荳子 (德福廣場1期)

營業中

休息中

一個人的下午茶時光我會選擇嚟九龍灣德福商場呢間荳子～環境舒適、甜品美味～🤤😋☕️👉抹茶流心吐司～吐司外脆內煙韌～口感豐富～必食甜品之一～😍😋🤤👉熱榛子Mocha～榛子香味濃郁～好飲～😍#afternoontea#teatime#coffeetime#Beans#九龍灣美食

今日屋企人生日, 嚟到九龍灣德福廣場揾好嘢食, 經過Beans 有生日優惠, 生日 月份 送一件cake😍, 最後揀咗 呢一間食晚餐, 時間仲早, 六點唔算好多人排隊, 大約十分鐘可以入座, 呢間Beans 裝修優雅舒適, 枱與枱之間有距離， 唔會好擠迫， 服務人員好有禮貌好nice👍， 我哋叫咗個 蟹膏甲羅燒 蟹肉 意粉， 三重芝士通粉， 及幾款甜品蟹膏甲羅燒蟹肉意粉： 意粉入面都好多蟹肉好鮮甜， 另外蟹蓋載住 一團蟹膏， 份量都多 香濃嘅蟹膏味 加上鮮蛋黃，令 味道更上一層次。三重芝士通粉： 芝士味濃，不過 個人覺得太乾， 唔太啱我食😅。呢度嘅甜品真係好出色， 擺盤靚又好味， 套餐加30蚊 可以有一份甜品，抵👍另外生日除咗送蛋糕意外, 仲會送一張手繪生日卡, 有各員工嘅簽名， 我覺得呢樣嘢好窩心 服務好好❤️❤️🫰

嚟到九龍灣即刻諗起Beans😆食過Beans 好幾次一直覺得佢地食物質素穩定✨星期四嘅夜晚都有一條小人龍不過等咗一陣好快就有位😍首先嗌咗杯檸檬蜂蜜👍🏻 基本之後我哋嗌咗呢個原條八爪魚意大利飯八爪魚份量有驚喜😋不過食落去有啲韌🥹蟹膏意大利飯口感軟身食落去有啲甜味另外仲有呢個100日殼飼澳洲肉眼扒我哋叫咗medium rare，熟成度啱啱好，🥩食到肉眼扒面嗰層煎香，內層肉嫩不過較為淡味食完已經出奇地飽咗，未有肚食蛋糕，留返下次🤤今餐性價比唔算好高但勝在都坐得舒服，服務都好好仍然都係我嘅九龍灣穩陣餐廳選擇之一😆

拿拿食評系列 #荳子Beans3D Latte真系好值得！好多Café都有3D Coffee，但定價通常都較高，但Beams既3D Latte唔需要加錢，只需要於落單時同店員講一聲，就可以獲得超可愛既貓貓立體拉花Latte！3D Latte 只限榛子/伯爵茶/玫瑰 Latte，立體拉花只限熱飲~次次經過都見到幾多人排隊，我系星期六既下午2點左右去到，一如概往既多人，大概等左40~45分鐘左右先入到坐~ 店內地方都幾大，佢地可以做到要排隊，就知佢地幾受歡迎！食物方面，我地2個人食，叫左黑松露雜菌意大利飯同埋串燒海蝦龍蝦汁意大利闊條麵，2個都Okay~ 但又未去到會為左啲食物再排隊食Beams lol~ 如果我會再過嚟，一定系因為杯3D Latte，哈哈~Earl Grey Latte伯爵茶拿鐵HK$42Black Truffle Risotto with Mixed Mushroom黑松露雜菌意大利飯HK$118Fettuccine with Grilled Prawn Skewer in Lobster Sauce串燒海蝦龍蝦汁意大利闊條麵HK$138為左佢杯立體咖啡，可以去試下~

又係同朋友係德福搵食既時候。本身係德福選擇唔係好多，自從Simplylife結業之後如果想食西餐都無咩幾多選擇，所以今次我地就揀左Beans，貪佢環境都唔錯，之前試過佢將軍澳分店既都幾好食。分別要左個軟殼蟹意粉同黃金蟹肉意粉。淨係係menu見到呢兩個意粉都掙扎左好耐唔知揀邊個好，落完order已經好期待，一般呢兩個配搭都好難出事果然上到黎個賣相都無令我地失望，睇落好吸引好正。軟殼蟹。上到黎仲係熱辣辣既，配上黑松露意粉，口感好豐富好好味。

今天又去了beans🫘荳子餐廳吃早餐🥗🥙😋餐廳環境舒適寧靜，早餐有多款選擇，我點了煎牛扒炒蛋配蕃茄沙律🥩🥗🥑還有all day Breakfast🍞🥐🥚🧈🥬全日早餐🥧🥗10分豐富，豪華版All Day Breakfast，有窩夫、煙肉、豬肉腸、炒蛋、茄汁豆及野菌，陣容豪華，而當中的窩夫更是鬆軟濕潤，軟綿好吃😋另外香煎薄牛扒，香軟嫩滑，肉質豐富，配以賣相精緻又香噴噴的炒蛋，超級美味😋😉餐廳環境簡約乾淨舒適

'黑松露軟殼蟹意大利粉 - 好香黑松露味，不過入口冇咩黑松露味，得翻D菇味？？但醬汁夠濃既，軟殼蟹亦夠脆。＊蟹膏甲羅燒黃金蟹肉意大利粉 - 蟹膏甲羅燒，不過不失。📍Beans (德福廣場1期)偉業街33號德福廣場1期平台P39A號舖

星期日午餐，以為不會多人但都要排隊，排左25‐30分鐘，店員安排入坐2迅速，服務都周到，態度良好一直會添水。本來想試all day breakfast，見別人枱有點參考過都是算。點了2份意粉，跟餐有免費咖啡和薑母茶，加30元有薯條或蛋糕，薯條現炸，量也多，抵食。人均150，覺得合理價。

朋友好推薦呢閒既甜品，但係唔單單得甜品食，仲有All day breakfast選擇，今次第一次過黎食就叫左朋友推薦既雲尼拿焦糖燉蛋配自家製馬德蓮蛋糕，如果跟餐既話加30，個焦糖燉蛋都好creamy，食落好香蛋香味～面頭嗰層焦糖都好脆，反而個馬德蓮蛋糕就有啲失望，就净係好似朱古力蛋糕；綠茶卷好好食，綠茶味超濃，好綠茶，又夠溼軟，cream又好綿。

tsuen wan 嗰陣已經覺得好ridiculous 唔知啲人喺度排乜queue 好食又稱唔上話佢唔好食又未至於，一直都係維持咁嘅水平不過而家開咁多間分店都水準平穩，值得一讚環境：我坐嗰張櫈明顯見到好多污漬 (見到另一個食評都有講)啲員工好似好攰好唔開心咁，氣氛有啲怪不過哩度個採光幾好，休閒下午茶坐下傾下計唔錯薯條似烘住熱，唔似炸起，皮又少韌，唔算好食酸cream加黑松露解咗少少肥利感 本身係好但係薯條太弱，嘥咗不如轉supplier/ 自製 會加好多分豬太甜，個漢堡冇乜心思，包又唔烘下佢，蕃茄好細個，整體好弱但係你話佢佢又衰唔哂，個薯蓉又整得幾好，又奶又滑唔掂，仲要入面濕，個包外乾內韌，好似食緊隔夜包咁，啲抹茶中中亭亭唔濃唔淡，合乎brand image個底改做即整waffle 或者烘脆嘅danish toast ，會好好多好似周星馳俾張家輝 lam嗰督嘢唔好食，整色整水砌個樣，水果唔係好新鮮

難得lunch time 見到無人排隊去食呢間人氣cafe係九龍灣 好小小嘅西餐唔多$80-100 走唔甩Beans lunch menu 由 $82 起跳 包野飲都係可取之選之一*軟殼蟹黑松露意粉$89上台好香黑松露味但入口無乜黑松露味，係雜菇味，唔係黑松露味，無調過味，因為菇嘅草青味係食得到意粉，無味，係直頭無落鹽去烚意粉個醬汁掛滿每條意粉但係成啖都無味只有草青味個意粉真係少鹽之選，因為一啲咸味都冇要喪加黑胡椒先有小小味，但無鹽真係出哂事個軟殼蟹就夠鹽啦應該係個炸漿有調味有鹽但係得兩細舊，唔夠幫個無咸意粉調味但成碟意粉真係無咸味 無調味 好raw 連埋加一$97嘅意粉無調味真係接受唔到全個lunch 最夠味最好飲係杯檸蜜真係檸檬、蜜糖、水 最直接味道嘅組合

餐廳Menu整得幾靚，好似好吸引，所以就入咗試吓✨✨環境方面二人枱好多都係圓枱，細細張比較似係coffee shop嘅枱多啲所以當我哋啲嘢食嚟到嘅時候其實張枱好迫🤯🤯🤯本身個侍應都有問我哋要唔要碟share啲嘢食，我哋話要但最尾個侍應都冇俾我哋，相信個侍應都明白呢張枱根本擺唔到咁多碟🤷🏻‍♀️✨✨ 服務方面基本上係零服務，要QR code落單，但又要收+1服務連水都要叫咗個侍應兩次先有😟✨✨嘢食方面🔸黑松露軟殼蟹意大利粉意大利粉擺盤幾靚黑松露醬汁整得好濃，有唔少蘑菇，意粉份量都幾多不過配上軟殼蟹就成件事夾夾不入🫢軟殼蟹都比較細隻，厚粉😢🔸薯條配黑松露醬我哋加咗$30加配咗呢個小食薯條炸得好脆，黑松露醬都幾香😀🔸忌廉周打蜆海鮮飯海鮮方面有海蝦🦐，蜆肉，帆立貝海鮮食得出係急凍海鮮，欠缺鮮味忌廉周打蜆汁都冇乜海鮮味整體Risotto平平無奇🙈🔸 Creme brulee加配$30有法式焦糖燉蛋甜品擺盤係靚嘅面頭焦糖香脆燉蛋質地整得好細滑，有蛋香，甜度適中👍🏻 總括:嘢食唔錯不過都有改善嘅地方但係服務同環境就唔得整體用餐體驗不太好😟😟

九龍灣人氣cafe 意粉不過不失呢日放工約咗朋友九龍灣聚一聚，就揀咗呢間cafe chill一chill☺️。我哋叫咗紅酒燉牛面頰意大利飯同黑松露軟殼蟹意大利飯，意粉方面，麵質正常發揮😌，軟硬適中，口感煙韌，醬汁都夠濃郁，但牛面頰就略嫌煮到有啲乾，肉質有少少鞋🤏。至於意大利飯就有啲驚喜，軟殼蟹算脆，黑松露配意大利飯無得輸🤩，飯唔會軟爛，又唔會太硬，係唔錯嘅選擇👍！

收工之後同🐻仔去咗荳子Cafe到食晚餐，都要排隊等咗一陣先有位，不過店員態度都好好😌。係入餐廳嘅時候，都要搓佢哋自己嘅酒精搓手液，有5款香味比食客選擇。-🍴黑松露軟殼蟹意大利粉🍝($132)基本上每次嚟都會叫依個意粉，用咗唔少菌類同洋蔥絲🧅去做個底，加埋黑松露醬，真係好香🤤！意粉口感啱啱好，軟硬適中！軟殼蟹🦀雖然都偏細隻，不過有兩隻，炸得好香口！-🍴千島醬蟹棒蟹籽帆立貝薄餅🍕($118)薄餅睇得出係啱啱焗起，啲芝士🧀仲好拉絲，食落千島醬都少少甜甜哋，薄餅面頭都有唔少配料，係視覺加味覺雙重享受😋！-🍴黑松露蛋黃醬薯條🍟(+$30)黑松露味好香🤩！薯條數量都幾多，係偏向粗身嘅薯條，外皮同頭尾會炸到脆卜卜，不過中間仲有啲肉可以食吓！-🍴檸檬蜂蜜(凍)(跟餐)🍋

朋友通知我這間甜品店不錯，假期經過看到不用排隊，於是我和老公進去打算吃甜品作下午茶。當天我們點了一個栗子撻和一個紫薯撻。另外我還點了一杯芭樂百香果炭燒烏龍茶加蘆薈。飲品不錯，我點了少甜，因為我不喜歡太甜的口味，味道不錯。至於甜品，栗子撻是我的最愛，做得也不錯。對於紫薯撻，我覺得沒有太大驚喜，而老公則說不差。食物其實沒問題，只是員工態度不是很好，我進去時像趕客一樣，（乜呀？ 我唔明你講乜) 真的很沒禮貌，這一方面絕對需要改善。