荳子 (MOSTown新港城中心(4期))

營業中

休息中

Beans早餐 望落係咪好豐富呢！今次叫咗炒蛋炸魚柳 炒蛋份量好適中而且好滑 另外魚柳煎得啱啱好 嚟到仲好脆 點埋他他醬嚟食 Perfect😍另外仲可以俾你自己選擇果醬同牛油嚟搽麵包 我就兩樣都揀咗店舖嘅員工態度都好好 下次上嚟試吓lunch或者dinner👍🏻

Beans多區有分店，幾年前吃過將軍澳的，不過一直沒在馬鞍山吃過，因為未搬遷在馬鞍山中心總是排隊，現在在新港城中心傍晚即刻有位。我們四個人用餐，點了西班牙海鮮，辣肉腸pizza，蟹肉牛油果他他，還有兩份薯條，因剛好有人生日，所以還送了一個和天仁茗茶聯名的鐵觀音泡芙。其中，蟹肉牛油果他他有驚喜，搭配酸種麵包非常清爽好吃，而黑松露醬薯條也很濃郁，送的泡芙很重的鐵觀音味，都很有記憶點。至於西班牙海鮮飯及Pizza就正常表現，不過不失。整體環境舒服，店員幾nice，會在回訪

平日下午放假行過馬鞍山新港城 ，難得《Beans》竟然冇人排隊。即刻入去試下先！All day breakfast 份量多 。屋企人一個人食唔曬要我幫手。😂要讚一讚嘅係個窩夫，上碟嗰陣熱辣辣咬落去軟熟又重蛋香，沾上忌廉食好夾。牛舌切粒蕃茄肉汁燴沾麵🍝牛舌表皮煎得香脆，有八至十件，份量都夠。麵身帶點煙韌，伴有蘑菇粒洋蔥碎，帶點惹味。另外加30蚊叫咗個焦糖番薯條 , 外皮焦脆內裏好重番薯味，真材實料。份量係兩個人食唔曬要打包走！飲品揀咗檸檬蜂蜜， 清新易入口

餐嘅沙律好大份 雖然羽衣甘藍不嬲都唔好食好硬 但係好新鮮羊架而家冇咁好味，而且細菌好多，側邊嘅盆菜都比較少 朋友嘅豬手份量驚人好多！我食我嗰個完全唔飽，但係朋友嗰個多到可以分俾我 我嗰個238佢就318 唔通真係因為價錢？😇見到而家出咗中式糖水即刻嗌！選擇超級多，我就嗌咗豆腐花紅豆沙，同朋友嘅薑汁撞奶一齊share，我嗰個都幾好味，不過唔夠熱，而且其實份量好少個碗睇落就好大薑汁撞奶就有少少失敗，唔係太凝固，但係味道合理吧環境好好，服務質素都一流 不過整體性價比好似爭啲因為質素不算好

放工後，得返一個人的時候，雖然話好想返屋企自已煮，獨樂樂。但人類總會犯同樣的錯誤，而這一個錯誤就是懶惰了。懶惰的我，當然不想煮飯，也不想食完飯洗碗筷。於是，決定踏上去馬鞍山的巴士，在新港城找個好地方，一個人開心吃。而我眼見《Beans》不用排隊啊，就決定吃一個正宗西餐啦。晚市，有豐富的套餐啊，而是日跟餐的是一個美味香濃的牛肝菌湯。因為是牛肝菌，所以香味絕對是濃濃的。入口 creamy，夾雜著濃厚的菇味，而牛肝菌的味道比起平常的蘑菇湯更加之濃味。正! 主食是一個烤五花腩卷。以蔬菜同紅菜頭，肥肥的豬腩肉餐出現這些，頓時令人覺得，這一個餐多添了幾分的健康。五花腩卷，西式食法，感覺就是在吃一件超肥美的豬扒一樣。口感比豬扒更佳的原因就是肥美的五花腩，差不多就是入口即溶。吃到滿嘴油，又有鮮蔬菜幫忙吸收。感覺真不錯。餐後，亦有一杯濃濃的咖啡為伴。夠濃夠上的意大利 style 美式咖啡。飲後絕對會令你身心舒暢。也為這一餐劃上了一個滿意的句號。環境，食物同服務的令人滿意了。難怪每次經過此品牌餐廳的每一間分店，都是座無虛席，人排長龍的。

蟹肉他他仍是我最愛！而家新配個個酸種面包比之前個餅好食！面包脆脆的，有少少牛油味，仲要係熱熱地，蟹肉他他不過不失，唔太餓之首選 。加$30個羽衣甘沙拉都好好食，份量夠！不過咖啡未如理想，完全無咖啡味，有點失望 。不過預左😆 價錢對得住，都抵食，坐得舒服

今日同男朋友去坐cafe休息下，嚟到呢間beans😋坐低QR code落單，平日午餐冇乜人唔洗等位，坐得幾舒服🫶🏻落左單5-10分鐘就有野食✨叫左紅酒燉牛面頰意大利飯（$84）個飯酸酸地幾開胃，飯燉到好入味，中間嘅菇菇有增加口感，牛面好淋，一介開就爛，幾好食😼黑松露軟殼蟹意大利粉（$89）得兩個細細舊嘅軟殼蟹😢但炸得香跪幾好食，黑松露醬都包住每一條意粉，超香✨略嫌有點太膩，但男朋友食得好滿足😋黑松露蛋黃醬薯條（跟餐+$30）薯條一上嚟已經淋曬😢但黑松露醬係好香的👍🏻平日午餐呢個價錢送飲品嚟講好抵食🫶🏻下次會encore😼但可能未必再叫薯條，會試下甜品😍

叫左個冬陰意粉一開始黎嗰陣冇冬陰味叫左個waiter黎純粹好奇想知發生咩事點知個waiter好主動咁話幫我地換一碟仲要親自試埋味 好老實咁講話真係冇味 可能係廚師落少左冬陰從來未試過咁好嘅服務態度之後黎左嗰碟好好食冬陰味好足 👍

平日嘅下午來到Beans，唔使等位即入。入座前，店員會叫你揀一隻帶有香氣的消毒搓手噴霧，俾你噴完先入座。似乎係與be candle 的聯乘活動，但係顧客趕住入咗根本唔會花時間了解產品，店員也不會多作推介，再者在後疫情時期噴消毒搓手似乎已經不再盛行，這樣真的有助品牌宣傳嗎?! 😂入座後，顧客要用手機落單。首先到嘅係飲品，然後主菜，兩樣都係15分鐘之內到了。☕️熱榛子Latte $34飲品先到，嘆住等主菜。飲品撒上杏仁片，感覺特別。榛子味唔會太甜，搶過latte 的味道，所以整體來說不錯👍🏻🍝軟殼蟹意粉 $89黑松露味道濃郁，意粉和醬汁嘅比例都好多，一個人食綽綽有餘。不過，軟殼蟹就唔夠大隻和唔夠熱。意粉中還有不同類型的菇類，都炒得幾香。呢度好多食客都係自己一個人幫襯，勝在唔會有人催你還枱。食物方面正常，價格在區內算中上，以後每當想嘆個好少少嘅西餐會再幫襯。

星期四平日早上帶寵物去食早餐， 因馬鞍山新港城， 只有Beans招待寵物🐕（坐門口坐位）。其實唔太鍾意去Beans, 要食客帶寵物🐶的，只可坐門口卡位， 冇遮冇隔， 行人個個望住， 感覺奇怪。2人叫了2個早餐1） 西冷牛排 ， 抄蛋， 鬆餅， 茄豆 $69凍啡+$3牛排＜梳打粉醃得好勁＞腍pat pat又多筋韌， 像大x樂， 大x活早餐牛排。。。好難食。2） 炸魚煎熟蛋鬆餅 $58熱咖啡炸魚好硬又乾鬆餅好一般炒菇又唔香。。。。總評。早餐都可以整得咁難食， 仲要收咁貴。去食 大x活 快餐差不多。 3分服務。 6分

今日同朋友嚟到馬鞍山，見到beans新開，之前都食過其他分店幾好，平日有下午茶，我哋一入門口，男侍應就非常熱情的招呼，服務態度非常之好，嗌咗兩個tea set，再加一個蛋糕，焦糖雞翼嘅薯條香脆可口，雞翼配上焦糖，幾好食，另外抹茶雪糕多士都好味，只係個蛋糕本人覺得偏甜了少少，應該試一次就OK，不過外型打卡是不錯的。整體嚟講，呢間餐廳男侍應的服務態度不錯，另外食物都質素幾好，女侍應服務態度就正常，下次還會再食。

黃金蟹肉意粉:HK$89熱玫瑰伯爵奶茶(轉紅十字奶+HK$3):HK$35共消費HK$136，個人評價是味道不錯，不過有點貴。進店前會讓顧客挑選其中一款消毒洗手液清潔雙手。店舖收取10%的服務費。

昨天下午吃了一個非常不滿意的午餐，手撕豬和麵包都好韌。雞蛋的醬汁不合我口味。幸好焦糖燉蛋咖啡都可以。以後不會選擇這款食物。工作人員態度比前好了一點點。短期內都不會去這間餐廳了。

小朋友這日有一個校外比賽要參加，於是中午同佢食返餐好嘅，幫佢打打氣！之前Beans開在對面的商場，見到佢圍板時，還以為之後冇得食，但原來只係搬過來新港城新裝修風格與舊店不一樣，也與門面較寬有關，較舊店光亮不少不過空間又比以前少，所以座位沒那麼多，幸好我們是剛好較早到，所以基本不用等便可入座了我地食完後，午市已經滿座咁滯一大一細，真係好難叫嘢食，咩都想試，但又冇咁大個胃，所以只能叫一份主菜，加D 小食類點餐雖然用電子點餐，還有實體餐牌可以作參考；實體餐牌除了食物資料外，還有一些本地文化的文章，值得一看📍肉醬粟米片 （$62）好耐冇食Nachos 了，所以忍唔住，想不到除左肉醬，還配有牛油果醬，肉醬不是意式那種濃味，加了番茄、彩椒，令味道更清新；牛油果醬就更係nachos 的絕配🤝📍車厘茄馬蘇里拉芝士薄餅 $132Homemade pizza, 餅底鬆脆適中，芝士香濃，拉絲度滿分，小朋友好開心要試下拉到幾高😂📍焦糖單骨雞翼(8件）（$62）雞翼炸至金黃微帶焦香，上面蘸上蜜糖，香口得來又甜蜜，令人食唔停口，同埋做成單骨，小朋友都食用方便📍 羽衣甘藍藜麥沙律（+$30）沒想到add-on 的份

今晚嚟咗最近喺呢個商場新開嘅Beans食晚飯餐廳以西餐為主，有唔同類型嘅食物，全日早餐🍳、漢堡🍔、羊架🥩、豬手🍖、意粉🍝、意大利飯🍲、薄餅🍕、沙律🥗等等。主食基本上都會包一杯飲品☕️，可選美式咖啡、檸檬蜂蜜、黑糖姜母茶。想轉其他就要另外加錢。今次我就試咗黑松露軟殼蟹意大利粉配熱檸檬蜂蜜（$132）意粉賣相一般，冇想像中好味，軟殼蟹味道就都唔錯。熱檸檬蜂蜜味道就都唔錯，冬天又暖又潤喉😄餐廳環境唔錯，坐得舒服，除咗冇景觀外都冇咩嫌棄員工服務態度親切有禮，值得一讚👍🏻