荷里活冰室 (香港仔大道)

營業中

休息中

假日晏左起身無早餐時段，又想食麵餐炒蛋，就要搵間茶餐廳…荷里活冰室都多分店，就係未試過，今次去試下。冰室特餐：沙嗲牛麵、奶油西多士、炒蛋火腿 $48 凍飲+$3好普通平凡特餐，沙嗲牛麵既沙嗲湯都唔錯，成個餐味道平均，一般茶記口味，無話有咩特別甘。至於價錢，呢家周圍啲茶餐廳都係甘上下價，唔會係抵食囉！芝士焗豬扒飯$57無乜料，有幾片豬扒芝士加茄汁，好普通，又唔係大碟，味道都尚可，都係一般茶記，唔會有特別諗起會返轉頭食多次甘囉

見佢招牌大大，又上一層樓茶餐廳，幾多位，唔迫所以就上去食個下午茶行上樓梯時，居然有打卡位，茶餐廳黎講都幾得意下午茶都幾多野揀下，同埋佢D名都幾得意我就點左"熱量級"既芝士焗豬扒飯係即叫即焗，所以要等一陣，不過都唔算耐我覺得好食過大家樂同大快活喎雖然係下午茶，份量都唔算細我鐘意佢焗得燶燶地，咁先夠香下面幅圖就見到有芝士拉絲啦! $44黎講，唔錯呀我加錢飲左杯紅豆冰但好難飲呀.....好淡口,無味既叫佢少冰又無少到，你見張相好似飲左好多，因為係我拎走好多凍不過咁，我有即時投訴，佢地換番杯野飲俾我，所以無數啦!我俾野食4粒星就因為個豬焗飯咋下午茶MENU

似曾相識，這環境，這食物，這服務…滿滿翠河味道。借屍還魂；舊瓶新酒。晚飯時段，客人不多，但圓枱太大，我們3人只好擠在卡位。稍稍商量，點了涼瓜炒牛肉、回鍋肉、啫啫雞三客套餐，不一會菜便送到，看來份量不少。先說說川味回鍋肉，一字記之曰:「肥」。本人絕對理解回鍋肉不是瘦的，但這菜真是肥到顛覆我的想像， 能接受的人應該不多，「都是我的錯! 點餐出差錯」。帶微辣的肥肉入口化成油脂，如呷了一口花生油的口腔，膩膩! 忙嚥下半杯開水。少許相間的瘦肉卻'鞋'而無味，配菜切的有大有小…都是其次。論味道其實不錯，肉如果瘦少少即大妥。再論涼瓜炒牛肉。小菜如圖示斤兩十足，滿滿是牛肉。味道十分濃郁，上枱時仍冒著煙，以套餐來說，抵食。吃了幾件帶苦澀的涼瓜，美味! 牛肉卻覺得醃得'over'了，哪些來自調味料的濃味咸味，搶走了牛肉應有的肉味，如果廚師下手較輕，會更討好…我又喝了一杯水。最後說說啫啫滑雞煲。雞件很多，約有廿件；尺寸大小恰當，吃來容易。論嫰滑不過不失，而且有鑊氣，可惜…仍是老問題－很惹味，太惹味了，我只好低下頭，躲開服務員再送水時的一面不耐煩。這家店，每日用的鹽油醬醋應該不少。荷里活，且看你能在小區活多久

同男朋友去南丫島行完山經模達灣搭船到香港仔覓食，原本去另一間餐廳，可惜執笠了，因為實在肚餓，不想再搵，於是到了這間餐廳，叫咗魚雲湯飯和豬手，都幾好味，大家也食得好開心，結果收銀阿姐脾氣極差，講嘢大聲又惡，讓人心情瞬間跌落谷底，極其掃興！

樓下茶餐廳開左都一個月都未幫襯過，今晚心血來潮就比次機會佢，諗住新開張，出品應該衰極有個譜，點知中伏了！杯凍鴛鴦少甜小奶 俾左杯多甜多奶，紅豆冰反而唔夠奶，水汪汪，飲左幾啖就唔敢飲落去，怕因小失大搞到肚瀉，另外叫左個餐k4胡麻雞扒拼帶子，味道尚可，但個咖哩牛腩飯就出事，汁稀咖哩味欠奉，牛腩一般貨式，最大問題係完全唔熱，以前翠河出名出品差，換左名之後，似乎只係掛羊頭賣狗肉。

香港仔的荷里活冰室開了不久, 向有輕度厭食症的我日漸消瘦。全香港仔的早餐都很難引起我的食慾, 所以身體日漸消瘦, 親戚朋友都以為我身患重病。一試這間冰室的沙爹牛肉米, 煎双太陽蛋, 奶油多和奶茶, 吃完彷彿重未夠喉, 簡直是驚喜的發現。但此早餐有點辣, 吃不得辣的人勿試。多謝這個早餐使我重拾人生樂趣, 延長自己的壽命亦可期待。