。熱柚子蜜甜中帶酸，杯內有少少果肉同柚子皮，正常發揮。呢間啲位坐得好密，是日安排坐6人枱，中途走左3個，又黎兩個，再搭多一個。同埋或者呢度大半都係遊客，店員對住客人都係主動轉普通話channel，佢地上菜同執枱都好快手。…查看更多

#聽咗好多人話華嫂冰室要避雷，我同朋友偏偏唔信邪，決定親自去試吓排隊速度都幾快，冇想像中咁誇張，一陣就入到去啦！🚶‍♀️🚶入到去因為人太多，我哋兩個被安排咗個好窄嘅位置，坐得有啲逼狹🤏好在態度都好我哋點嘅番茄湯底，番茄味好濃到，裡面竟然有兩隻雞腿同兩塊大排，食肉獸絕對滿足！…查看更多

招牌菠蘿包我揀咗大火皮脆脆嘅✨真係好好食啊！係食過最好食嘅菠蘿包啦！！😍香煎豬扒煎蛋飯 超級大兩塊豬扒巨香！！🤤我要嘅黑胡椒醬 好食好食😋香煎豬扒米粉呢個點錯咗😅 我見大家揀嘅係番茄湯底嘅睇落去好有食欲🤩我點嘅原湯其實都唔錯哦😌…查看更多

咸牛肉蛋豬仔包：外層豬仔包烘到香脆，啖啖都咬到咸牛肉同流心半熟蛋，芝士醬濃郁但唔會膩。每口都有鹹香與蛋香，層次感豐富，令人一試難忘，真係好有驚喜！包身鬆軟而不失嚼勁，鹹甜平衡，幾乎係必食之選！🧀蕃茄湯通粉：蕃茄湯底超濃郁，用真番茄熬成，一啖有淡淡酸香，通粉吸晒湯汁，入味不會霉爛。每啖帶有番茄蓉，味道自然鮮甜，不會太鹹，酸甜開胃好清新。份量足夠，食完有飽足感，係港式comfort food無誤！🍅香煎魚餅：魚餅煎到外層金黃微脆，咬落彈牙香口，魚香濃郁。有少少油但唔會膩，每件都好啖啖肉，口感實在。配飯或麵都一流，係懷舊冰室經典小食。🐟…查看更多

之前都係食開元朗/天水圍分店，但因為比較隔涉都好耐無食過啦，有一日突然諗起好想食就去左新開既尖沙咀分店回味下啦！🌟芫荽皮蛋湯底自選🐷肉眼筋🐷午餐肉🍜米粉午餐肉個邊夠脆，邪惡但好食肉眼筋就正正常常唔會好韌湯底好濃郁，皮蛋份量好多👍🏻讚🌟招牌菠蘿包配料有鮮蕃茄，煎蛋，牛油。🧈🍳🍔菠蘿包唔熱，食落有d硬。失望唔知點解呢間分店自選麵既餸無得揀煎魚餅，最中意食既餸竟然冇左😭另外呢到絕大部份係遊客，環境都好嘈下😅同天水圍分店相比之下好唔同，食物質素都爭咁d。下次都係去返另外分店再試下！⭐️…查看更多

元朗嘅華嫂冰室，真係細細個就聽過呢個名😂宜家好似越來越多分店，遍佈港九新界🤩方便我哋唔洗入元朗都食到😛但水準有冇下降就真係要食下先知🤫🤫就現場所見，由於位於尖沙咀旺區，基本上主要都係做遊客生意，都幾旺場😂😂 好彩今日去到唔洗排隊，可以一試🤭🤭🍳雞翼蛋蔥油撈丁($58)加咗隻太陽蛋即刻賣相滿分😻雞翼夠入味，蔥油香滿瀉🤤🤤撈埋個出前一丁，我諗撈丁都應該算係係香港茶餐廳界嘅名物？🤔🤔🍍招牌菠蘿包($24)菠蘿包充滿港式風味😗係將港式菠蘿油Crossover西式burger，夾住煎蛋蕃茄，幾特別嘅組合🤭菠蘿皮唔算好甜，質地偏脆身，都值得一試🤣但個人都係偏好純港式菠蘿油多啲😌😌🍅蕃茄牛肉湯通粉($59)IG見到人哋啲相好似好靚😍但係Menu入面搵去都搵唔到呢個item😅😅原來要自己喺粉面套餐組合度自己組合😂😂一上枱即刻有啲後悔叫咗牛肉🥲份量唔算好澎湃，建議揀秘製雞翼或者香煎豬扒會更加滿足🥹🧋仙草紅豆奶茶（+$6）…查看更多

打卡一下余文樂帶周杰倫嚟食嘅茶餐廳，經濟實惠✔️✔️🌟番茄豬扒雞翼撈丁 呢個真係大力推薦俾大家呀！！對海底撈嘅番茄鍋底情有獨鍾，咁千祈唔好錯過呢個組合🐛🐛呢個餐真係好食到令你食過返尋味😋雞翼經過精心醃製，先用多種香料同濃郁嘅番茄醬混合，番茄嘅精華深深滲入雞翼嘅每一寸纖維。咬落去嗰一刻嫩滑多汁嘅雞肉爆發出濃郁嘅番茄香味🤤豬扒煎至金黃嘅外皮微微泛著油光，入口外脆內嫩，每一口都充滿住豐富嘅肉香同番茄醬嘅酸甜，兩者完美融合。個撈丁麵處理得啱啱好👍麵條唔會好似石頭咁硬，亦唔會好咁軟綿。每一根都吸滿咗番茄嘅濃郁湯汁。一啖落去番茄嘅酸甜、面條嘅彈牙，再加上濃郁嘅湯汁，嗰種滿足感瞬間佔據整個口腔，食完一碗都想再食第二碗😜😜🌟招牌菠蘿包都絕對值得一試🧺入面加咗番茄同蛋 🍳🍅，創造出一種全新嘅口感同味道。咬落去嗰一刻，酥酥鬆鬆嘅菠蘿皮發出 “咯咯” 嘅清脆聲音，包體軟綿綿又帶住油香嘅包身就會瞬間充滿你嘅口腔，番茄同蛋嘅香味同菠蘿皮嘅甜味完美融合，嗰種滋味真係正到爆呀😚…查看更多

在華嫂茶餐廳的用餐經驗讓我感到非常失望。今天我在這裡堂食時，選擇了「走」的選項，希望點一杯不加煉奶的飲品，但卻最終收到了一杯加了煉奶的飲品。當我詢問服務員時，包括收銀員，他告訴我加煉奶是為了滿足大陸客人的需求，並說選擇「走」的話，其實是等於茶走的意思。茶走內的選項選「走」，不是就等於走「茶走」不加甜嗎？作為一名顧客，我怎麼會知道這個選項在不同地方有不同的解釋呢？如果能在選項上直接寫明「加煉奶（茶走）」，豈不是更清楚明瞭？我只是想要一杯不甜的飲品，為什麼這麼簡單的要求要這麼複雜？希望餐廳能更清楚地說明各個選項的意思，讓顧客不再感到困惑。這次的用餐體驗讓我非常失望，希望未來可以改善。…查看更多

話說3月20 日早上 9:50的時候，餐廳大約六成滿客，待應姐姐安排我 兩邊均是座在兩人對位的中間，眼看餐廳仍有很多單人位置，為何硬要安排我坐在別人中間，未坐低已感到壓力.唯有放棄😆😆😆😆😆😆😆😆改去另外一間餐廳食早餐多年前去過新界華嫂食過一次，覺得好味，多年冇去，見到開到尖沙咀，香港好嘢食發揚光大特別開心，點知入去安排座位，已經令我覺得壓力大增.食都食得唔安樂😆😆😆當現今尖沙咀很多新的茶餐廳設計都是用卡位，真不明白為何仍有這逼逼的設計😅😅😅😅😅😅😅😅美味的五星是當年的記憶🥳🥳🥳…查看更多

每次去華嫂都會食皮蛋芫荽湯底的麵食，今次試這店亦不例外，雞翼皮蛋芫荽湯底米粉配熱奶茶套餐($59)，湯底保持水準，足料味濃，雞翼就失色了不少，淡而無味，煮得未夠入味….朋友叫了同我一樣的湯底配牛肉或豬扒，正常和無特別。整體而言，始終元朗本店完勝😁…查看更多

普普通通叫咗一碟頹飯都唔要求得啲咩㗎啦不過啲飯少汁然後最重點個白飯係爛飯即係一pat pat 淋到爆炸得件豬扒係OK 總括嚟講呢間餐廳都係招呼大陸人吧啦應該改名叫大陸華嫂…查看更多

好耐冇食過華嫂 以前好鍾意去佢觀塘同元朗嘅分店 見尖沙咀開咗 就去試下啦 幾年冇嚟 見食物種類多元化咗好多叫咗碗秘製雞翼米線 蕃茄湯底 $59 (煎蛋+$3)雞翼係幾好食嘅 夠嫩滑同幾入味但湯底唔夠濃郁 味道偏清淡唔知係咪分店問題 食物整體質素失色咗亦都冇咗風味🥲…查看更多

用餐高峰期需要排隊，同埋搭檯😀以前真係幾中意食下，但可能內地遊客越來越多 服務跟唔上🥲如果可以服務同餐廳衛生等管理可以進步嘅話🤣都會繼續來嘅！先嚟試下湯底，真係濃郁到不得了！番茄味十足，酸甜度調配得剛剛好，唔單止有番茄嘅鮮甜，仲有經過細火慢熬所散發出嚟嘅醇厚味道，飲落十分開胃。番茄濃湯都係我一直嘅摯愛！牛肉嘅分量都算足，而且每一片都煮得好腍，咬落好入味，牛肉嘅香氣同番茄湯底完美融合。麵條嘅彈性亦都唔錯，掛滿咗番茄湯汁，每一口都充滿嗰種濃郁嘅味道。呢個湯底真係好濃郁，番茄味超級醇厚，酸酸甜甜嘅味道十分平衡，而且明顯可以品嚐到新鮮番茄嘅原汁原味，唔似有添加好多人工調味料。飲品不功不過…查看更多