影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
今朝落街食早餐兼買早餐俾父母，行到嚟七姊妹道既荷里活冰室，剛好開門，入內找個坐低睇下餐牌。餐牌上既早餐大部份已食到好悶，所以退而求其次，食過穩穩陣陣既餐蛋麵就算。人手落單，之後等咗一陣間碗麵就送上。碗麵算大碗，有兩隻反蛋，两塊厚切午餐肉同埋麵，個湯底味道唔錯，略嫌两塊餐肉冇煎過，冇咁香口。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
繼續閱讀
不嬲有幫襯荷里活冰室的其他分店，佢地的奶茶茶膽好啱我口味，今次經過北角見到佢既分店，當然要幫襯下。環境乾淨企理，冷氣夠凍。今次點咗特餐—「照燒大切豬扒配稻庭烏冬」、配火腿煎蛋＋丹麥奶油多士，再來杯絲襪奶茶。價錢係2025年嘅今日嚟講，真心係佛心價。賣相與份量成套餐四大件：一大碗粟米通粉、一碟厚切豬扒、雙蛋加丹麥多士、同一杯熱奶茶。每樣都唔細碟，份量對成年人嚟講啱啱好，食完有飽肚感但唔會好「撐」胃。味道實記粟米通粉：湯底唔係粉到離譜嗰種，稠身適中；通粉煙韌度合格，面頭落咗一湯匙粟米，係冷凍食品個種，對我黎講，唔落好過落。厚切豬扒：表面煎到微焦脆邊，照燒汁唔會過甜，鹹甜平衡；肉質唔鞋，咬落有肉汁，而且都夠厚身，有咬口但唔乾。唯一挑剔就係肥膏有點多。🤣火腿煎雙蛋＋丹麥多士：本身套餐係奄列，我中意吃煎蛋，落單阿姐都好歡迎幫我改。丹麥多士外脆內鬆，但一食只要微暖，扣分牛油香同蛋香夾得啱啱好—要求「走油走奶」亦照做，服務貼心。絲襪奶茶：茶底厚，入口順滑無澀味，甜度適中。環境與服務室內燈光暖黃，卡位私隱度ok。店員上菜速度快，落單到齊菜大概幾分鐘，茶記效率一流；特別要求（煎雙蛋、走油走奶）全部記得，呢點要讚。性價比$63包主食＋肉類＋蛋多士＋飲品，以現時茶記價位嚟計相當着數；份量足、出品穩陣，屬於「每日都食得落」嘅安心午餐。
繼續閱讀
#豬同鴨講 #Pig2duck 🕞 下午茶勁抵食 🤑 時光倒流價$30 西多士+紅豆冰🧇▪️【 黑芝麻西多士+紅豆冰 】 HK$30🧇 西多士有花生醬餡 🥜 金黃外表再淋上煉奶同芝麻醬 🍼 再配埋紅豆冰 🥤 勁邪惡 😈 食完即刻重十磅 🆙▫️【 煙燻芝士蛋豬扒包+熱飲 】 HK$39🍔 好足料，一咬跌哂啲餡跌哂出黎 😂▫️【 芝士火腿牛角包+熱飲 】 HK$35🥐 扁塌既牛角包唔夠脆，唔建議大家食 🙊▫️【 現烤拉絲芝士脆豬 】 HK$35 單點 / HK$40 配蘋果沙律及熱飲🤯 標題好吸引 🫣 但現實好普通 🌽 只係火腿粟米 🧀 芝士亦拉唔到絲 失望😕▫️【 葡萄乳酸多多 】 +HK$9🥤 突破傳統 ☕ 終於唔係咖啡奶茶咁單調 🧋 連接新一代既茶餐廳 🍇 酸酸甜甜好開胃 😋 推介❗▫️▫️完！▫️▫️
繼續閱讀
第一次幫襯，提供中西餐多種選擇，食材新鮮穫氣夠，價錢合理，免收加一，套餐抵食。2位（海陸空套餐）清蒸馬友一夜乾（鹹鮮）魚是馬友生死戀，鮮魚上放鹹魚，再一起蒸，魚肉入口既咸且鮮，值得推介的一道菜餚。椒鹽肉排好香嘅酥炸椒鹽味道，新鮮炸起嘅肉排金黃香脆可口，椒鹽包裹住但係唔會好鹹，調味啱啱好，肉質尚算軟稔，茶記級數嚟講佢算高質。粵香蔥油雞半隻蔥油雞，是當晚最好食的菜之一，肥瘦剛好，雞肉香滑鮮嫩，非常入味。總結，地方光猛寬闊，服務中挺，食物款式尚算多。
繼續閱讀
今天一早來到北角，打算吃早餐再工作，來到位於港運城後面的荷李活冰室。點了兩個早餐，分別要了雪菜肉絲米粉和豬潤米粉。雪菜肉絲的份量大概是一般店舖的兩三倍🤣令人出乎意料的是豬潤米粉的豬潤。豬潤足夠的厚，熟度剛好，沒有豬臊味。
繼續閱讀