荷華庭園景餐廳 (已易手) 新餐廳

好耐無同舊朋友聚一聚我地肯定有排傾計，黎到咗呢間西式餐廳。環境好舒適的，裝修精緻，座位也比較寬敞，非常適合聚餐的好地方。鮮蠔周打湯鮮蠔真係好大隻，食落好鮮味，仲配上熱蒜蓉飽，個湯好濃香好滑口，材料好足料，一啖面包一啖湯，正呀。豉油王大蝦拼牛小排：有少少中西合璧嘅感覺，豉油王嘅大蝦很夠味，新鮮彈牙，配搭嘅牛小排同樣有質素，牛味很重，味道果然一級棒！黑松露芝士大虎蝦配薯蓉香濃黑松露味配芝士絕配呀隻蝦仲大過我隻手掌，啖啖肉，冇得頂味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

前幾日米米同男朋友，想試下搵d比較環境舒適和有氣氛的餐廳撐下枱腳，經朋友介紹，我地黎到位於林村既荷華庭餐廳未走進餐廳已經好surprise ，餐廳外面有條河仔，好有空中花園既感覺😁而室內就俾人既感覺好樸素簡潔😚😚😚。海蝦鮮果沙津 $138佢既海蝦新鮮鮮甜，鮮果係堅新鮮，當中有芒果，波羅，奇異果，蜜瓜，哈蜜瓜和士多啤梨等等，越食越開胃停唔到口🤤太平洋海鮮意粉 $148意粉較為硬身，岩哂我鐘意食硬面既人😳😳，而海鮮都新鮮，份量都較為大份。燒美國安格斯肉眼牛扒 $290牛扒食落好有牛味🐮，有少量既油脂，所以好香口，加上份量係極大塊，岩哂米米同男朋友😳總結而言，環境是整個食飯流程最美的一環，食物質素都好好，甚至我們離開時，門口的那個夜景是非常之迷人😚😚😚

餐廳位於林村入面，一個遠離繁囂，頗舒適嘅庭園！再嚟因為記得之前給我的第一印象也很不錯！西班牙火腿配哈蜜瓜哈密瓜甜甜的同火腿鹹嘅鹹香味配埋一齊剛剛好！凱撒沙律 98沙律菜上面仲有芝士同粟米脆片啖啖都爽脆又新鮮！鵝肝醬焗豬扒飯 168鵝肝醬味濃郁香氣滿溢，炒飯底粒粒分明，豬扒厚肉大件又多汁唔會靭。鵝肝醬焗飯呢個挺特別的煮法，但係又失去左原件鵝肝的韻味，食多幾啖不期然覺得有啲似豬潤。我鐘意個炒底！燒安格斯肉眼看扒 290牛扒肥瘦脂肪比例均勻，鎖住肉汁好juicy!旁邊嘅薯蓉大份又creamy！黑松露汁海膽帶子燴意粉 138濃郁嘅黑松露汁， 忌廉味非常重，但完全食唔到海膽嘅鮮味，有點濟濟的。整體上都ok! 但平心而論，何華庭比起之前第一次泥食真係遜色左啲

我係香港發現左個世外桃源既地方😱屎忽痕 周圍去走左去林村玩之後竟然發現左間勁令既餐廳🏰#荷華庭園景餐廳門口有條小橋過左橋有好多園林feel設計既坐位好令😍好可惜我去果時已經天黑🌃影唔到不過話明園林🤣少不免會有蚊🦟不過果度既侍應好好準備左蚊香會點係附近成功無比野咬😜世外桃源食既野都好鬼好味我不嬲唔食蠔同羊扒🐑係依度我竟然食晒仲覺得勁好食焗生蠔，勁大隻啖啖肉😋煎羊扒有3個醬比你3個都好味 好襯啲扒仲叫左個黑松露海膽燴意粉🍝唔洗多講就係好食🤣🤣 埋單每人300蚊 我覺得依個價有依個環境同味道絕對值得😌得閒去下新地方放鬆下食個飯其實都好開心😊😊

今日同屋企長輩慶生，黎到大埔『荷曄庭』豪食一餐。餐廳外面有個小庭園，小魚池、小橋、植物⋯⋯景色幾優美～而且室外放置左好多餐枱，中意户外嘅食客可以選擇坐外面呀😉我地人多，訂左間房仔，天氣咁熱冷氣好夠👍🏼👍🏼而且竟然一隻蚊仔、烏蠅都見唔到！先來兩份沙律：煙三文魚沙律、大蝦雜果沙律「煙三文魚沙律」啲三文魚卷到勁大舊，2～3人share一舊都好夠！芝士粒配埋新鮮沙律菜都好正！「大蝦雜果沙律」啲水果都好新鮮，奇異果、蜜瓜、菠蘿、哈密瓜⋯⋯樣樣都有啲。「燒羊髀」需要預訂的，一上菜分量大到嚇親大家，侍應會幫手切開一片片，羊肉入邊包住左啲蒜頭粒辟除so味。呢隻羊髀燒得過火了，食落好鞋、好乾身⋯⋯有啲失望。牛扒質素相對高好多！肉味濃郁，火候控制得啱啱好，Keep到啲肉汁，正！

呢間位於大埔林村嘅餐廳佔地甚廣, 除咗設有室內座位之外, 想貼近大自然亦可選擇戶外雅座, 戶外更有特色包廂, 一班朋友聚餐想傾計大聲D都唔怕。法國森林野菌忌廉湯 ($60/碗)野菌湯質感唔算非常濃, 略帶菇菌香氣, 沒有一般忌廉湯嘅厚重感覺, 飲完唔會覺得膩。燒紐西蘭羊鞍半份 ($298)羊鞍燒得啱啱好, 切開肉質粉嫩仲帶點肉汁, 羊騷味唔算太重。點半份有4條骨, 2個人食就差唔多啦。薯蓉唔係走幼滑路線, 食落有粒粒薯仔, 仲好重牛油味。

假日走進林村, 喺許願樹附近發現呢間擁有庭院景致嘅 - 荷華庭園景餐廳。餐廳設有專用停車位, 方便揸車嘅朋友。鮮炸美國生蠔春卷 $138春卷剛剛炸起, 口感硬脆, 油份唔會太多, 雖然外型同平時食開嘅春卷無異, 但原來餡料加入蠔肉, 呢個配搭都係第一次試, 估唔到毫無違和感喎。咖哩雞 $98咖喱汁質感濃稠, 香草味很突出, 食落酸味比較重, 都幾開胃, 雞塊就比較多骨。香燒印度薄餅$48印度薄餅酥香鬆化, 用嚟配咖喱汁, 我覺得比起配飯更加夾。

其實之前已經幫襯過呢間餐廳一次今日做嘢太辛苦 放工都想去［渡假］一下所以就諗起呢間餐廳 放咗工都特登入去食如果冇揸車嘅朋友就真係會格zip咗啲如果揸車嘅就真係好方便 因為餐廳門口有差唔多10個車位比食客免費泊車一睇吓啲裝修 你就知點解我會覺得呢間餐廳似泰式嘅別墅啲小木屋真係好有feel 我都好推介couple嚟呢度拍拖 因為真係幾浪漫💕室內嘅環境雖然唔係裝修得好時尚 但係都好乾淨我哋嗌咗一個沙律同兩個主菜雖然價錢唔係平 但係質素都OK尤其個銀雪魚 塊皮煎得好香 魚亦都好juicy雖然呢間餐廳嘅食物同埋環境都非常OK但係今日我打黎book枱嘅時候電話中嘅嗰位姐姐就唔係幾好禮貌 所以希望餐廳注意一下員工嘅telephone manner

那日去林村 兜個圈 ， 行過大運 ， 發覺原來廟和公廁後面， 有間世外桃源般的餐廳 ，林村荷華庭園景餐廳 ，未入去先感覺到鳥語花香， 門口有淙淙流水聲， 原來係一個大錦鯉池。 進到去迎面而來的是戶外露天茶座， 也有一個個草屋似的包廂， 有冷氣之餘也可以容納十多個人一起聚餐， 有私隱度也可以接觸大自然，設計很不錯呢。我們選擇了坐在室內大廳， 假日中午時分來到， 又有午市套餐可以選擇, 而且價錢也不算貴，是日叫了兩個主菜，分別是鵝肝醬焗豬扒飯燒豬肋骨午市套餐可揀前菜或湯， 湯是蕃茄 雜菜湯， 而另外一道前菜是西班牙火腿配蜜瓜。蕃茄雜菜湯配蒜蓉多士， 湯頭濃郁， 甜甜酸酸十分開胃。 多士即叫即烘， 滿滿的蒜蓉香氣。西班牙火腿配蜜瓜好重肉味, 柔軟鹹鮮, 油香滿溢-主菜來了，鵝肝醬焗豬扒飯焗豬扒飯以鵝肝醬代替平時的番茄汁， 鵝肝醬味道濃郁，香氣滿溢，加上有炒個底的飯 ， 齋食飯已經好好食 。再者豬扒大大件， 厚肉得嚟多汁，唔會太鞋，比我 想像中好食。-燒豬肋骨燒豬肋骨 肉質軟腍鬆軟，又滑又嫩，-配上美味的獨門燒醬汁，食到10隻手指都啜晒先夠喉。

去林村嘅目的只有一個，既然行完大運，當然要去醫肚。 以往只係識得去街口的兩間餐廳，但今次 行咗去廟後面， 發覺原來入面別有洞天。 餐廳叫荷華庭園景餐廳， 裝修非常別緻，由入門口的錦鯉池，到室外有不同的 露天茶座 ， 以及私人包廂 ， 再到室內的用膳區域， 一整個予人舒適用餐的環境， 剩欣賞環境已經值回車費。-午餐價錢不算貴， 而且款式選擇多， 由牛豬魚海鮮等等一應俱全， 而且也包餐湯或前菜。-今天叫了兩份主菜, 先來的餐湯和前菜餐湯選了海鮮忌廉湯， 海鮮忌廉湯煮得濃杰， 而且內裏也有蜆等等等貝類海鮮。 配上蒜蓉多士， 暖胃之餘 也不錯吃。-前菜是 煙三文魚配沙律, 沙律菜非常新鮮, 三文魚有兩大片, --鹹香得嚟配搭親鮮的沙律菜非常清爽。-主菜來了銀鱈魚煎得香口， 外脆內嫩， 肉質嫩滑細緻 。---薯蓉不單香滑， 因為裏頭也放了原個薯仔，所以也幾飽肚。-龍蝦意粉龍蝦大大隻原隻上，大大啖、啖啖肉，爽口彈牙。----另外不得不提的是每條意粉都吸收滿滿而濃郁的龍蝦味， 讓人停不了口 。總括而言， 這裏環境舒適 ， 食物定價適中 ，很值得在這裏過一個愉快的週末呢。

今日朋友生日去了大埔荷華庭食飯慶祝一下，位置都比較入有車就是十分方便！環境都十分寧靜舒適，裝潢都很美觀是個打卡熱點！坐下來睇下餐廳點餐，款式都很多選擇凱撒沙律好新鮮的沙律菜🥗十分清新可口鮮炸美國生蠔卷炸得十分香口美味，外型好似春卷，美味不錯。香煎銀雪魚煎得外面很香口，內裡肉汁鮮味，能鎖住肉汁保持美味，而且肉質鮮嫩多汁，美味可口。黑松露鵝肝蛋白炒飯炒的粒粒都乾，很有濃濃的黑松露味道，十分香口，再配有蛋白去吸收松露味更加滋味，上面有塊美味鵝肝襯托著。

上網好多人講呢間餐廳好靚，好啱影相，就好試一試，一去到環境好靜，好啱情侶去，當天我係午餐時段叫咗2個餐包括係燒安格斯肉眼扒加春卷同埋原隻龍蝦炒意粉加西班牙火腿拼哈密瓜，首先牛扒好好食好淋，7成熟啱啱好保持到肉汁，入口即溶一食落去超多汁同埋佢有配埋薯菜都好好食，春卷唔會好油，好脆好食，龍蝦炒意粉同西班牙火腿拼哈密瓜得好好食，龍蝦好大隻好多肉，味道啱啱好，西班牙火腿好好食配哈密瓜一流。最後叫咗兩杯特飲玫瑰冰糖雪梨蘆薈同藍蝶花冰糖葫蘆特飲，推薦大家試下！

過去個幾禮拜嘅雨蒙蒙，終於到今個星期嘅好好天，適合遠離繁華，但求一片安寧與釋放。朋友仔帶路，覓得如此好景好聚之地，實在係福氣。位置有啲隔涉，對於路痴嘅我來講，如果冇人帶路應該唔識來，見到間餐廳咁靚，到此一遊嘅好感油然而生。室內室外都有座位，我哋今日到嘅時候仲未開始營業，正確營業時間係18點，係我哋早咗。室外好有度假feel，風景如畫，仲有個大大嘅魚池，可惜有蚊，於是我哋決定轉戰室內，仲可以涼冷氣。提提想坐室外嘅朋友仔要帶定驅蚊劑。室內一樣咁寬敞，座位舒適，氣氛悠閒。就連份menu都同個環境好搭，詩情畫意。西式嘅餐面擺設，整個環境已經令人食慾大增～係咪好想即刻睇下我哋食咩呢～面頭好多芝士，三文魚應該係煙過嘅，配埋啲新鮮沙律菜撈芝士食，即時開胃～唔記得之前有冇食過黑毛豚，不過今日呢嚿黑毛豚確實令我對豬嘅認識又加深咗，佢嘅肉質較為爽口，肉味都濃啲，餐廳配嘅黑椒汁唔係好似出面果啲好濃重，相對比較淡，相信係廚師唔想啲黑椒味蓋晒啲肉味而特別調製，同件豬扒好夾。最後，都要醫醫個肚，個意粉嘅份量足夠兩個人分享，茄醬份量剛剛好先可以唔太鹹㗎，呢樣嘢我都覺得幾好。最後提多樣嘢，雖然去到咁遠，不過唔使驚，揸

難得放幾日公眾假期，就SEARCH下去邊度食好野獎勵自己～見到大埔林村入面有哩間西餐廳～又有得PAKING 就GOGOGO了入到去～我哇左出聲間餐廳真係好靚～我覺得自己好似去左泰國咁係香港好荃得會有咁既OUTDOOR 餐廳俾人RELAX下野食方面我點左凱撒沙律～咸豬手配薯條同埋黑松露煙黑鴨胸意粉每碟野食個份量都好大，兩個人食其實絕對夠飽咸豬手好入味，配埋即炸既薯角真係絕配凱撒沙律係用芝士粒而唔係芝士粉，誠意加哂分～餐廳環境用黎慶祝都好適合～下次會再幫襯~

一連三日假期，老公揸車去了林村許願樹參觀及掟寶碟，午餐經過這間餐廳，景色優美，有亭台樓閣及錦鯉池，可選室外或室內用餐。午餐有十多廿款，價錢由百多元至二百多，計上環境費真是絕對超值。海鮮忌廉湯配蒜蓉包忌廉湯濃稠，裏面有粒粒魚肉及蜆肉，蒜蓉包香脆。巴馬火腿配蜜瓜蜜瓜比較淡，略欠點果甜，未能中和火腿的咸味。原隻龍蝦炒意粉意粉不會過腍或過硬，但略缺點醬汁，意粉較乾身，開邊龍蝦爽口彈牙。燒安格斯肉眼扒要了五成熟，所以中間還帶點粉色，肉汁豐富，表面有焦香，旁邊薯仔很腍。紫背天葵蘆薈雪梨茶及藍蝶花檸檬梳打前者有粒粒蘆薈，後者有檸檬清爽，兩者色畏澤鮮艷且吸睛。最後食埋個雪糕做甜品。