荳子 (大埔超級城D區)

營業中

休息中

其實呢間便是bean係我同老公嘅飯堂佢嘅下午茶真係平到不得了，而且分量充足味道好味😋 有時會食佢嘅下午茶當埋early dinner❤️好鍾意我嘅黑松露雜菌軟殼蟹意粉🥰黑松露味道濃郁，由於我本身都係黑松露迷，+25 元仲可以叫埋佢嘅黑松露薯條🍟，全部薯條都係新鮮炸出嚟，上枱嗰陣仲好香脆，好夠熱。佢呢度啲飲品樣樣都好想試，免費嘅就有柚子茶。不過我鍾意試新野，加少少錢就可以換其他飲品。 我今次飲玫瑰荔枝梳打水。好清新，好清爽。而且外貌打卡一流。佢呢度嘅繪飯都好好食😋，分量充足。平時我哋仲會食埋呢度嘅窩夫🧇不過今日有少少飽。超級推介大家下午茶嚟食❤️

上個月同朋友踩單車由大圍踩入大埔，然後就係大埔超級城休息下兼食個下午茶。我地四個人分別叫左四個唔同既野食，不過餐飲都係配凍既檸檬蜜糖。1. 綠茶窩夫窩夫又熱又脆，配上綠茶雪糕及紅豆蓉，味道不錯。2. 焦糖香蕉窩夫窩夫既質素真係唔錯，依個就配上香蕉及雲呢拿雪糕。3. Oreo麻糬流心吐司有少少竹炭味既吐司賣相非常吸引，仲見到吐司上有麻糬、oreo及雪糕作為配合。切出黎既時候有朱古力醬流出，非常特別。4. 黑松露軟殼蟹意大利粉軟殼蟹並沒有想像中咁熱咁脆，不過配上熱呼呼既黑松露意粉，味道都算okay。

疫情嚴重，好多時都買返屋企食，外賣自取有折，緊係買返屋企食，叫咗一個黑松露意粉，好重黑松露味，好香，仲有好多唔同既菇，令到成個意粉好香另外，仲叫咗個蜜糖雞翼，好香蜜糖味

平日嘅下午茶真係好抵，唔肚餓又想食啲嘢可以選擇佢哋。今日同朋友揀咗兩個甜品下午茶$42一份，再+$25多一款小食芝士薯條，另外飲品+$10就可以升級享受其他特別飲品。🔝粗身炸薯條，上面淋滿芝士醬，好滋味。瑞士蓮70%黑朱古力慕絲, 瑞士蓮榛子朱古力, 朱古力蛋糕🔝黑朱古力食落唔會好甜，但味道濃郁。🔝紅桑子, 雲呢拿, 吉士拿破崙香脆鬆化酥皮配上吉士醬，再加上裡會會有小小紅桑子醬，感覺帶點清新。

在大埔市中心，要吃比較有質素的意粉或意大利飯餐廳，選擇不多，Beans 是其中一間。.Menu 內的食物，好像都沒有大改變。.今次兩人行，點了兩個主食。.首先是牛油果蟹肉意大利飯。有牛油果的味道，但不會覺得膩，好fresh ！略嫌沒有什麼蟹肉味，但亦值得推介給牛油果控。.另外點了紅酒燉羊膝配酸種麵包。羊膝肉質夠腍，紅酒汁微酸帶輕輕的酒香，配脆卜卜的麵包，整體來講，好味！.另外點了檸檬芝士蛋糕，味道正常，不驚喜，亦不失望。

今天吃了荳子的兩款甜品, 分別是檸檬芝蛋糕 & 抹茶紅豆卷.荳子主打西式菜, 除了扒類、意粉等深受人們愛載外, 甜品也做得比較有創意. 遇上信用卡優惠, 怎可錯過呢？首先, 檸檬芝士的賣相好型仔,也好可愛. 連芝士裡的那些洞也模仿出來, 與卡通片內的芝士無異！質地軟腍腍, 像硬一點的布甸, 但卻綿綿幼滑. 夾着清新的檸檬味, 一點也不過呢 ！抹茶紅豆卷-- 料子足, 濃濃抹茶cream加上粒粒紅豆蓉, 魔鬼般的軟滑、細膩, 一入口已溶入心中, 不能自拔了！美中不足的是份量偏小, 有點意由未盡啊！

Oreo流心吐司 🍞$45 (4.5/5)平日下午茶好抵食！有少少竹炭味嘅脆多士，一切開流晒朱古力🍫醬！配上雲呢拿雪糕🍦，酸酸地嘅生果，最緊要係面頭有層麻薯同棉花糖！🤡🤡🤡🤡好飽，但唔太膩，好好食又抵！.軟殼蟹意粉🍝 $74 (3.5/5)每次黎必點！蟹炸得好脆！但今次意粉好淡，扣分！.黑松露薯條🍟$25 (4.5/5)粗身炸薯條，好脆！加埋creamy同勁濃黑松露醬！正！.想讚beans雖然開左好多分店，但食物質素就係好唔錯🥰🥰🥰🥰🥰

中秋節正日黎幫襯,唔知係咪個個都去晒飲茶,11點呢到竟然唔洗等位就可以入我對上一次黎已經係一年前既星期六,一開門口就勁多人兩次黎都係點番同一樣食物,但上次無打食評.ICED MOCHA好出色, 上面CREAM唔係死甜. 係滑既~朱古力味好濃郁! 咖啡亦香濃Earl Grey  Latte好香既伯爵茶味 上面仲有少量茶葉.十分好因為怕食唔晒,所以無點到豐盛版既全日早餐,就點左呢份輕怡版, 煙肉唔似出面乾爭爭,鞋烚烚.炒蛋好香滑 香蕉亦好好唯獨是窩夫唔夠脆卜卜..但配合楓糖漿,好可口.黃金蟹肉意粉蟹肉無上次咁多, 唔好睇佢無咩汁,其實拉開上面個蟹柳,入面係好多汁.

假日嘅all day breakfast 即係午餐😄用餐時都下晝兩點。🥰豪華英式全日早餐(窩夫、煙三文魚、煙肉、豬肉腸、蕃茄、茄汁豆、黑松露炒蛋、雜菌）好！豐！富！每一樣都好好味。唔係傳統嘅窩夫，有驚喜，食落好鬆軟。黑松露味香，豬肉腸唔肥膩。😍班尼迪蛋、蟹肉、牛油果蟹肉加牛油果好夾，配咗好多沙律做伴菜，感覺好清新健康！😊Green Apple (青蘋果乳酪慕絲、青蘋果醬、柑橘牛油蛋糕）顏色同賣相好靚。味道酸酸甜甜，唔太鍾意食甜品嘅都覺唔錯。😌Lindt Chocolate Mousse 瑞蓮士70%黑朱古力慕絲、瑞士蓮朱古力榛子、朱古力蛋糕）未食之前係怕佢太甜，雖然話係黑朱古力。但其實唔會太甜呀，好香濃朱古力味，鍾意朱古力嘅一定要試。

📸 忌廉番茄汁 手切牛柳絲 意大利粉 $98望落去係幾多嘢🤩意粉有啲 undercooked🌱食起上嚟有啲唔方便🥴牛柳煮得偏韌🐄Staff 嘅溝通同服務有進步空間🙊🤔

星期五晚嚟到大約7:00都成場滿哂 想有位真係要早d嚟 睇下個menu先 Beans 嘅黃金蟹肉意粉一直都係我至愛 不過每一次食都會問同一個問題：個蟹蓋係咪重用ga呢 希望唔係 今次人多可以試埋snack platter 個肉醬薯條好好味呀 不過肉醬會整淋哂面個層嘅薯條 雞翼都好入味不過計番得4隻雞翼太少 同埋好炸炸炸 好熱氣咁Risotto同pizza就普通啦 spinach risotto 但一d波菜味都無 得隻色 本新想食埋甜品 不過佢90分鐘限時夠鐘趕人走 都食唔到 想傾計真係唔好揀呢度食 要轉場

Tea time有D肚餓，於是就入左去BEANS啦～Tea time 既套餐都唔係好費，$42加一服務費 (即係一共$46)，有野食有野飲，價錢合理。我見到有pizza配蜂蜜就貪得意試下。不過甜既蜂蜜加落一件咸既食物感覺有D怪，而且感覺有D甜到漏，我唔太鍾意。如果D蜂蜜加落茶到我諗會更加好，本身杯薑母茶都幾辣下，如果多D蜂蜜感覺唔錯。另外餐廳入面既冷氣唔太夠，一入去就係咁出汗，搞到一路食一路吹風扇。

呢個第三波疫情，只能去附近d 餐廳食同抖下氣。我通常去呢間吃早餐同下午茶，疫情價，勁平，幾十蚊。呢區冇乜好既coffee shop , 我對飲咖啡有要求，呢間算好好，我飲flat white 同Americano , 唔錯。下午茶個雞翼好食，因為我係長期減肥，通常會問waiter 幫我減薯條。早餐我會單點benedict egg 夾個Americano , 岩岩好，唔會太飽滯。有時會飲個Lime soda , refresh 下，都幾好

When I see your face There's not a thing that I would change 'Cause you're amazing Just the way you are這杯Americano 頗順滑，喝不出苦澀或果酸的味道，就是感覺很平衡的。有時候我們會說：「如果body 厚一點便更好。」或是「如果濃多一些便更合口味。」，但今次真的完全沒有這樣的想法，不是因為非常合口味，只是覺得也不錯了。或者碰巧店內正播著JUST THE WAY YOU ARE😊很多咖啡節目都提過咖啡能給人一個空間，這間Beans雖然位置在商場內，但完全沒有壓迫的氣氛，音樂的選擇應記一功。喝著和諧的咖啡，吃著美味的食物，可以自在的談談工作生活的大小事，已經是很好的時光了。說實話，食物的質素比咖啡更令人驚喜，兩塊吃下去像雞蛋仔的Waffles很鬆軟，焦糖香蕉也做到甜而不膩。

週末時間，找了個朋友食lunch，幸好等候既人不多，只需要等5張台就到我地喇😊Avocado crab meat Benedict班尼迪蛋係外國經典早午餐必備既選項，最吸引之處係佢既牛油果醬加蟹肉。成碟都係綠色💚，一睇就知係健康之選！滿滿既牛油果醬完全遮蓋晒主角😂.....Benedict eggs🥚只要輕輕一刀就把蛋弄破，蛋黃慢慢流出黎，跟清甜既牛油果，配埋底層既英式muffins一齊食，真係好好味，層次亦好豐富，仲有蟹肉既鮮味添！一碟有兩份，加埋1/3碟健康有益既綠色沙律🥗，完全唔驚膩😋餐飲揀左熱檸蜜，精緻既杯色同木匙，很搭吧😉跟餐只要加$25，就可以享用甜餅一件...跟朋友一起試了2款，一淡一濃：Green apple AND Lindt chocolate mousse 🍏青蘋果慕絲，青蘋果醬，入面係柑橘牛油蛋糕，完全係清新既甜點，輕輕既甜帶有小小酸，反而仲開胃😂🍫70%黑朱古力慕絲，朱古力蛋糕，入面仲有脆脆榛子🌰，多重朱古力既層次，非常濃郁，鍾情朱古力既朋友一定會鍾意😋