影片
營業時間
今日營業
15:30 - 01:30
星期一至日
15:30 - 01:30
以上資料只供參考, 請與餐廳確認詳情
大圍除左村南道個邊多食肆🙂依家仲有圍方一齊爭😂所以諗係大圍食咩都真係對於選擇困難症既人黎講唔容易😮💨所以突破盲點👻今次就決定去雲疊個邊食糖水第一次去發現都幾多人😵💫時間尚早既關係咁岩唔駛等位😳然後就點左個楊枝甘露小丸子同埋合桃糊仲加咗兩粒湯圓😍但係發現我都比較鍾意冇咁甜既關係😄所以相對嚟講就比較爭少少🙂但係個湯圓就啱啱好😊煮得唔錯🥰附近嘅人我見佢哋都有食小食🤔如果唔係食咗夜晚飯嘅話都應該幾吸引😂希望下次我試吓佢啲小食😗唔會令我失望啦😝
繼續閱讀
疫情之前，呢度越夜越旺，疫情嘅時候好擔心佢哋捱唔住泊車可以睇住，又唔會嘈到街坊，有糖水有嘢食，硬件本身已經係優勢其實呢度食特色糖水係抵啲，不過我鍾意食傳統嘢，所以叫咗芝麻糊加合桃糊返到雲疊都差唔多12點，雖然係平日，但係都有坐滿八成嘅位，我食碗糖水治癒一下，人生有黑有白，撈勻佢都係一種感受同味道，希望呢度生意再好返啲
繼續閱讀
呢一日夜晚11點幾由九龍返新界途中想食糖水，拿拿臨望吓邊度仲有得食之餘又方便泊車！Search到大圍呢間，#泊車方便 ，店前可以泊車，附近亦有咪錶位🅿️於是去try try佢😌一人一碗叫咗呢兩樣：#榴槤皇子 $68榴槤＋小丸子＋水晶珠+椰皇呢個味道可以，甜度剛好，料都足，有好大舊榴槤～不過 #水晶珠 脆脆哋嘅口感唔是我杯茶😂#黑白配 $52即芝麻糊+小丸子+奶凍個奶凍俾黑芝麻搶咗味，小丸子份量少，得幾粒🥲作為小丸子忠粉覺得嚴重唔夠🫠呢間甜品舖泊車超方便，當晚係星期五晚，都滿座，不過味道普通🙉 係咪我哋叫唔中佢哋嘅招牌？食過嘅留言分享吓🙌
繼續閱讀
呢間甜品舖生意手法好唔老實，有一晚突然想食甜品，咁朋友就話不如試下呢間，滿心期待去食甜品，我同朋友諗住堂食，但係我哋有單車，所以唔方便坐入去舖頭，店員好熱誠咁樣招呼我哋，話門口開張枱俾我哋坐。但係當我哋埋單嘅時候，睇到張單每人要加收一蚊外賣費，然後我哋就問點解，點知個店員就話因為坐門口用外賣嘅餐具，我哋當堂好愕然！唔係錢嘅問題，主要係我覺得佢哋好唔老實，當時你叫我哋坐門口開張枱俾我哋，唔同我哋講清楚坐門口要加收外賣費用，如果唔係我哋知道就唔會坐門口，或者佢係想快快用晒啲膠餐具，但係事先又唔同人講，咁樣做生意手法好唔老實，冇下次👎🏻👎🏻👎🏻blacklist
繼續閱讀
相信大圍友對呢間糖水店不會陌生，好多人都會去食個宵夜，尤其是一眾單車友。✨司華力腸芝士撈麵（$38）芝士醬好多，夠撈曬成個麵，撈麵既份量都好似唔止一個，算係高CP值。✨榴槤黑糯米（$52）鐘意食榴蓮唔少得叫榴蓮糖水，黑糯米既份量都OK多，食完會有些少飽肚既感覺，榴蓮味道夠重。✨榴蓮鮮奶（$45）比我預期中好飲好多，榴蓮味道重而且鮮奶好滑，兩者夾埋真係好好飲，推薦！✨西瓜汁（$34）夏天解渴一流，西瓜沙冰好涼快，食完油膩嘢，解膩都好。
繼續閱讀