莎巴馬來西亞餐廳 (已結業)

11月3日,同呀菲係西環食午飯,咖哩黎講呢一帶都冇乜東南亞既選擇…但係呢間既咖哩真係做得幾出色.人流唔多, 午飯既套餐只係星期六日有,散叫都會幾貴.::: 咖哩牛肉配油鬆餅餐::: $38咖哩餐有得配飯或者油鬆餅,個人推介就算貴少少都要跟餅.因為個餅真係好香,熱辣辣好脆.份量亦比跟飯多.而咖哩都好多料,牛肉,薯仔,番茄…不過,經常食哂個餅食唔哂d牛肉.::: 馬來炒米粉餐::: $30本來唔抱住乜野期望,黎到個賣相都唔多好,好普通既炒米.料有蛋,青椒,芽菜,魷魚,魚片…不過食落味道唔錯,魚片好味.可惜唔辣…另外,餐湯我次次食都唔同.今次係南瓜忌廉湯,配一片蒜容飽,幾好飲.仲有甜品送,不過個紅豆糕雪到好凍,冇乜味.環境算唔錯,幾乾淨幾靜.仲睇到整餅師傅做餅.侍應態度ok.…查看更多

雖然有人話貴，不過我覺得呢度份量頗大，加上咖哩本身比較‘漏’，我上次食唔晒，打包番屋企仲可以食多餐，所以我覺得相當實惠。呢度D咖哩係真係食到spices 嘅味度，我甚至懷疑係佢哋自己新鮮調校嘅。…查看更多

星期日下午去食lunch得知只有星期六才有lunch set,星期日只供平日晚市餐牌上的食物,午餐咁食法真係好貴叫左個棷子海鮮飯,涼粉冰個棷子是用棷殼盛上桌的,但個殼用左好多好多次,d紋己經入左好多污漕野,唔太開胃入面的棷汁不夠成個飯撈勻海鮮幾好味但好少涼粉冰涼粉唔爽,太多棷奶好<漏>埋單85唔係幾值囉…查看更多

有唔少人話我食火鍋食咗成二百蚊，好似有啲貴噃，咁我一向食嘢都比較鍾意食一啲經濟實惠嘅美食，當然唔會違反呢一個習慣啦。是晚經阿K介紹，去咗西環一間口碑唔錯嘅星馬泰餐廳，完全符合「價廉物美」呢個宗旨。如果去開西環，不妨將此餐廳列入考慮之列。餐廳裝修簡單唔花巧，堂食座位以社區食肆嚟講可以叫做充足。話明係星馬泰餐廳，緊係有香辣嘢食啦。事實上筆者幾鍾意食呢一類食物，雖然到宜家都攪唔清邊啲係泰式咖哩、邊啲係印度咖哩。兩個人，食唔得太多嘢，所以叫咗「馬拉盞炒西蘭花」、「燒羊串」、「椰汁咖哩雞」、「油鬆餅」，阿K仲叫咗杯「珍多冰」。「馬拉盞炒西蘭花」嘅味道很強烈，配合大部分香港人愛濃味嘅口味。其實「馬拉盞」究竟係乜東東，筆者冇深究過，味道就好似XO醬炒西蘭花。我從來唔會為呢啲嘢頭痛，好味便是了，所以我只可以係一個嘴刁嘅人，永遠唔係一個識整嘢食嘅人；「燒羊串」係用羊肉，加上一啲迷迭香去燒嘅，食落口迷迭香氣味豐盈，但喧賓奪主，掩蓋羊肉本身獨特嘅肉味，稍為另人失望；「椰汁咖哩雞」、「油鬆餅」係永遠嘅好朋友，缺一不可。咖哩好香，係落咗椰汁嘅緣故，辣味適中，人客亦可叫大辣，相信更加「刺激」。「油鬆餅」打得好鬆化，沾上咖哩汁簡直係鋼鐵般嘅組合。至於「珍多冰」是平常貨式，冇乜特別。據阿K憶述，正宗「珍多冰」裡面綠色嘢係用香蘭葉做嘅，光吃呢啲綠色嘢已經有一股淡淡嘅清香。當然用香蘭葉做嘅「珍多冰」成本一定不輕，所以現今好多餐廳都改用「魚膠粉」做。價錢方面，我地食咗二百二十蚊(連加一服務費)，食咗水準唔錯嘅食物，比錢都比得開心啲。…查看更多

午餐超抵食!服務很正已經第二次吃…查看更多