荳子冰室 (上水中心)

營業中

休息中

現在der冰室多元化，新派融入舊派美食，帶來新的衝擊感😎。這次去了家有仙氣菠蘿包的冰室，在上水中心！吃得到香港冰室風味，環境是新派裝環境舒適，牆上有一幅懷舊中式畫。食物選擇多元化，食物價格不貴。-▪︎伯爵奶茶｜熱鴛鴦 +HKD$2隨餐加購飲品只要HKD$2，去茶冰室當然要點咖啡或奶茶😍。伯爵奶茶口感較特別，多了伯爵茶的清香味，茶味甘香濃郁口感順滑。熱鴛鴦口感較豐富，味道也很濃郁☺️。-▪︎蛋撻 HKD$6/件港式冰室經典美食，當然不少得蛋撻啦😆。蛋撻有酥皮和曲奇皮，曲奇皮der蛋撻很喜歡吃。撻皮鬆化的口感，蛋味香濃也有牛油香味，配杯香滑奶茶絕了！-▪︎菠蘿油 HKD$32這個是麵包餐價格，還有飲品附送。菠蘿油吃出儀式感📸，一陣子仙氣是存放牛油der器皿，牛油大片很厚欵😙。熱辣辣吃的菠蘿油口感酥脆，配牛油吃難以抗拒的組合，真的喜歡吃💕。-▪︎椒鹽魷魚鬚 +HKD$28午餐加小吃也有一大碟😆，這個份量算是多的，肉質鮮嫰爽脆。簡單用椒鹽調味，提升了魷魚鬚的鮮味，感覺味道可以的。-▪︎咖喱雞扒飯 HKD$67｜黑椒牛柳絲炒意粉 HKD$64冰室的主食挺大份的，女生吃點少飯就對了😏。咖喱濃郁惹味，雞扒有皮脆

今日工作前黎到上水搵野食，見到beans開左既冰室一路都冇試過，今日就黎食下。叫左一份紐西蘭牛柳餐拼薯菜，額外加左一份菜心苗。牛扒質素唔算太差，以豉油西餐黎講唔會太重肉鬆味。醬汁叫左紅酒燒汁，唔會太杰。環境亦唔錯

家住上水幾十年，第一次幫襯呢間荳子。本身兩公婆極喜愛食牛脷，經朋友推介，話佢嘅焗鮮茄牛脷飯，極啱我，重要係厚切，大大塊，四塊。中午12:15左右進入點餐，兩個都係焗牛脷，一個意粉，一個飯，兩杯凍檸茶少甜。呢度有手機點餐，因為需要焗香啲，我選擇叫個女仔過嚟用手寫落單，佢正常照寫，但轉頭番嚟話冇得焗香啲，怕會焗燶。咁我話冇所謂，好快，兩杯凍檸茶嚟喇，篤完啲檸檬一飲，覺得好怪，開頭我懷疑啲檸檬隔夜，咁我咪攞塊檸檬出嚟試吓，但係正常嘅，後來飲下啲茶，原來係啲茶有問題。咁咪叫左女仔埋嚟同佢講:”你哋呢兩杯檸檬茶好似有啲問題，可唔可以換過其他俾我”，當時佢話好，仲問我想換啲咩，我話兩杯凍奶茶多奶。跟住佢攞走嗰兩杯野。過左一陣，有個身穿白色外套，外形徧瘦嘅中年男人，拎番嗰兩杯凍檸茶番嚟，話佢哋啲凍檸茶係咁，冇得換。我見係咁，算啦，咪叫佢擺低，心諗，以後請我都唔會嚟。但而家食嘢點可以冇水濕下口吖，過咗兩分鐘左右，咁啱又叫翻同一個男人，叫佢要兩杯水。佢攞左兩杯水嚟到，我見張枱細，咪叫佢攞走嗰兩杯凍檸茶，跟住仲話，我換一杯俾你啦！嗰時我聽到，火先嚟，我話”唔使喇！準備上網睇嘢啦！”跟住好快食完就走。補充講

平時好少去上水😂有日同朋友經過見到好似幾多人食，咁啱又口痕想食下午茶～於是加上好奇心驅使就走咗入去🤫。雪糕粒粒西多士（$45）呢個價錢係連埋飲品，我覺得都算抵食～西多士都俾得好有誠意，一粒粒咁睇落好可愛！入面夾咗滿滿嘅花生醬，好香，但都幾邪惡㗎😈而且仲配朱古力醬，不過份量就唔係幾夠，沾咗幾嚿之後已經冇晒朱古力醬～西多士份量都唔少，一個人食嘅話都好飽，但整體表現亦都唔係特別出色～雪糕食落就係正常大牌子嘅感覺😂非常符合預期啦，不過佢哋應該加咗液態氮（？）做到有煙霧效果，睇落去upgrade咗好多🤣冰室見到呢啲效果絕對加分啦！

將軍澳荳子冰室就成日食，上水分店都係第一次食。同朋友每人叫咗一個早餐，我例牌食黑松露炒蛋，黑松露味濃郁，炒蛋都好滑，最鍾意佢哋個多士唔係普通麵包，特別鬆脆。網上見到話服務態度好差，我就覺得一般啦，當然沒有五星級酒店嘅水準😅

本身無諗住打食評，但真係成肚氣，睇返先發覺原來好多人都有類似經歷。之前都幫襯過外賣，覺得質素都正常，今次同屋企人諗住經過食tea ，個經理同員工要我地排隊，入面其實好多吉位，跟住安排我地同另一個人搭枱坐，我地都好有禮貌問可唔可以轉第二張，有其他吉位，個經理係態度極惡劣，直接話未執枱，你出去再排過啦。本身我坐低返，但諗諗下其實講真佢餐廳質素未去到好食到要咁樣受氣，所以決定離開唔食，或者餐廳真係唔志在，但經過呢次我唔會再幫襯，好好同我地講都無咁難受，唔需要喝人趕客咁，咁做生意，令人食飯都食得唔安樂唔舒服，唔想返轉頭再食。

難受要食個早餐都受氣。本身係長期客人，幫襯過好多次。今次食，蕃茄午餐肉通粉，凍奶茶 $46。平平無奇，但份量大算抵食，亦幫襯過好多次。蕃茄切件，有蕃茄味，午餐肉切粒成正方形。但都受過幾次manager的氣，不會再幫襯。不止我，其他客人都要睇她面色，令人驚訝。員工服務態度非常差，會大聲喝斥客人。通道中間同其他員工吹水，阻礙通道。其他客人都要等他們吹水後，讓反條通道先過。食物平平穩穩但貼錢買難受，不了。

最近試荳子冰室，上水分店長期都要排隊。今次叫咗佢哋嘅焗豬扒飯。不過，當飯上菜既時候，成個飯都被茄汁淹沒咗，我淨係食到茄膏味，係有啲失望。#食完都仲有咁多汁剩低呢間餐廳嘅枱好細，好迫，連食物都放唔哂，令用餐嘅感覺唔係太好。因為想有位放野食，d野要清得好俾，成餐飯都好似有啲匆忙嘅感覺。總括而言，荳子冰室嘅焗豬扒飯唔係太出色，加上用餐嘅體驗唔係太好，所以如果你想搵一個舒服啲嘅餐廳食飯，呢度可能唔係太啱你，但係見佢仲有其他選擇，下次都要再試一試

【北區】【荳子冰室】今日係 22/8，係一位好特別嘅朋友嘅生日，所以我都要去一間特別啲嘅餐廳食。咁呢間餐廳並唔係有啲咩回憶，而係佢咁啱喺上水，所以一直都好想試。之但係佢一直都勁受歡迎，次次經過都勁多人排隊，所以係嚇怕咗嘅。不過嚟到呢一日，我覺得我點都要食喇，下午四點左右過到去係唔使等位嘅，直接入去坐低用 QR code 叫嘢食。唔好諗喇，先試佢嘅冰室常餐先。主食都係嗰啲配搭，薑絲鮮牛肉好似其他地方都有，叫個再特別啲嘅。最後我係要「照燒魷魚鬚撈公仔麵」，仲有得揀硬度，我要「淋啲」，味道都唔錯，好快食晒。配菜我加 $5 要「蜜糖叉燒餐包」，常餐有得食佢係幾特別，味道都唔錯。反而個「煙肉磨菇奄列」略顯平庸，唔算特別好食咁。飲品我加 $9 要「雪糕紅豆冰」少冰，我一向唔太飲呢樣嘢，純粹為個特色而飲，正常啦。加 $15 要埋個甜品「花奶芒果布甸」，可以即上或者聯絡侍應叫起，我梗係叫佢食完先上菜。味道都 okay，裡面仲有粒粒芒果肉添。最後想食多少少，西多係粒粒西多打咗折扣，同菠蘿油一樣都係 sell 個乾冰噴煙效果，我見啲嘢都係麻麻。不如叫啲包點食吓，「蛋撻」係曲奇皮，賣 $6 質素只屬正常。而

早上七點幾嚟到揾早餐食，荳子算開得早，而且都唔少人幫襯，所以就一試。早餐可以多士加錢轉其他麵包/蛋撻，早餐份量好足，性價比都可以，唯一覺得個蛋撻比較差，一來係曲奇皮，比較飽滯，皮幾易碎同蛋味較少。朋友嘅差燒餐包亦表示麻麻，下次再食未必再轉包😅

荳子嘅包一直都好好味👍🏻❤️❤️今日第一次去堂食早餐，我地2位，但我朋友未到，我入去坐住等☺️☺️安排左卡位，坐係坐得舒服嘅！佢地係scan code 落order，我落完野食，有員工過嚟收餐牌，我同佢講，我朋友未到，佢直接掉返個餐牌係枱，態度真係唔太好！希望有待改善！食物方面黑松露炒滑蛋🌞🌞🌞🌞滑蛋都幾滑，唔會太老，上面有少少黑松露醬，都好好食！如果係散嘅黑松路粉會更好！🤗🤗丹麥多士🌞🌞🌞多士都外脆內軟，有少少牛油係面，可以薑絲鮮牛肉銀針粉🌞🌞🌞薑味濃，有好多薑絲係湯入面，牛肉都可以，唔太靭，不過就無咩牛味！熱杏霜🌞🌞好淡，可以濃d

今次已經係第二次嚟荳子冰室啦，不過都同一樣食咗佢嘅傳統菠蘿油！菠蘿油出場係好浮誇嘅，因為佢嘅牛油係冰鎮，然後有好多煙噴出嚟。📍傳統菠蘿油($32) 超好味，一定要叫，外面好趣夾住塊牛油真係好正！📍馬交豬扒包配薯條 ($43) 佢嘅豬扒係真係好好食，而且唔會好韌咬唔到，而且薯條唔係嗰啲淋晒一pat pat嗰啲📍吉列豬扒配沙律 ($43) 吉列豬扒唔會有好多根同肥膏，咬落去又脆好好味，以前食呢啲沙律我都會食唔晒，今次我真係食咗好多水果沙律🥗。📍布甸🍮$15 叫下午茶係可以加錢要一個花籃芒果布甸嘅，咁呢個就正正常常啦

同女朋友趕個飛機前想食啲港式嘢，結果搵到荳子冰室，因為無人等位等咗一陣就有位，入到去個位勁窄，隔離位放衫都有啲踴到過嚟我哋個位度，但都勉強坐低先，睇完餐牌選咗三個餐，叫侍應過嚟點餐就叫我掃QR code落單，Okay，就掃，但掃之前見旁邊卡位有位，就要求轉枱，始終張枱太窄放唔到三個餐，侍應表示要我出門口重新排隊，咁我哋就出去，只係咁嘅服務態度真心唔掂，想簡單食個茶記真心不推薦呢間，除非呢間餐廳有你情有獨鍾嘅食物

🎈食物：🌕🌕🌕🌕🌖叫左個雪菜肉絲米粉食，好食😋，跟左個黑松露炒蛋，好有黑松露味道，跟左個丹麥包，好香，飲左熱菜蜜，整體都好好食😋😋😋🎈環境：🌕🌕🌕🌕🌑現場都好乾淨，坐得都c服，有位擺袋😁😁😁🎈服務：🌕🌕🌕🌕🌗自助掃qr code 落單，上菜速度超快，即叫即食咁濟😁😁😁🎈回購：🌕🌕🌕🌕🌕一定會，下次想試其他包，見好多人有加錢食叉燒包，想try try😆😆😆

去新地方工作前，在附近找個地方食早餐。 喺火車站一出有個商場， 朝早時間開門營業的餐廳不多， 看見這間餐廳正在營業便勇往直前。 點了一個沙爹牛肉，特別之處是有得改為銀針粉， 當中有一塊丹麥多士，可以再加蘑菇煙肉奄列或者黑松露炒蛋。 沙爹牛肉銀針粉，沙嗲味道頗好，沒有死鹹，但沙嗲味可以更濃。 丹麥多士就是牛油多士的進化版，只是比較鬆軟。 蘑菇煙肉奄列對於我這個愛好蘑菇的人來說，蘑菇有點偏少。茶走確實是好飲的。